<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ماڭىزدى حابارلار

شي جينپيڭنىڭ ديپلوماتيا يدەياسى − جاڭا داۋىردەگى جۇڭگوشا ءىرى ەلدىك ديپلوماتيانىڭ ءتۇبىرلى نەگىزى جانە ارەكەت باعدارناماسى

 ورتالىقتىڭ سىرتقى ىستەر قىزمەتى ءماجىلىسىنىڭ رۋحىن دايەكتىلەندىرۋ، تياناقتاندىرۋ جونىندە (1(

     باس شۋجي شي جينپيڭ ورتالىقتىڭ سىرتقى ىستەر قىزمەتى ماجىلىسىندە بىلاي دەپ اتاپ كورسەتتى: پارتيانىڭ 18 - قۇرىلتايىنان بەرى، ءبىز جاڭا داۋىردەگى جۇڭگو مەن الەمنىڭ دامۋ بەتالىسىن تىڭعىلىقتى يگەرىپ، سىرتقى قىزمەتتە ءبىر قاتار ەلەۋلى نازاريالىق جانە امالياتتىق جاڭالىقتار اشىپ، جاڭا ءداۋىر جۇڭگوشا سوتسياليزم ديپلوماتيا يدەياسىن قالىپتاستىردىق. 
   وتكەن 5 جىلدان استام ۋاقىتتان بەرى، ەلىمىزدىڭ سىرتقى قىزمەتى جان - جاقتى، تاريحي جەتىستىككە قول جەتكىزدى، مۇنىڭ ءتۇبىرلى سەبەبى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم ديپلوماتيا يدەياسىنىڭ، ياعني شي جينپيڭنىڭ ديپلوماتيا يدەياسىنىڭ عىلمي جەتەكشىلىگىندە. بۇل رەتكى ورتالىقتىڭ سىرتقى ىستەر قىزمەتى ءماجىلىسىنىڭ ەڭ ماڭىزدى جەمىسى شي جينپيڭنىڭ ديپلوماتيا يدەياسى سىندى ەلىمىزدىڭ سىرتقى قىزمەتىنىڭ ءتۇبىرلى نەگىزى مەن ارەكەت باعدارناماسىنىڭ تۇراقتاندىرىلۋى بولىپ سانالادى. 
   پارتيا ورتالىق كوميتەتىنىڭ بەدەلىن قورعاۋدى ءبىر تۇتاس باسشىلىققا الا وتىرىپ پارتيانىڭ سىرتقى قىزمەتكە ورتالىقتانعان ءبىر تۇتاس باسشىلىعىن كۇشەيتۋگە تاباندى بولۋ. جۇڭگو ءىسىن ويداعىداي تىندىرۋدىڭ تەتىگى پارتيادا. ءبىز ديپلوماتيالىق بيلىكتىڭ پارتيا ورتالىق كوميتەتىندە بولۋىنا تاباندى بولىپ، سىرتقى قىزمەتكە ورتالىقتانعان ءبىر تۇتاس باسشىلىقتى جانە ونى ءبىر تۇتاس جوسپارلاۋدى، سايكەستىرۋدى كۇشەيتىپ، پارتيا جالپى جاعدايدى ءبىر تۇتاس مەڭگەرەتىن، ءار جاقتىڭ سىرتقى قىزمەتىن سايكەستىرەتىن جاعداي قالىپتاستىرۋىمىز كەرەك. 
  جۇڭحۋا ۇلتىنىڭ ۇلى گۇلدەنۋىن ىسكە اسىرۋدى بورىش ەتە وتىرىپ جۇڭگوشا ءىرى ەل ديپلوماتياسىن ىلگەرىلەتۋگە تاباندى بولۋ. ۇلتتىڭ گۇلدەنۋى سىندى جۇڭگو ارمانىن جانە حالىقتىڭ تاماشا تۇرمىسقا تالپىنىسىن جۇزەگە اسىرۋ − جاڭا ءداۋىر سىرتقى قىزمەتكە جۇكتەگەن تاريحي بورىش. ءبىز حالىقتى وزەك ەتكەن ديپلوماتيا ۇستانىمىن دايەكتىلەندىرۋگە تاباندى بولىپ، مەملەكەتتىڭ دامۋى مەن ۇلتتىڭ گۇلدەنۋى ءۇشىن اناعۇرلىم جايلى حالىقارالىق ورتا قالىپتاستىرىپ، اناعۇرلىم كوپ ءتيىمدى شارت ازىرلەۋىمىز كەرەك. 
  دۇنيە ءجۇزىنىڭ بەيبىتشىلىگىن قورعاۋدى، قاتار دامۋدى جەبەۋدى باستى ماقسات ەتە وتىرىپ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە تاباندى بولۋ. باس شۋجي شي جينپيڭ ادامزاتتىڭ تاعدىرلاس ورتاق تۇلعاسىن قۇرۋدى ب م ۇ - دا 2 مارتە دارىپتەپ، حالىقارالىق قوعامنىڭ جوعارى باعاسىنا جانە كەڭ كولەمدى ۇندەستىگىنە يە بولدى. ءبىز جۇڭگو ديپلوماتياسى سىندى تۋدى بيىك ۇستاپ، ادامزاتتىڭ العا باسۋ باعىتىنا جەتەكشىلىك ەتىپ، جۇڭگو مەن دۇنيە ءجۇزى ءۇشىن بىرلەسىپ دامۋدىڭ سارا جولىن اشۋىمىز كەرەك. 
  جۇڭگوشا سوتسياليزمدى ءتۇبىرلى نەگىز ەتە وتىرىپ ستراتەگيالىق سەنىمدى نىعايتۋعا تاباندى بولۋ. «ءتورت سەنىم» − ءبىزدىڭ كۇش - قاينارىمىز جانە سەنىم نەگىزىمىز، ول جاڭا داۋىردەگى جۇڭگونىڭ مەملەكەت ەركىنە، ۇلت رۋحىنا جانە حالىقارالىق وبرازىنا ۋاكىلدىك ەتتى. ءبىز وسىنداي ستراتەگيالىق سەنىمگە تاباندى بولساق، سىرتقى قىزمەتتە نەگىز جانە رۋح بولادى، جۇڭگوشا ءىرى ەل ديپلوماتياسىنىڭ جولى جۇرگەن سايىن كەڭەيە تۇسەدى. 
  بىرگە كەڭەسۋ، بىرگە قۇرۋ، بىرگە يگىلىكتەنۋدى پرينسيپ ەتە وتىرىپ «ءبىر بەلدەۋ، ءبىر جول» قۇرىلىسىن ىلگەرىلەتۋگە تاباندى بولۋ. «ءبىر بەلدەۋ، ءبىر جول» باستاماسى جۇڭگودان باستالدى، ءبىراق ونىڭ ورايى مەن جەمىسى الەمگە ءتان. ءبىز «جىبەك جولى رۋحىن» اسقاقتاتىپ، ءار ەلمەن بىرلەسىپ دامۋ ورايىن ءبولىسىپ، بىرلەسىپ دامۋدىڭ بولاشاق جولىن اشۋىمىز كەرەك. 
  ءوزارا قۇرمەت پەن ءوزارا ءتيىمدى ىنتىماقتاستىقتى نەگىز ەتە وتىرىپ بەيبىت دامۋ جولىمەن جۇرۋگە تاباندى بولۋ. بۇل ءبىزدىڭ ءوز مەملەكەت جاعدايىمىزعا جانە ءتۇبىرلى مۇددەمىزگە نەگىزدەلە وتىرىپ جاساعان ستراتەگيالىق تالعامىمىز. بەيبىتشىلىك ءوزارا قۇرمەتتى قاجەت ەتەدى، دامۋ ىنتىماقتاسىپ، تەڭ ۇتۋعا مۇقتاج. ءبىز بەيبىت دامۋ جولىمەن جۇرۋگە تاباندى بولۋىمىز كەرەك، باسقا مەملەكەتتەر دە بىرگە بەيبىت دامۋ جولىمەن ءجۇرۋى كەرەك. 
  ديپلوماتيالىق ورنالاستىرۋدى تەرەڭدەتۋدى سۇيەنىش ەتە وتىرىپ عالامدىق سەرىكتەستىك قاتىناس ورناتۋعا تاباندى بولۋ. بۇل جاڭا داۋىردەگى جۇڭگو ديپلوماتياسىنىڭ ماڭىزدى ءمانى. ءبىز ءىرى ەلدەردىڭ سايكەسۋى مەن ىنتىماقتاستىعىن ىلگەرىلەتىپ، كورشى مەملەكەتتەرمەن تاتۋ كورشىلىك دوستىق قارىم - قاتىناستى كۇشەيتىپ، دامۋ ۇستىندەگى ەلدەرمەن بەرەكەلى ىنتىماقتاستىقتى نىعايتىپ، كوپ جاقتى ديپلوماتيالىق قىزمەتتەردى بەلسەنە جاقسى ىستەپ، عالامدىق سەرىكتەستىك قارىم - قاتىناستىڭ جان - جاقتى، كوپ ساتىلى، كەڭىستىكتىك تورىن قالىپتاستىرۋىمىز كەرەك.
  ادىلدىك پەن ادىلەتتىلىكتى ۇستانىم ەتە وتىرىپ عالامدىق جونگە سالۋ جۇيەسى رەفورماسىنا جەتەكشىلىك ەتۋگە تاباندى بولۋ. عالامدىق جونگە سالۋ سىرتقى قىزمەتتىڭ الدىڭعى شەبىنە جانە شەشۋشى ماسەلەسىنە اينالىپ كەلە جاتىر. ءبىز اۋىر مىندەتتى باتىل ارقالاپ، اناعۇرلىم تەڭ، باسىم كوپشىلىك مەملەكەتتەردىڭ ەركى مەن مۇددەسىن ايگىلەيتىن عالامدىق جونگە سالۋ جۇيەسىن ورناتۋدى بەلسەنە ىلگەرىلەتۋىمىز كەرەك. 
  مەملەكەتتىڭ وزەكتى مۇددەسىن تومەنگى شەك ەتە وتىرىپ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋعا تاباندى بولۋ. بۇل سىرتقى قىزمەتتىڭ شىعار ءتۇيىنى جانە تابان تىرەر تياناعى. ءبىز ءتۇرلى حاۋىپ - قاتەرلەر مەن سىن - سايىستاردان ءونىمدى ساقتانۋىمىز جانە ونى باسەڭدەتۋىمىز، مەملەكەتتىڭ دامۋى مەن ۇلتتىڭ گۇلدەنۋىنە قورعان، كەپىل بولۋىمىز كەرەك. 
    سىرتقى قىزمەتتەگى تاڭداۋلى ءداستۇر مەن داۋىرلىك ەرەكشەلىكتى ءوزارا ۇشتاستىرۋدى باعىت ەتە وتىرىپ جۇڭگو ديپلوماتياسىنىڭ وزگەشە ستيلىن قالىپتاستىرۋعا تاباندى بولۋ. جاڭا ءداۋىر جۇڭگو ديپلوماتياسى داۋىرمەن بىرگە العا باساتىن، جىگەرلەنە ءىس تىندىراتىن، ءورىس اشا ىلگەرىلەيتىن شىت جاڭا بەينە كورسەتتى. ءبىز تاڭداۋلى ءداستۇردى اسقاقتاتىپ، ديپلوماتيالىق جالپى جوبانى ۇزدىكسىز بايىتۋىمىز جانە دامىتۋىمىز، جۇڭگوشا ءىرى ەل ديپلوماتياسىن اناعۇرلىم بيىك دەڭگەيگە كوتەرۋىمىز كەرەك. 
    «تولقىن كەرىپ، سۋ بەتى جاعالاۋمەن تەڭ تۇردى، جەلكەن كوتەرەرلىك دەر ساتتە ءدال بابىندا جەل تۇردى». ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ ديپلوماتيا يدەياسىنىڭ جەتەكشىلىگىندە جاڭا داۋىردەگى سىرتقى قىزمەتتىڭ ۇزدىكسىز تىڭ لەپ، تىڭ ىسكەرلىك كورسەتۋىن ىلگەرىلەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ، ادامزاتتىڭ تاعدىرلاس ورتاق تۇلعاسىن ورناتۋدىڭ اسقاق ۇلى ءىسى ءۇشىن تىڭ دا اناعۇرلىم كەسەك ۇلەس قوسايىق! 
   )شينحۋا اگەنتتىگىنىڭ 6 - ايدىڭ 23 - كۇنى بەيجيڭنەن بەرگەن حابارى)

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ