<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ماڭىزدى حابارلار

شي جينپيڭ ورتالىقتىڭ سىرتقى ىستەر قىزمەتى ماجىلىسىندە جاڭا ءداۋىر جۇڭگوشا سوتسياليزم ديپلوماتيا يدەياسىن جەتەكشى ەتۋدەن جازباي، جۇڭگوشا ءىرى ەل ديپلوماتياسىنىڭ جاڭا جاعدايىن قۇلشىنا اشۋدى باسا دارىپتەدى

كەلۋ قاينارى :شينجياڭ گازەتى سايتى 

ءماجىلىستى لي كىچياڭ باسقاردى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان ماجىلىسكە قاتىناستى

  6 - ايدىڭ 22 -، 23 - كۇندەرى ورتالىقتىڭ سىرتقى ىستەر قىزمەتى ءماجىلىسى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىستە ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  شينحۋا اگەنتتىگىنىڭ 6 - ايدىڭ 23 - كۇنى بەيجيڭنەن بەرگەن حابارى. ورتالىقتىڭ سىرتقى ىستەر قىزمەتى ءماجىلىسى 6 - ايدىڭ 22 -، 23 - كۇندەرى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىستە ماڭىزدى ءسوز سويلەپ، مىنالاردى باسا دارىپتەدى: ەلىمىزدىڭ سىرتقى ىستەر قىزمەتىندە جاڭا ءداۋىر جۇڭگوشا سوتسياليزم ديپلوماتيا يدەياسىن جەتەكشى ەتۋدەن جازباي، ىشكى جانە حالىقارالىق ەكى جالپى جاعدايدى ءبىر تۇتاس جوسپارلاپ، ۇلتتىڭ گۇلدەنۋىنە قىزمەت ەتۋ مەن ادامزاتتىڭ العا باسۋىن ىلگەرىلەتۋ دەيتىن ەكى نەگىزگى جەلىنى مىقتاپ يگەرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، مەملەكەتتىڭ يەلىك ۇقىعىن، حاۋىپسىزدىگىن جانە دامۋ مۇددەسىن باتىلدىقپەن قورعاپ، عالامدىق جونگە سالۋ جۇيەسى رەفورماسىنا بەلسەندىلىكپەن ات سالىسىپ جانە جەتەكشىلىك ەتىپ، اناعۇرلىم كەمەلدى عالامدىق سەرىكتەستىك قارىم - قاتىناس جەلىسىن قالىپتاستىرىپ، جۇڭگوشا ءىرى ەل ديپلوماتياسىنىڭ جاڭا جاعدايىن قۇلشىنا اشىپ، جاپپاي دوڭگەلەك داۋلەتتى قوعام ورناتۋعا، سوتسياليستىك وسىزاماندانعان قۇدىرەتتى ەل قۇرۋعا ءتيىمدى شارت - جاعداي ازىرلەپ، ءتيىستى ۇلەس قوسۋ كەرەك.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ ءماجىلىستى باسقاردى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى جاۋ لىجي، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ، مەملەكەتتىڭ ورىنباسار ءتوراعاسى ۋاڭ چيشان ماجىلىسكە قاتىناستى.

  شي جينپيڭ سوزىندە مىنالاردى اتاپ كورسەتتى: پارتيانىڭ 18 - قۇرىلتايىنان بەرى، پارتيا ورتالىق كوميتەتىنىڭ پارمەندى باسشىلىعىندا، حالىقارالىق جاعدايداعى الماعايىپ وزگەرىستەرگە سايكەس، ەلىمىزدىڭ سىرتقى ىستەر قىزمەتىندە قيىندىقتاردى جەڭىپ، ۇدەرە العا تارتىپ، اۋقىمدى قۇلاش سەرمەپ، جۇڭگوشا ءىرى ەل ديپلوماتياسىن جاسامپازدىقپەن ىلگەرىلەتىپ، كوپتەگەن حاۋىپ - قاتەر مەن سىن - سىناقتان ءوتىپ، ءبىر تالاي شيەلەنىستى شايقاستا جەڭىسكە جەتىپ، ءبىر قاۋىم ءىرى، قيىن ىستەردى تىندىرىپ، تاريحي جەتىستىككە قول جەتكىزدىك. اماليات بارىسىندا، ءبىز ءتيىمدى تاجىريبە جيناقتاپ، تەرەڭ اسەر الدىق، سىرتقى قىزمەتتە ىشكى جانە حالىقارالىق جالپى جاعدايدى ءبىر تۇتاس جوسپارلاۋعا تاباندى بولۋ، ستراتەگيالىق سەنىم مەن ستراتەگيالىق تۇراقتىلىقتى ساقتاۋعا تاباندى بولۋ، ديپلوماتيا نازارياسى مەن امالياتىندا جاڭالىق اشۋدى ىلگەرىلەتۋگە تاباندى بولۋ، ستراتەگيالىق جوبالاۋ مەن عالامدىق ورنالاستىرۋعا تاباندى بولۋ، مەملەكەتتىڭ وزەكتى جانە ماڭىزدى مۇددەسىن قورعاۋعا تاباندى بولۋ، ىنتىماقتاسىپ تەڭ ۇتۋعا جانە مىندەت پەن مۇددەنى ساباقتاستىرۋعا تاباندى بولۋ، تومەنگى شەكتە ويلاۋ مەن حاۋىپ - قاتەر تانىمىنا تاباندى بولۋ كەرەك.

  شي جينپيڭ مىنالاردى باسا دارىپتەدى: پارتيانىڭ 18 - قۇرىلتايىنان بەرى، ءبىز جاڭا داۋىردەگى جۇڭگو مەن الەمنىڭ دامۋ بەتالىسىن تىڭعىلىقتى يگەرىپ، سىرتقى قىزمەتتە ءبىر قاتار ەلەۋلى نازاريالىق جانە امالياتتىق جاڭالىقتار اشىپ، جاڭا ءداۋىر جۇڭگوشا سوتسياليزم ديپلوماتيا يدەياسىن قالىپتاستىردىق، ونى، باستىسى، مىناداي 10 جاققا جيناقتاۋعا بولادى: پارتيا ورتالىق كوميتەتىنىڭ بەدەلىن قورعاۋدى ءبىر تۇتاس باسشىلىققا الا وتىرىپ پارتيانىڭ سىرتقى قىزمەتكە ورتالىقتانعان ءبىر تۇتاس باسشىلىعىن كۇشەيتۋگە تاباندى بولۋ، جۇڭحۋا ۇلتىنىڭ ۇلى گۇلدەنۋىن ىسكە اسىرۋدى بورىش ەتە وتىرىپ جۇڭگوشا ءىرى ەل ديپلوماتياسىن ىلگەرىلەتۋگە تاباندى بولۋ، دۇنيە ءجۇزىنىڭ بەيبىتشىلىگىن قورعاۋدى، قاتار دامۋدى جەبەۋدى باستى ماقسات ەتە وتىرىپ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە تاباندى بولۋ، جۇڭگوشا سوتسياليزمدى ءتۇبىرلى نەگىز ەتە وتىرىپ ستراتەگيالىق سەنىمدى نىعايتۋعا تاباندى بولۋ، بىرگە كەڭەسۋ، بىرگە قۇرۋ، بىرگە يگىلىكتەنۋدى پرينسيپ ەتە وتىرىپ «ءبىر بەلدەۋ، ءبىر جول» قۇرىلىسىن ىلگەرىلەتۋگە تاباندى بولۋ، ءوزارا قۇرمەت پەن ءوزارا ءتيىمدى ىنتىماقتاستىقتى نەگىز ەتە وتىرىپ بەيبىت دامۋ جولىمەن جۇرۋگە تاباندى بولۋ، ديپلوماتيالىق ورنالاستىرۋدى تەرەڭدەتۋدى سۇيەنىش ەتە وتىرىپ عالامدىق سەرىكتەستىك قاتىناس ورناتۋعا تاباندى بولۋ، ادىلدىك پەن ادىلەتتىلىكتى ۇستانىم ەتە وتىرىپ عالامدىق جونگە سالۋ جۇيەسى رەفورماسىنا جەتەكشىلىك ەتۋگە تاباندى بولۋ، مەملەكەتتىڭ وزەكتى مۇددەسىن تومەنگى شەك ەتە وتىرىپ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋعا تاباندى بولۋ، سىرتقى قىزمەتتەگى تاڭداۋلى ءداستۇر مەن داۋىرلىك ەرەكشەلىكتى ءوزارا ۇشتاستىرۋدى باعىت ەتە وتىرىپ جۇڭگو ديپلوماتياسىنىڭ وزگەشە ستيلىن قالىپتاستىرۋعا تاباندى بولۋ. ءبىز جاڭا ءداۋىر جۇڭگوشا سوتسياليزم ديپلوماتيا يدەياسىن جاپپاي دايەكتىلەندىرىپ جانە تياناقتاندىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋعا، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە تاماشا سىرتقى شارت ازىرلەۋىمىز كەرەك.

  شي جينپيڭ مىنالاردى اتاپ كورسەتتى: حالىقارالىق جاعدايدى يگەرۋ ءۇشىن تاريحقا، جالپى جاعدايعا، تۇلعاعا دۇرىس كوزقاراس ورناتۋ كەرەك. تاريحقا دۇرىس كوزقاراس دەگەنىمىز قازىرگى حالىقارالىق جاعدايدىڭ قانداي ەكەنىنە قاراي بىلۋمەن عانا شەكتەلمەي، تاريحتىڭ تەلەسكوبىمەن وتكەنگە كوز جىبەرىپ، تاريحي زاڭدىلىقتاردى قورىتىندىلاۋ، بولاشاققا بارلاۋ جاساپ، تاريحي ۇدەرىستىڭ ۇلى بەتالىسىن يگەرۋ كەرەك دەگەن ءسوز. جالپى جاعدايعا دۇرىس كوزقاراس دەگەنىمىز قۇبىلىس پەن ءمان - جايدىڭ قالاي بولعانىنا قاراي بىلۋمەن عانا شەكتەلمەي، تۇپكى ءمان مەن جالپى جاعدايدى يگەرىپ، باستى قايشىلىق پەن قايشىلىقتىڭ باستى جاعىن مەڭگەرىپ، ىعى - جىعى، الماعايىپ حالىقارالىق قۇبىلىستاردا باعىت - باعداردان كوز جازۋدان، تۇيمەدەيگە بولا تۇيەدەيدەن ايرىلۋدان ساقتانۋ كەرەك دەگەن ءسوز. تۇلعاعا دۇرىس كوزقاراس دەگەنىمىز ءتۇرلى حالىقارالىق قۇبىلىستارعا سابىرلى تالداي جاساي بىلۋمەن عانا شەكتەلمەي، ءوزىمىزدى سول قاتارعا قويىپ، ماسەلەگە ەلىمىزدىڭ الەممەن قارىم - قاتىناسى تۇرعىسىنان كوز جىبەرىپ، الەمدىك جۇيەنىڭ وزگەرىسىندەگى ەلىمىزدىڭ ورنى مەن رولىن انىقتاپ، ەلىمىزدىڭ سىرتقى باعىت - ساياساتتارىن عىلمي تۇرعىدان بەلگىلەۋ كەرەك دەگەن ءسوز. قازىر ەلىمىز تاياۋ زاماننان بەرگى ەڭ جاقسى دامۋ كەزەڭىندە تۇر، دۇنيە ءجۇزى عاسىردا ءبىر كەزدەسەتىن ۇلى وزگەرىس كەزەڭىندە تۇر، ەكەۋى قادامداس ءورىلىپ، ءوزارا اسەر ەتۋدە. قازىرگى جانە الداعى ءبىر مەزگىلدەگى سىرتقى قىزمەتتى جاقسى ىستەۋگە كوپتەگەن حالىقارالىق ءتيىمدى شارت دايىن.

  شي جينپيڭ مىنالاردى باسا دارىپتەدى: پارتيانىڭ 19 - قۇرىلتايىنان 20 - قۇرىلتايىنا دەيىنگى ارالىق «قوس 100 جىلدىق» كۇرەس نىساناسىن ىسكە اسىرۋدىڭ تاريحي توعىسى، جۇڭحۋا ۇلتىنىڭ ۇلى گۇلدەنۋىنىڭ تاريحي ۇدەرىسىندە توتەنشە ماڭىزدى مانگە يە. ادامزات تاريحىنا كوز جىبەرسەك، دۇنيەنىڭ دامۋى قاشاندا ءتۇرلى قايشىلىقتىڭ ءوزارا شىرمالىپ، ءوزارا اسەر ەتۋىنىڭ كەشەندى ناتيجەسى بولىپ كەلەدى. ءبىز الەمدىك تۇرلەنۋدىڭ وتپەلى كەزەڭىندەگى حالىقارالىق جاعدايدىڭ وزگەرىس زاڭدىلىقتارىنا تەرەڭ تالداۋ جاساپ، تاريحي توعىس كەزەڭىندەگى ەلىمىزدىڭ سىرتقى ورتاسىنىڭ نەگىزگى ەرەكشەلىكتەرىن ءداپ باسىپ يگەرىپ، سىرتقى قىزمەتتى ءبىر تۇتاس جوسپارلاۋىمىز جانە ىلگەرىلەتۋىمىز كەرەك. الەمنىڭ كوپ تاراپتانۋى جىلدام ورىستەگەن جالپى بەتالىستى يگەرۋمەن قاتار، ءىرى ەلدەر قارىم - قاتىناسىنىڭ تەرەڭ رەتتەلۋ اۋقىمىنا دا نازار اۋدارۋىمىز كەرەك. ەكونوميكانىڭ جاھاندانۋى ءۇرتىس دامىعان جالپى بەتالىستى يگەرۋمەن قاتار، دۇنيە جۇزىلىك ەكونوميكالىق جۇيەدەگى تەرەڭ وزگەرىستەردىڭ باعىت - باعدارىنا دا نازار اۋدارۋىمىز كەرەك. حالىقارالىق جاعداي ەلەۋلى جاقتان ورنىقتى بولعان جالپى بەتالىستى يگەرۋمەن قاتار، حالىقارالىق حاۋىپسىزدىك كۇردەلى دە كۇرمەۋلى سايىستارعا ءدوپ كەلگەن جاعدايعا دا نازار اۋدارۋىمىز كەرەك. ءتۇرلى وركەنيەتتەر بارىس - كەلىس جاساپ، ءوزارا ۇلگى العان جالپى بەتالىستى يگەرۋمەن قاتار، ءتۇرلى يدەيا - مادەنيەتتەر ءوزارا شارپىسىپ وتىرعان ناقتى شىندىققا دا نازار اۋدارۋىمىز كەرەك.

  شي جينپيڭ مىنالاردى باسا دارىپتەدى: سىرتقى قىزمەتتە پارتيا ورتالىق كوميتەتىنىڭ ءبىرىڭعاي ورنالاستىرۋىنا ساي، جوبالاۋ مەن ورنالاستىرۋدى كۇشەيتىپ، قىزمەتتىڭ ءتۇيىنىن كورنەكتىلەندىرىپ، قىزمەتتەردى ويداعىداي يگەرۋ كەرەك. پارتيا مەن مەملەكەت قىزمەتىنىڭ ماڭىزدى بۋىندارىن ارقاۋ ەتىپ، سىرتقى قىزمەتتە ۇزدىكسىز جاڭا جاعداي اشىلۋدى ىلگەرىلەتۋ كەرەك. الداعى 5 جىلدا ءبىرىنشى 100 جىلدىق كۇرەس نىساناسى ىسكە اسادى، ەكىنشى 100 جىلدىق كۇرەس نىساناسى باستالادى، وسى ارالىقتا ءبىر قاتار ماڭىزدى ۋاقىت كەزەڭدەرى مەن ەلەۋلى قيمىلدار بار. سىرتقى قىزمەتتە وسىنى كووردينات ەتىپ، جالپىلاي ويلاستىرىپ، ساتى - ساتى بويىنشا ىلگەرىلەتۋ، ءارى جالپى جاقتان ورنالاستىرۋ ءارى ءتۇيىندى كورنەكتىلەندىرۋ، ءارى جان - جاققا قۇلاش سەرمەۋ ءارى دالمە - ءدال كۇش سالۋ، كەشەندى دە بەلسەندى اسەر ساۋلەلەندىرۋ كەرەك. ادامزاتتىڭ تاعدىرلاس ورتاق تۇلعاسىن قۇرۋ تۋىن بيىك ۇستاپ، عالامدىق جونگە سالۋ جۇيەسىنىڭ اناعۇرلىم ادىلەتتى، ۇيلەسىمدى باعىتپەن دامۋىن ىلگەرىلەتۋ كەرەك. بىرگە كەڭەسۋ، بىرگە قۇرۋ، بىرگە يگىلىكتەنۋگە تاباندى بولىپ، «ءبىر بەلدەۋ، ءبىر جول» قۇرىلىسىنىڭ ناقتى، تەرەڭ قادام تاستاپ، ورنىقتى جۇرىسپەن الىسقا جول تارتۋىن ىلگەرىلەتىپ، سىرتقا ەسىك اشۋدىڭ تىڭ بەلەسكە كوتەرىلۋىن ىلگەرىلەتۋ كەرەك. ءىرى ەلدەر قاتىناسىنا ويداعىداي دايىندالىپ، ءىرى ەلدەر قارىم - قاتىناسىنىڭ قۇرىلىمى جالپىلاي ورنىقتى جانە تەڭ دامىعان جۇلگەسىنىڭ ورناۋىن ىلگەرىلەتۋ كەرەك. كورشىلىك ديپلوماتيا قىزمەتىن جاقسى ىستەپ، توڭىرەك ورتانىڭ اناعۇرلىم دوس، اناعۇرلىم ءتيىمدى بولۋىن ىلگەرىلەتۋ كەرەك. دامۋ ۇستىندەگى مەملەكەتتەرمەن ىنتىماقتاستىق سەلبەستىكتى تەرەڭدەتىپ، قول ۇستاسا ىلگەرىلەۋدىڭ، بىرگە دامۋدىڭ جاڭا جاعدايىن قالىپتاستىرۋدى جەبەۋ كەرەك. دامۋ ۇستىندەگى قالىڭ مەملەكەتتەر − ەلىمىزدىڭ حالىقارالىق ىستەردەگى تابيعي وداقتاستارى، دۇرىس تۋرالىق - مۇددە كوزقاراسىنا تاباندى بولىپ، دامۋ ۇستىندەگى ەلدەرمەن ىنتىماقتى سەلبەستىك ورناتۋ ۇلى ءىسىن جاقسى ىستەۋ كەرەك. جۇڭگونىڭ دۇنيە جۇزىمەن تەرەڭ بايلانىس ورناتىپ، ءوزارا ۇيرەنۋىن، ءوزارا ۇلگى الۋىن ىشكەرىلەي ىلگەرىلەتۋ كەرەك.

  شي جينپيڭ مىنالاردى باسا دارىپتەدى: ديپلوماتيا − مەملەكەت ەركىنىڭ شوعىرلى كورىنىسى، ديپلوماتيا بيلىگىنىڭ پارتيا ورتالىق كوميتەتىندە بولۋىنا ،ءسوز جوق، تاباندى بولۋ كەرەك. ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن نىعايتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، يدەيادا، ساياسيدا، ارەكەتتە پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، زاڭ - جارلىقتاردىڭ بۇلجىتپاي ورىندالۋىنا، قادامنىڭ بىركەلكىلىگىنە كەپىلدىك ەتۋ كەرەك. سىرتقى قىزمەت − جۇيەلى ينجەنەريا، ساياسي پارتيالار، ۇكىمەت، حالىق قۇرىلتايى، ساياسي كەڭەس، ارميا، جەرگىلىكتى ورىندار، ازاماتتار، ت.ب ءبىر تۇتاس سايكەستىرۋدى كۇشەيتۋى، ءارقايسىنىڭ باسىم باعىتتارى بولۋى، ءوزارا سەلبەسۋى، ءسويتىپ، سىرتقى قىزمەتتە پارتيا جالپى جاعدايدى يگەرىپ، ءار جاقتى سايكەستىرەتىن ءىرى بىرلەستىك جاعدايىن قالىپتاستىرىپ، پارتيا ورتالىق كوميتەتىنىڭ سىرتقى باعىت - ساياساتتارى مەن ستراتەگيالىق ورنالاستىرۋىنىڭ تىڭعىلىقتى تياناقتانۋىنا كەپىلدىك ەتۋ كەرەك.

  شي جينپيڭ مىنالاردى اتاپ كورسەتتى: ساياسي لۋشيان بەلگىلەنگەننەن كەيىن، كادرلار شەشۋشى فاكتور سانالادى. پارتياعا، مەملەكەتكە، حالىققا ادال، ساياسيدا تاباندى، كاسىپكە جەتىك، ستيلدە ىسىلعان، ءتارتىبى قاتاڭ سىرتقى قىزمەت قوسىنىن قۇرۋ كەرەك. مۇرات - سەنىم تاربيەسىن كۇشەيتىپ، سىرتقى ىستەر كادرلارى قوسىنىنىڭ ماماندىق قابىلەتى مەن جالپىلىق ساپاسىن جوعارىلاتۋ كەرەك. شەتەلدەردە تۇراتىن قىزمەتكەرلەردىڭ جۇمىس - تۇرمىس جاعدايىن جاقسارتىپ، ولاردى ۋايىمنان ارىلتىپ، پارتيا ورتالىق كوميتەتىنىڭ قامقورلىعىن ناقتى تياناقتاندىرۋ كەرەك.

  شي جينپيڭ مىنالاردى باسا دارىپتەدى: سىرتقى قىزمەت ءتۇزىلىس - مەحانيزم رەفورماسى − مەملەكەتتىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋدىڭ ىشكى تالابى. پارتيا ورتالىق كوميتەتىنىڭ ءبىر تۇتاس ورنالاستىرۋى بويىنشا، سىرتقى قىزمەت ءتۇزىلىس - مەحانيزم رەفورماسىن تياناقتاندىرىپ، شەتەلدەردەگى قۇرىلىمداردا پارتيا قۇرىلىسىن كۇشەيتىپ، جاڭا ءداۋىردىڭ جاڭا تالاپتارىنا ۇيلەسەتىن ديپلوماتيالىق قۇرىلىمداردى باسقارۋ ءتۇزىلىسىن ورناتۋ كەرەك.

  لي كىچياڭ ءماجىلىستى باسقارعاندا مىنالاردى اتاپ كورسەتتى: باس شۋجي شي جينپيڭنىڭ ماڭىزدى سوزىندە پارتيا مەن مەملەكەت ىستەرىنىڭ جالپى جاعدايى تۇرعىسىنان، پارتيا 18 - قۇرىلتايىنان بەرى ەلىمىزدىڭ سىرتقى قىزمەتىندە قول جەتكەن تاريحي جەتىستىكتەر جاپپاي قورىتىندىلانىپ، جۇڭگو مەن دۇنيە ءجۇزىنىڭ دامۋ بەتالىسى دۇرىس يگەرىلىپ، جاڭا داۋىردە سىرتقى قىزمەتتى قايتكەندە جاقسى ىستەۋگە بولاتىنى جونىندەگى ماڭىزدى نازاريالىق جانە امالياتتىق ماسەلەلەرگە جاۋاپ قايتارىلىپ، جاڭا داۋىردە سىرتقى قىزمەتتى جاپپاي ىلگەرىلەتۋگە ايقىن بەتالىس كورسەتىپ، ءتۇبىرلى نەگىز ازىرلەدى. باس شۋجي شي جينپيڭنىڭ ماڭىزدى ءسوزىنىڭ رۋحىن جانە شي جينپيڭنىڭ جاڭا ءداۋىر جۇڭگوشا سوتسياليزم ديپلوماتيا يدەياسىن ىشكەرىلەي ۇيرەنىپ، ءتۇسىنىپ، جاپپاي دايەكتىلەندىرىپ، تياناقتاندىرىپ، ەلىمىزدىڭ سىرتقى قىزمەتىن جان - جاقتى ىلگەرىلەتىپ، جۇڭگوشا ءىرى ەل ديپلوماتياسىنىڭ جاڭا جاعدايىن قۇلشىنا اشۋ كەرەك.

  ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق سىرتقى ىستەر قىزمەتى كوميتەتى كەڭسەسىنىڭ مەڭگەرۋشىسى ياڭ جيەچى قورىتىندى سوزىندە مىنالاردى اتاپ كورسەتتى: شي جينپيڭنىڭ ديپلوماتيا يدەياسىنىڭ جەتەكشى ورنىنىڭ تۇراقتاندىرىلۋى − وسى رەتكى ءماجىلىستىڭ ەڭ ماڭىزدى جەتىستىگى. شي جينپيڭنىڭ ديپلوماتيا يدەياسى − شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس ءبولىمى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەل باسقارۋ يدەياسىنىڭ ديپلوماتيا سالاسىندا قول جەتكەن ماڭىزدى نازاريالىق جەتىستىگى، جاڭا داۋىردەگى ەلىمىزدىڭ سىرتقى قىزمەتىنىڭ ءتۇبىرلى نەگىزى مەن ارەكەت باعدارناماسى. ءبىز يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە شي جينپيڭنىڭ ديپلوماتيا يدەياسىمەن بىرلىككە كەلتىرىپ، سىرتقى قىزمەتتە ونان ارى جاڭا جاعداي اشۋىمىز كەرەك.

  ورتالىق كوميتەت ۇگىت ءبولىمىنىڭ، ورتالىق كوميتەت سىرتقى بايلانىس ءبولىمىنىڭ، سىرتقى ىستەر مينيسترلىگىنىڭ، مەملەكەتتىك دامۋ جانە رەفورما كوميتەتىنىڭ، ساۋدا مينيسترلىگىنىڭ، ورتالىق اسكەري ىستەر كوميتەتى بىرلەسكەن باس شتابىنىڭ، گۋاڭدۇڭ ولكەسىنىڭ، ا ق ش - تاعى ەلشىلىكتىڭ جاۋاپتى جولداستارى ماجىلىستە پىكىر اۋىسىپ، لەبىز ءبىلدىردى.

  ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەس مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار ماجىلىسكە قاتىناستى.

  ج ك پ ورتالىق مەملەكەتتىك حاۋىپسىزدىك كوميتەتىنىڭ مۇشەلەرى، ورتالىق سىرتقى ىستەر قىزمەتى كوميتەتىنىڭ مۇشەلەرى، ءارقايسى ولكە، اۆتونوميالى رايون، توتە قاراستى قالالار مەن جوسپارى بولەك قالالاردىڭ، شينجياڭ ءوندىرىس - قۇرىلىس بيڭتۋانىنىڭ، ورتالىق پەن مەملەكەت ورگاندارىنىڭ قاتىستى تاراۋلارىنىڭ، قاتىستى فينانس قۇرىلىمدارى مەن مەملەكەتتىك ءىرى كاسىپورىنداردىڭ، ارميانىڭ قاتىستى ورىندارىنىڭ جاۋاپتى جولداستارى، شەتەلدەردە تۇراتىن باس ەلشىلەر، ەلشى دارەجەلى باس كونسۋلدار، حالىقارالىق ۇيىمداردا تۇراتىن ۋاكىلدەر مەن سىرتقى ىستەر مينيسترلىگىنىڭ شياڭگاڭداعى، اۋمىنداعى مەكەمەسىنىڭ ارنايى قىزمەتكەرلەرى، ت.ب ماجىلىسكە قاتىستى.

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ