<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>حابارلاندىرۋ

ىلە وبلىستىق ءتارتىپ تەكسەرۋ كوميتەتىنىڭ، باقىلاۋ – تەكسەرۋ كوميتەتىنىڭ ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى 4 تيپتىك دەلو مىسالى جونىندەگى حابارلاندىرۋى

كەلۋ قاينارى: ىلە گازەتى

      جۋىقتا ىلە وبلىستىق ءتارتىپ تەكسەرۋ كوميتەتى، باقىلاۋ – تەكسەرۋ كوميتەتى ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى 4 تيپتىك دەلو مىسالىن اشىق جاريالادى، ولار مىنالار:

    1. كۇيتۇن قالالىق 1 – تولىق ورتا مەكتەپ پارتيا ياچەيكاسىنىڭ ورىنباسار شۋجيى، مەكتەپ باستىعى ۋاڭ روفىڭنىڭ بەلگىلەمەگە قايشىلىق جاساپ ۇكىمەت اقشاسىمەن ءىشىپ – جەۋ ماسەلەسى. 2015 – جىلى 1 – ايدان 2017 – جىلى 9 – ايعا دەيىن ۋاڭ روفىڭ كۇيتۇن قالالىق 1 – تولىق ورتا مەكتەپ وقىتۋشىلارىن ىلگەرىندى - كەيىندى تالاي رەت قوناعاسى وتكىزۋگە ۇيىمداستىرىپ، جالپى 30 مىڭ يۋان قوناعاسى قاراجاتىن ۇكىمەت ەسەبىنەن كوتەرتكەن. 2018 – جىلى 4 – ايدا ۋاڭ روفىڭعا پارتيا ىشىندە قاتاڭ ەسكەرتۋ بەرۋ جازاسى بەرىلىپ، بەلگىلەمەگە قايشىلىق جاساپ ىستەتكەن ۇكىمەت اقشاسى قايتارىپ الىندى.

    2. نىلقى اۋدانى قۇجىرتاي اۋىلدىق پارتكومنىڭ مۇشەسى، قارۋلى ءبولىمنىڭ باستىعى يۇي ۋىنشيننىڭ بەلگىلەمەگە قايشىلىق جاساپ تارتۋ – تارالعى الۋ ماسەلەسى. 2017 – جىلى 7 – ايدا يۇي ۋىنشين قازىنا ىستەرىن باسقارۋ كەزىندە 20 مىڭ يۋان نىسان ءبىتىرۋ قاراجاتىن الىپ، جەكە باسىنا جۇمساعان. 2018 – جىلى 3 – ايدا يۇي ۋىنشينعا پارتيا ىشىندە قاتاڭ ەسكەرتۋ بەرۋ جازاسى بەرىلىپ، بەلگىلەمەگە قايشىلىق جاساپ ىستەتكەن اقشاسى قايتارىپ الىندى.

    3. تەكەس اۋداندىق جىلقى فەرماسى نىسان كەڭسەسىنىڭ بۇرىنعى مەڭگەرۋشىسى حان گوچيڭنىڭ ءىسساپار ورايىنان پايدالانىپ ۇكىمەت اقشاسىمەن ساياحاتتاۋ ماسەلەسى. 2013 – جىلى 11 – ايدا حان گوچيڭ تۇرعىن ءۇي جانە قالا – اۋىل قۇرىلىسى مينيسترلىگى شيامىن قالاسىندا ۇيىمداستىرعان كاسىپتىك تاربيەلەۋگە قاتىناسقاننان كەيىن جياڭسۋ، انحۇي ولكەلەرىن ساياحاتتاعان جانە تۋىسشىلاعان، سوڭىنان 7 مىڭ 755 يۋان 30 تين ساياحاتتاۋ، تۋىسشىلاۋ قاراجاتىن ۇكىمەت ەسەبىنەن كوتەرتكەن. 2018 – جىلى 4 – ايدا حان گوچيڭگە پارتيا ىشىندە قاتاڭ ەسكەرتۋ بەرۋ جازاسى بەرىلىپ، بەلگىلەمەگە قايشىلىق جاساپ ىستەتكەن اقشاسى قايتارىپ الىندى.

    4. چاپچال اۋداندىق ورمانشىلىق مەكەمەسىنىڭ بۇرىنعى ورىنباسار مەڭگەرۋشى قىزمەتكەرى گو بايلاننىڭ ۇكىمەت اقشاسىمەن ساياحاتتاۋ، بەلگىلەمەگە قايشىلىق جاساپ تارتۋ – تارالعى قابىلداۋ سىندى ماسەلەسى. 2015 – جىلى 6 – ايدان 10 – ايعا دەيىن گو بايلان تاربيەلەۋگە قاتىناسۋ كەزىندە ىلگەرىندى – كەيىندى شي – ان، شاڭحاي سياقتى جەرلەرگە ساياحاتتاعان ءارى 5 مىڭ يۋان ساياحات قاراجاتىن ۇكىمەت ەسەبىنەن كوتەرتكەن؛ 2014 – جىلى 1 – ايدان 2017 – جىلى 2 – ايعا دەيىن ىلگەرىندى – كەيىندى تالاي رەت نىسان ءبىتىرۋ تارتۋ – تارالعىلارىن، جالپى 16 مىڭ يۋاندىق تۇتىنۋ كارتۋچكاسىن العان، سونىمەن بىرگە، وندا تارتىپكە قايشى باسقا دا ماسەلەلەر ساقتالعان. 2018 – جىلى 3 – ايدا گو بايلانگە پارتيا ىشىندە 2 جىل قالدىرىپ سىناپ كورۋ جازاسى بەرىلىپ، بەلگىلەمەگە قايشىلىق جاساپ ىستەتكەن اقشاسى قايتارىپ الىندى.

  حابارلاندىرۋدا بىلاي دەپ اتاپ كورسەتىلدى: ءار دارەجەلى پارتيا ۇيىمدارى مەن باسشى كادرلار ورتالىقتىڭ سەگىز ءتۇرلى بەلگىلەمەسىنىڭ رۋحى مەن اتقارۋ ەرەجەسىن باستاماشىلىقپەن تياناقتاندىرىپ، نەگىزگى تۇلعالىق جاۋاپكەرلىكتى شىنايى ارقالاپ، مۇقيات جوبالاپ، شىنايى يگەرىپ، قاتاڭ باسقارىپ، ءوز باسقارۋى كولەمىندەگى «ءتورت بۇرىس ستيل» ماسەلەسىن باتىل تۇزەتىپ، «باستاۋشى قاز اسەرىن» قالىپتاستىرۋى كەرەك. بارشا پارتيالى كادرلار اششى ساباق الىپ، ءوزىن شىنايى تەكسەرىپ، ساياسي تۇرعىسىن جوعارىلاتىپ، «ءتورت تانىمدى» نىعايتىپ، جۇمىستى كىشى ىستەردەن باستاپ ىستەپ، وزىنە اناعۇرلىم جوعارى، قاتاڭ تالاپ قويۋى كەرەك.

    حابارلاندىرۋدا مىنالار تالاپ ەتىلدى: باستان – اياق ءتارتىپتى باستى ورىنعا قويىپ، پارتيالى كادرلار مەن بارلىق ازاماتتىق ۇقىق جۇرگىزۋشىلەردىڭ ستيل جاعدايىن باقىلاۋ – تەكسەرۋدى كۇشەيتۋ كەرەك. راقاتقۇمارلىق پەن ىسىراپشىلدىقتى ۇزدىكسىز قاداعالاۋ، وتە – موتە، فورماشىلدىق پەن تورەشىلدىكتى وڭاۋ جاقتارىنا بارىنشا كۇش سالىپ، تەكسەرۋ – زەرتتەۋدى شىنايى ىستەمەۋ، جيىن مەن قۇجاتتى كوبەيتۋ، تەكسەرۋ – باعالاۋدى قالايماقانداستىرۋ جانە نىساندى ولشەمگە جەتكىزۋ، باعالاۋ ىستەرىن ءوز بىلگەنىنشە جۇرگىزۋ، ۇكىمەت اۆتوكولىگىن پايدالانۋ جانە قاتىناس قۇرالدارىنا وتىرۋدا جوعارى ولشەم تالاپ ەتۋ، بەلگىلەمەگە قايشىلىق جاساپ ۇكىمەت اقشاسىمەن ءىشىپ – جەۋ، تارتۋ – تارالعى قابىلداۋ، توي – تومالاق، ءنازىر-شىراق ىستەرىن، مەرەكەلەردى دابىرالى وتكىزۋ سياقتى ماسەلەلەردى باتىل رەتتەپ – وڭاپ، بۇرىس ستيلدەردەن اۋىر ۋاقيعا تۋىلۋدان باتىل ساقتانۋ كەرەك. پارتيا 19 – قۇرىلتايىنان كەيىن دە ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساۋ ماسەلەلەرىنە ساياسي تارتىپكە قايشىلىق جاساۋ ماسەلەسى بويىنشا قاراپ، اتى - ءجونىن اتاپ اشىق حابارلاندىرىپ، جازانى بارعان سايىن قاتايتۋ كۇشتى سيگنالىن ۇزدىكسىز تاراتىپ، ستيل قۇرىلىسىن شىنايى مىقتى يگەرىپ، ونىمدىلىگىن كورىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن پارمەندى ستيلمەن قامتاماسىزداندىرۋ كەرەك.

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ