<%@LANGUAGE="JAVASCRIPT" CODEPAGE="65001"%>
中文 哈文

باس بەت>>اۋىل شارۋاشىلىعىنا قىزمەت وتەۋ>>زاڭ – ءتۇزىم

جۇڭحۋا حالىق رەسپۋبليكاسىنىڭ جابايى حايۋاناتتاردى قورعاۋ زاڭى

    ( مەملەكەتتىك 7 - كەزەكتى حالىق قۇرىلتايى تۇراقتى كوميتەتىنىڭ 4 - ماجىلىسىندە 1988 - جىلى 8 - قاراشادا ماقۇلداندى، مەملەكەتتىك 10 - كەزەكتى حالىق قۇرىلتايى تۇراقتى كوميتەتى 11 - ءماجىلىسىنىڭ «جۇڭحۋا حالىق رەسپۋبليكاسىنىڭ جابايى حايۋاناتتاردى قورعاۋ زاڭىنا وزگەرىس ەنگىزۋ جونىندەگى قارارىنا» ساي، 2004 - جىلى 28 - تامىزدا ءبىرىنشى رەت وزگەرىس ەنگىزىلدى، مەملەكەتتىك 11 - كەزەكتى حالىق قۇرىلتايى تۇراقتى كوميتەتى 10 - ءماجىلىسىنىڭ «ءىشىنارا زاڭدارعا وزگەرىس ەنگىزۋ جونىندەگى قارارىنا» ساي، 2009 - جىلى 27 - تامىزدا ەكىنشى رەت وزگەرىس ەنگىزىلدى، مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ 21 - ماجىلىسىندە 2016 - جىلى 2 - شىلدەدە وزگەرتىلدى)

جۇڭحۋا حالىق رەسپۋبليكاسى ءتوراعاسىنىڭ بۇيرىعى

(47 - ءنومىرلى)   

  «جۇڭحۋا حالىق رەسپۋبليكاسىنىڭ جابايى حايۋاناتتاردى قورعاۋ زاڭى» جۇڭحۋا حالىق رەسپۋبليكاسى مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ 21 - ماجىلىسىندە 2016 - جىلى 2 - شىلدەدە وزگەرىس ەنگىزىلىپ ماقۇلداندى، قازىر وزگەرىس ەنگىزىلگەننەن كەيىنگى «جۇڭحۋا حالىق رەسپۋبليكاسىنىڭ جابايى حايۋاناتتاردى قورعاۋ زاڭىن» جاريالاپ وتىرمىز، 2017 - جىلى 1 - قاڭتاردان باستاپ اتقارىلسىن.

جۇڭحۋا حالىق رەسپۋبليكاسىنىڭ ءتوراعاسى

شي جينپيڭ

2016 - جىلى 2 - شىلدە

مازمۇنى

  ءبىرىنشى تاراۋ جالپى ەرەجە

  ەكىنشى تاراۋ جابايى حايۋاناتتاردى جانە ونىڭ مەكەنىن قورعاۋ

  ءۇشىنشى تاراۋ جابايى حايۋاناتتاردى باسقارۋ

  ءتورتىنشى تاراۋ زاڭدىق جاۋاپكەرلىك

  بەسىنشى تاراۋ قوسىمشا ەرەجە

  ءبىرىنشى تاراۋ جالپى ەرەجە  

  

  1 - تارماق بۇل زاڭ جابايى حايۋاناتتاردى قورعاۋ، باعالى، تۇقىمى قۇرۋعا اينالعان جابايى حايۋاناتتاردى قۇتقارۋ، ورگانيزمدەردىڭ الۋان تۇرلىلىگى مەن ەكولوگيانىڭ تەپە - تەڭدىگىن ساقتاۋ، ەكولوگيالىق وركەنيەت قۇرىلىسىن ىلگەرىلەتۋ ءۇشىن جاسالدى.

  2 - تارماق جۇڭحۋا حالىق رەسپۋبليكاسىنىڭ تەرريتورياسىندا جانە قاراستىلىعىنداعى باسقا دا تەڭىز ايدىنىندا جابايى حايۋاناتتاردى قورعاۋدا جانە قاتىستى قيمىلدارمەن شۇعىلدانۋدا وسى زاڭ قولدانىلادى.

  بۇل زاڭدا قورعالادى دەپ بەلگىلەنگەن جابايى حايۋاناتتار دەگەندە، قۇرلىقتا، سۋدا تىرشىلىك ەتەتىن باعالى، تۇقىمى قۇرۋعا اينالعان جابايى حايۋاناتتار جانە ماڭىزدى ەكولوگيالىق، عىلمي، قوعامدىق قۇنى بار قۇرلىقتا تىرشىلىك ەتەتىن جابايى حايۋاناتتار مەڭزەلەدى.

  بۇل زاڭدا بەلگىلەنگەن جابايى حايۋاناتتار جانە ونان جاسالعان ونىمدەر دەگەندە، جابايى حايۋاناتتاردىڭ تۇتاس دەنەسى (تۇقىمى، جۇمىرتقاسى قامتىلادى)، مۇشەلەرى جانە ونىڭ تۋىندىلارى مەڭزەلەدى.

  سۋدا تىرشىلىك ەتەتىن باعالى، تۇقىمى قۇرۋعا اينالعان جابايى حايۋاناتتاردان تىس، سۋدا تىرشىلىك ەتەتىن باسقا دا جابايى حايۋاناتتاردى قورعاۋدا «جۇڭحۋا حالىق رەسپۋبليكاسىنىڭ بالىق شارۋاشىلىق زاڭى» سياقتى قاتىستى زاڭدارداعى بەلگىلەمەلەر قولدانىلادى.

  3 - تارماق جابايى حايۋانات بايلىعى مەملەكەت مەنشىگىندە بولادى.

  مەملەكەت جابايى حايۋاناتتاردى عىلمي زەرتتەۋ، قولدا ءوسىرۋ - ءوربىتۋ سياقتى قورعاۋ جانە قاتىستى قيمىلدارمەن زاڭ بويىنشا شۇعىلدانعان ۇيىمدار مەن جەكەلەردىڭ زاڭدى ۇقىق - مۇددەسىن قامتاماسىز ەتەدى.

  4 - تارماق مەملەكەت جابايى حايۋاناتتاردى الدىمەن قورعاۋ، جۇيەلى پايدالانۋ، قاتاڭ باقىلاۋ، باسقارۋ پرينسيبىن اتقارىپ، جابايى حايۋاناتتاردى عىلمي زەرتتەۋگە شابىت بەرىپ، ازاماتتاردىڭ جابايى حايۋاناتتاردى قورعاۋ تانىمىن جەتىلدىرىپ، ادام مەن تابيعاتتىڭ جاراسىمدى دامۋىن جەبەيدى.

  5 - تارماق مەملەكەت جابايى حايۋاناتتاردى جانە ونىڭ مەكەنىن قورعايدى. اۋدان دارەجەلىدەن جوعارى حالىق ۇكىمەتى جابايى حايۋاناتتاردى جانە ونىڭ مەكەنىن قورعاۋعا قاتىستى جوبا جانە شارا جاساۋى ءارى جابايى حايۋاناتتاردى قورعاۋ قاراجاتىن مەجە ەسەپكە ەنگىزۋى كەرەك.

  مەملەكەت ازاماتتاردىڭ، زاڭدىق يەنىڭ جانە باسقا دا ۇيىمنىڭ زاڭ بويىنشا سيعا تارتۋ، قارجىلاي كومەكتەسۋ، ەرىكتى قىزمەت وتەۋ سياقتى تاسىلدەر ارقىلى جابايى حايۋاناتتاردى قورعاۋ قيمىلىنا قاتىناسۋىنا شابىت بەرەدى، جابايى حايۋاناتتاردى قورعاۋ الەۋمەتتىك يگىلىك ىستەرىن قولدايدى.

  وسى زاڭدا بەلگىلەنگەن جابايى حايۋاناتتاردىڭ مەكەنى دەگەندە، جابايى حايۋاناتتاردىڭ دالا - تۇزدە ءتۇر ۇيىرىمەن ءوسىپ - ءوربيتىن ماڭىزدى ءوڭىرى مەڭزەلەدى.

  6 - تارماق ءارقانداي ۇيىم مەن جەكە جابايى حايۋاناتتار مەن ونىڭ مەكەنىن قورعاۋعا بورىشتى. زاڭعا قايشىلىق جاساپ جابايى حايۋاناتتاردى اۋلاۋعا، جابايى حايۋاناتتاردىڭ مەكەنىن بۇلدىرۋگە تيىم سالىنادى.

  ءارقانداي ۇيىم مەن جەكە قاتىستى تاراۋلارعا جانە ورگانعا وسى زاڭعا قايشى ارەكەتتەردى اشكەرەلەۋگە جانە ول جونىنەن شاعىم ايتۋعا ۇقىقتى. جابايى حايۋاناتتاردى قورعاۋدى باسقارۋ تاراۋى جانە باسقا دا قاتىستى تاراۋلار، ورگاندار اشكەرەلەۋدى نەمەسە شاعىمدى زاڭ بويىنشا دەر كەزىندە ءبىر جاقتى ەتۋى كەرەك.

  7 - تارماق مەملەكەتتىك كەڭەستىڭ ورمان شارۋاشىلىعىن، بالىق شارۋاشىلىعىن باسقارۋ تاراۋى ەلىمىزدىڭ قۇرلىقتا، سۋدا تىرشىلىك ەتەتىن جابايى حايۋاناتتاردى قورعاۋ قىزمەتىنە جەكە - جەكە جاۋاپتى بولادى.

  اۋدان دارەجەلىدەن جوعارى حالىق ۇكىمەتىنىڭ ورمان شارۋاشىلىعىن، بالىق شارۋاشىلىعىن باسقارۋ تاراۋى ءوز اكىمشىلىك وڭىرىندەگى قۇرلىقتا، سۋدا تىرشىلىك ەتەتىن جابايى حايۋاناتتاردى قورعاۋ قىزمەتىن جەكە - جەكە باسقارادى.

  8 - تارماق ءار دارەجەلى حالىق ۇكىمەتى جابايى حايۋاناتتاردى قورعاۋ ۇگىت - تاربيەسى مەن عىلمي بىلىمدەردى جالپىلاستىرۋ قىزمەتىن كۇشەيتىپ، نەگىزگى ساتىداعى بۇقارالىق ءوزىن - ءوزى باسقارۋ ۇيىمىنىڭ، قوعامدىق ۇيىمداردىڭ، كاسىپورىندار مەن ءىسورىندارىنىڭ، ەرىكتىلەردىڭ جابايى حايۋاناتتاردى قورعاۋ زاڭىن، زاڭ - ەرەجەلەرىن جانە قورعاۋ بىلىمدەرىن ۇگىتتەۋ قيمىلىن ورىستەتۋىنە شابىت بەرۋى جانە ونى قولداۋى كەرەك.

  وقۋ - اعارتۋ اكىمشىلىك تاراۋى، مەكتەپتەر وقۋشىلاردى جابايى حايۋاناتتاردى قورعاۋ بىلىمدەرىمەن تاربيەلەۋى كەرەك.

  اقپارات قۇرالدارى جابايى حايۋاناتتاردى قورعاۋ زاڭىن، زاڭ - ەرەجەلەرىن جانە قورعاۋ بىلىمدەرىن ۇگىتتەپ، زاڭعا قايشى ارەكەتتەردى جۇرتشىلىق پىكىرىندىك باقىلاۋ جۇرگىزۋى كەرەك.

  9 - تارماق جابايى حايۋاناتتاردى قورعاۋ جانە عىلمي زەرتتەۋ ناتيجەسى كورنەكتى بولعان ۇيىمدار مەن جەكەلەردى اۋدان دارەجەلىدەن جوعارى حالىق ۇكىمەتى سيلايدى.

  ەكىنشى تاراۋ جابايى حايۋاناتتاردى جانە ونىڭ مەكەنىن قورعاۋ   

  10 - تارماق مەملەكەت جابايى حايۋاناتتاردى تۇرگە، دارەجەگە ءبولىپ قورعايدى.

  مەملەكەت باعالى، تۇقىمى قۇرۋعا اينالعان جابايى حايۋاناتتاردى ءتۇيىندى قورعايدى. مەملەكەت ءتۇيىندى قورعايتىن جابايى حايۋاناتتار ءبىرىنشى دارەجەلى قورعالاتىن جابايى حايۋاناتتار جانە ەكىنشى دارەجەلى قورعالاتىن جابايى حايۋاناتتار دەپ بولىنەدى. مەملەكەت ءتۇيىندى قورعايتىن جابايى حايۋاناتتاردىڭ تىزىمدىگىن مەملەكەتتىك كەڭەستىڭ جابايى حايۋاناتتاردى قورعاۋدى باسقارۋ تاراۋى عىلمي باعالاۋعا ۇيىمداستىرۋ ارقىلى جاسايدى ءارى ءار 5 جىلدا باعالاۋ جاعدايىنا قاراي تىزىمدىكتى رەتتەيدى. مەملەكەت ءتۇيىندى قورعايتىن جابايى حايۋاناتتاردىڭ تىزىمدىگى مەملەكەتتىك كەڭەستىڭ بەكىتۋىمەن جاريالانادى.

  جەرگىلىكتى ورىن ءتۇيىندى قورعايتىن جابايى حايۋاناتتار دەگەندە، مەملەكەت ءتۇيىندى قورعايتىن جابايى حايۋاناتتاردان سىرت، ولكەلەر، اۆتونوميالى رايوندار، توتە قاراستى قالالار ءتۇيىندى قورعايتىن جابايى حايۋاناتتار مەڭزەلەدى. جەرگىلىكتى ورىن ءتۇيىندى قورعايتىن جابايى حايۋاناتتاردىڭ تىزىمدىگىن ولكەلىك، اۆتونوميالى رايوندىق، توتە قاراستى قالالىق حالىق ۇكىمەتى عىلمي باعالاۋعا ۇيىمداستىرعاننان كەيىن جاسايدى، رەتتەيدى ءارى جاريالايدى.

  قۇرلىقتا تىرشىلىك ەتەتىن كەلەلى ەكولوگيالىق، عىلمي، قوعامدىق قۇنى بار جابايى حايۋاناتتاردىڭ تىزىمدىگىن مەملەكەتتىك كەڭەستىڭ جابايى حايۋاناتتاردى قورعاۋعا جاۋاپتى تاراۋى عىلمي باعالاۋعا ۇيىمداستىرعاننان كەيىن جاسايدى، رەتتەيدى ءارى جاريالايدى.

  11 - تارماق اۋدان دارەجەلىدەن جوعارى حالىق ۇكىمەتىنىڭ جابايى حايۋاناتتاردى قورعاۋدى باسقارۋ تاراۋى قاتىستى عىلمي زەرتتەۋ قۇرىلىمدارىن جابايى حايۋاناتتاردىڭ جانە ونىڭ مەكەنىنىڭ احۋالىن تەكسەرۋگە، باقىلاپ ولشەۋگە جانە باعالاۋعا بەلگىلى مەرزىمدە ۇيىمداستىرادى نەمەسە مىندەتتەيدى، جابايى حايۋاناتتاردىڭ جانە ونىڭ مەكەنىنىڭ ارحيۆىن تۇرعىزادى، كەمەلدەندىرەدى.

  جابايى حايۋاناتتاردىڭ جانە ونىڭ مەكەنىنىڭ احۋالىن تەكسەرۋدە، باقىلاپ ولشەۋدە جانە باعالاۋدا مىنا مازمۇندار قامتىلۋى كەرەك:

  (1) جابايى حايۋاناتتاردىڭ دالا - تۇزدەگى تارالعان وڭىرلەرى، ءتۇر ۇيىرلەرىنىڭ سانى جانە قۇرىلىمى؛

  (2) جابايى حايۋاناتتار مەكەنىنىڭ اۋماعى، ەكولوگيالىق احۋالى؛

  (3) جابايى حايۋاناتتارعا جانە ونىڭ مەكەنىنە قاتەر توندىرەتىن باستى فاكتورلار؛

  (4) جابايى حايۋاناتتاردى قولدان ءوسىرۋ - ءوربىتۋ احۋالى سياقتى باسقا دا قاجەتتى تەكسەرۋ، باقىلاۋ، ولشەۋ، باعالاۋ مازمۇندارى.

  12 - تارماق مەملەكەتتىك كەڭەستىڭ جابايى حايۋاناتتاردى قورعاۋدى باسقارۋ تاراۋى مەملەكەتتىك كەڭەستىڭ قاتىستى تاراۋلارىمەن بىرگە جابايى حايۋاناتتاردىڭ جانە ونىڭ مەكەنىنىڭ احۋالىن تەكسەرۋ، باقىلاۋ - ولشەۋ جانە باعالاۋ ناتيجەسىنە ساي، جابايى حايۋاناتتاردىڭ باستى مەكەنىنىڭ تىزىمدىگىن تۇراقتاندىرۋى جانە جاريالاۋى كەرەك.

  ولكە دارەجەلىدەن جوعارى حالىق ۇكىمەتى قاتىستى جاراتىلىستىق قورىقتاردى زاڭ بويىنشا ايىرىپ، جابايى حايۋاناتتاردى جانە ونىڭ باستى مەكەنىن قورعايدى، جابايى حايۋاناتتاردىڭ تىرشىلىك ورتاسىن قورعايدى، قالپىنا كەلتىرەدى جانە جاقسارتادى. قاتىستى جاراتىلىستىق قورىققا وڭىرىنە ايىرۋ شارتىن ازىرلەمەسە، اۋدان دارەجەلىدەن جوعارى حالىق ۇكىمەتى اۋلاۋعا (بالىقتى) تيىم سالاتىن وڭىرگە ايىرۋ، اۋلاۋعا (بالىقتى) تيىم سالاتىن مەزگىلدى بەلگىلەۋ سىندى باسقا دا فورمالارمەن قورعاسا بولادى.

  قاتىستى جاراتىلىستىق قورىققا سىرتتان حايۋانات ەنگىزۋ، ءبىرىڭعاي ورمان ءوسىرۋ، اۋىل شارۋاشىلىق دارىلەرىن ولشەمنەن اسىرىپ شاشۋ سىندى جابايى حايۋاناتتاردىڭ ءوسىپ - وربۋىنە كەدەرگى بولاتىن، قاتەر توندىرەتىن ورىنسىز ارەكەتتەرگە تيىم سالىنادى جانە ول شەكتەلەدى.

  جاراتىلىستىق قورىقتار قاتىستى زاڭدارداعى، زاڭ - ەرەجەلەردەگى بەلگىلەمەلەرگە ساي، ايرىلادى جانە باسقارىلادى.

  13 - تارماق اۋدان دارەجەلىدەن جوعارى حالىق ۇكىمەتى جانە ونىڭ قاتىستى تاراۋلارى اشىپ پايدالانۋعا قاتىستى جوبا جاساعاندا، جابايى حايۋاناتتاردى جانە ونىڭ مەكەنىن قورعاۋدىڭ قاجەتتىلىگىن تولىق ەسكەرە وتىرىپ، جابايى حايۋاناتتاردى جانە ونىڭ مەكەنىن قورعاۋ جوباسىن اتقارۋدا تۋىلۋى مۇمكىن بولعان تۇلعالىق ىقپالعا تالداۋ، مەجەلەۋ جانە باعالاۋ ارقىلى جوبانى اتقارۋدا تۋىلۋ مۇمكىندىگى بار بولعان ءتيىمسىز زارداپتاردان اۋلاق بولۋى جانە ونى ازايتۋى كەرەك.

  قاتىستى جاراتىلىستىق قورىقتاردا زاڭداردا، زاڭ - ەرەجەلەردە سالۋعا بولمايدى دەپ بەلگىلەنگەن قۇرىلىس نساندارىن سالۋعا تيىم سالىنادى. اۋەجاي، تەمىر جول، تاس جول سۋ يگىلىگى، سۋ ەلەكتر، تەڭىزدى قۇرساپ بوگەۋ، تەڭىزدى قورشاپ تىندىرۋ سىندى قۇرىلىس نىساندارىنىڭ ورنىن، جەلىسىن تاڭداعاندا، جاراتىلىستىق قورىقتاردان، جابايى حايۋاناتتار اۋاتىن، ورىستەيتىن جولدان شەتتەۋ كەرەك؛ شەتتەۋگە امال بولماسا، جابايى حايۋاناتتارعا وتەتىن جول سالۋ، بالىقتار وتەتىن قۇرىلعى جاساۋ سياقتى شارالاردى قولدانىپ، جابايى حايۋاناتتارعا جاسالاتىن ءتيىمسىز ىقپالدى الاستاۋ نەمەسە ازايتۋ كەرەك.

  قۇرىلىس نىساندارى قاتىستى جاراتىلىستىق قورىقتارعا، جابايى حايۋاناتتاردىڭ اۋاتىن، ورىستەيتىن جولىنا ىقپال جاساۋ مۇمكىندىگى بولسا، قورشاعان ورتاعا جاسايتىن ىقپالدى باعالاۋ حۇجاتىن تەكسەرىپ بەكىتەتىن تاراۋ قورشاعان ورتاعا جاسايتىن ىقپالدى باعالاۋ حۇجاتىن تەكسەرىپ بەكىتكەندە مەملەكەت ءتۇيىندى قورعايتىن جابايى حايۋاناتتارعا سايسا، مەملەكەتتىك كەڭەستىڭ جابايى حايۋاناتتاردى قورعاۋدى باسقارۋ تاراۋىنىڭ پىكىرىن الۋ كەرەك؛ جەرگىلىكتى ورىن ءتۇيىندى قورعايتىن جابايى حايۋاناتتارعا سايسا، ولكەلىك، اۆتونوميالى رايوندىق، توتە قاراستى قالالىق حالىق ۇكىمەتىنىڭ جابايى حايۋاناتتاردى قورعاۋدى باسقارۋ تاراۋىنىڭ پىكىرىن الۋ كەرەك.

  14 - تارماق جابايى حايۋاناتتاردى قورعاۋدى باسقاراتىن ءار دارەجەلى تاراۋلار قورشاعان ورتانىڭ جابايى حايۋاناتتارعا جاسايتىن ىقپالىن قاداعالاۋى، باقىلاپ ولشەۋى كەرەك. قورشاعان ورتانىڭ ىقپالى سالدارىنان جابايى حايۋاناتتارعا زالال جەتسە، جابايى حايۋاناتتاردى قورعاۋدى باسقاراتىن تاراۋ قاتىستى تاراۋلارمەن بىرگە تەكسەرىپ ءبىر جاقتى ەتۋى كەرەك.

 15 - تارماق مەملەكەت نەمەسە جەرگىلىكتى ورىن ءتۇيىندى قورعايتىن جابايى حايۋاناتتار تابيعي اپات، قورشاعان ورتانىڭ ۇلىعاۋسار لاستانۋ شىرعالاڭى سىندى توسىن وقيعانىڭ قاتەرىنە تاپ بولعاندا، سول جەردەگى حالىق ۇكىمەتى دەر كەزىندە شۇعىل قۇتقارۋ شارالارىن قولدانۋى كەرەك.

  اۋدان دارەجەلىدەن جوعارى حالىق ۇكىمەتىنىڭ جابايى حايۋاناتتاردى قورعاۋدى باسقارۋ تاراۋى مەملەكەتتىڭ قاتىستى بەلگىلەمەلەرىنە ساي، جابايى حايۋاناتتاردى جيناپ قۇتقارۋ قىزمەتىن ورىستەتۋگە ۇيىمداستىرۋى كەرەك.

  جابايى حايۋاناتتاردى جيناپ قۇتقارۋدى جەلەۋ ەتىپ جابايى حايۋاناتتاردى جانە ونان جاسالعان ونىمدەردى ساۋدالاۋعا تيىم سالىنادى.

  16 - تارماق اۋدان دارەجەلىدەن جوعارى حالىق ۇكىمەتىنىڭ جابايى حايۋاناتتاردى قورعاۋدى باسقارۋ تاراۋى، مال شيپاگەرلىگىنە جاۋاپتى تاراۋى قىزمەت بولىسىنە ساي جابايى حايۋاناتتاردىڭ جۇقپالى ىندەت قاينارىن، ىندەتىن باقىلاپ ولشەپ، الدىن الا تۇسپالداۋ، الدىن الا حابارلاۋ سياقتى قىزمەتتەرگە ۇيىمداستىرىپ ءارى بەلگىلەمەگە ساي جابايى حايۋاناتتاردىڭ ىندەتىنە شۇعىل توتەپ بەرۋ الدىن الا جوباسىن جاساپ، دارەجەلەس حالىق ۇكىمەتىنە بەكىتتىرۋى نەمەسە ەستەلىككە الدىرۋى كەرەك.

  اۋدان دارەجەلىدەن جوعارى حالىق ۇكىمەتىنىڭ جابايى حايۋاناتتاردى قورعاۋدى باسقارۋ تاراۋى، مال شيپاگەرلىگىنە جاۋاپتى تاراۋى، دەنساۋلىق ساقتاۋعا جاۋاپتى تاراۋى قىزمەت بولىسىنە ساي، ادامعا دا، مالعا دا جۇعاتىن جۇقپالى اۋرۋلارعا قاتىستى حايۋاناتتار جۇقپالى ىندەتىنەن ساقتانۋ، ونى ەمدەۋ جۇمىسىن باسقارۋعا جاۋاپتى بولۋى كەرەك.

  17 - تارماق مەملەكەت جابايى حايۋاناتتاردىڭ تۇقىم قۋالاۋ بايلىعىن قورعاۋدى كۇشەيتىپ، تۇقىمى قۇرۋعا اينالعان جابايى حايۋاناتتاردى قۇتقارۋ ماقساتىندا قورعايدى.

  مەملەكەتتىك كەڭەستىڭ جابايى حايۋاناتتاردى قورعاۋدى باسقارۋ تاراۋى مەملەكەتتىك كەڭەستىڭ قاتىستى تاراۋلارىمەن بىرگە جابايى حايۋاناتتاردىڭ تۇقىم قۋالاۋ بايلىعىن قورعاۋعا جانە پايدالانۋعا قاتىستى جوبا جاساپ، مەملەكەتتىڭ جابايى حايۋاناتتاردىڭ تۇقىم قۋالاۋ بايلىق گەن قامباسىن قۇرىپ، ەلىمىزدە ەجەلدەن بار باعالى، تۇقىمى قۇرۋعا اينالعان جابايى حايۋاناتتاردىڭ تۇقىم قۋالاۋ بايلىعىن ءتۇيىندى قورعاۋى كەرەك.

  18 - تارماق قاتىستى جەرگىلىكتى حالىق ۇكىمەتى شارا قولدانىپ، جابايى حايۋاناتتار توندىرەتىن قاتەردەن ساقتانىپ، ونى تىزگىندەپ، ادام مەن مالدىڭ حاۋىپسىزدىگىن جانە اۋىل شارۋاشىلىق، ورمان شارۋاشىلىق ءوندىرىسىن قامتاماسىز ەتۋى كەرەك.

  19 - تارماق وسى زاڭدا قورعالادى دەپ بەلگىلەنگەن جابايى حايۋاناتتاردى قورعاۋ سالدارىنان ادام زاقىمدالسا، ولسە، ەگىس داقىلدارى نەمەسە باسقا دا دۇنيە - مۇلىك بۇلىنسە، جەرگىلىكتى حالىق ۇكىمەتى تولەم بەرۋى كەرەك. ناقتى ءادىسىن ولكەلىك، اۆتونوميالى رايوندىق، توتە قاراستى قالالىق حالىق ۇكىمەتى جاسايدى. قاتىستى جەرگىلىكتى حالىق ۇكىمەتى قامسىزداندىرۋ قۇرىلىمىنىڭ جابايى حايۋاناتتاردىڭ زياندالعاندارىنا تولەم بەرۋ قامسىزداندىرۋى كاسىبىن ىستەۋىن جەبەسە بولادى.

  قاتىستى جەرگىلىكتى حالىق ۇكىمەتى مەملەكەت ءتۇيىندى قورعايتىن جابايى حايۋاناتتار تۋدىراتىن قاتەردەن ساقتانۋ، تىزگىندەۋ شارالارىن قولدانادى، سونداي - اق قاجەتتى قاراجاتتى تولىقتاپ بەرەدى، ورتالىق قازىنا مەملەكەتتىڭ قاتىستى بەلگىلەمەسىنە ساي قوسىمشا قاراجات بەرەدى.

  ءۇشىنشى تاراۋ جابايى حايۋاناتتاردى باسقارۋ  

  20 - تارماق قاتىستى جاراتىلىستىق قورىقتاردا جانە اۋلاۋ (بالىقتى) تيىم سالىنعان وڭىردە، اۋلاۋعا (بالىقتى) تيىم سالىنعان مەزگىلدە جابايى حايۋاناتتار مەكەندەۋىنە، وربۋىنە كەدەرگى بولاتىن باسقا دا ارەكەتتەرگە تيىم سالىنادى، ءبىراق زاڭداردا، زاڭ - ەرەجەلەردە ايىرىم بەلگىلەمە بولسا مۇنىڭ سىرتىندا.

  جابايى حايۋاناتتار اۋاتىن، ورىستەيتىن مەزگىلدە الدىڭعى تارماقشادا بەلگىلەنگەن وڭىردەن باسقا اۋاتىن، ورىستەيتىن جولدا جابايى حايۋاناتتاردىڭ مەكەندەۋىنە، وربۋىنە كەدەرگى بولاتىن باسقا دا اۋلاۋ قيمىلدارىنا تيىم سالىنادى ءارى ول قاتاڭ شەكتەلەدى. اۋۋ، ورىستەۋ جولىنىڭ كولەمىن، سونداي - اق حايۋاناتتاردىڭ مەكەندەۋىنە، وربۋىنە كەدەرگى بولاتىن قيمىلداردىڭ مازمۇنىن اۋدان دارەجەلىدەن جوعارى حالىق ۇكىمەتى نەمەسە ونىڭ جابايى حايۋاناتتاردى قورعاۋدى باسقارۋ تاراۋى بەلگىلەيدى ءارى جاريالايدى.

  21 - تارماق مەملەكەت ءتۇيىندى قورعايتىن جابايى حايۋاناتتاردى اۋلاۋعا، قىرۋعا تيىم سالىنادى.

  عىلمي زەرتتەۋگە، ءتۇر - ءۇيىرىن رەتتەۋ - مەڭگەرۋگە، ىندەت قاينارىن، ىندەتتى باقىلاپ ولشەۋگە نەمەسە باسقا دا ەرەكشە جاعدايلارعا بايلانىستى مەملەكەتتىك ءبىرىنشى دارەجەلى قورعالاتىن جابايى حايۋاناتتاردى اۋلاۋ قاجەت بولسا، مەملەكەتتىك كەڭەستىڭ جابايى حايۋاناتتاردى قورعاۋدى باسقارۋ تاراۋىنا ەرەكشە رۇقسات ەتىلگەن اۋلاۋ كۋالىگىن ءوتىنىش ەتۋى كەرەك؛ مەملەكەت ەكىنشى دارەجەلى قورعايتىن جابايى حايۋاناتتاردى اۋلاۋ قاجەت بولسا، ولكەلىك، اۆتونوميالى رايوندىق، توتە قاراستى قالالىق حالىق ۇكىمەتىنىڭ جابايى حايۋاناتتاردى قورعاۋدى باسقارۋ تاراۋىنا ەرەكشە رۇقسات ەتىلگەن اۋلاۋ كۋالىگىن ءوتىنىش ەتۋى كەرەك.

  22 - تارماق مەملەكەت ءتۇيىندى قورعامايتىن جابايى حايۋاناتتاردى اۋلايتىن بولسا، اۋدان دارەجەلىدەن جوعارى جەرگىلىكتى حالىق ۇكىمەتىنىڭ جابايى حايۋاناتتاردى قورعاۋدى باسقارۋ تاراۋى اداقتاپ بەرگەن اڭ اۋلاۋ كۋالىگى بويىنشا الۋى ءارى اۋلاۋ مولشەرىنىڭ شەگىن باسقارۋعا بويسۇنۋى كەرەك.

  23 - تارماق اڭشىلار ەرەكشە رۇقسات ەتىلگەن اۋلاۋ كۋالىگىندە اۋلاۋ كۋالىگىندە بەلگىلەنگەن تۇرىنە، سانىنا، ورنىنا، سايمانعا، ادىسكە جانە مەرزىم شەگىنە قاراي اۋلاۋى كەرەك.

  مىلتىقپەن اۋلايتىن بولسا، قوعام حاۋىپسىزدىگى ورگانى اداقتاپ بەرگەن مىلتىق ۇستاۋ كۋالىگىن زاڭ بويىنشا الۋى كەرەك.

  24 - تارماق ۋلى ءدارى، جارىلعىش زات، توككە سوقتىرۋ نەمەسە ەلەكترونمەن شىرعالاۋ قوندىرعىسى، سونداي - اق تۇزاق، قاقپان، جەرگىلىكتى قارۋ، قارا مىلتىق سياقتى قۇرالدارمەن اۋلاۋعا تيىم سالىنادى. تۇندە جارىق ءتۇسىرىپ كەزىپ ءجۇرىپ اۋلاۋ، قىرۋ سيپاتتى قورشاپ اۋلاۋ، قۇس ۇياسىن بۇزۋ، ورتەپ اۋلاۋ، ءتۇتىن سالۋ، تور جايۋ سياقتى ادىستەرمەن اۋلاۋعا تيىم سالىنادى. ءبىراق عىلمي زەرتتەۋدىڭ شىنايى قاجەتىنە بولا تور جايىپ اۋلاۋ، ەلەكترونمەن شىرعالاپ اۋلاۋ مۇنىڭ سىرتىندا.

  الدىڭعى تارماقشادا بەلگىلەنگەننەن باسقا پايدالانۋعا تيىم سالىناتىن اۋلاۋ قۇرالدارى مەن ءادىسىن اۋدان دارەجەلىدەن جوعارى جەرگىلىكتى حالىق ۇكىمەتى بەلگىلەيدى ءارى جاريالايدى.

  25 - تارماق مەملەكەت قاتىستى عىلمي زەرتتەۋ قۇرىلىمدارىنىڭ تۇرلەردى قورعاۋ ماقساتىمەن مەملەكەت ءتۇيىندى قورعايتىن جابايى حايۋاناتتاردى قولدا ءوربىتۋىن، ءوسىرۋىن قولدايدى.

  الدىڭعى تارماقشادا بەلگىلەنگەننەن باسقا مەملەكەت ءتۇيىندى قورعايتىن جابايى حايۋاناتتاردى قولدا ءوربىتىپ وسىرۋگە رۇقسات بەرۋ ءتۇزىمىن اتقارادى. مەملەكەت ءتۇيىندى قورعايتىن جابايى حايۋاناتتاردى قولدا ءوربىتىپ وسىرەتىن بولسا، ولكەلىك، اۆتونوميالى رايوندىق، توتە قاراستى قالالىق حالىق ۇكىمەتىنىڭ جابايى حايۋاناتتاردى قورعاۋ، باسقارۋ تاراۋىنا بەكىتتىرۋ ارقىلى قولعا ۇيرەتىپ ءوسىرۋ رۇقسات كۋالىگىن الۋى كەرەك، ءبىراق مەملەكەتتىك كەڭەستىڭ بەكىتەتىن ورگان جونىندەگى ايىرىم بەلگىلەمەسى بارلارى مۇنىڭ سىرتىندا.

  مەملەكەت ءتۇيىندى قورعايتىن جابايى حايۋاناتتاردى قولدا ءوربىتىپ وسىرۋدە قولدا ءوربىتىپ وسىرىلەتىن ۇرپاق تەگىنەن پايدالانىپ، ءتۇر شەجىرەسىن، ءوربىتىپ ءوسىرۋ ارحيۆىن جانە جەكە ساندى مالىمەتىن جاساۋ كەرەك. تۇرلەردى قورعاۋ ماقساتىنا بولا تۇزدەگى ءتۇر تەكتەن، شىنىندا، پايدالانۋعا تۋرا كەلسە، وسى زاڭنىڭ 21 - تارماعى مەن 23 - تارماعىنداعى بەلگىلەمە قولدانىلادى.

  وسى زاڭدا ايتىلعان قولدا ءوربىتىپ وسىرىلەتىن ۇرپاق دەگەندە، قولدا ءوسىپ - ونگەن بالا ۇرپاق ءارى ونىڭ اتالىعى، انالىعىنىڭ دا قولدا وسكەندىگى مەڭزەلەدى.

  26 - تارماق مەملەكەت ءتۇيىندى قورعايتىن جابايى حايۋاناتتاردى قولدا ءوربىتىپ ءوسىرۋ تۇرلەردى قورعاۋعا جانە عىلمي زەرتتەۋگە ءتيىمدى بولۋى، تۇزدەگى ءتۇر - ۇيىرلەر بايلىعىن بۇلدىرمەۋى ءارى جابايى حايۋاناتتاردىڭ ەرەكشەلىگىنە ساي، ولارعا قاجەتتى قيمىل كەڭىستىگى مەن ءوسىپ - ءوربۋ، اقاۋسىزدىق شارت - جاعدايىنا شىنايى كەپىلدىك ەتۋى، ونى ءوسىرۋ ماقساتىنا، تۇرىنە، دامىتۋ كولەمىنە ءوزارا ۇيلەسەتىن ورىن، قۇرىلعى، تەحنيكا ازىرلەۋى قاتىستى تەحنيكالىق ولشەم مەن ىندەتتەن ساقتانۋ تالابىنا ۇيلەسۋى كەرەك، جابايى حايۋاناتتاردى قورلاۋعا بولمايدى.

  ولكە دارەجەلىدەن جوعارى حالىق ۇكىمەتىنىڭ جابايى حايۋاناتتاردى قورعاۋدى باسقارۋ تاراۋى مەملەكەت ءتۇيىندى قورعايتىن جابايى حايۋاناتتاردى قورعاۋدىڭ قاجەتىنە ساي، مەملەكەت ءتۇيىندى قورعايتىن جابايى حايۋاناتتاردى دالا تۇزگە قويا بەرۋ قىزمەتىن ورىستەتۋگە ۇيىمداستىرسا بولادى.

 27 - تارماق مەملەكەت ءتۇيىندى قورعايتىن جابايى حايۋاناتتاردى جانە ونان جاسالعان ونىمدەردى ساتۋعا، ساتىپ الۋعا، پايدالانۋعا تيىم سالىنادى.

  عىلمي زەرتتەۋ، قولدا ءوربىتىپ ءوسىرۋ، الەۋمەتتىك كورمەگە قويۋ، مادەني مۇرا ساناتىندا قورعاۋ نەمەسە باسقا دا ەرەكشە جاعدايلارعا بولا مەملەكەت ءتۇيىندى قورعايتىن جابايى حايۋاناتتاردى جانە ونان جاسالعان ونىمدەردى ساتۋ، ساتىپ الۋ، پايدالانۋ قاجەت بولسا، ولكەلىك، اۆتونوميالى رايوندىق، توتە قاراستى قالالىق حالىق ۇكىمەتىنىڭ جابايى حايۋاناتتاردى قورعاۋدى باسقارۋ تاراۋىنا بەكىتتىرۋى ءارى بەلگىلەمەگە ساي ارناۋلى بەلگى الىپ جانە پايدالانىپ، دەرەگىن بىلۋگە كەپىلدىك ەتۋى كەرەك. ءبىراق مەملەكەتتىك كەڭەستىڭ بەكىتەتىن ورگان جونىندە ايىرىم بەلگىلەمە بارلارى مۇنىڭ سىرتىندا.

  مەملەكەت ءتۇيىندى قورعايتىن جابايى حايۋاناتتار مەن ونان جاسالعان ونىمدەردىڭ ارناۋلى بەلگىسىن اتقارۋ كولەمىن جانە باسقارۋ ءادىسىن مەملەكەتتىك كەڭەستىڭ جابايى حايۋاناتتاردى قورعاۋدى باسقارۋ تاراۋى بەلگىلەيدى.

  مەملەكەت ءتۇيىندى قورعامايتىن جابايى حايۋاناتتاردى ساتاتىن، پايدالاناتىن بولسا، اۋلاۋ، يمپورت − ەكسپورت ەتۋ سياقتى كەلۋ قاينارى جونىندەگى زاڭدى كۋالىگىن بەرۋى كەرەك.

  وسى تارماقتىڭ ەكىنشى تارماقشاسىندا، ءتورتىنشى تارماقشاسىندا بەلگىلەنگەن جابايى حايۋاناتتاردى ساتاتىن بولسا، زاڭ بويىنشا ىندەت تەكسەرۋ كۋالىگى دە بولۋى كەرەك.

  28 − تارماق قولدا ءوربىتىپ ءوسىرۋ تەحنيكاسى كەمەلىنە كەلگەن مەملەكەت ءتۇيىندى قورعايتىن جابايى حايۋاناتتار عىلمي دالەلدەۋ ارقىلى مەملەكەتتىك كەڭەستىڭ جابايى حايۋاناتتاردى قورعاۋدى باسقارۋ تاراۋى بەلگىلەگەن قولدا ءوربىتىپ وسىرىلەتىن مەملەكەت ءتۇيىندى قورعايتىن جابايى حايۋاناتتار تىزىمدىگىنە ەنگىزىلەدى. تىزىمدىككە ەنگىزىلگەن جابايى حايۋاناتتار جانە ونان جاسالعان ونىمدەرگە قولدا ءوربىتىپ ءوسىرۋ رۇقسات كۋالىگى مەن ولكەلىك، اۆتونوميالى رايوندىق، توتە قاراستى قالالىق حالىق ۇكىمەتىنىڭ جابايى حايۋاناتتاردى قورعاۋدى باسقارۋ تاراۋى ساراپتاعان جىلدىق ءوسىم مولشەرىنە ساي ارناۋلى بەلگىنى تىكە السا بولادى. ارناۋلى بەلگىمەن ساتۋدا جانە پايدالانۋدا دەرەگىن بىلۋگە كەپىلدىك ەتۋ كەرەك.

  وسى زاڭنىڭ 10 - تارماعىندا بەلگىلەنگەن مەملەكەت ءتۇيىندى قورعايتىن جابايى حايۋاناتتاردىڭ تىزىمدىگىن رەتتەگەندە، تۇزدەگى ءتۇر ۇيىرلەردى قورعاۋعا قاتىستى احۋالدارعا ساي، الدىڭعى تارماقشادا بەلگىلەنگەن قولدا ءوربىتىپ ءوسىرۋ تەحنيكاسى كەمەلىنە كەلگەن جابايى حايۋاناتتاردىڭ قولدا وسىرىلگەن ءتۇر ءۇيىرىن مەملەكەت ءتۇيىندى قورعايتىن جابايى حايۋاناتتار تىزىمدىگىنە ەندىگارى ەنگىزبەي، تۇزدەگى ءتۇر ۇيىرگە ۇقسامايتىن باسقارۋ شاراسىن اتقارسا بولادى، ءبىراق وسى زاڭنىڭ 25 - تارماعىنىڭ ەكىنشى تارماقشاسى مەن وسى تارماقتىڭ ءبىرىنشى تارماقشاسىنداعى بەلگىلەمەگە ساي، قولدا ءوربىتىپ ءوسىرۋ رۇقسات كۋالىگى مەن ارناۋلى بەلگىنى الۋى كەرەك.

  29 − تارماق جابايى حايۋاناتتاردى جانە ونان جاسالعان ونىمدەردى پايدالاناتىن بولسا، قولدا ءوربىتىپ وسىرىلگەن ءتۇر ءۇيىرىن نەگىز ەتۋ، تۇزدەگى ءتۇر ۇيىرلەردى قورعاۋعا ءتيىمدى بولۋى، ەكولوگيالىق وركەنيەت قۇرىلىسىنىڭ تالابىنا ۇيلەسۋى، قوعامدىق ءمورالعا قۇرمەت ەتۋى، زاڭدارعا، زاڭ − ەرەجەلەرگە جانە مەملەكەتتىڭ قاتىستى بەلگىلەمەلەرىنە بويسۇنۋى كەرەك.

  جابايى حايۋاناتتار جانە ونان جاسالعان ونىمدەر ءدارى رەتىندە تيجارات ەتىلەتىن جانە پايدالانىلاتىن بولسا، ءدارى − دارمەك باسقارۋعا قاتىستى زاڭدارعا، زاڭ − ەرەجەلەرگە دە بويسۇنۋ كەرەك.

  30 − تارماق مەملەكەت ءتۇيىندى قورعايتىن جابايى حايۋاناتتاردى جانە ونىڭ ونىمدەرىنەن جاسالعان ازىق - تۇلىكتەردى وندىرۋگە، تيجارات ەتىپ پايدالانۋعا نەمەسە زاڭدى كەلۋ قاينارى جونىندەگى كۋالىگى جوق، مەملەكەت ءتۇيىندى قورعامايتىن جابايى حايۋاناتتاردى جانە ونىڭ ونىمدەرىنەن جاسالعان ازىق − تۇلىكتەردى پايدالانۋعا تيىم سالىنادى.

  مەملەكەت ءتۇيىندى قورعايتىن جابايى حايۋاناتتاردى جانە ونان جاسالعان ونىمدەردى ازىق - تۇلىك ءۇشىن پايدالانۋعا، زاڭسىز ساتىپ الۋعا تيىم سالىنادى.

  31 − تارماق جابايى حايۋاناتتاردى ساتۋعا، ساتىپ الۋعا، پايدالانۋعا نەمەسە پايدالانۋعا تيىم سالىنعان اۋلاۋ قۇرالدارىن جارنامالاۋعا تيىم سالىنادى. زاڭعا قايشى ساتۋ، ساتىپ الۋ، پايدالانۋ ءۇشىن، جابايى حايۋاناتتاردان جاسالعان ونىمدەردى جارنامالاۋعا تيىم سالىنادى.

  32 − تارماق تور ساۋدا تەكشەسى، تاۋار ساۋدا بازارى سياقتى ساۋدا ورىندارىنىڭ زاڭسىز ساتۋ، ساتىپ الۋ، پايدالانۋ ءۇشىن جابايى حايۋاناتتاردى جانە ونان جاسالعان ونىمدەردى نەمەسە پايدالانۋعا تيىم سالىنعان اۋلاۋ قۇرالدارىن بازارعا سالۋعا تيىم سالىنادى.

  33 − تارماق مەملەكەت ءتۇيىندى قورعايتىن جابايى حايۋاناتتاردى جانە ونىڭ ونىمدەرىن، وسى زاڭنىڭ 28 − تارماعىنىڭ ەكىنشى تارماقشاسىندا بەلگىلەنگەن جابايى حايۋاناتتاردى جانە ونان جاسالعان ونىمدەردى اۋدان شەكاراسىنان تاسىمالداۋدا، الىپ جۇرۋدە، جونەلتۋدە، وسى زاڭنىڭ 21 − تارماعىندا، 25 − تارماعىندا، 27 − تارماعىندا نەمەسە 28 − تارماعىندا بەلگىلەنگەن رۇقسات كۋالىگىن، بەكىتۋ حۇجاتىنىڭ قوسىمشا نۇسقاسىن نەمەسە ارناۋلى بەلگىنى، سونداي − اق كارانتيندەۋ انىقتاماسى بولۋى نەمەسە قوسىمشالاۋى كەرەك.

  مەملەكەت ءتۇيىندى قورعامايتىن جابايى حايۋاناتتاردى اۋدان شەكاراسىنان تاسىمالداپ شىعۋدا اۋلاۋ، يمپورت − ەكسپورت ەتۋ سياقتى كەلۋ قاينارى زاڭدى انىقتاما، سونداي − اق كارانتيندەۋ كۋالىگى بولۋى كەرەك.

  34 − تارماق اۋدان دارەجەلىدەن جوعارى حالىق ۇكىمەتىنىڭ جابايى حايۋاناتتاردى قورعاۋدى باسقارۋ تاراۋى عىلمي زەرتتەۋ، قولدا ءوربىتىپ ءوسىرۋ، الەۋمەتتىك كورمەگە قويۋ سياقتى جابايى حايۋاناتتاردى جانە ونان جاسالعان ونىمدەردى پايدالانۋ قيمىلىن باقىلاۋى، باسقارۋى كەرەك.

  اۋدان دارەجەلىدەن جوعارى حالىق ۇكىمەتىنىڭ باسقا دا قاتىستى تاراۋلارى قىزمەت بولىسىنە ساي جابايى حايۋاناتتاردى جانە ونان جاسالعان ونىمدەردى ساتۋ، ساتىپ الۋ، پايدالانۋ، تاسىمالداۋ، جونەلتۋ سياقتى قيمىلداردى باقىلاۋى، تەكسەرۋى كەرەك.

  35 − تارماق جۇڭحۋا حالىق رەسپۋبليكاسى جاساسقان نەمەسە قاتىناسقان حالىقارالىق شارتتا ساۋدالاۋعا تيىم سالىنعان نەمەسە شەكتەلگەن جابايى حايۋاناتتاردىڭ نەمەسە ونان جاسالعان ونىمدەردىڭ تىزىمدىگىن تۇقىمى قۇرۋعا اينالعان تۇرلەردى يمپورت − ەكسپورت ەتۋدى باسقاراتىن مەملەكەتتىك قۇرىلىم جاسايدى، رەتتەيدى ءارى جاريالايدى.

  الدىڭعى تارماقشاداعى تىزىمدىككە ەنگىزىلگەن جابايى حايۋاناتتار نەمەسە ونان جاسالعان ونىمدەر يمپورت − ەكسپورت ەتەتىن بولسا، مەملەكەت ءتۇيىندى قورعايتىن جابايى حايۋاناتتار نەمەسە ونان جاسالعان ونىمدەرى ەكسپورت ەتىلەتىن بولسا مەملەكەتتىك كەڭەستىڭ جابايى حايۋاناتتاردى قورعاۋدى باسقارۋ تاراۋىنا نەمەسە مەملەكەتتىك كەڭەسكە بەكىتتىرۋى ءارى تۇقىمى قۇرۋعا اينالعان تۇرلەردى يمپورت − ەكسپورت ەتۋدى باسقاراتىن مەملەكەتتىك قۇرىلىم اداقتاپ بەرگەن يمپورت − ەكسپورت ەتۋ رۇقسات كۋالىگىن الۋ كەرەك. شەكارادان كىرىپ − شىققاندا زاڭ بويىنشا كارانتيندەلەدى. كەدەننىڭ يمپورت − ەكسپورت ەتۋگە رۇقسات كۋالىگىمەن، كارانتيندەۋ انىقتاماسىمەن بەلگىلەمە بويىنشا كەدەننەن ءوتۋ راسمياتى وتەلەدى.

  عىلىم − تەحنيكا قۇپيالىعىنا ساياتىن جابايى حايۋاناتتاردىڭ تۇرلەرىن ەكسپورت ەتۋ مەملەكەتتىڭ قاتىستى بەلگىلەمەسى بويىنشا باسقارىلادى.

  وسى تارماقتىڭ ءبىرىنشى تارماقشاسىنداعى تىزىمدىككە ەنگىزىلەتىن جابايى حايۋاناتتاردى مەملەكەتتىك كەڭەستىڭ جابايى حايۋاناتتاردى قورعاۋدى باسقارۋ تاراۋىنا بەكىتتىرۋ ارقىلى وسى زاڭدى قولدانۋ كولەمىندە مەملەكەتتىڭ ءتۇيىندى قورعاۋىنا ساي جابايى حايۋاناتتاردى باسقارسا بولادى.

  36 − تارماق مەملەكەت جابايى حايۋاناتتاردى قورعاۋ قاتىستى زاڭ اتقارۋ قيمىلىنىڭ حالىقارالىق سەلبەستىگى مەن بارىس − كەلىسىن ورىستەتۋگە ۇيىمداستىرادى؛ جابايى حايۋاناتتاردى اتكەزشىلىك ەتۋدەن جانە زاڭسىز ساۋدالاۋدان ساقتانۋ، وعان سوققى بەرۋ تاراۋلارىنىڭ سايكەستىرۋ مەحانيزمىن ورناتىپ، اتكەزشىلىك جانە زاڭسىز ساۋدالاۋ قيمىلىنان ساقتانادى جانە وعان سوققى بەرەدى.

  37 − تارماق جابايى حايۋاناتتاردىڭ ءتۇرى شەتتەن ەنگىزىلەتىن بولسا، مەملەكەتتىك كەڭەستىڭ جابايى حايۋاناتتاردى قورعاۋدى باسقارۋ تاراۋىنا بەكىتتىرۋ كەرەك. وسى زاڭنىڭ 35 − تارماعىنىڭ ءبىرىنشى تارماقشاسىنداعى تىزىمدىككە ەنگىزىلگەن جابايى حايۋاناتتاردى شەتتەن ەنگىزگەندە، يمپورت − ەكسپورت ەتۋ رۇقسات كۋالىگىن دە زاڭ بويىنشا الۋ كەرەك. شەكارادان كىرگەندە زاڭ بويىنشا كارانتيندەلەدى. كەدەننىڭ يمپورت ەتۋدى بەكىتۋ حۇجاتىمەن نەمەسە يمپورت − ەكسپورت رۇقسات كۋالىگىمەن، سونداي − اق كارانتيندەۋ انىقتاماسىمەن بەلگىلەمەگە ساي كەدەننەن ءوتۋ رەسمياتى وتەلەدى.

  جابايى حايۋاناتتاردىڭ ءتۇرى شەتتەن ەنگىزىلەتىن بولسا، حاۋىپسىز، سەنىمدىلىك ساقتىعى شارالارىن قولدانىپ، ونىڭ تۇزدەن كىرۋىنەن ساقتانۋ، ەكولوگيا جۇيەسىنە تيگىزەتىن زالالىنان اۋلاق بولۋ كەرەك. ونى تابيعاتقا قويا بەرۋ، شىنىندا، قاجەت بولسا، مەملەكەتتىڭ قاتىستى بەلگىلەمەسى بويىنشا اتقارىلادى.

  38 − تارماق ءارقانداي ۇيىم جانە جەكە جابايى حايۋاناتتى تابيعاتقا قويا بەرەتىن بولسا، سول تابيعاتقا ۇيلەسەتىن جەرگىلىكتى ءتۇردى تاڭداۋ كەرەك. جەرگىلىكتى تۇرعىنداردىڭ قالىپتى تۇرمىسىنا، وندىرىسىنە كەدەرگىلىك جاساۋعا بولمايدى، ەكولوگيالىق جۇيەگە زالال جەتكىزۋدەن اۋلاق بولۋ كەرەك. جابايى حايۋاناتتى الباتى قويا بەرىپ، باسقالاردىڭ باس اماندىعىنا، مال − مۇلكىنە زالال جەتسە نەمەسە ەكولوگيالىق جۇيەگە زالال جەتسە، زاڭ بويىنشا زاڭدىق جاۋاپكەرلىك ارقالايدى.

  39 − تارماق ەرەكشە رۇقسات ەتىلگەن اۋشىلىق كۋالىگىن، اڭشىلىق كۋالىگىن قولدا ءوربىتىپ ءوسىرۋ رۇقسات كۋالىگىن، سونداي − اق ارناۋلى بەلگىنى جالعان جاساۋعا، وزگەرتىپ جاساۋعا، الىپ − ساتۋعا، وتكەرمەلەۋگە، جالعا بەرۋگە، مەملەكەت ءتۇيىندى قورعايتىن جابايى حايۋاناتتاردى جانە ونان جاسالعان ونىمدەردى بەكىتۋ حۇجاتىن، نەمەسە يمپورت − ەكسپورت ەتۋ رۇقسات كۋالىگىن، يمپورت − ەكسپورت ەتۋ سياقتىلاردى بەكىتۋ حۇجاتىن ساتۋعا، ساتىپ الۋعا، پايدالانۋعا تيىم سالىنادى.

  الدىڭعى تارماقشادا بەلگىلەنگەن قاتىستى رۇقسات كۋالىگىن، ارناۋلى بەلگىنى، بەكىتۋ حۇجاتىن بەرۋ احۋالى زاڭ بويىنشا جاريالى بولۋى كەرەك.

40 − تارماق شەتەلدىكتەر ەلىمىزدە مەملەكەت ءتۇيىندى قورعايتىن جابايى حايۋاناتتارعا دالالىق تەكسەرۋ جۇرگىزسە نەمەسە حايۋاناتتاردى دالادا كينوعا، كەسكىنگە تۇسىرسە، ولكەلىك، اۆتونوميالى رايوندىق، توتە قاراستى قالالىق حالىق ۇكىمەتىنىڭ جابايى حايۋاناتتاردى قورعاۋدى باسقارۋ تاراۋىنا نەمەسە ول ۇقىق بەرگەن ورىنعا بەكىتتىرۋ ءارى قاتىستى زاڭدارداعى، زاڭ − ەرەجەلەردەگى بەلگىلەمەلەرگە بويسۇنۋ كەرەك.

  41 − تارماق جەرگىلىكتى ورىن ءتۇيىندى قورعايتىن جابايى حايۋاناتتار مەن مەملەكەت ءتۇيىندى قورعامايتىن باسقا دا جابايى حايۋاناتتاردى باسقارۋ ءادىسىن ولكەلىك، اۆتونوميالى رايوندىق، توتە قاراستى قالالىق حالىق قۇرىلتايى نەمەسە ونىڭ تۇراقتى كوميتەتى جاسايدى.

  ءتورتىنشى تاراۋ زاڭدىق جاۋاپكەرلىك  

  42 − تارماق جابايى حايۋاناتتاردى قورعاۋدى باسقارۋ تاراۋى نەمەسە باسقا دا قاتىستى تاراۋلار، ورگاندار اكىمشىلىك رۇقسات ۇيعارىمىن زاڭ بويىنشا شىعارماسا، زاڭعا قايشى ارەكەتتەردى بايقاعاندا نەمەسە زاڭعا قايشى ارەكەت جونىندەگى اشكەرەلەۋدى تاپسىرىپ العاندا، تەكسەرىپ ءبىر جاقتى ەتپەسە نەمەسە زاڭ بويىنشا تەكسەرىپ ءبىر جاقتى ەتپەسە ياكي ۇقىعىنان بەتالدى پايدالانۋ سياقتى مىندەتىن زاڭ بويىنشا وتەمەگەن باسقا دا ارەكەتى بولسا، دارەجەلەس حالىق ۇكىمەتى نەمەسە جوعارى دارەجەلى حالىق ۇكىمەتىنىڭ قاتىستى تاراۋى، ورگانى تۇزەتۋگە بۇيىرادى، جاۋاپكەرلىگى بار باسقارۋشىلار مەن باسقا دا تىكە جاۋاپكەرلىگى بارلارعا زاڭ بويىنشا كۇنا جازادى، اۋىر كۇنا جازادى نەمەسە دارەجەسىن تومەندەتۋ جازاسىن بەرەدى؛ اۋىر زارداپ تۋدىرسا، مىندەتىنەن قالدىرادى نەمەسە قىزمەتتەن ايداۋ شاراسىن قولدانادى، ونىڭ نەگىزگى جاۋاپتى ادامى كۇنانى موينىنا الىپ، مىندەتىنەن بوساۋى كەرەك. قىلمىسقا تولعاندارىنىڭ قىلمىستىق ىستەر جاۋاپكەرلىگى زاڭ بويىنشا قۋزاستىرىلادى.

  43 − تارماق وسى زاڭنىڭ 12 − تارماعىنىڭ ءۇشىنشى تارماقشاسىنداعى، 13 − تارماعىنىڭ ەكىنشى تارماقشاسىنداعى بەلگىلەمەگە قايشىلىق جاساسا، قاتىستى زاڭدارداعى، زاڭ − ەرەجەلەردەگى بەلگىلەمەلەرگە ساي جازاعا تارتىلادى.

  44 − تارماق وسى زاڭنىڭ 15 − تارماعىنىڭ ءۇشىنشى تارماقشاسىنداعى بەلگىلەمەگە قايشىلىق جاساپ، جيناپ الىپ قورعاۋدى جەلەۋ ەتىپ جابايى حايۋاناتتاردى جانە ونان جاسالعان ونىمدەردى ساۋدالاسا، اۋدان دارەجەلىدەن جوعارى حالىق ۇكىمەتىنىڭ جابايى حايۋاناتتاردى قورعاۋدى باسقارۋ تاراۋى جابايى حايۋاناتتاردى جانە ونان جاسالعان ونىمدەردى، زاڭعا قايشى تابىسىن تاركىلەيدى، جابايى حايۋانات جانە ونان جاسالعان ءونىم قۇنىنىڭ 2 ەسەسىنەن جوعارى، 10 ەسەسىنەن تومەن اقشالاي ايىپ قوسا سالادى، زاڭعا قايشى قاتىستى ينفورماتسيالار قوعامدىق سەنىمدىلىك ارحيۆىنە جازىلىپ، قوعامعا جاريالانادى؛ قىلمىسقا تولعاندارىنىڭ قىلمىستىق ىستەر جاۋاپكەرلىگى زاڭ بويىنشا قۋزاستىرىلادى.

  45 − تارماق وسى زاڭنىڭ 20 − تارماعىنداعى، 21 − تارماعىنداعى، 23 − تارماعىنىڭ ءبىرىنشى تارماقشاسىنداعى، 24 − تارماعىنىڭ ءبىرىنشى تارماقشاسىنداعى بەلگىلەمەلەرگە قايشىلىق جاساپ، قاتىستى جاراتىلىستىق قورىقتان، اۋلاۋعا (بالىقتى) تيىم سالعان وڭىردەن، اۋلاۋعا (بالىقتى) تيىم سالعان مەزگىلدە مەملەكەت ءتۇيىندى قورعايتىن جابايى حايۋاناتتاردى اۋلاسا، ەرەكشە اۋلاۋ رۇقسات كۋالىگىن الماي، ەرەكشە اۋلاۋ رۇقسات كۋالىگىندەگى بەلگىلەمەگە ساي اۋلاماي، مەملەكەت ءتۇيىندى قورعايتىن جابايى حايۋاناتتاردى قىرسا نەمەسە پايدالانۋعا تيىم سالىنعان قۇرالدارمەن، ادىستەرمەن مەملەكەت ءتۇيىندى قورعايتىن جابايى حايۋاناتتاردى اۋلاسا، اۋدان دارەجەلىدەن جوعارى حالىق ۇكىمەتىنىڭ جابايى حايۋاناتتاردى قورعاۋدى باسقارۋ تاراۋى، تەڭىز − مۇحيت زاڭ اتقارۋ تاراۋى نەمەسە قورىق باسقاراتىن قاتىستى قۇرىلىم قىزمەت بولىستەرىنە ساي اۋلاپ العان زاتتاردى، اۋلاۋ قۇرالدارىن جانە زاڭعا قايشى تابىسىن تاركىلەيدى، ەرەكشە اۋلاۋ رۇقسات كۋالىگىن كۇشىنەن قالدىرادى، اۋلاعان زات قۇنىنىڭ 2 ەسەسىنەن جوعارى، 10 ەسەسىنەن تومەن اقشالاي ايىپ قوسا سالادى؛ اۋلاپ العان زاتى بولماسا، 10   مىڭ يۋاننان جوعارى، 50 مىڭ يۋاننان تومەن ايىپ قوسا سالادى؛ قىلمىسقا تولعاندارىنىڭ قىلمىستىق ىستەر جاۋاپكەرلىگى زاڭ بويىنشا قۋزاستىرىلادى.

  46 − تارماق وسى زاڭنىڭ 20 − تارماعىنداعى، 22 − تارماعىنداعى، 23 − تارماعىنىڭ ءبىرىنشى تارماقشاسىنداعى، 24 − تارماعىنىڭ ءبىرىنشى تارماقشاسىنداعى بەلگىلەمەلەرگە قايشىلىق جاساپ، قاتىستى جاراتىلىستىق قورىقتان، اۋلاۋعا (بالىقتى) تيىم سالىنعان وڭىردەن، اۋلاۋعا (بالىقتى) تيىم سالىنعان مەزگىلدە مەملەكەت ءتۇيىندى قورعامايتىن جابايى حايۋاناتتاردى اۋلاسا، اۋلاۋ كۋالىگىن الماي، اۋلاۋ كۋالىگىندەگى بەلگىلەمەگە قايشىلىق جاساپ، مەملەكەت ءتۇيىندى قورعامايتىن جابايى حايۋاناتتاردى اۋلاسا نەمەسە پايدالانۋعا تيىم سالعان قۇرالدارمەن، ادىسپەن مەملەكەت ءتۇيىندى قورعامايتىن جابايى حايۋاناتتاردى اۋلاسا، اۋدان دارەجەلىدەن جوعارى جەرگىلىكتى حالىق ۇكىمەتىنىڭ جابايى حايۋاناتتاردى قورعاۋدى باسقارۋ تاراۋى نەمەسە قورىق قۇرالدارىن باسقاراتىن قاتىستى قۇرىلىم قىزمەت ءبولىسى بويىنشا اۋلاپ العان زاتىن، اۋلاۋ قۇرالدارىن جانە زاڭعا قايشى تابىسىن تاركىلەيدى، اۋلاۋ كۋالىگىن كۇشىنەن قالدىرادى، اۋلاپ العان زات قۇنىنىڭ ءبىر ەسەسىنەن جوعارى، 5 ەسەسىنەن تومەن اقشالاي ايىپ قوسا سالادى؛ اۋلاپ العان زاتى بولماسا، 2000 يۋاننان جوعارى، 10 مىڭ يۋاننان تومەن ايىپ قوسا سالادى؛ قىلمىسقا تولعاندارىنىڭ قىلمىستىق ىستەر جاۋاپكەرلىگى زاڭ بويىنشا قۋزاستىرىلادى.

  وسى زاڭنىڭ 23 − تارماعىنىڭ ەكىنشى تارماقشاسىنداعى بەلگىلەمەگە قايشىلىق جاساپ، مىلتىق ۇستاۋ كۋالىگىن الماي جابايى حايۋاناتتاردى مىلتىقپەن اۋلاپ، اماندىق باسقارۋعا قايشى ارەكەت وتكىزسە، قوعام حاۋىپسىزدىك ورگانى زاڭ بويىنشا اماندىق باسقارۋ جازاسىن قولدانادى؛ قىلمىسقا تولعاندارىنىڭ قىلمىستىق ىستەر جاۋاپكەرلىگى زاڭ بويىنشا قۋزاستىرىلادى.

  47 − تارماق وسى زاڭنىڭ 25 − تارماعىنىڭ ەكىنشى تارماقشاسىنداعى بەلگىلەمەگە قايشىلىق جاساپ، قولدا ءوربىتىپ ءوسىرۋ رۇقسات كۋالىگىن الماي تۇرىپ مەملەكەت ءتۇيىندى قورعايتىن جابايى حايۋاناتتاردى وسىرسە نەمەسە وسى زاڭنىڭ 28 − تارماعىنىڭ ەكىنشى تارماقشاسىندا بەلگىلەنگەن جابايى حايۋاناتتاردى وسىرسە، اۋدان دارەجەلىدەن جوعارى حالىق ۇكىمەتىنىڭ جابايى حايۋاناتتاردى قورعاۋدى باسقارۋ تاراۋى جابايى حايۋاناتتاردى جانە ونان جاسالعان ونىمدەردى تاركىلەيدى، جابايى حايۋانات جانە ونىڭ ءونىمى قۇنىنىڭ ءبىر ەسەسىنەن جوعارى، 5 ەسەسىنەن تومەن اقشالاي ايىپ قوسا سالادى.

  48 − تارماق وسى زاڭنىڭ 27 − تارماعىنىڭ ءبىرىنشى تارماقشاسىنداعى جانە ەكىنشى تارماقشاسىنداعى، 28 − تارماعىنىڭ ءبىرىنشى تارماقشاسىنداعى، 33 − تارماعىنىڭ ءبىرىنشى تارماقشاسىنداعى بەلگىلەمەلەرگە قايشىلىق جاساپ، ارناۋلى قولدانىلاتىن بەلگىنى بەكىتتىرمەي، الماي نەمەسە بەلگىلەمەگە قايشى قولدانسا، قولدا ءوربىتىپ ءوسىرۋ رۇقسات كۋالىگىن الماي، بەكىتكەن قۇجاتىنىڭ قوسىمشا نۇسقاسىن نەمەسە ارناۋلى بەلگىنى الماي مەملەكەت ءتۇيىندى قورعايتىن جابايى حايۋاناتتاردى جانە ونان جاسالعان ونىمدەردى نەمەسە وسى زاڭنىڭ 28 − تارماعىنىڭ ەكىنشى تارماقشاسىندا بەلگىلەنگەن جابايى حايۋاناتتاردى جانە ونىڭ ونىمدەرىن ساتسا، ساتىپ السا، پايدالانسا، تاسىمالداسا، الىپ جۇرسە، جونەلتسە، اۋدان دارەجەلىدەن جوعارى حالىق ۇكىمەتىنىڭ جابايى حايۋاناتتاردى قورعاۋدى باسقارۋ تاراۋى نەمەسە ونەركاسىپ − ساۋدا اكىمشىلىك باسقارۋ تاراۋى قىزمەت بولىسىنە ساي جابايى حايۋاناتتاردى جانە ونان جاسالعان ونىمدەردى، زاڭسىز تابىسىن تاركىلەيدى، جابايى حايۋانات جانە ونىڭ ءونىم قۇنىنىڭ 2 ەسەسىنەن جوعارى، 10 ەسەسىنەن تومەن اقشالاي ايىپ قوسا سالادى؛ كۇناسى اۋىر بولسا، قولدا ءوربىتىپ ءوسىرۋ رۇقسات كۋالىگىن، بەكىتۋ حۇجاتىن كۇشىنەن قالدىرادى، ارناۋلى بەلگىنى قايتارىپ الادى؛ قىلمىسقا تولعاندارىنىڭ قىلمىستىق ىستەر جاۋاپكەرلىگى زاڭ بويىنشا قۋزاستىرىلادى.

  وسى زاڭنىڭ 27 − تارماعىنىڭ ءتورتىنشى تارماقشاسىنداعى، 33 − تارماعىنىڭ ەكىنشى تارماقشاسىنداعى بەلگىلەمەلەرگە قايشىلىق جاساپ، زاڭدىق نەگىزى جوق كۋالىكپەن مەملەكەت ءتۇيىندى قورعامايتىن جابايى حايۋاناتتاردى ساتسا، پايدالانسا، تاسىمالداسا، اۋدان دارەجەلىدەن جوعارى جەرگىلىكتى حالىق ۇكىمەتىنىڭ جابايى حايۋاناتتاردى قورعاۋدى باسقارۋ تاراۋى نەمەسە ونەركاسىپ − ساۋدا اكىمشىلىك باسقارۋ تاراۋى قىزمەت بولىسىنە ساي جابايى حايۋاناتتاردى تاركىلەيدى، جابايى حايۋانات قۇنىنىڭ ءبىر ەسەسىنەن جوعارى، 5 ەسەسىنەن تومەن اقشالاي ايىپ قوسا سالادى.

  وسى زاڭنىڭ 27 − تارماعىنىڭ بەسىنشى تارماقشاسىنداعى، 33 − تارماعىنداعى بەلگىلەمەلەرگە قايشىلىق جاساپ، حايۋاناتتارعا جانە ونان جاسالعان ونىمدەرگە قاتىستى كارانتيندەۋ كۋالىگىن الماي نەمەسە بولماي ساتسا، تاسىمالداسا، الىپ جۇرسە، جونەلتسە، «جۇڭحۋا حالىق رەسپۋبليكاسىنىڭ حايۋانات ىندەتىنەن ساقتانۋ زاڭىنداعى» بەلگىلەمەلەرگە ساي جازا قولدانىلادى.

  49 − تارماق وسى زاڭنىڭ 30 − تارماعىنداعى بەلگىلەمەلەرگە قايشىلىق جاساپ، مەملەكەت ءتۇيىندى قورعايتىن جابايى حايۋاناتتاردى جانە ونان جاسالعان ونىمدەردى وندىرسە، تيجارات ەتسە، پايدالانسا نەمەسە زاڭدى نەگىزى جوق كۋالىكپەن مەملەكەت ءتۇيىندى قورعامايتىن جابايى حايۋاناتتاردى جانە ونان جاسالعان ازىق - تۇلىكتەردى وندىرسە، تيجارات ەتسە، پايدالانسا نەمەسە ازىق − تۇلىككە پايدالانىلاتىن، مەملەكەت ءتۇيىندى قورعايتىن جابايى حايۋاناتتاردى جانە ونان جاسالعان ونىمدەردى زاڭعا قايشى ساتىپ السا، اۋدان دارەجەلىدەن جوعارى حالىق ۇكىمەتىنىڭ جابايى حايۋاناتتاردى قورعاۋدى باسقارۋ تاراۋى نەمەسە ونەركاسىپ − ساۋدا اكىمشىلىك باسقارۋ تاراۋى قىزمەت بولىسىنە ساي زاڭعا قايشى ارەكەتتى توقتاتۋعا بۇيىرادى، جابايى حايۋاناتتاردى جانە ونان جاسالعان ونىمدەردى، زاڭعا قايشى تابىسىن تاركىلەيدى، جابايى حايۋانات جانە ونىڭ ونىم قۇنىنىڭ 2 ەسەسىنەن جوعارى، 10 ەسەسىنەن تومەن اقشالاي ايىپ قوسا سالادى؛ قىلمىسقا تولعاندارىنىڭ قىلمىستىق ىستەر جاۋاپكەرلىگى زاڭ بويىنشا قۋزاستىرىلادى.

  50 − تارماق وسى زاڭنىڭ 31 − تارماعىنداعى بەلگىلەمەگە قايشىلىق جاساپ، جابايى حايۋاناتتاردى جانە ونان جاسالعان ونىمدەردى ساتۋ، ساتىپ الۋ، پايدالانۋ ءۇشىن نەمەسە پايدالانۋعا تيىم سالىنعان اۋلاۋ قۇرالدارىن جارنامالاسا، «جۇڭحۋا حالىق رەسپۋبليكاسىنىڭ جارناما زاڭىنداعى» بەلگىلەمەلەرگە ساي جازاعا تارتىلادى.

  51 − تارماق وسى زاڭنىڭ 32 − تارماعىنداعى بەلگىلەمەگە قايشىلىق جاساپ، جابايى حايۋاناتتاردى جانە ونان جاسالعان ونىمدەردى زاڭعا قايشىلىق جاساپ ساتسا، ساتىپ السا، پايدالانسا نەمەسە پايدالانۋعا تيىم سالىنعان اۋلاۋ قۇرالدارىن ساۋدالاۋعا قىزمەت وتەسە، اۋدان دارەجەلىدەن جوعارى حالىق ۇكىمەتىنىڭ ونەركاسىپ − ساۋدا اكىمشىلىك باسقارۋ تاراۋى زاڭعا قايشى ارەكەتتى توقتاتۋعا، شەكتى مەرزىم ىشىندە تۇزەتۋگە بۇيىرادى، زاڭعا قايشى تابىسىن تاركىلەيدى، زاڭعا قايشى تابىسىنىڭ 2 ەسەسىنەن جوعارى، 5 ەسەسىنەن تومەن اقشالاي ايىپ قوسا سالادى؛ زاڭعا قايشى تابىسى بولماسا 10 مىڭ يۋاننان جوعارى، 50 مىڭ يۋاننان تومەن ايىپ سالىنادى؛ قىلمىسقا تولعاندارىنىڭ قىلمىستىق ىستەر جاۋاپكەرلىگى زاڭ بويىنشا قۋزاستىرىلادى.

  52 − تارماق وسى زاڭنىڭ 35 − تارماعىنداعى بەلگىلەمەگە قايشىلىق جاساپ، جابايى حايۋاناتتاردى جانە ونان جاسالعان ونىمدەردى يمپورت − ەكسپورت ەتسە، كەدەن، تەكسەرۋ − كارانتيندەۋ، قوعام حاۋىپسىزدىك ورگانى، تەڭىز − مۇحيت زاڭ اتقارۋ تاراۋى زاڭدارعا، اكىمشىلىك زاڭ − ەرەجەلەرگە جانە مەملەكەتتىڭ قاتىستى بەلگىلەمەلەرىنە ساي جازاعا تارتادى؛ قىلمىسقا تولعاندارىنىڭ قىلمىستىق ىستەر جاۋاپكەرلىگى زاڭ بويىنشا قۋزاستىرىلادى.

  53 − تارماق وسى زاڭنىڭ 37 − تارماعىنىڭ ءبىرىنشى تارماقشاسىنداعى بەلگىلەمەگە قايشىلىق جاساپ، شەتتەن جابايى حايۋاناتتار ءتۇرىن ەنگىزسە، اۋدان دارەجەلىدەن جوعارى حالىق ۇكىمەتىنىڭ جابايى حايۋاناتتاردى قورعاۋدى باسقارۋ تاراۋى ەنگىزگەن جابايى حايۋاناتتى تاركىلەيدى، 50 مىڭ يۋاننان جوعارى، 250 مىڭ يۋاننان تومەن ايىپ قوسا سالادى؛ شەكارادان كىرگەندە زاڭ بويىنشا كارانتيندەتپەسە، «جۇڭحۋا حالىق رەسپۋبليكاسىنىڭ شەكارادان كىرگىزىلەتىن − شىعارىلاتىن حايۋاناتتار مەن وسىمدىكتەردى كارانتيندەۋ زاڭىنداعى» بەلگىلەمەلەرگە ساي جازاعا تارتىلادى؛ قىلمىسقا تولعاندارىنىڭ قىلمىستىق ىستەر جاۋاپكەرلىگى زاڭ بويىنشا قۋزاستىرىلادى.

  54 − تارماق وسى زاڭنىڭ 37 − تارماعىنىڭ ەكىنشى تارماقشاسىنداعى بەلگىلەمەگە قايشىلىق جاساپ، شەتتەن ەنگىزگەن جابايى حايۋاناتتاردى تابيعاتقا قويا بەرسە، اۋدان دارەجەلىدەن جوعارى حالىق ۇكىمەتىنىڭ جابايى حايۋاناتتاردى قورعاۋدى باسقارۋ تاراۋى شەكتى مەرزىمدە قايتا ۇستاپ اكەلۋگە بۇيىرادى، 10 مىڭ يۋاننان جوعارى، 50 مىڭ يۋاننان تومەن ايىپ سالادى؛ شەكتى مەرزىمى وتكەنشە قايتا ۇستاپ اكەلمەسە، جابايى حايۋاناتتاردى قورعاۋدى باسقارۋ تاراۋى ۋاكىلدىك رەتىندە ۇستاپ اكەلەدى نەمەسە ىقپالىن تومەندەتۋ شاراسىن قولدانادى، كەتكەن قاراجاتتى شەكتى مەرزىمدە ۇستاپ اكەلۋگە بۇيىرىلۋشى ارقالايدى.

  55 − تارماق وسى زاڭنىڭ 39 − تارماعىنىڭ ءبىرىنشى تارماقشاسىنداعى بەلگىلەمەگە قايشىلىق جاساپ، قاتىستى كۋالىكتەردى، ارناۋلى بەلگىنى نەمەسە قاتىستى بەكىتۋ حۇجاتىن جالعان جاساسا، وزگەرتىپ جاساسا، ساۋدالاسا، وتكەرمەلەسە، جالعا بەرسە اۋدان دارەجەلىدەن جوعارى حالىق ۇكىمەتىنىڭ جابايى حايۋاناتتاردى قورعاۋدى باسقارۋ تاراۋى زاڭعا قايشى كۋالىكتەرىن، ارناۋلى بەلگىنى، قاتىستى بەكىتۋ حۇجاتىن جانە زاڭعا قايشى تابىسىن تاركىلەيدى، 50 مىڭ يۋاننان جوعارى، 250 مىڭ يۋاننان تومەن ايىپ قوسا سالادى، اماندىق باسقارۋعا قايشى ارەكەتكە تولسا، قوعام حاۋىپسىزدىك ورگانى زاڭ بويىنشا اماندىق باسقارۋ جازاسىنا تارتادى؛ قىلمىسقا تولعاندارىنىڭ قىلمىستىق ىستەر جاۋاپكەرلىگى زاڭ بويىنشا قۋزاستىرىلادى.

  56 − تارماق وسى زاڭداعى بەلگىلەمەلەرگە ساي تاركىلەنگەن ناقتى زاتتاردى اۋدان دارەجەلىدەن جوعارى حالىق ۇكىمەتىنىڭ جابايى حايۋاناتتاردى قورعاۋدى باسقارۋ تاراۋى نەمەسە ول ۇقىق بەرگەن ورىن بەلگىلەمە بويىنشا ءبىر جاقتى ەتەدى.

  57 − تارماق وسى زاڭدا بەلگىلەنگەن اۋلاپ العان زاتتىڭ قۇنىن، جابايى حايۋاناتتىڭ جانە ونان جاسالعان ونىمدەردىڭ قۇنىن باعالاۋ ولشەمىن جانە ءادىسىن مەملەكەتتىك كەڭەستىڭ جابايى حايۋاناتتاردى قورعاۋدى باسقارۋ تاراۋى بەلگىلەيدى.

  بەسىنشى تاراۋ قوسىمشا ەرەجە

  58 − تارماق بۇل زاڭ 2017 − جىلى 1 − قاڭتاردان باستاپ اتقارىلادى.

  (اۋدارماسىن اۆتونوميالى رايوندىق حالىق قۇرىلتايى تۇراقتى كوميتەتى كەڭسەسىنىڭ زاڭ − ەرەجەلەر اۋدارماسىن قاراپ بەكىتۋ گرۋپپاسى قاراپ بەكىتتى)

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ