<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ماڭىزدى حابارلار

شاڭحاي ىنتىماقتاستىق ۇيىمىنىڭ چيڭداۋ باسشىلار باس قوسۋى وتكىزىلدى

كەلۋ قاينارى : شينجياڭ گازەتى سايتى

شي جينپيڭ ءماجىلىستى باسقاردى ءارى ماڭىزدى ءسوز سويلەدى

«شاڭحاي رۋحىن» ونان ارى اسقاقتاتۋدى، شاڭحاي ىنتىماقتاستىق ۇيىمىنىڭ تاعدىرلاس ورتاق تۇلعاسىن قۇرۋدى باسا دارىپتەدى

  6 - ايدىڭ 10 - كۇنى شاڭحاي ىنتىماقتاستىق ۇيىمىنا مۇشە ەلدەر باسشىلارى القالار كەڭەسىنىڭ 18 - رەتكى ءماجىلىسى چيڭداۋ حالىقارالىق ءماجىلىس ورتالىعىندا وتكىزىلدى. مەملەكەت ءتوراعاسى شي جينپيڭ ءماجىلىستى باسقاردى ءارى ماڭىزدى ءسوز سويلەدى.

  شينحۋا اگەنتتىگىنىڭ 6 - ايدىڭ 10 - كۇنى چيڭداۋدان بەرگەن حابارى (تىلشىلەر يۇي شياۋجۇڭ، جۋ چاۋ). شاڭحاي ىنتىماقتاستىق ۇيىمىنا مۇشە ەلدەر باسشىلارى القالار كەڭەسىنىڭ 18 - رەتكى ءماجىلىسى 6 - ايدىڭ 100 - كۇنى چيڭداۋ حالىقارالىق ءماجىلىس ورتالىعىندا وتكىزىلدى. جۇڭگونىڭ مەملەكەت ءتوراعاسى شي جينپيڭ ءماجىلىستى باسقاردى ءارى ماڭىزدى ءسوز سويلەدى. شاڭحاي ىنتىماقتاستىق ۇيىمىنا مۇشە ەلدەردىڭ باسشىلارى، تۇراقتى قۇرىلىمداردىڭ جاۋاپتىلارى، باقىلاۋشى ەلدەردىڭ باسشىلارى جانە ب م ۇ سياقتى حالىقارالىق ۇيىمداردىڭ جاۋاپتىلارى ماجىلىسكە قاتىناستى. ماجىلىسكە قاتىناسقان تاراپتار شاڭحاي ىنتىماقتاستىق ۇيىمىنىڭ دامۋ بارىسىنا قايىرىلا قاراپ، ۇيىم دامۋىنىڭ قازىرگى احۋالى، مىندەتى، بولاشاعى تۋرالى ىشكەرىلەي پىكىر اۋىستىرىپ، ماڭىزدى حالىقارالىق جانە وڭىرلىك ماسەلەلەر جونىندەگى تۇرعىلارىن سايكەستىرىپ، كەڭ ورتاق تانىمعا قول جەتكىزدى.

  6 - ايداعى چيڭداۋ سىزعان سۋرەتتەي اسەم كوركىمەن كوز تارتتى. حالىقارالىق ءماجىلىس ورتالىعىنىڭ سىرتىندا، اشىق اسپان اياسىندا كوك تەڭىز باياۋ تولقىپ، باس قوسۋعا قاتىناساتىن ەلدەردىڭ مەملەكەت تۋلارى، شاڭحاي ىنتىماقتاستىق ۇيىمىنىڭ تۋى جانە باس قوسۋعا قاتىناساتىن حالىقارالىق ۇيىمداردىڭ تۋلارى اسقاق جەلبىرەپ تۇردى. تۇستەن بۇرىن ساعات 11 مولشەرىندە ءماجىلىس رەسمي باستالدى.

  6 - ايدىڭ 10 - كۇنى شاڭحاي ىنتىماقتاستىق ۇيىمىنا مۇشە ەلدەر باسشىلارى القالار كەڭەسىنىڭ 18 - رەتكى ءماجىلىسى چيڭداۋ حالىقارالىق ءماجىلىس ورتالىعىندا وتكىزىلدى. مەملەكەت ءتوراعاسى شي جينپيڭ ءماجىلىستى باسقاردى ءارى ماڭىزدى ءسوز سويلەدى.

  شي جينپيڭ باستالۋ ءراسىمىنىڭ ارناۋ سوزىندە، ەڭ الدىمەن، تاراپتاردىڭ جۇڭگونىڭ شاڭحاي ىنتىماقتاستىق ۇيىمىنا ءتوراعالىق ەتكەن ءبىر جىلدان بەرگى قىزمەتىنە كورسەتكەن زور قولداۋى مەن تىعىز سەلبەستىگىنە العىس ايتىپ، بۇل رەتكى باسشىلار باس قوسۋىنىڭ شاڭحاي ىنتىماقتاستىق ۇيىمىنا جاڭا مۇشەلەر قوسىلعاننان كەيىن وتكىزىلگەن تۇڭعىش باسشىلار باس قوسۋى ەكەنىن، ونىڭ بۇرىنعىعا مۇراگەر، كەيىنگىگە بۇيداگەر بولاتىن ماڭىزدى ءمانى بار ەكەنىن اتاپ كورسەتتى. ءۇندىستاننىڭ زۇڭليى موديدىڭ، پاكيستاننىڭ زۇڭتۇڭى قۇسايىننىڭ مۇشە مەملەكەتتىڭ باسشىسى رەتىندە ماجىلىسكە العاش رەت قاتىناسقانىن قارسى الدى.

  وسىدان سوڭ، شي جينپيڭ «<شاڭحاي رۋحىن> اسقاقتاتىپ، تاعدىرلاس ورتاق تۇلعا قۇرايىق» تاقىرىبىندا ماڭىزدى ءسوز سويلەدى. شي جينپيڭ مىنالاردى اتاپ كورسەتتى: شاڭحاي ىنتىماقتاستىق ۇيىمى قۇرىلعان 17 جىلدان بەرى، ايرىقشا دامۋ بارىسىنان ءوتىپ، ماڭىزدى جەتىستىككە قول جەتكىزدى. ءبىز «شاڭحاي ىنتىماقتاستىق ۇيىمىنىڭ ەرەجەسىن»، «شاڭحاي ىنتىماقتاستىق ۇيىمىنا مۇشە ەلدەردىڭ ۇزاق ۋاقىت تاتۋ كورشىلىك، دوستىق ىنتىماقتاستىعى تۋرالى شارتىن» نەگىز ەتىپ، وداقتاسپاۋ، قارسىلاسپاۋ، ءۇشىنشى تاراپقا باعىتتاماۋ سىندى ناتيجەلى سەرىكتەستىك قارىم - قاتىناس ورناتتىق. بۇل حالىقارالىق قارىم - قاتىناس نازارياسى مەن امالياتىنداعى ماڭىزدى جاڭالىق بولدى، ءبىز وڭىرلىك ىنتىماقتاستىقتىڭ جاڭا ۇلگىسىن اشىپ، ءوڭىردىڭ بەيبىتشىلىگى مەن دامۋى ءۇشىن تىڭ ۇلەس قوستىق. قازىرگى تاڭدا، شاڭحاي ىنتىماقتاستىق ۇيىمى دۇنيە جۇزىندە جەر كولەمى ەڭ كەڭ، حالقى ەڭ كوپ، جان - جاقتى، وڭىرلىك ىنتىماقتاستىق ۇيىمى ەسەپتەلەدى، ونىڭ حالىقارالىق ىقپالى ۇزدىكسىز جوعارىلاپ، الەمدىك بەيبىتشىلىك پەن دامۋدى جەبەيتىن، حالىقارالىق ادىلدىك پەن تەڭدىكتى قورعايتىن، نەمقۇرايدى قاراۋعا بولمايتىن ماڭىزدى كۇشكە اينالدى.

  شي جينپيڭ مىنالاردى اتاپ كورسەتتى: شاڭحاي ىنتىماقتاستىق ۇيىمى جالىندى ومىرشەڭدىك كۇشىن، قۋاتتى ىنتىماقتاستىق كۇشىن ءارقاشان ساقتاپ كەلەدى، مۇنىڭ ءتۇبىرلى سەبەبى ونىڭ «شاڭحاي رۋحىن» جاسامپازدىقپەن ورتاعا قويۋىندا جانە ونى ءارقاشان جۇزەگە اسىرا بىلۋىندە، ءوزارا سەنىمدى، ءوزارا تيىمدىلىكتى، تەڭدىكتى، ءوزارا اقىل - كەڭەستى، مادەنيەتتەردىڭ سان الۋاندىعىنا قۇرمەت ەتۋدى، بىرلەسىپ دامۋعا دەگەن ۇمتىلىستى دارىپتەۋىندە. قازىرگى الەمدە حالىقارالىق قارىم - قاتىناستىڭ دەموكراتيالانۋى بوگەۋ بەرمەس ءداۋىر اعىمىنا اينالدى، حاۋىپسىزدىك پەن ورنىقتىلىق − جۇرت قالاۋى، ىنتىماقتاسىپ، تەڭ ۇتۋ − ۇلكەن بەتالىس، تۇرلىشە وركەنيەتتەردىڭ اۋىس - كۇيىسى، ءبىر - بىرىنەن ۇلگى الۋى ءار ەل حالقىنىڭ ورتاق تىلەگى بولىپ تابىلادى. ءبىز «شاڭحاي رۋحىن» ونان ارى اسقاقتاتىپ، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ كوزقاراسىن دارىپتەپ، ورتاق، جان - جاقتى، ىنتىماقتاسقان، باياندى حاۋىپسىزدىك كوزقاراسىن جۇزەگە اسىرىپ، اشىق، توعىسپالى، ءوزارا ءتيىمدى، تەڭ ۇتاتىن ىنتىماقتاستىق كوزقاراسىن نەگىز ەتىپ، تەڭ، ءبىر - بىرىنەن ۇلگى الاتىن، ديالوگ جۇرگىزەتىن، سيىسىمدى وركەنيەت كوزقاراسىن ورناتىپ، اقىلداسۋ، بىرگە قۇرۋ، بىرگە يگىلىكتەنۋ سىندى جاھاندىق جونگە سالۋ كوزقاراسىنا تاباندى بولىپ، داۋىرلىك قيىن ماسەلەلەردى شەشىپ، حاۋىپ - قاتەر، سىن - سايىستاردى باسەيتۋىمىز كەرەك.
 شي جينپيڭ مىنالاردى باسا دارىپتەدى: «شاڭحاي رۋحى» ءبىزدىڭ ورتاق بايلىعىمىز، شاڭحاي ىنتىماقتاستىق ۇيىمى ءبىزدىڭ ورتاق مەكەنىمىز. ءبىز ۇزدىكسىز تۇردە «شاڭحاي رۋحىنىڭ» جەتەكشىلىگىندە، ءبىر جاعادان باس، ءبىر جەڭنەن قول شىعارىپ، ىزگى نيەتپەن ىنتىماقتاستىق جاساسىپ، جۇدىرىقتاي جۇمىلا وتىرىپ شاڭحاي ىنتىماقتاستىق ۇيىمىنىڭ تاعدىرلاس ورتاق تۇلعاسىن قۇرىپ، جاڭاشا حالىقارالىق قاتىناس ورناتۋدى ىلگەرىلەتىپ، باياندى بەيبىت، جاپپاي حاۋىپسىز، بىرگە گۇلدەنگەن، اشىق تا باۋىرمال، كىرشىكسىز دە كوركەم دۇنيەگە قاراي قول ۇستاسا قادام تاستاۋىمىز كەرەك.

  ءبىرىنشى، بەرەكە - بىرلىك پەن ءوزارا سەنىمنىڭ قۇدىرەتتى كۇشىن ۇيىستىرايىق. ءبىز اركىمنىڭ تاڭداعان دامۋ جولىنا قۇرمەت ەتىپ، ءوزارا وزەكتى مۇددە مەن كوڭىل ءبولىپ وتىرعان كەلەلى ماسەلەلەرگە تەڭ ءمان بەرىپ، ۇيىمنىڭ ۇيىسۋ كۇشى مەن جۇمىلدىرۋ كۇشىن ۇزدىكسىز ارتتىرۋىمىز كەرەك.

  ەكىنشى، بەيبىتشىلىك پەن حاۋىپسىزدىكتىڭ ورتاق نەگىزىن مىقتاپ ورناتايىق. ءبىز قورعانىس حاۋىپسىزدىگى، زاڭ اتقارۋ حاۋىپسىزدىگى، ينفورماتسيا حاۋىپسىزدىگى جاقتارىنداعى ىنتىماقتاستىقتى كۇشەيتۋىمىز، اۋعانستاننىڭ بەيبىت قايتا قۇرۋ ۇدەرىسىن ىلگەرىلەتۋىمىز كەرەك. كەلەشەكتەگى 3 جىلدا، جۇڭگو تاراپتار ءۇشىن 2000 زاڭ اتقارۋشى قىزمەتكەردى تاربيەلەپ بەرىپ، زاڭ اتقارۋ قابىلەتى قۇرىلىسىن كۇشەيتۋدى قالايدى.

  ءۇشىنشى، بىرگە دامۋ مەن گۇلدەنۋدىڭ سەرپىندى قوزعالتقىشىن قالىپتاستىرايىق. ءبىز دامۋ ستراتەگيالارىنىڭ ءتۇيىسۋىن جەبەپ، «ءبىر بەلدەۋ، ءبىر جول» قۇرىلىسىن ىلگەرىلەتىپ، وڭىرلىك ساۋدانىڭ قولايلىلاسۋ ۇدەرىسىن تەزدەتۋىمىز كەرەك. جۇڭگو شاڭحاي ىنتىماقتاستىق ۇيىمى بانكە بىرىككەن تۇلعاسىنىڭ اياسىندا 30 ميلليارد يۋانعا تەڭ ارنايى قارىز اقشا تاعايىندايدى.

  ءتورتىنشى، گۋمانيتارلىق اۋىس - كۇيىس ىنتىماقتاستىعىنىڭ ورتاق دانەكەرىن شيراتا تۇسەيىك. ءبىز وقۋ - اعارتۋ، عىلىم - تەحنيكا، مادەنيەت، ساياحات، دەنساۋلىق ساقتاۋ، اپات زيانىن ازايتۋ، اقپارات قۇرالدارى، قورشاعان ورتا، جاستار مەن ورەندەر سياقتى ءار سالاداعى ىنتىماقتاستىقتى تىڭعىلىقتى ىلگەرىلەتۋىمىز كەرەك. كەلەشەكتەگى 3 جىلدا جۇڭگو مۇشە ەلدەرگە ادام كۇشى بايلىعىن اشۋ بويىنشا 3000 ادام تاربيەلەپ بەرەدى، جۇڭگو فىڭيۇن - 2 اۋا رايى جاساندى سەرىگىنەن پايدالانىپ تاراپتارعا مەتەرولوگيالىق قىزمەت كورسەتۋدى قالايدى.

  بەسىنشى، حالىقارالىق ىنتىماقتاستىقتىڭ سەرىكتەستىك تورىن بىرگە كەڭەيتەيىك. ءبىز باقىلاۋشى ەلدەر، ديالوگتاسۋشى سەرىكتەستەر سياقتى وڭىردەگى مەملەكەتتەرمەن اۋىس - كۇيىس، ىنتىماقتاستىقتى كۇشەيتىپ، ب م ۇ سياقتى حالىقارالىق جانە وڭىرلىك ۇيىمدارمەن سەرىكتەستىك قاتىناستى نىعايتىپ، حالىقارالىق فينانس قۇرىلىمدارىمەن ديالوگ وتكىزىپ، قولامتالى ماسەلەلەردى شەشۋدى ىلگەرىلەتۋگە، الەمدىك جونگە سالۋدى كەمەلدەندىرۋگە ۇلەس قوسۋىمىز كەرەك.

  شي جينپيڭ سوڭىندا مىنالاردى باسا دارىپتەدى: جۇڭگو مۇشە ەلدەرمەن بىرگە بەلسەندى ىسكەرلىك، دوستىق ىنتىماقتاستىق رۋحىن نەگىز ەتىپ، وسى جولعى باس قوسۋدىڭ ورتاق تانىمىن جاپپاي تياناقتاندىرىپ، كەلەسى كەزەكتەگى ءتوراعا ەل قىرعىزستاننىڭ قىزمەتىن قولداپ، شاڭحاي ىنتىماقتاستىق ۇيىمىنىڭ ءتىپتى جارقىن كوركەم بولاشاعىن قول ۇستاسا قۇرۋدى قالايدى. (ءسوزدىڭ تولىعى 3 - بەتكە بەرىلدى)

  ءۇندىستاننىڭ زۇڭليى مودي، قازاقستاننىڭ زۇڭتۇڭى نازاربايەۆ، قىرعىزستاننىڭ زۇڭتۇڭى جيەنبەكوۆ، پاكيستاننىڭ زۇڭتۇڭى قۇسايىن، رەسەيدىڭ زۇڭتۇڭى پۋتين، تاجىكستاننىڭ زۇڭتۇڭى راحمون، وزبەكستاننىڭ زۇڭتۇڭى ميرزىيويەۆ، شاڭحاي ىنتىماقتاستىق ۇيىمىنىڭ باس حاتشىسى اليموۆ، شاڭحاي ىنتىماقتاستىق ۇيىمىنىڭ وڭىرلىك لاڭكەستىككە قارسى تۇرۋ قۇرىلىمى اتقارۋشى كوميتەتىنىڭ مەڭگەرۋشىسى سىسويەۆ، اۋعانستاننىڭ زۇڭتۇڭى عاني، بەلورۋسسيانىڭ زۇڭتۇڭى لۋكاشەنكو، يراننىڭ زۇڭتۇڭى رۋحاني، موڭعۇليانىڭ زۇڭتۇڭى باتتۇلعى، ب م ۇ - نىڭ ۇنەمىلىك ىستەرگە جاۋاپتى ورىنباسار باس حاتشىسى ءامينا ىلگەرىندى - كەيىندى ءسوز سويلەدى. ولار جۇڭگونىڭ شاڭحاي ىنتىماقتاستىق ۇيىمىنىڭ دامۋىن ىلگەرىلەتۋ ءۇشىن قوسقان ۇلەسىن جانە ءتوراعا ەل بولعان كەزدەگى قىزمەتىن جوعارى باعالاپ، شاڭحاي ىنتىماقتاستىق ۇيىمىنىڭ ءۇندىستاندى، پاكيستاندى مۇشەلىككە قابىلداعانىنىڭ ماڭىزدى مانىنە بەلسەندى باعا بەردى. تاراپتار ءبىر اۋىزدان: «شاڭحاي رۋحىن» نەگىز ەتۋدى جالعاستىرىپ، ساياسي، حاۋىپسىزدىك، ەكونوميكا، گۋمانيتارلىق سالالارداعى سىندارلى ىنتىماقتاستىقتى ۇزدىكسىز بەكەمدەپ، جاھاندىق ەكونوميكانى جونگە سالۋ جۇيەسىن كەمەلدەندىرىپ، كوپ جاقتى ساۋدا ءتۇزىلىسىن بەكەمدەپ جانە دامىتىپ، حالىقارالىق زاڭ - ەرەجەلەر اياسىندا وڭىرلىك قولامتالى ماسەلەلەردى شەشىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەمىز، - دەستى. «ءبىر بەلدەۋ، ءبىر جول» باستاماسى تاعى دا كەڭ قارسى الۋعا جانە قولداۋعا يە بولدى.

  باس قوسۋدا «شاڭحاي ىنتىماقتاستىق ۇيىمىنا مۇشە ەلدەر باسشىلارى كەڭەسى باس قوسۋىنىڭ اقپاراتتىق مازمۇنداماسى»، «شاڭحاي ىنتىماقتاستىق ۇيىمىنا مۇشە ەلدەر باسشىلارىنىڭ ساۋدانى قولايلىلاستىرۋ تۋرالى بىرلەسكەن مالىمدەمەسى»، «شاڭحاي ىنتىماقتاستىق ۇيىمىنا مۇشە ەلدەر باسشىلارىنىڭ جاستارعا ارناعان ورتاق ءسوزى»، «شاڭحاي ىنتىماقتاستىق ۇيىمىنا مۇشە ەلدەر باسشىلارىنىڭ شاڭحاي ىنتىماقتاستىق ۇيىمى وڭىرىندە تارالعىش اۋرۋلار قاتەرىنە بىرلەسىپ توتەپ بەرۋ تۋرالى مالىمدەسى» جاريالاندى.

  باس قوسۋدان بۇرىن، شي جينپيڭ باس قوسۋعا قاتىناسقاندارمەن قوناق زالىندا توپتىق سۋرەتكە ءتۇستى.

  ديڭ شۋەشياڭ، ياڭ جيەچى، ۋاڭ ي، حى ليفىڭ، ت. ب باس قوسۋعا قاتىناستى.

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ