<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ماڭىزدى حابارلار

شي جينپيڭ ورتالىقتىڭ سىرتقى ىستەر قىزمەتى ماجىلىسىندە مىنانى دارىپتەدى

جاڭا داۋىردەگى جۇڭگوشا سوتسياليزم ديپلوماتيا يدەياسىن جەتەكشى ەتۋدەن جازباي، جۇڭگوشا ءىرى ەلدىك ديپلوماتيانىڭ جاڭا جاعدايىن جاراتۋعا قۇلشىنۋ كەرەك

لي كىچياڭ ءماجىلىستى باسقاردى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان ماجىلىسكە قاتىناستى

http://kazakh.people.com.cn/mediafile/201806/25/F201806251346121336705727.jpg

  شينحۋا اگەنتتىگى، 23 – ماۋسىم، بەيجيڭ. ورتالىقتىڭ سىرتقى ىستەر قىزمەتى ءماجىلىسى 22 -، 23 – ماۋسىم كۇندەرى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىستە ماڭىزدى ءسوز سويلەپ، مىنالاردى دارىپتەدى: ەلىمىزدىڭ سىرتقى ىستەر قىزمەتىندە جاڭا داۋىردەگى جۇڭگوشا سوتسياليزم ديپلوماتيا يدەياسىن جەتەكشى ەتۋدەن جازباي، ىشكى جانە حالىقارالىق جالپى جاعدايدى ءبىر تۇتاس جوسپارلاپ، ۇلتتىڭ گۇلدەنۋىنە قىزمەت ەتۋ مەن ادامزاتتىڭ العا باسۋىن ىلگەرىلەتۋ دەيتىن ەكى نەگىزگى جەلىنى مىقتاپ يگەرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، مەملەكەتتىڭ يەلىك ۇقىعىن، حاۋىپسىزدىگىن جانە دامۋ مۇددەسىن باتىلدىقپەن قورعاپ، دۇنيە ءجۇزىن جونگە سالۋ جۇيەسى رەفورماسىنا بەلسەندىلىكپەن ات سالىسىپ جانە جەتەكشىلىك ەتىپ، اناعۇرلىم كەمەلدى دۇنيە جۇزىلىك ارىپتەستىك قارىم - قاتىناس جەلىسىن قالىپتاستىرىپ، جۇڭگوشا ءىرى ەلدىك ديپلوماتيانىڭ جاڭا جاعدايىن جاراتۋعا قۇلشىنىپ، جاپپاي دوڭگەلەك داۋلەتتى قوعام ورناتۋعا، سوتسياليستىك وسىزاماندانعان قۇدىرەتتى ەل قۇرۋعا ءتيىمدى شارت - جاعداي ازىرلەپ، ءتيىستى ۇلەس قوسۋ كەرەك.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ ءماجىلىستى باسقاردى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى جاۋ لىجي، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ، مەملەكەتتىڭ ورىنباسار ءتوراعاسى ۋاڭ چيشان ماجىلىسكە قاتىناستى.

  شي جينپيڭ سوزىندە مىنالاردى اتاپ كورسەتتى: پارتيانىڭ 18 - قۇرىلتايىنان بەرى پارتيا ورتالىق كوميتەتىنىڭ پارمەندى باسشىلىعىندا، حالىقارالىق جاعدايداعى الماعايىپ وزگەرىستەرگە سايكەس، ەلىمىزدىڭ سىرتقى ىستەر قىزمەتىندە قيىندىقتاردى جەڭىپ، ۇدىرە العا تارتىپ، اۋقىمدى قۇلاش سەرمەپ، جۇڭگوشا ءىرى ەلدىك ديپلوماتيانى جاسامپازدىقپەن ىلگەرىلەتىپ، كوپتەگەن حاۋىپ - قاتەر مەن سىن - سىناقتان ءوتىپ، ءبىرتالاي شيەلەنىستى شايقاستا جەڭىسكە جەتىپ، ءبىرقىدىرۋ ءىرى، قيىن ىستەردى تىندىرىپ، تاريحي تابىسقا قول جەتكىزدىك. اماليات بارىسىندا ءبىز ءتيىمدى تاجىريبە جيناقتاپ، تەرەڭ اسەر الدىق، سىرتقى قىزمەتتە ىشكى جانە حالىقارالىق جالپى جاعدايدى ءبىر تۇتاس جوسپارلاۋدا تاباندى بولۋ، ستراتەگيالىق سەنىم مەن ستراتەگيالىق تۇراقتىلىقتى ساقتاۋدا تاباندى بولۋ، ديپلوماتيا نازارياسى مەن امالياتىندا جاڭالىق جاراتۋدى ىلگەرىلەتۋدە تاباندى بولۋ، ستراتەگيالىق جوبالاۋ مەن دۇنيە جۇزىلىك ورنالاستىرۋدا تاباندى بولۋ، مەملەكەتتىڭ وزەكتى جانە ماڭىزدى مۇددەسىن قورعاۋدا تاباندى بولۋ، ىنتىماقتاسىپ تەڭ ۇتۋعا جانە مىندەت پەن مۇددەنى ساباقتاستىرۋدا تاباندى بولۋ، تومەنگى شەكتە ويلاۋ مەن حاۋىپ - قاتەر تانىمىندا تاباندى بولۋ كەرەك.


  كەلۋ قاينارى: حالىق تورابى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ