<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ارناۋلى تاقىرىپ>>ۇيرەنۋ

ماڭگى جۇڭگو حالقى مەن جۇڭحۋا ۇلتىنىڭ تىرەگى بولايىق

− شي جينپيڭنىڭ مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىندە سويلەگەن ماڭىزدى ءسوزى تۋرالى (5)

  ەكونوميكانىڭ وسۋىنە قوسقان %30تەن استام ۇلەسىمەن جۇڭگو الەمنىڭ قوزعالتقىشىنا اينالدى؛ جۇڭگو اۆتوكولىكتەرى، جۇڭگو كوپىرى، جۇڭگو جولدارى، جۇڭگو ينتەرنەتى الەمنىڭ القاۋىنا بولەندى؛ جۇڭگو پاراساتى، جۇڭگو جوباسى، جۇڭگو ارەكەتى الەمدى ورتاق تانىمعا ۇيىستىردى... قۇبىلىستان تۇپكى مانىنە ۇڭىلگەن، وسىنداي حيكىمەتتەردىڭ ءبارىنىڭ ءتۇبىرلى سەبەبى − جۇڭگو كوممۋنيستىك پارتياسىنىڭ پارمەندى باسشىلىعى ەكەنىن تانىعان ادامدار قاتارى كۇن سايىن كوبەيۋدە.

  «ماركسيزمدىك بيلىك پارتياسىنىڭ اسىل قاسيەتىن ماڭگى ساقتاپ، ماڭگى ءداۋىردىڭ الدىڭعى لەگىندە ءجۇرىپ، ماڭگى جۇڭگو حالقى مەن جۇڭحۋا ۇلتىنىڭ تىرەگى بولۋ كەرەك!»، مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىندە باس شۋجي شي جينپيڭ پارتيا باسشىلىعىنىڭ جۇڭگوشا سوتسياليزمگە تاباندى بولۋ جانە ونى دامىتۋداعى ماڭىزدى ءمانىن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى شەشۋشى رولىن تەرەڭ بايىمداپ، 3 «ماڭگى» ءسوزى ارقىلى جۇڭگو كوممۋنيستىك پارتياسىن تاريحي بورىشتى اناعۇرلىم جاقسى ارقالاۋعا جەتەكتەدى. ايبىندى ءسوز، ىقىلاستى لەبىز ءىرى ەل كوسەمىنىڭ بيىكتەن الىسقا كوز جىبەرگەن كورەگەندىگىن ايگىلەپ، كوممۋنيستەردىڭ شىنايى اۋەلگى ماقساتىن كورسەتتى.

  زەڭگىر كوككە سامعاپ، الىسقا ۇشقان قازدار باستاۋشى قازدىڭ جەتەگىنەن ايرىلا المايدى؛ جارىسا جەلكەن كوتەرگەن قايىقتار جالاۋ كوتەرگەن كەمەنىڭ جول باستاۋىن قاجەت ەتەدى. جۇڭگو كوممۋنيستىك پارتياسى جۇڭگونىڭ ەڭ جوعارى ساياسي باسشىلىق كۇشى، جۇڭگونىڭ ءىسىن جاقسى تىندىرۋدىڭ تەتىگى پارتيادا. الماعايىپ الاساپىراندا دۇنيەگە كەلىپ، سوعىس ورتىندە شىڭدالىپ، جالىندى قۇرىلىس دۋمانىندا ەڭسەسىن كوتەرىپ، رەفورما جاساپ، ەسىك اشۋدىڭ اساۋ تولقىنىندا بۋىنىن بەكىتكەن كەشەگى تاريحتىڭ ۇلى تولقىن ۇردىسىنە قايرىلا قاراساق، جۇڭگو كوممۋنيستىك پارتياسى قاي - قاشان دا «جۇڭگو حالقىن باقىتقا كەنەلتۋ، جۇڭگو ۇلتىنىڭ گۇلدەنۋىن جۇزەگە اسىرۋداي» اۋەلگى ماقسات پەن بورىشقا ساي، ميلليارد حالىقتى باستاپ، ۇلتتىڭ كوركەيۋى ءۇشىن كۇرەس جۇرگىزىپ كەلەدى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى رول ۇستاپ، جول نۇسقاپ، جۇڭگو اتتى الىپ كەمەنى جاڭا ايدىنعا باستادى. تاريح جۇڭگو كوممۋنيستىك پارتياسىنىڭ باسشىلىعى − جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ءتۇبىرلى كەپىلى ەكەنىن، جۇڭگو كوممۋنيستىك پارتياسى بولماسا، جۇڭحۋا ۇلتىنىڭ ۇلى گۇلدەنۋى بولمايتىنىن دالەلدەدى ءارى دالەلدەي بەرەدى.

  جۇڭگو حالقى مەن جۇڭحۋا ۇلتىنىڭ تىرەگى بولۋ ءۇشىن، جالپى جاعدايدى ءبىر تۇتاس باعامداپ، ءار جاقتى سايكەستىرە ءبىلۋ كەرەك. باس شۋجي شي جينپيڭ «پارتيا، ۇكىمەت، ارميا، مادەنيەت، وقۋ - اعارتۋ قاتارلى بارلىق سالاعا جانە بارلىق جەرگە پارتيا باسشىلىق ەتەدى» دەپ كوپ مارتە باسا دارىپتەدى. جۇڭگو كوممۋنيستىك پارتياسىنىڭ باسشىلىعى − جۇڭگوشا سوتسياليزمنىڭ ەڭ ماندىك ەرەكشەلىگى، جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ نەگىزگى جالپى جوباسى. پارتيا 19 - قۇرىلتايى جارقىن بولاشاققا باستايتىن ۇلى جوبا كەسكىندەدى، ۇلى جوبانى جۇزەگە اسىرۋ − تىڭ جورىق. بۇل ءۇشىن العا باسۋ جولىنداعى «لوۋشانگۋان»، «لازىكوۋ» قامالدارىن الۋ كەرەك، ونان دا ماڭىزدىسى، بۇكىل ەلدەگى ءارقايسى پارتيا − توپتار، ۇيىمدار، ءار ۇلت، ءار جىك، ءار سالا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، «4 تانىمدى» كۇشەيتىپ، «4 سەنىمدى» بەكەمدەپ، العان بەتتەن قايتپاي العا تارتاتىن، الماس قامالى بولمايتىن قۋاتتى كۇش ۇيىستىرىپ، بارشا جۇرت ءبىر نيەتپەن العا باسۋ كەرەك.

  جۇڭگو حالقى مەن جۇڭحۋا ۇلتىنىڭ تىرەگى بولۋ ءۇشىن، ءوز باسى قاشاندا ايرىقشا مىعىم بولۋ، ءوز - وزىنە توڭكەرىس جاساۋعا باتىل بولۋ كەرەك. پارتيا مەن حالىقتىڭ ىستەرى دامىپ قاي كەزەڭگە كەلسە، پارتيا قۇرىلىسى دا سول كەزەڭگە دەيىن ىلگەرىلەتىلۋى كەرەك. وتكەن 5 جىلدا اۋىر سوققى بەرىپ، تەمىردەي تەگەۋرىنمەن ءىرىپ - شىرۋگە قارسى تۇرىپ، بۇرىس ستيل، تەرىس پيعىلداردى تيۋدان، ءتارتىپتى قاتايتىپ، ەرەجە - ءتۇزىم بەلگىلەپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن كۇشەيتۋگە دەيىن پارتيانىڭ جاسامپازدىق قۋاتى، ۇيىستىرۋ قۋاتى، جاۋىنگەرلىك قۋاتى كورنەكتى كۇشەيىپ، پارتيا مەن مەملەكەت ىستەرىنىڭ دامۋىنا پارمەندى ساياسي كەپىل ازىرلەندى. جۇڭگوشا سوتسياليزم جاڭا داۋىرگە ءوتتى، ءبىز پارتيا قۇرىلىسىنىڭ جاڭا ۇلى ينجەنەريالارىن ءالى دە ىشكەرىلەي ىلگەرىلەتۋىمىز، قاشاندا حالىقپەن ەتەنە بولىپ، بەينەت پەن زەينەتتە حالىقپەن بىرگە بولۋىمىز، حالىقپەن ىنتىماقتاسىپ، كۇرەس جۇرگىزۋىمىز، حالىققا باسشىلىق ەتىپ، ۇلى قوعامدىق توڭكەرىس جاساۋدىڭ تاريحي جاۋاپكەرشىلىگىن ارقالاۋىمىز كەرەك.

  ۇلى ءىس ۇلى ساياسي پارتياعا مۇقتاج، ۇلى ساياسي پارتيا ۇلى ءىس تىندىرادى. پارتيانىڭ باسشىلىعىنا مىزعىماستان تاباندى بولعاندا جانە ونى كەمەلدەندىرگەندە، پارتيانى ونان ارى پارمەندى، مىعىم ەتىپ قۇرا بىلگەندە ميلليارد حالىقتى شىن نيەتپەن ىنتىماقتاستىرىپ، بارشا جۇرتتىڭ كۇشىن بىرىكتىرىپ قامال الۋعا، جاڭا داۋىردەگى ەكپىندى شىعىس جەلىندە جۇڭگو حالقىنىڭ ۇلى ارمانىن ارقالاعان كەمەنىڭ تولقىن جارا العا ىلگەرىلەپ، شۇعىلالى ەرتەڭگە قاراي جەڭىسپەن جول تارتۋىن جەبەۋگە بولادى.

(شينحۋا اگەنتتىگىنىڭ 3 - ايدىڭ 25 - كۇنى بەيجيڭنەن بەرگەن حابارى)

كەلۋ قاينارى : شينجياڭ گازەتى سايتى

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ