<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ارناۋلى تاقىرىپ>>ۇلتتار ىنتىماعىنىڭ بەرەكەلى شاڭىراعى

توقتارقازىنىڭ حانزۋ باۋىرلاسى

كەلۋ قاينارى :  ىلە گازەتى سايىتى
 
 سۋرەتتە: ۋاڭ يۇەبيڭ توقتارقازى تۇردىقان ۇلىنا 10 مىڭ يۋان اقشانى كومەككە بەرۋدە.
 

    ساۋان اۋدانى شيگوبي قالاشىعى ۋداگۋ قىستاعى قازاق ۇلتى شوعىرلى قونىستانعان مال شارۋاشىلىق قىستاعى. الايدا ۋداگۋ قىستاعىنىڭ بارلىق جەرىندە «ۇلتتار ىنتىماعىنىڭ بەرەكەلى شاڭىراعى» قيمىلى گۇل اشىپ، جەمىس بەردى.

   2017-جىلى 4-ايدا، ساۋان اۋدانى شيگوبي قالاشىعىنىڭ اۋىل شارۋاشىلىعى پۋنكتىنىڭ كادرى ۋاڭ يۋەبيڭ، شيگوبي قالاشىعى ۋداگۋ قىستاعىنىڭ ەڭ تومەنگى تۇرمىستىق قامسىزداندىرۋ قاراجاتىن الاتىن توقتارقازى تۇردىقان ۇلىمەن جۇپ قۇراپ تۋىس بولادى. ۋاڭ يۋەبيڭ ۇنەمى بوس ۋاقىتى شىعا قالسا بولدى توقتارقازىنىڭ وتباسىنا بارىپ مال قورالارىن تازالاۋىنا، سونداي _ اق اۋلاداعى جۇمىستارىنا كومەكتەسىپ ءارى ونى جۇمىستى تىڭعىلىقتى ىستەۋگە جەتەلەيدى. ۋاڭ يۋەبيڭ اقىرىن _ اقىرىن ۇعىسۋ ارقىلى بۇرىنعى جىلدارى توقتارقازى دا، قىستاقتاعى اۋقاتتى وتباسىلاردىڭ ءبىرى ەكەندىگىن، ءبىر رەتكى تراكتور جۇرگىزۋ بارىسىندا قاتىناس شىرعالاڭى سەبەبىنەن قارسى جاقتىڭ ەمدەلۋ قاراجاتىنا 300 قانشا مىڭ يۋان تولەم تولەۋ ءۇشىن قولىنداعى بار مالىن ساتىپ جىبەرگەندىكتەن ونىڭ تۇرمىسى بۇگىنگىدەي قيىنشىلىققا تىرەلگەندىگىن، ازداپ تاپقان كىرىسى كۇندەلىكتى تۇرمىسىن قامداۋمەن بىرگە ءبىرى تولىقسىز ورتا مەكتەپتە، ەندى ءبىرى باستاۋىش مەكتەپتە وقيتىن ەكى بالاسىنىڭ وقۋ قاراجاتىنان اسپايتىندىقتان، وتباسىنداعى سيىر، قويدى كوبەيتىپ باعىپ دامىتا الماي، تىرشىلىگىن تىڭىنان باستاپ، ەڭبەكتەنىپ سيىر، قوي ساۋداسىن ىستەپ، تاسىمالداۋ كاسىبىمەن شۇعىلدانىپ كىرىسىن ارتتىرماقشى بولسادا، ءبىراق قارجى تاپشىلىعى سەبەبىنەن ىستەي الماي قينالىپ جۇرگەندىگىن ۇعادى.

    ۋاڭ يۋەبيڭ توقتارقازى تۇردىقان ۇلىمەن ءبىر جىل ارالاسۋ ارقىلى ونىڭ ءبىر قاراپايىم دا ادال ەڭبەكشىل ادام ەكەندىگىن، ءبىر جۇمىستى ىستەسە تاباندىلىقپەن جاقسى ىستەيتىندىگىن، ناشار تۇرمىستىق ادەتتەرىنىڭ جوق ەكەندىگىن اڭعارادى دا توقتارقازىعا قارجىلاي كومەكتەسۋ بەكىمىنە كەلەدى. ۋاڭ يۋەبيڭ ءوزىنىڭ جيناعان ەڭبەكاقىسىنان 10 مىڭ يۋان اقشانى توقتارقازىنىڭ قولىنا تاپسىرىپ بەرىپ، ءوز كۇشىنە سۇيەنىپ كاسىپتەنىپ اۋقاتتانۋىنا دەم بەرەدى. ۋاڭ يۋەبيڭنىڭ قولىنان ون مىڭ يۋان اقشانى تاپسىرىپ العان توقتارعازى: «پارتيانىڭ جاقسى ساياساتىنا راقىمەت، مەن سياقتى وتباسىندا قيىنشىلىعى بار وتباسىلاردىڭ قيىنشىلىعىن شەشىم ەتىپ بەردى، ۇلتتار ىنتىماعىنىڭ بەرەكەلى شاڭىراعى ماعان تاعى ءبىر حانزۋ باۋىرىمدى كوبەيتىپ بەردى، ونىڭ قالتقىسىز كومەگى مەنىڭ قايتادان ورنىمنان تۇرىپ، اۋقاتتانۋ سەنىممدى بەكەمدەدى، مەن ءسوز جوق، حانزۋ باۋىرىمنىڭ كۇتكەن ءۇمىتىن اقتاپ، ءوز كۇشىمە سۇيەنىپ ەڭبەكتەنىپ، تۇرمىسىمدى بۇرىنعىدان دا جاقسارتا تۇسەمىن»، _ دەدى ريزاشىلىعىن ءبىلدىرىپ.

    قاتىناس شىرعالاڭى اياۋسىز بولعانىمەن، ادامدار اراسىندا شىنايى مەيىرىمدىلىك بار، پارتيانىڭ جاقسى ساياساتى تىرەك بولىپ تۇرعاندا، حانزۋ تۋىسقان ۋاڭ يۋەبيڭنىڭ قولداپ _ قۋاتتاۋى تۇرعاندا توقتارقازىنىڭ ەرتەڭگى بولاشاعى، ءسوزسىز، نۇرلى بولادى.

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ