<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ارناۋلى تاقىرىپ>>ۇلتتار ىنتىماعىنىڭ بەرەكەلى شاڭىراعى

جوق − جىتىكتەردىڭ مەيىربان اناسى − گۇلنۇر

كەلۋ قاينارى : شينجياڭ گازەتى سايتى

 

بۇلبۇل احىمەت قىزى

 

 ءيا، «جاقسىنىڭ جاقسىلىعىن ايت نۇرى تاسىسىن» دەمەكشى، بويىندا ادامدىعى دا، ادالدىعى دا، قايىرىمدىلىعى دا قاتار جۇرەتىن قازاقتىڭ كورگەندى قىزدارى قوعامنىڭ ءارقايسى سالاسىندا ءوز مىندەتتەرىن وتەپ جاتقانى بارشاعا ءمالىم. مىنە بۇگىن سولاردىڭ ءبىرى قابا اۋداندىق قوعام حاۋىپسىزدىگى مەكەمەسىنىڭ كادرى، التاي ايماقتىق ۇلتتار ىنتىماعىنىڭ ۇلگىسى، ءمورال ۇلگىسى، ەڭ كورىكتى وتباسى، مەيربان انالار قوعامىنىڭ مۇشەسى گۇلنۇر مۇقامەت قىزىنىڭ جوق - جىتىككە مەيىربان انا بولىپ عانا قالماستان، التىن جاتسا دا كوز قىرىن سالمايتىن اسىل قاسيەتىن تىلگە تيەك ەتپەكپىز.

  ءوزىنىڭ قايىرىمدىلىق، ادامگەرشىلىگىمەن تۋىسقان ۇلتتاردىڭ جان اشىر - جاقىنىنا اينالعان زەرەك ويلى، قاعىلەز گۇلنۇردىڭ ما لينانى قالاي باعىپ العانىن جانە قازىرگە دەيىن قانشاما جاندارعا كومەكتەسىپ، حالىق جۇرەگىندە جۇرگەن ىزگى ىستەرىن، ءوز اۋىزىنان ەمەس، ەل اۋىزىنان ەستىپ، تە، ءوز كوزىمىزبەن كورىپ تە ءجۇرمىز.

  مەن بىرنەشە كۇننىڭ الدىندا، تۋىسىمنىڭ كوڭىلىن سۇراي اۋداندىق شيپاحاناعا بارعانىمدا، گۇلنۇر ءبىر حانزۋ كاريانى جەتەلەپ، شيپاگەرگە تەكسەرتىپ جاتقانىن كوزىم كوردى، سوسىن گۇلنۇردان: بۇل كسى كىم بولدى؟ - دەپ سۇراعانىمدا، ول: حانزۋ اجەي، ياعني ما لينانىڭ اجەسى. ما لينانىڭ اتاسى قايتىس بولعانىنا جىلعا دا تولمادى، بۇل كىسىلەردىڭ باسقا جان اشىر - جاقىندارى جوق ەكەن، سوسىن كوپتەگەن قيىنشىلىقتارىنا مەن كومەكتەسىپ، قارايلاسىپ كەلەمىن، بۇگىن اجەي سىرقاتتانىپ قالدىم دەپ ماعان تەلەفون شالىپتى، ءوزىم 24 ساعاتتىق كەزەكشىلىكتەن تاڭەرتەڭ تۇسكەم، جارتى كۇندىك دەمالىسىمدا، ول كىسىنى شيپاگەرگە تەكسەرتىپ الايىنشى دەپ كەلگەن ەدىم، - دەدى. ال، «ما لينا» دەپ وتىرعانىمىز گۇلنۇردىڭ 8 جىلدىڭ الدىندا باعىپ العان حانزۋ بالاسى «نانا» ەدى.

  8 جىلدىڭ الدى، تۇستەن كەيىنگى قىزمەتتەن تۇسەتىن اپاق - ساپاق مەزگىل بولاتىن، گۇلنۇر كاسىپتەستەرىمەن بىرگە كۇندەلىكتى قىزمەتتىڭ كۇيبەڭىمەن بولىپ جاتادى، ءدال سول كەزدە اشىق تۇرعان ەسىكتەن كوز جاسى سورا - سورا بولىپ، شاشى دۋدىراعان، كيىمى توزىڭقى 2 جاستار شاماسىنداعى كىشكەنتاي قىز بالانى جەتەلەپ ءبىر بەيتانىس ادام كىرىپ كەلەدى، ۇعىسا كەلە بۇل قايىرىمدى ادام بالانى كوشەدە بوتاداي بوزداپ قاڭعىپ جۇرگەن جەرىنەن تاۋىپ الىپتى، سول ماڭنان بالانىڭ جاقىندارى شىقپاعاندىقتان، اماندىق قورعاۋ بولىمىنە تاپسىرىپ بەرۋگە ارنايى بۇرىلىپتى. سونىمەن قاتىستى راسمياتتارىن وتەگەن الگى قايىرىمدى جان جولىنا تۇسەدى. جىلاي - جىلاي دىڭكەسى قاتقان بالانى گۇلنۇر قولىنان جەتەلەپ، بەتى - قولىن جۋىپ، شاشىن تاراپ، الدىنا الىپ، قايناعان سۋ بەرىپ ۋاتادى. كۇنى كەشكە دەيىن قاڭعىپ جۇرگەن ءسابي مىناۋ جىلى ءجۇزدى جاننىڭ وزىنە دەگەن مەيىرىن سەزىپ ءسال دە بولسا ۋانعانداي بولادى. اماندىق قورعاۋ ءبولىمىنىڭ قىزمەتكەرلەرى تەكسەرە كەلە، بۇل بالانىڭ حانزۋ بالا ەكەنىن، اكە - شەشەسىنىڭ ءدام - تۇزدارى جاراسپاي ءبىر جىلدىڭ الدىندا ءوز - ءوز جايلارىنا كەتىپ، ءسابيدىڭ اتاسى مەن اجەسىنىڭ قولىندا تۇراتىنى انىقتالادى.

  العاش كەڭسەگە كەلگەندە جان - جاعىنا جاپاقتاپ بۇتاعا قورعالاعان تورعايداي كوزى جاۋدىراپ تارتىنىپ ەدى، بارا - بارا بۇل ورتاعا ۇيىرلەسكەن كىناسىز ءسابي شارشاعان بولار، گۇلنۇردىڭ كەۋدەسىنە باسىن سۇيەپ بۇرىسكەن قالپى بۇيىعىپ ۇيقىعا كەتەدى. گۇلنۇر ءوزىن پانا تۇتىپ قۇشاعىندا ۇيقىعا كەتكەن ءسابيدىڭ ءتاتتى ۇيقىسىن قيماي باۋىرىنا باسادى، ءسابيدىڭ ءۇيىنىڭ ادرەسى انىقتالعان سوڭ بارىپ، گۇلنۇر ۇيقىداعى ءسابيدى وياتىپ، ءبىرقانشا قىزمەتتەستەرىمەن بىرگە ىزدەپ بارىپ، ونى اتاسى مەن اجەسىنە تابىستايدى. ال، ما اتاي مەن ليۋ اجەي جەتپىستى جەلكەلەگەن قارتتار ەكەن دە، دەنساۋلىقتارى دا جاقسى ەمەس كورىنەدى، ولار قاپىدا نەمەرەلەرىنەن ايىرىلىپ قالىپ، قايتەرىن بىلمەي داعدارىپ وتىرعان ەكەن. جوعالعان نەمەرەسىن تاۋىپ اكەلىپ تابىستاعان اماندىق قورعاۋ ساقشىلارىنا اعىنان اقتارىلىپ راقىمەتىن ايتادى. اتا - انا مەيىرىن كورمەي جاپاقتاپ وسكەن كىشكەنتاي ءسابي مانادان گۇلنۇردىڭ قۇشاعىنان جۇرەگى ءبىر ءتۇرلى مەيىرىمدىلىكتى سەزىنىپ، وعان، باۋىر باسا تۇسەدى، بالكىم، جاستايىنان اكە - شەشەسىنەن ايىرىلىپ ءتىرى جەتىمگە اينالعان كىناسىز ءسابي اكەنىڭ مەيىرى مەن انانىڭ ىستىق قۇشاعىن ساعىنعان شىعار.

  كىشكەنتاي ءسابي اماندىق قورعاۋ ساقشىلارى كەتەردە گۇلنۇردىڭ ەتەگىنە جابىسىپ، شەشەلەپ ايىرىلمايدى. مىناۋ ءسابيدىڭ توسىن ارەكەتى گۇلنۇردىڭ جۇرەگىن سىزداتىپ، اياۋشىلىق سەزىمىن قوزعايدى، سونىمەن قايتا قايىرىلىپ ءسابيدى قۇشاعىنا الىپ تاعى دا ءبىراز ۋاقىت ايالدايدى ءارى وعان بۇدان كەيىن كەلىپ تۇرۋعا ۋادە بەرەدى.

  گۇلنۇر ايتقانىندا تۇردى، سودان باستاپ بوس ۋاقىتى شىعا قالسا بولعانى ەكى كاريانىڭ وتباسىنا كەلىپ ءسابيدىڭ جاعدايىن ۇعىسىپ، وعان كيىم - كەشەك، ءتاتتى - ءدامدى جەمەكتىكتەر اكەلىپ بەرەدى. گۇلنۇر كەلگەن سايىن ءسابي توبەسى كوككە جەتكەندەي قۋانىپ، شەشەلەپ الدىنان جۇگىرەتىن، ءتىپتى تۋعان شەشەسىندەي باۋىر باسىپ، ول كەتەرىندە جىلاپ - ەڭىرەپ ازەر ايىرىلاتىن بولدى.

  گۇلنۇر تەك ءسابي بالانى عانا جارىلقاپ قالعان جوق. ەكى قارتتىڭ جاسى ەگدەلەگەن، ونىڭ ۇستىنە اۋرۋ - سىرقاۋ بولعاندىقتان، قاتتى قايىرىم جۇمىسقا شامالارى كەلمەيتىنىن بايقاپ، ولارعا دا قولعابىسىن تيگىزىپ، ەسىك الدىنداعى باقشاسىن قاشاپ، سۋارىپ دەگەندەي ازاماتتىق تانىتادى. سەنبى، جەكسەنبى كۇندەرى نانانى ارناۋلى كەلىپ ەرتىپ الىپ ۇيىنە اپارىپ جۋىندىرىپ، جىلى - جۇمىساق تاماق ىستەپ بەرەدى، بۇنىڭ بۇل قايىرىمدىلىق ارەكەتىن قابا اۋداندىق قوعام حاۋىپسىزدىگى مەكەمەسىندە ىستەيتىن جۇبايى سەرجان دا بار پەيىلىمەن قولدايدى ءارى ناناعا «ءمارينا» دەپ ات قويادى.

  2015 - جىلى 8 - ايدىڭ 25 - كۇنى، كوشەدە شارلاۋ جۇرگىزىپ جۇرگەن گۇلنۇرعا نانانىڭ اتاسى نانانىڭ مەكتەپتەن تاراپ كەلمەگەنىن ايتىپ تەلەفون سوعادى. مۇنى ەستىگەن گۇلنۇر تەلەفوندى جابۋعا دا ۇلگىرمەستەن بالاسىن ىزدەۋگە شىعادى، الايدا جان - جاققا جۇگىرىپ ىزدەسە دە تابىلمايدى، سوڭىندا، كوپشىلىكتىڭ كومەكتەسۋىندە نانانى بالاباقشاسىنداعى دوستارىنىڭ ۇيىندە ويناپ جۇرگەن جەرىنەن تاۋىپ الادى. تاعى ءبىر جولى نانانىڭ قىزۋى ورلەپ، جەكە شيپاحانادا ۋكول قويدىرىپ وتىرعانىن ەستىگەن گۇلنۇر ءوزى قويدىرىپ وتىرعان ۋكولىنە قاراماستان نانانىڭ قاسىنا بارىپ، نانانىڭ اتاسى مەن اجەسىنەن ناناعا 3 كۇن بويى ۋكول قويدىرسا دا ساۋىقپاعانىن ەستىپ، دەرەۋ ماشينا مايلاپ، ءوز قالتاسىنان 2000 يۋان اقشا شىعارىپ، اۋداندىق شيپاحاناعا اپارىپ ەمدەتەدى.

  2016 - جىلى 9 - ايدىڭ 10 - كۇنى گۇلنۇر ءوت قالتاسى قابىنىپ شيپاحاناعا جاتىپ قالادى دا نانانى مەكتەپتەن تاراعاندا الاتىن ۋاقىتى شىقپايدى، شەشەسىنىڭ شيپاحاناعا جاتىپ قالعانىن بىلمەگەن نانا ىشتەي شەشەم ماعان قارامايتىن بولدى دەپ ويلايدى. الايدا، شەشەسىنىڭ جاعدايىن بىلگەن نانا شيپاحاناعا بارىپ شەشەسىنە قارايلاسىپ، شەشەسىنە كوڭىلدىلىك اكەلەدى.

  نانا سەنبى كۇنى بولعاندا، اكە - شەشەم قاي ۋاقىتتا كەلەدى دەپ قاقپا جاققا قاراپ جاپاقتايتىن، گۇلنۇر مەن سەرجاننىڭ قايسىسىنىڭ قولى بۇرىن بوساسا نانانى سول بارىپ اتا - اجەسىنىڭ ۇيىنەن ءوز وتباسىلارىنا الىپ كەلىپ، ەكەۋى ەكى جاقتاپ وعان جازۋ جازۋدى، قازاقشا سويلەۋدى ۇيرەتەدى.

  «انا ءبىر قولىمەن بەسىكتى، ءبىر قولىمەن الەمدى تەربەتەدى» دەگەندەي، انا بولعان گۇلنۇر نانامەن ەشقانداي قانداستىق قاتىناسى بولماسادا، ناناعا سۋ بولىپ ءشولىن قاندىرىپ، تاۋ بولىپ توبەسىنە كوتەرىپ، گۇل بولىپ قۇشاعىن تولتىرىپ، بار مەيىر شۋاعىن توگىپ كەلەدى. «ادام كوڭىلدەن سەمىرەدى» دەگەن راس ەكەن، بۇل كۇندە كىشكەنتاي نانا اكە - شەشە مەيىرىنە بولەنىپ، گۇلدەي جايناپ اقاۋسىز ءوسىپ كەلەدى.

  قايسى ءبىر جىلى گۇلنۇر ءبىر دۇكەننەن كەرەك - جاراق العالى بارعان كەزدە، دۇكەننىڭ ەسىگىنە ءىلىپ قويىپ ۇمىت قالعان سومكەنى تاۋىپ الادى، ول ماڭنان يەسى شىقپاعان سوڭ، كىناشقالارى بار ما دەپ سومكەنىڭ اۋزىن اشقاندا، ىشىندە قوماقتى قارجى بار ەكەنىن بايقايدى، كاسىپتىك ەرەكشەلىگى بويىنشا باسقا داۋكىمەتتەرىن ىزدەپ سومكەنىڭ جان قالتاسىنان ازاماتتىق كۋالىگىن تاۋىپ الادى دا، سول ارقىلى دۇكەن قوجايىنىنىڭ سومكەسى ەكەندىگىن ىزدەپ تاۋىپ، جوعالعان دۇنيەسىن وزىنە تابىستايدى. سومكەنىڭ ىشىندە 30 نەشە مىڭ يۋان ناق اقشا بار ەكەن، دۇكەن يەسى گۇلنۇرعا اعىنان اقتارىلا راقىمەتىن ايتادى. بۇنداي ونەگەلى ىستەر گۇلنۇردىڭ باسىنان كوپتەپ تابىلادى.

  قىسقاسى گۇلنۇر قوعام حاۋىپسىزدىگى سالاسىندا ىستەگەن 10 جىلدان بەرى، ءوز كاسىبىن قىزۋ ءسۇيىپ، ءار ۇلت قىزمەتتەستەرىمەن بەرەكەلى بولىپ، ۇيىم جۇكتەگەن ءتۇرلى مىندەتتەردى ابىرويمەن ورىنداپ كەلە جاتقان تولىمدى حالىق ساقشىسى. بۇگىنگى مىناۋ شينجياڭدى زاڭمەن جونگە سالۋ، ۇلتتار ىنتىماعىن نىعايتۋ قيمىلى ورلەۋگە كوتەرىلگەن كەزدە، ونىڭ جوعارىداعى ونەگەلى ىستەرى ءار ۇلت حالقىنىڭ ۇيرەنۋىنە تاتيدى دەپ سەنەمىز. حالىقتىڭ قالاۋلى ساقشىسى، قازاقتىڭ قايىرىمدى قىزى، جوق - جىتىكتىڭ مەيىربان اناسى، الداعى ارماندارىڭ ارايلى بولىپ، مىناۋ قاسيەتتى وتان توپىراعىنا ۇلتتاردىڭ ۇلى ىنتىماعىنىڭ تىڭ داستاندارىن جازىپ، بيىكتەردەن كورىنە بەرگەيسىڭ !

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ