<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ارناۋلى تاقىرىپ>>ۇيرەنۋ

شاڭحاي ىنتىماقتاستىق ۇيىمىنا مۇشە ەلدەردىڭ باسشىلارىمەن بىرگە تىلشىلەردى قابىلداعاندا سويلەنگەن ءسوز

كەلۋ قاينارى : شينجياڭ گازەتى سايتى 

 (2018 - جىلى 6 - ايدىڭ 10 - كۇنى، چيڭداۋ)

  جۇڭحۋا حالىق رەسپۋبليكاسىنىڭ ءتوراعاسى شي جينپيڭ

  كاسىپتەستەر،

  ءتىلشى دوستار،

  حانىمدار، مىرزالار:

  قايىرلى ءسات! سىزدەرمەن كەزدەسكەنىمە وتە قۋانىشتىمىن.

  شاڭحاي ىنتىماقتاستىق ۇيىمىنا مۇشە ەلدەردىڭ، باقىلاۋشى ەلدەردىڭ باسشىلارى، سونداي - اق قاتىستى حالىقارالىق جانە وڭىرلىك ۇيىمداردىڭ جاۋاپتىلارى كوركەم حۋاڭحاي تەڭىزىنىڭ جاعاسىنا جينالىپ، شاڭحاي ىنتىماقتاستىق ۇيىمى تاريحي جاڭا كەزەڭگە قادام قويعاندىعى سىندى دامۋ جوباسىن بىرگە جاساپ ءارى كەلەلى حالىقارالىق جانە وڭىرلىك ماسەلەلەر جونىندە ىشكەرىلەي پىكىر اۋىستىرىپ، جاپپاي ورتاق تانىمعا كەلدى.

  وسى جولعى باس قوسۋ كەزىندە، ءبىز ءۇندىستان، پاكيستان ۇيىمعا مۇشە بولىپ كىرگەننەن بەرى ۇيىمنىڭ قول جەتكىزگەن جاڭا دامۋشىلىقتارىن تولىق تۇراقتاندىرىپ، «شاڭحاي ىنتىماقتاستىق ۇيىمىنا مۇشە ەلدەر باسشىلارى القالار كەڭەسىنىڭ چيڭداۋ جارناماسى»، «شاڭحاي ىنتىماقتاستىق ۇيىمىنا مۇشە ەلدەر باسشىلارىنىڭ ساۋدانى قولايلاستىرۋ جونىندەگى بىرلەسكەن مالىمدەمەسى» سياقتى حۇجاتتاردى بىرگە جاريالاپ، «شاڭحاي ىنتىماقتاستىق ۇيىمىنا مۇشە ەلدەردىڭ ۇزاق ۋاقىتتىق تاتۋ كورشىلىك دوستىق ىنتىماقتاستىق شارتىنىڭ» كەلەشەكتەگى 5 جىلداعى اتقارۋ باعدارلاماسىن بەكىتتىك. «شاڭحاي ىنتىماقتاستىق ۇيىمى ەرەجەسىنە» بويسۇنۋدىڭ باستى ماقساتى مەن پرينسيبىن اقىلداسىپ بەلگىلەپ، ءوزارا سەنۋ، ءوزارا تيىمدىلىك جاساۋ، تەڭدىك، كەڭەسۋ، الۋان ءتۇرلى وركەنيەتكە قۇرمەت ەتۋ، بىرگە دامۋعا ۇمتىلۋ سىندى «شاڭحاي رۋحىن» ساۋلەلەندىرىپ، تاتۋ كورشىلىك دوستىقتان جازباي، ناقتى ىنتىماقتاستىقتى تەرەڭدەتىپ، ءوڭىردىڭ بەيبىتشىلىك، ورنىقتىلىق، دامۋ جوسپارىن بىرگە قاراستىردىق.

  ءبىز ءبىر اۋىزدان بىلاي دەپ ەسەپتەدىك: بۇگىنگى تاڭداعى دۇنيە زور دامۋ، زور وزگەرىس، زور رەتتەلۋ كەزەڭىندە تۇر، دۇنيە ءجۇزىنىڭ كوپ ۇيەكتەنۋى، ەكونوميكانىڭ جاھاندانۋى ىشكەرىلەي دامۋدا، مەملەكەت پەن مەملەكەتتىڭ ءبىر - بىرىنە سۇيەنىپ ءومىر ءسۇرۋى اناعۇرلىم نىعايا ءتۇستى. دۇنيە ەكونوميكاسى قيىن، بۇراڭ جولداردى باسىپ قايتا كوتەرىلۋدە، حالىقارالىق جانە وڭىرلىك قولامتالى ماسەلەلەر ءجيى تۋىلۋدا، ءار ەل ءدوپ كەلگەن كوپتەگەن ورتاق حاۋىپ - قاتەر مەن سىن - سايىسقا قايسى ەل بولسىن جەكە - دارا توتەپ بەرە المايدى نەمەسە ءوز باسىنىڭ عانا قامىن كۇيتتەي المايدى. ءار ەل بەرەكە - بىرلىك پەن سەلبەستىكتى كۇشەيتىپ، بەيبىت ىنتىماقتاستىق، تەڭ مامىلە جاساۋ، اشىق، باۋىرمال بولۋ، بىرگە ۇتۋ، بىرگە يگىلىكتەنۋ سىندى سەرىكتەستىك قاتىناستى تەرەڭدەتكەندە عانا، باياندى ورنىقتىلىق پەن دامۋدى جۇزەگە اسىرا الادى.

  ءبىز ءبىر اۋىزدان مىنانى دارىپتەدىك: حاۋىپسىزدىك − شاڭحاي ىنتىماقتاستىق ۇيىمىنىڭ باياندى دامۋىنىڭ ىرگە تاسى. تاراپتار ورتاقتىق، جالپىلىق، ىنتىماقتاستىق، باياندىلىق سىندى حاۋىپسىزدىك كوزقاراسىن ۇستانىپ، «ءۇش ءتۇرلى كۇشكە» سوققى بەرۋدىڭ شاڭحاي شارتى، لاڭكەستىككە قارسى تۇرۋ شارتى، ۇشقارىلىققا قارسى تۇرۋ شارتى سياقتى ىنتىماقتاستىق حۇجاتتارىن تياناقتاندىرىپ، لاڭكەستىككە قارسى تۇرۋ جونىندە مالىمەت اۋىستىرۋدى جانە بىرلەسكەن ارەكەتتى تەرەڭدەتىپ، قاتىستى زاڭدىق نەگىز بەن قابىلەت قۇرىلىسىن كۇشەيتىپ، «ءۇش ءتۇرلى كۇشكە»، ەسىرتكى تاسىمالداۋعا، ەل ارالىق ۇيىمداسقان قىلمىستارعا، ينتەرنەتتىك قىلمىستارعا ءونىمدى تۇردە سوققى بەرىپ، «شاڭحاي ىنتىماقتاستىق ۇيىمى − اۋعانستان بايلانىس گرۋپپاسىنىڭ» رولىن ساۋلەلەندىرىپ، ءوڭىردىڭ حاۋىپسىزدىگى مەن ورنىقتىلىعىن بىرگە قورعاۋ كەرەك.

  ءبىز ءبىر اۋىزدان مىنانى اتاپ كورسەتتىك: ەكونوميكانىڭ جاھاندانۋى مەن ءوڭىردىڭ ءبىر تۇلعالانۋى − جالپى اۋقىم. تاراپتار دۇنيە جۇزىلىك ساۋدا ۇيىمى ەرەجەسىنىڭ بەدەلى مەن ونىمدىلىگىن قورعاپ، اشىق، باۋىرمال، جاريا، قاقپايلامايتىن، ەرەجەنى نەگىز ەتكەن كوپ جاقتى ساۋدا ءتۇزىلىسىن نىعايتىپ، ساۋدا قورعانىمپازدىعى اتاۋلىنىڭ بارلىعىنا قارسى تۇرۋ ءتيىس. تاراپتار ءوزارا تيىمدىلىك جاساپ، تەڭ يگىلىككە كەنەلۋ پرينسيبىن ۇزدىكسىز باسشىلىققا الىپ، وڭىرلىك ەكونوميكالىق ىنتىماقتاستىق ورنالاستىرۋىن كەمەلدەندىرىپ، «ءبىر بەلدەۋ، ءبىر جول» قۇرىلىسى ىنتىماقتاستىعى مەن دامۋ ستراتەگياسىنىڭ ۇشتاسۋىن كۇشەيتىپ، ەكونوميكا - ساۋدا، قارجى قوسۋ، فينانس، ءوزارا بايلانىس، اۋىل شارۋاشىلىعى سالالارىنداعى ىنتىماقتاستىقتى تەرەڭدەتىپ، ساۋدا مەن قارجى قوسۋدىڭ قولايلاسۋىن ىلگەرىلەتىپ، ءوڭىردىڭ توعىسپالى دامۋىنىڭ جاڭا ۇلگىسىن قالىپتاستىرىپ، وڭىردەگى ءار ەل حالىقتارىنىڭ باقىتىن كوزدەپ، دۇنيە ەكونوميكاسىنىڭ دامۋىنا قوزعاۋشى كۇش قوسۋ كەرەك.

  ءبىز ءبىر اۋىزدان مىنانى باسا دارىپتەدىك: ءار ەلدىڭ ۇزاق تاريحى مەن شۇعىلالى مادەنيەتى − ادامزاتتىڭ ورتاق بايلىعى. تاراپتار مادەنيەتتىڭ الۋان تۇرلىلىگى مەن قوعامدىق قۇن كوزقاراسىنا ءوزارا قۇرمەت ەتۋ نەگىزىندە، مادەنيەت، وقۋ - اعارتۋ، عىلىم - تەحنيكا، قورشاعان ورتانى قورعاۋ، دەنساۋلىق ساقتاۋ، ساياحات، جاستار، اقپارات قۇرالدارى، دەنە تاربيە سياقتى سالالاردا ۇزدىكسىز تۇردە اسا ءونىمدى كوپ جاقتى جانە ەكى جاقتى ىنتىماقتاستىقتار ورىستەتىپ، مادەنيەتتەر ارا ۇلگى الۋدى، حالىقتار تىلەگىنىڭ توعىسۋىن قالايدى.

  ءبىز ءبىر اۋىزدان بىلاي دەپ ەسەپتەدىك: شاڭحاي ىنتىماقتاستىق ۇيىمىنىڭ حالىقارالىق بارىس - كەلىس پەن ىنتىماقتاستىقتى كەڭەيتۋى اسا ماڭىزدى. تاراپتار تەڭ تۇرعىدا ءوزارا تيىمدىلىك جاساۋ نەگىزىندە، باقىلاۋشى ەلدەر، كەڭەسۋشى سەرىكتەستەر سياقتى وڭىردەگى ەلدەرمەن ىنتىماقتاستىقتى تەرەڭدەتىپ، ب م ۇ، سونداي - اق باسقا دا حالىقارالىق جانە وڭىرلىك ۇيىمدارمەن كەڭەسۋدى جانە اۋىس - كۇيىستى كەڭەيتىپ، دۇنيە ءجۇزىنىڭ باياندى بەيبىتشىلىگىن جانە بىرگە گۇلدەنۋىن جەبەۋگە بىرگە كۇش سالۋدى قالايدى.

  ءبىز وسى جولعى باس قوسۋدان كەيىن، قىرعىزستان رەسپۋبليكاسىنىڭ شاڭحاي ىنتىماقتاستىق ۇيىمىنا كەزەكتى ءتوراعا ەل مىندەتىن ۇستىنە الۋىن اقىلداسىپ بەلگىلەدىك. تاراپتار قىرعىزستاننىڭ ءتوراعا ەلدىك جاۋاپكەرلىگىن وتەپ، كەلەر جىلعى باس قوسۋدى ويداعىداي وتكىزۋىن بەلسەنە قولدايدى جانە وعان سايكەسەدى.

  حانىمدار، مىرزالار، دوستار!

  وسى ورايدا، مەن ءار ەل باسشىلارى مەن حالىقارالىق ۇيىمداردىڭ جاۋاپتىلارىنىڭ وسى جولعى باس قوسۋعا قاتىناسقانىنا العىس ايتامىن، ءار تاراپتىڭ، ءار سالانىڭ جۇڭگونىڭ شاڭحاي ىنتىماقتاستىق ۇيىمىنا ءتوراعا ەل مىندەتىن وتەگەن جانە باس قوسۋدى وتكىزۋگە دايىندالعان مەزگىلدە زور قولداۋ كورسەتىپ، سەلبەسىپ كومەكتەسكەنىنە العىس ايتامىن، اقپارات قۇرالدارىنداعى دوستاردىڭ شاڭحاي ىنتىماقتاستىق ۇيىمىنىڭ دامۋىنا جانە چيڭداۋداعى باس قوسۋعا نازار اۋدارعانىنا العىس ايتامىن.

  كوپشىلىكتىڭ بىرگە قۇلشىنۋىندا شاڭحاي ىنتىماقتاستىق ۇيىمىنىڭ بولاشاعىنىڭ، ءسوز جوق، اناعۇرلىم كوركەم بولاتىنىنا كامىل سەنەمىن!

  كوپشىلىككە راقىمەت!

  (شينحۋا اگەنتتىگىنىڭ 6 - ايدىڭ 10 - كۇنى چيڭداۋدان بەرگەن حابارى)

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ