<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ارناۋلى تاقىرىپ>>ۇعىسۋ، تيىمدىلىك جاساۋ، توعىستىرۋ

يگى ءىس، ناقتى ءىس ىستەپ، جۇرت كوڭىلىنەن شىقتى

 

تىلشىلەرىمىز حان لياڭ، تاڭ يۇڭ

كەلۋ قاينارى : شينجياڭ گازەتىنەن

 4 - ايدىڭ 14 - كۇنى، يوپۇرعى اۋدانى يوپۇرعى اۋىلى جوعارعى تەگىن قىستاعى دۋمانعا بولەندى، قىستاق تۇرعىندارىنىڭ جۇزدەرىنەن شالقىعان شاتتىق كۇلكىسى ەستى. وسى كۇنى، اۆتونوميالى رايوندىق قاتىناس مەڭگەرمەسىنىڭ قىستاقتا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى 120 مىڭ يۋان قارجى توپتاپ سالدىرعان 176 شارشى مەترلىك 8 ساۋدا دۇكەنى رەسمي جۇمىس باستادى. بۇل ساۋدا دۇكەندەرى ەلەكتروندى ساۋدادا قىزمەت وتەۋ ورنى، حالىققا قولايلى ەرەن بازار، اۋىل شارۋاشىلىق ءوندىرىس جابدىقتارىن ساتۋ دۇكەنى، كيىم - كەشەك دۇكەنى قاتارلىلاردى قامتيدى، بۇل دۇكەندەردىڭ قوجاسى سول قىستاقتاعى كەدەي وتباسىلارى بولدى.

  «قىزمەت اترەتى بىزگە قىستاقتان شىقپاي - اق اقشا تاباتىن وراي جاراتىپ بەردى. مەن، ءسوزسىز، قۇلشىنا ىستەپ، كەدەيلىكتەن ەرتەرەك قۇتىلامىن»، - دەدى ەلەكتروندى ساۋدادا قىزمەت وتەۋ ورنىنىڭ جاۋاپتىسى حانقىز قاۋىل. حانقىزدىڭ وتباسىندا 3 جان بار، نەگىزگى كىرىس 4 مۋ ەگىستىك جەردەن كەلەدى، تۇرمىسى كەدەيلىكتە ءوتىپ كەلەدى. قىزمەت اترەتىنىڭ كومەگىندە، حانقىز اۋدانداعى ەلەكتروندى ساۋدادا قىزمەت وتەۋ كۋرسىنا قاتىناستى، قىستاققا قايتىپ كەلگەننەن كەيىن ەلەكتروندى ساۋدادا قىزمەت وتەۋ ورنىن اشىپ، تەز جولدامالاردى ۋاكىلاتان تاپسىرىپ الۋ، ۋاكىلاتان جولداۋمەن شۇعىلداندى، سونداي - اق ءىشىنارا تۇرمىستىق بۇيىمدارىن ساۋدالادى، ول بۇدان بىلايعى تۇرمىسىنا زور سەنىممەن قاراپ وتىر.

  قىزمەت اترەتى كاسىپتەنۋ جانە كاسىپ كوزىن اشۋدى ارمانداعان اۋىلداستاردى اۋداندا تاربيەلەۋدەن سىرت، قىستاق تۇرعىندار كوميتەتىنەن ديقاندار كەشكى مەكتەبىن اشىپ، مەملەكەت ساياساتى، زاڭ - ەرەجە تۇزىمدەرى، مەملەكەتتە ءبىر تۇتاس قولدانىلاتىن ءتىل - جازۋ، اۋىل - قىستاقتا قولدانىلاتىن تەحنيكا، سىرتقا شىعىپ جۇمىس ىستەۋدە قولدانىلاتىن تەحنيكا سياقتى جاقتاردان ارناۋلى تاربيە جۇرگىزىپ، قازىرگە دەيىن تاربيەلەگەن ادام سانى 5000 ادام - رەتكە جەتتى.

  قىزمەت اترەتى ءوز ابزالدىلىعىنان پايدالانىپ، قارجىنى سايكەستىرە وتىرىپ 21 كيلومەترلىك قىستاق جولىن سالىپ، اۋىل - قىستاق ونىمدەرىنىڭ سىرتقا تاسىمالدانۋىنا، قىستاق تۇرعىندارىنىڭ قاتىناسىنا قولايلىلىق جاسادى. «بۇرىن قىستاق جولى ناشار ەدى. جاۋىن - شاشىندى كۇندەرى بالشىققا بەلشەمىزدەن باتىپ قينالۋشى ەدىك، قازىر تەپ - تەگىس اسفالت جول توسەلىپ، قاتىناس وتە قولايلى بولدى»، - دەيدى قىستاق تۇرعىنى قۇربان وسپان قۋانا.

  نەشە كۇننەن بەرى كەدەي شارۋا نۇحان ءسايديدىڭ قۋانىشى قوينىنا سيمادى، قىزمەت اترەتى وتكەن جىلى وعان سۇيەمەلدەۋگە بەرگەن 5 قويدان 4 قوزى ىلەستى. نۇحان العىستى كوڭىلمەن: قازىر 9 قويىم بار بولدى، سۇيەمەلدەۋگە بەرىلگەن تاعى ءبىر ەسەگىم بار، بەيقۇت ۇيدە وتىرمىن، وعان قوسا 10 مۋلىق ماقتا ەگەتىن جەرىم بار، وتباسىمداعى 5 جاننىڭ كۇن كورىسى بارعان سايىن جاقسارىپ كەلەدى، مۇنىڭ ءبارى قىزمەت اترەتىندەگىلەردىڭ ارقاسى، ولارعا العىس ايتامىن، - دەدى. وتكەن جىلدىڭ اياعىندا، اۆتونوميالى رايوندىق قاتىناس - تاسىمال مەڭگەرمەسى 800 مىڭ يۋان قارجى شىعارىپ جوعارعى تەگىن قىستاعىندا كەدەيلەردى سۇيەمەلدەۋ قىزمەتىن قانات جايدىردى، قىزمەت اترەتى ءىس جۇزىندىكپەن بىرلەستىرە وتىرىپ، تەرەڭدەي تەكسەرۋ جۇرگىزىپ، جۇرتشىلىقتىڭ پىكىرىن جيناپ، قىستاقتاعى ارحيۆ تۇرعىزىلىپ، كارتچكا بەرىلگەن 99 كەدەي وتباسىنىڭ 43ىنە سۇيەمەلدەۋگە ەسەك، 56سىنا سۇيەمەلدەۋگە قوي تاراتىپ بەردى، بۇل كەدەيلەردى سۇيەمەلدەۋ ينجەنەريالارى ەكونوميكالىق قۇن جاراتىپ، كەدەي بۇقارانىڭ كىرىسىن ارتتىردى.

  2017 - جىلى اۆتونوميالى رايوندىق قاتىناس مەڭگەرمەسىنىڭ «ۇعىسۋ، تيىمدىلىك جاساۋ، توعىستىرۋ» قىزمەت اترەتى قىستاقتا تۇرعاننان بەرى، جوعارعى تەگىن قىستاعىندا وراسان زور وزگەرىستەر بولدى. قىزمەت اترەتى مەن قىستاق پارتيا ياچەيكاسىنىڭ جەتەكشىلىگىندە، اۋىل شارۋاشىلىق قۇرىلىمىنىڭ رەتتەلۋى كۇشەيىپ، اۋىل - قىستاقتاعى ارتىق ەڭبەككۇشتەردى بىرتىندەپ باسقا كاسىپكە ويىستىرىپ كاسىپتەندىرىپ، اۋلا شارۋاشىلىعىن دامىتۋ ارقىلى قىستاق تۇرعىندارىنىڭ كىرىسىن مولايتىپ، اۋقاتتاندىرىپ، جاڭا زامان مادەني تۇرمىسىن دارىپتەپ، قىستاق تۇرعىندارىنىڭ مادەني تۇرمىسىن ۇزدىكسىز بايىتتى. قىزمەت اترەتى تىندىرعان كوپتەگەن يگى ىستەر، ناقتى ىستەر حالىقتىڭ كوڭىلىنەن شىعىپ، جۇرت جۇرەگىن ۇيىستىردى، قالىڭ قىستاق تۇرعىندارىنىڭ تابىس سەزىمى، باقىت كورسەتكىشى ءۇرتىس جوعارىلادى. قازىرگە دەيىن، جوعارعى تەگىن قىستاعىنداعى 48 تاڭداۋلى جاس قىستاق پارتيا ياچەيكاسىنا پارتياعا كىرۋ ءوتىنىشىن تاپسىردى، مۇنىڭ ىشىندە 5ى كانديدات بولدى.

  3 - ايدىڭ 28 - كۇنى اشىلعان اۆتونوميالى رايوننىڭ 2017 - جىلعى «ۇعىسۋ، تيىمدىلىك جاساۋ، توعىستىرۋ» قىزمەتىن قورىتىندىلاۋ، سيلاۋ جينالىسىندا، اۆتونوميالى رايوندىق قاتىناس - تاسىمال مەڭگەرمەسىنەن يوپۇرعى اۋدانى يوپۇرعى اۋىلى جوعارعى تەگىن قىستاعىنا تۇسكەن «ۇعىسۋ، تيىمدىلىك جاساۋ، توعىستىرۋ» قىزمەت اترەتى سيلاندى، 4 جولداس «قىزمەت اترەتىنىڭ تاڭداۋلى مۇشەسى» بولىپ ماراپاتتالدى.

  اۆتونوميالى رايوندىق قاتىناس مەڭگەرمەسىنىڭ يوپۇرعى اۋدانىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستاۋشىسى ياڭ جۇڭ ءوزىنىڭ سوڭعى جارىم جىلدىق قىزمەت جوسپارىن بايانداي كەلە: ءبىز قوعامدىق كۇشتەردىڭ دەمەۋىندە، 120 مىڭ يۋان قارجى قوسىلعان «قوسالقى زاۆودىن» جوعارعى تەگىن قىستاعىنا قۇردىق. باسقا كاسىپكە ويىستىرىپ كاسىپتەندىرگەندەردى تىزىمدىككە جازىپ قويدىق، قارجىگەر شاقىرۋ قىزمەتىن دە جۇرگىزىپ كەلەمىز. ءبىزدىڭ زاۆودتى قىستاققا سالۋىمىزدىڭ ءوزى قىستاق تۇرعىندارىنىڭ كەدەيلىكتەن قۇتىلۋىنا كومەكتەسۋ، ونەركاسىپ ارقىلى قۇدىرەتتەنۋگە باستاپ، اناعۇرلىم كوپ قىستاق تۇرعىنىن ءوز ءۇيىنىڭ ماڭىندا كاسىپتەندىرىپ، قىستاق كوللەكتيۆ ەكونوميكاسىنىڭ ۋنيۆەرسال دامۋىن جەبەۋ ءۇشىن بولماق، ءبىزدىڭ قىزمەت اترەتىمىزدىڭ ماقساتى ناقتى، يگى ءىس ىستەپ، حالىقتىڭ ەڭ ءتۇبىرلى ماسەلەسىن شەشۋ، - دەدى.

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ