<%@LANGUAGE="JAVASCRIPT" CODEPAGE="65001"%>
中文 哈文

باس بەت>>اتامۇرا- اسىل قازىنا>>مادەنيەت

ءداۋىر جىرى − ۇلى جىر

ىدىرىس ءادىلحان

كەلۋ قاينارى : شينجياڭ گازەتىنەن

وتان دەگەن ۇلى ۇعىم

وتان دەگەن ۇلى ۇعىم، تەڭەسەتىن بيىكپەن،

ەس بىلگەلى كەلەمىن ءبىر ءوزىڭدى ءسۇيىپ مەن.

جانارىما نۇر بەرگەن، جۇرەگىمە جىر بەرگەن،

سەنىڭ ۇلى ديدارىڭدى كەلەم ويعا ءتۇيىپ مەن.

سەنىڭ جىلى نۇرىڭا بالا كەزدەن بولەنگەم،

ءتالىمىڭدى ءتاپسىر قىپ، ويعا ءتۇيىپ كەلەم مەن.

ءوزىڭ باستاپ اپاردىڭ بازارىنا باقىتتىڭ،

سەنى ماڭگى جىرلاۋعا قاقىلىمىن ولەڭمەن.

سەندە بار - اۋ سارقىلماس اقىل مەنەن دانالىق،

سەندە عانا ەڭ دۇرىس ساياسات پەن سارالىق.

زامانانىڭ ۇلى ءۇنىن عيبىرات قىپ حالىققا،

سانامىزدان اشتىڭ سەن بولاشاققا جاڭالىق.

اينالايىن ۇلى وتان كەلبەتىڭە تاعزىم،

سەنەن عانا تارايدى كۇللى الەمگە ناعىز ءۇن.

سەنىڭ اسقاق تۇلعاڭدى ەمىرەنە جىرلاسام،

وتەلەر مە ومىرلىك موينىمداعى قارىزىم.

سەنەن تاپتىم اي سىندى التىن اراي باعىمدى،

كىرلەتپەيىم كيەلى سەنىڭ اپپاق ارىڭدى.

بولاشاققا جول العان جورىعىڭا كوپ ءتۇسىپ،

سارقىپ قۇيام وزىڭە بويىمداعى بارىمدى.

سەنىڭ نۇرلى ارمانىڭ زەڭگىر كوكتەي تىم اسقاق،

سول ارمانىڭ سوڭىندا ەلىڭ ءجۇر - اۋ قۇلاشتاپ.

ۇلى مۇحيت بەتىندە ارمان قايىق جۇيتكيدى،

قۇدىرەتتى ەل بولار ۇلى ءۇمىتتى راستاپ.

وتان، وتان،

باس يەم كەلبەتىڭە كيەلى،

بەرەكەمەن ءاز حالقىڭ جولعا ءتۇستى جۇيەلى.

بال باقىتتىڭ قۇشاعىندا جاۋىن جىرىم سىبەرلەپ،

مەنىڭ اقىن جۇرەگىم ءبىر ءوزىڭدى سۇيەدى.

باقىتتىڭ ءبالزام ءانى

باقىتتىڭ ءبالزام ءانى،

شىرقالعاندا جۇرەكتەن.

الديلەپ ارمان ءانى،

كەۋدەمە جىر ەككەن.

شات زامان - شاتتىعىڭدى،

سەزىنەدى جۇرەگىم.

جىر ەتىپ پاك كۇنىڭدى،

اقىن بوپ تۇلەدىم.

ايىڭا جولدايمىن،

اياۋلى اق سالەم.

وزىڭە ارنايمىن،

جۇرەكتەن جاقسى ولەڭ.

كۇنىڭە قارايمىن،

جانىممەن ەلجىرەپ.

باعىڭدى سانايمىن،

تۇرعان ءبىر مولدىرەپ.

ارماننىڭ قىزىل تۋى،

تۇرعاندا جەلبىرەپ.

ءومىردىڭ ۇزىن ءتۇنى،

قارايدى ەلبىرەپ.

اتادى كيەلى تاڭ،

شىعىستان نۇرلانىپ.

شۋاعىن سۇيەدى جان،

اي سىندى ۇرلانىپ.

كوكتەيدى جاپىراق جىر،

گۇلدەگەن ومىردەي.

جامىراپ احىلاق نۇر،

كوككە ۇشار كوڭىلدى وي.

شىرقالىپ ءبالزام ءانىم،

نۇر توگەر نۇرلى ايىم.

شاقىرعاندا ارمان ءانىم،

بولاشاققا زىرلايىن.

اڭساعان اي جىرىم

توگىلشى سەزىم جىر،

كوكتەگەن باقتارعا،

كۇي كەۋدەم كوزىڭدى ءىل.

باقىتتى شاقتاردا.

نۇر توكشى جان كۇنىم،

شاتتىققا شومايىن.

ءسىمىرىپ تاڭ نۇرىن،

وت بولىپ جانايىن.

تەربەتشى تەڭىز جىر،

شۇڭەتكە بويلايىن.

جۋىلشى كوڭىل كىر،

جاقۇتتاي جاينايىن.

ارمان ءان الديلەپ،

قۇشايىن دالا ايىن،

كەلگەندە سەن بيلەپ،

جىر گۇلىن تاعايىن.

ءان سالسا گۇل قىزىم،

وت كەۋدەم جانادى.

كوپ كۇتكەن جۇلدىزىم،

كەۋدەمە قونادى.

اڭساعان اي جىرىم،

كەۋدەمە قونسا ەگەر.

نۇرلانىپ جان ءدىلىم،

كوكتەمدەي گۇل سەبەر.

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ