<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ارناۋلى تاقىرىپ>>ۇيرەنۋ

جاڭا داۋىرگە ءتان شۇعىلالى تابىستار جاراتۋعا قۇلشىنايىق

كەلۋ قاينارى : شينجياڭ گازەتى سايتى 

− شي جينپيڭنىڭ مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىندە سويلەگەن ماڭىزدى ءسوزى تۋرالى (3)

  تاۋ قانشا بيىك بولعانىمەن، تىنباي ورمەلەي بەرسەڭ، اقىرى باسىنا شىعۋعا بولادى، جول قانشا ۇزاق بولعانىمەن، تىنباي جۇرە بەرسەڭ، اقىرى جەتۋگە بولادى.

  «قازىرگى كۇيگە قاناعاتتانۋدان، جان تىنىشتىعىن كۇيىتتەۋدەن، راقاتقا كەنەلگەندە قيىنشىلىقتاردى ەستەن شىعارۋدان اۋلاق بولىپ، ءسوز جوق، اۋەلگى ماقساتتى ۇمىتپاي، بورىشتى ەسكە بەرىك ساقتاپ، جاڭا داۋىرگە ءتان شۇعىلالى تابىستار جاراتۋعا قۇلشىنۋىمىز كەرەك». باس شۋجي شي جينپيڭنىڭ مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىندەگى سالتاناتتى ءۇنى ماڭگى توقىراماس العا باسۋ رۋحىن ايگىلەپ، مەملەكەت رولشىسىنىڭ جاۋاپكەرشىلىگىن، حالىقتىڭ جول باستاۋشىسىنىڭ شالقار كوڭىلىن ايگىلەدى. ساناعا قونىمدى ەسكەرتۋ، جۇرەكتەرگە شابىت بەرگەن ۇندەۋ، بيىكتەن الىستى بولجاعان نۇسقاۋ قالايدا ميلليارد حالىقتىڭ جاڭا كەرەمەتتەر جاساۋداعى جويقىن كۇشىن جۇمىلدىرادى.

  تاريح تاباندى، تايسالماي العا باساتىن، كۇرەسكەر جاندارمەن عانا ساناسادى. عالامات جىلدارعا قايىرىلا كوز جىبەرسەك، توڭكەرىستىڭ، قۇرىلىستىڭ جانە رەفورمانىڭ شۇعىلالى تاريحىندا، مىڭ ءبىر جاپانى باستان وتكەرگەن جۇڭحۋا ۇلتىنىڭ ەڭسە كوتەرۋدەن، اۋقاتتانۋدان قۇدىرەتتەنۋگە قۇلاش سەرمەگەن ۇلى تاريحي سەكىرىسى كوممۋنيستەردىڭ تىنباي قۇلشىنىس جاساۋىنىڭ، ميلليارد حالىقتىڭ جۇدىرىقتاي جۇمىلۋىنىڭ ارقاسىندا ىسكە اسقانىن اڭعارامىز. حالىقتا سەنىم بولسا، مەملەكەتتە كۇش - قۋات، بولاشاق بولادى. بۇگىنگى تاڭدا، جۇڭگوشا سوتسياليزم جاڭا داۋىرگە ءوتتى، ەڭبەكشىل، ەرجۇرەك جۇڭگو حالقىنىڭ وزىندىك سەنىمى، ار - نامىسى، قۇدىرەتى اناعۇرلىم نىعايا ءتۇستى. قاشاندا ماڭگى سالعىرتسىمايتىن رۋحاني كۇيدى، تەڭدەسى جوق كۇرەسكەرلىك بەينەنى ساقتايتىن بولساق، ءبىز جۇڭگوشا سوتسياليزم جولىنىڭ، نازارياسىنىڭ، ءتۇزىمىنىڭ، مادەنيەتىنىڭ ومىرشەڭدىگىن مەيلىنشە جالىنداتىپ، جۇڭحۋا توپىراعىندا تولاسسىز كەرەمەتتەر جاراتا الامىز.

  پارتيانىڭ 19 - قۇرىلتايىندا جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاپ، جۇڭحۋا ۇلتىنىڭ ۇلى گۇلدەنۋىن ىسكە اسىرۋدىڭ ايبىندى جوباسى جاسالدى. ەندى عانا جابىلعان مەملەكەتتىك ەكى ماجىلىستە پارتيا جانە مەملەكەت قۇرىلىمدارى رەفورماسى باستالدى، ۇكىمەت قىزمەتىنەن باياندامادا جىلدىق مىندەتتەر ايقىندالدى. جوعارى دەڭگەيلى جوبادان نەگىزگى ساتىنى جونگە سالۋعا دەيىن، بۇكىل ەل قايراتتى تاسقىنداتىپ، جىگەردى جانىپ وتىر. باس شۋجي شي جينپيڭنىڭ ماڭىزدى سوزىندەگى تالاپتاردى تەرەڭ ءتۇسىنىپ، اناعۇرلىم زور تەبىنمەن، اناعۇرلىم ناقتى شارالارمەن رەفورمانى جاپپاي تەرەڭدەتىپ، سىرتقا ەسىك اشۋدى كەڭەيتەتىن بولساق؛ اناعۇرلىم زور تەبىنمەن، اناعۇرلىم ناقتى شارالارمەن ەكونوميكا، ساياسي، مادەنيەت، قوعام جانە ەكولوگيالىق وركەنيەت قۇرىلىستارىن ىلگەرىلەتەتىن بولساق، ءبىز باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى مەملەكەت قۇرۋ نىساناسىنا قاراي تىنباي قادام تاستاپ، سوتسياليستىك بازار شارۋاشىلىعىنىڭ ومىرشەڭدىگىن اناعۇرلىم تولىق ساۋلەلەندىرە الامىز، سوتسياليستىك دەموكراتيانىڭ ابزالدىلىعىن اناعۇرلىم تولىق ايگىلەي الامىز، جۇڭحۋا وركەنيەتىنىڭ اسەر ەتۋ، جۇمىلدىرۋ، باۋراۋ قۋاتىن اناعۇرلىم تولىق كورسەتە الامىز، جالپى حالىقتىڭ بىردەي اۋقاتتانۋىن ىسكە اسىرۋدى حالىقتىڭ ناقتى ومىرىندە اناعۇرلىم تولىق كورسەتە الامىز، جاسىل تاۋ، ءمولدىر سۋ باعا جەتپەس بايلىق دەگەن ۇستانىمدى وتاننىڭ بايتاق دالاسىندا اناعۇرلىم تولىق كورنەكتىلەندىرە الامىز.

  تار جول، تايعاق كەشۋ قايرات - جىگەردى شىڭايدى، اسۋدان اسقان ادامنىڭ الدىندا ۇزاق جول جاتادى. قازىر ىشكى - سىرتقى جاعدايدا تەرەڭ دە كۇردەلى وزگەرىستەر جارىققا شىعۋدا، ەلىمىزدىڭ دامۋى ماڭىزدى ستراتەگيالىق ورايلى مەزگىلدە تۇر. قايتكەندە حالىقتىڭ تاماشا تۇرمىسقا دەگەن كۇن ساناپ وسكەن قاجەتىن قاناعاتتاندىرىپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋگە بولادى؟ قايتكەندە ەكونوميكانىڭ جوعارى جىلدامدىقتى دامۋدان جوعارى ساپالى دامۋعا بۇرىلىس جاساۋىن ىلگەرىلەتىپ، ءداۋىردىڭ تالابىنا ۇيلەسەتىن وسى زامانعى ەكونوميكالىق جۇيەنى ورناتۋعا بولادى؟ جاڭا نىسانا جاڭا باعىت - باعداردى ايقىندادى، جاڭا ءداۋىر جاڭا تابىستارعا مۇقتاج. ءبىزدىڭ تىنىستاپ، دامىلداپ الۋدى ويلاۋىمىزعا، ءبىر تاماشا جەڭىسپەن ءبارىن تىندىردىم دەپ قيالداۋىمىزعا استە بولمايدى. ەلىمىز دامۋىنىڭ جاڭا تاريحي دەڭگەيىنە بەيىمدەلىپ، ەلىمىز قوعامىنداعى باستى قايشىلىقتىڭ وزگەرىسىنە تىعىز سايكەستىرىپ، قاشاندا حالىق ءۇشىن تىنباي كۇرەس جۇرگىزىپ، حالىقپەن بىرگە كۇرەس جۇرگىزگەندە عانا تاريحي ورايدى يگەرىپ، ءتيىمدى جاعدايدا ورگە ۇمتىلىپ، العا قويعان ۇلى نىسانالارىمىزدى ىسكە اسىرا الامىز.

  وتان الابىن كوكتەم الديلەپ، شىعىسقا كۇن شۋاعىن توكتى، 9 ميلليون 600 مىڭ شارشى كيلومەتر وتان الابىنداگۇلدەنۋدىڭ ايبىندى بەينەسى جارىققا شىقتى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، قايراتتانا العا ۇمتىلىپ، تىنباي قۇلشىناتىن بولساق، ءبىز، ءسوز جوق، جاڭا داۋىرگە ءتان شۇعىلالى تابىستار جاراتىپ، جاڭا ءداۋىر جۇڭگوشا سوتسياليزم ىستەرىندە جاڭا جاعداي اشاتىن بولامىز.

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ