<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ىلە حابارلارى

قورعاس ەكونوميكالىق اشۋ رايونى جاڭا دارىندىلار ساياساتىن بەلگىلەدى

كەلۋ قاينارى: ىلە اقپارات سايىتى

   كاسىپ جاراتقاندارعا 10 ميلليون يۋانعا دەيىن قارجىلاي قولداۋ كورسەتىلەدى

    

    ءتىلشىمىز سۇن ۋەيشيا حابارلايدى. دارىندىلار جاتاقپەن قامدالادى، ولارعا قونىستانۋ اقىسى ءۇشىن 100 – 250 مىڭ يۋان، جىلدىق ەڭبەكاقىسىنا 300 – 800 مىڭ يۋان بەرىلەدى، كاسىپ جاراتقاندار ەڭ جوعارى بولعاندا 100 ميلليون يۋان نىسان قارجىسىنا يە بولادى، دارىندىلارعا ءبىر جولدا قىزمەت وتەلەدى. قورعاس ەكونوميكالىق اشۋ رايونى 5 – ايدىڭ 16 – كۇنى دارىندىلار ساياساتى جونىندە اقپارات جاريالاۋ ءماجىلىسىن اشىپ، «قورعاستىڭ دارىندىلار ءىسىن دامىتۋ ءتۇزىلىس مەحانيزمى رەفورماسىن تەرەڭدەتۋ جونىندەگى ءبىرقانشا پىكىردى» (تومەندە «ءبىرقانشا پىكىر» دەپ اتالادى) رەسمي بەلگىلەپ، قورعاستى وڭىرلىك دارىندىلاردىڭ توپتالۋ دارەجەسى ەڭ جوعارى، دارىندىلاردىڭ اقىل – پاراسات، كۇش – قۋات جاعىنان قوسقان ۇلەس مولشەرى ەڭ جوعارى، كاسىپتەردىڭ توعىسپالى دامۋى تاماشا، باۋراۋ قۋاتى ەڭ زور «دارىندىلار تۇراعى» ەتىپ قۇرۋدى پارمەندى كەپىلمەن قامدادى.

    «ءبىرقانشا پىكىردە» ءتۇزىلىستى جاڭالاۋ، ساياساتتى كەمەلدەندىرۋ، ساپانى جوعارىلاتىپ، ونىمدىلىكتى ارتتىرۋ، قىزمەت وتەۋدى قامتاماسىزداندىرۋ سىندى 4 ءىرى جارقىن ءتۇيىن كورنەكتىلەنىپ، جوعارى ساتىلى دارىندىلارعا، ەرەكشە ۇسىنىس ەتىلگەن اقىلشىلارعا، ەرەكشە ۇسىنىس ەتىلگەن ماماندارعا جىلدىق ەڭبەكاقى بەرۋ ءتۇزىمىن اتقارۋ، باسقا دارىندىلارعا «نەگىزدىك سيپاتتى قىزمەت ونىمدىلىگى ەڭبەكاقىسى + سىناق رايونى سيلىعى سيپاتتى قىزمەت ونىمدىلىگى ەڭبەكاقىسى + كاسىپورىننىڭ جىلدىق ۇستەمە اقشاسى (كاسىپتىك جىلدىق ۇستەمە اقشا) + قامسىزداندىرۋ» سىندى ەڭبەكاقى ءتۇزىمىن اتقارۋ ورتاعا قويىلىپ، جوعارى تەحنيكالىق قابىلەتكە يە دارىندىلارعا، تاپشى دارىندىلارعا، يكەمدى ەنگىزىلگەن دارىندىلارعا ءتۇيىندى تۇردە قولداۋ كورسەتىلگەن.

    ناقتىلاپ ايتقاندا، ءتۇيىندى سالالارعا ەنگىزىلگەن جوعارى ساتىلى دارىندىلار تەحنيكا، نىسان، قارجى اكەلىپ، قورعاس ەكونوميكالىق اشۋ رايونىنىڭ دارىندىلاردى باسقارۋ، رەفورما، سىناق جۇرگىزۋ رايونىندا كاسىپ جاراتىپ، وزەكتى تەحنيكالاردى ىسكە قوسىپ، تەحنيكانى زور دارەجەدە ىلگەرىلەتىپ، وزەكتى تەحنيكالىق قيىن ماسەلەلەردى شەشۋ جاقتارىندا ناتيجە جاراتسا، ولارعا «ءبىر ءىستى ءبىر جولدا اقىلداسۋ» بويىنشا 10 ميلليون يۋانعا دەيىن نىسان قارجىسىمەن قولداۋ كورسەتىلەدى. جاس دارىندىلاردى كاسىپ جاراتۋعا باستاۋ جوسپارى ىلگەرىلەتىلىپ، ستۋدەنت دارىندىلاردىڭ كاسىپ جاراتۋىن ساراپتاۋ ارقىلى ولارعا عىلىم – تەحنيكالىق كاسىپ جاراتۋعا تاربيەلەۋ كۋرسىنا قاتىناستىرۋ سياقتى جاقتاردان قولداۋ كورسەتىلىپ، كولەمى 50 – 150 شارشى مەتر كەلەتىن، ەكى جىل ماي اقىسى الىنبايتىن قىزمەت كەڭسەسى بەرىلەدى، كاسىپ جاراتۋدا ناتيجەسى كورنەكتى بولعاندارىنا العاشقى مەرزىمدەگى كاسىپ اشۋ قوسىمشا قاراجاتى رەتىندە 500 مىڭ يۋانعا دەيىن بەرىلەدى.

   كاسىپورىندار، ءىسورىندار اكادەميكتەردىڭ قىزمەت پۋنكتىن، اعا دوكتورلاردىڭ عىلمي زەرتتەۋ قىزمەت پۋنكتىن (اعا دوكتورلاردىڭ جاڭالىق جاراتۋ، امالياتتا ايگىلەۋ بازاسى)، اۆتونوميالى رايون دارەجەلىدەن جوعارى ءتۇيىندى تاجىريبەحانانى، ينجەنەريا (تەحنيكا) زەرتتەۋ ورتالىعىن، كاسىپورىنداردىڭ تەحنيكا ورتالىعىن قۇرسا، ايىرىم – ايىرىم تۇردە 500 مىڭ يۋان، 5 ميلليون يۋان سيلىق اقشا بەرىلەدى. سونىمەن بىرگە، ءتۇيىندى جوعارى مەكتەپتەردىڭ، عىلمي زەرتتەۋ ورىندارىنىڭ وقۋشىلارى قورعاس ەكونوميكالىق اشۋ رايونىنا بارىپ، دارىندىلاردى باسقارۋ، رەفورما، سىناق جۇرگىزۋ رايونىندا پراكتيكا كورسە ولار دارىندىلار جاتاعىمەن قامدالىپ، پراكتيكا كورۋ قوسىمشا قاراجاتىنان يگىلىكتەنەدى، سونداي – اق ولاردى جىبەرگەن مەكتەپتەرگە بەلگىلى مولشەردە قوسىمشا قاراجات بەرىلەدى، مەرزىم بويىنشا دارىندىلاردىڭ جاڭالىق اشۋ، كاسىپ جاراتۋدان اۋىس – كۇيىس جاساۋ جينالىسى، كاسىپورىنشىلاردىڭ تالقى مىنبەسى، دارىندىلاردىڭ بىرلەسكەن دوستىق جينالىسى سياقتى جەلىلەس دارىندى قابىلداۋ، اقىل – پاراسات ەنگىزۋ قيمىلدارى وتكىزىلىپ تۇرادى.

    جۋىق جىلداردان بەرى، قورعاس ءار جىلى الەۋمەتتىك قازىنالىق مەجە ەسەپتەن %1.5 قاراجاتتى ارناۋلى دارىندىلار قىزمەتىنە اجىراتىپ، ەنگىزىلگەن دارىندىلارعا تۇرعىن ءۇي تارتۋ ەتۋ، قونىستانۋ قوسىمشا قاراجاتىن بەرۋ، ەڭبەكاقىنى قامتاماسىزداندىرۋ سياقتى جاقتارعا پايدالاندى. اۋىل شارۋاشىلىق قوسىمشا ونىمدەرىن يمپورت، ەكسپورت ەتەتىن ساۋدا كاسىپورنى _ قورعاس جين – ي حالىقارالىق ساۋدا توبىنىڭ ورىنباسار باس ديرەكتورى تىلشىگە بىلاي دەدى: قورعاس باتىسقا اشىلعان تەرەزە جانە جىبەك جولى ەكونوميكالىق بەلدەۋىندەگى ءتۇيىندى رايوننىڭ ماڭىزدى جەرى، «دارىندىلار توپتالعان ەرەكشە رايون» بولۋعا ۇدىرە العا تارتىپ كەلەدى. وسى جولى بەلگىلەنگەن دارىندىلار ءتۇزىلىس مەحانيزمى رەفورماسى كاسىپورىنداردىڭ دارىندى ەنگىزۋ جاعىنداعى وزىندىك قۇندى زور مولشەردە ازايتىپ، كاسىپورىنداردىڭ دارىندى قاجەتىن قاناعاتتاندىراتىن، جاڭا دارىندىلار جاڭا ساياساتى كاسىپورىنداردىڭ ورنىقتى دامۋىن پارمەندى كەپىلمەن قامدايتىن بولادى.

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ