<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ارناۋلى تاقىرىپ>>باتىل ءۇن قاتىپ، ايقىن پوزيتسيا ءبىلدىرۋ

پارتيانىڭ مادەنيەت، قوعامدىق پىكىر شەبىن ويداعىداي قورعايمىن

كەلۋ قاينارى :شينجياڭ گازەتى سايتى

ىلە قازاق اۆتونوميالى وبلىستىق مادەنيەت، دەنە تاربيە، راديو - كينو - تەلەۆيزيا مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى

جانار اقان قىزى

 

  مادەنيەت − ۇلتتىڭ رۋحى مەن جانى، مەملەكەتتىڭ دامۋى مەن ۇلتتىڭ گۇلدەنۋىندەگى مىعىم كۇش. مادەنيەتتىڭ قوعامعا جەتەكشىلىك ەتۋ، حالىقتى تاربيەلەۋ، دامۋدى ىلگەرىلەتۋ يقۋاتىن تولىق ساۋلەلەندىرىپ، جۇڭحۋا ۇلتىنىڭ ورتاق رۋحاني مەكەنىن قۇرىپ، جۇڭحۋا ۇلتىنىڭ ۇيىسۋ قۋاتى مەن جاسامپازدىعىن كۇشەيتۋ − مادەنيەت جۇيەسىندەگى پارتيا مۇشەلەرى مەن كادرلاردىڭ داڭقتى بورىشى جانە ماڭىزدى جاۋاپكەرشىلىگى. مادەنيەت قىزمەتكەرى رەتىندە، مەن قاشاندا حالىقپەن بىرگە بولىپ، قاشاندا پارتيامەن نيەتتەس، تىلەكتەس بولىپ، باس نىسانا تۋىن اسقاقتاتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن تاباندىلىقپەن باتىل قورعاپ، ءار ۇلت حالقىنا ورتاق رۋحاني مەكەنىمىزدى ويداعىداي قورعايمىن.

  پارتيانىڭ شاپاعاتىنا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، سەرگەك ساياسي سانا مەن وسكەلەڭ ساياسي جاۋاپكەرشىلىكتى قاشاندا ساقتايمىن. مەن ءار ءتۇرلى ورىندا بۇقاراعا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭداعى ءار ۇلت حالقىنا دەگەن شىنايى قامقورلىعىن ۇگىتتەيمىن؛ شينجياڭ ەكونوميكاسىنىڭ، قوعامىنىڭ دامۋىنداعى وزگەرىستەر مەن ءار ۇلت جۇرتشىلىعىنىڭ باقىتتى تۇرمىسىن ۇگىتتەپ، ءار ۇلت جۇرتشىلىعىنىڭ جۇڭگو كوممۋنيستىك پارتياسىنا، ۇلى وتانىمىزعا العىس ايتۋ سەزىمىن اسقاقتاتىپ، پارتياعا ماڭگى العىس ايتىپ، پارتيانىڭ سوزىنە قۇلاق اسىپ، پارتياعا ىلەسەمىن؛ توڭىرەگىمدە تۋىلعان مىسالداردان پايدالانىپ، حالىق جۇرتشىلىعىنا نەنىڭ زاڭعا قايشى، نەنىڭ قىلمىس ەكەنىن، نەنى ىستەۋ كەرەكتىگىن، نەنى ىستەمەۋ كەرەكتىگىن ۇگىتتەپ، زاڭنىڭ بەدەلىن اياق استى ەتۋگە بولمايتىنىن تۇسىندىرەمىن؛ حالىق جۇرتشىلىعىن ءدىني ۇشقارى يدەياعا قارسى تۇرىپ، باقىتتى تۇرمىستى قاستەرلەۋگە جەتەكتەيمىن.

  يدەولوگيا سالاسىنداعى بولشەكتەۋشىلىككە قارسى كۇرەستىڭ باستاماشىسى بولۋعا قۇلشىنىپ، نەگىزگى مەديالاردىڭ قوعامدىق پىكىرگە جەتەكشىلىك ەتۋ رولىن تولىق ساۋلەلەندىرەمىن. قىزمەتتە ماركسيزمنىڭ يدەولوگيا سالاسىنداعى جەتەكشى ورنىنا تاباندى بولىپ جانە مۇنى بەكەمدەپ، ءار ۇلت كادرلارى مەن جۇرتشىلىعىن ماركستىك «5 كوز قاراستى» بەرىك ورناتىپ، «ءۇشتىڭ ءبىر - بىرىنەن ايرىلا الماۋ» يدەياسىن بەكەمدەپ، «5 ورتاق تانىمدى» كۇشەيتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋعا جەتەكتەيمىن؛ كادرلار مەن بۇقارانى ۇلى وتانىمىزعا دەگەن تەرەڭ سۇيىسپەنشىلىگىن، سوتسياليستىك وزەكتى قۇن كوزقاراسىن امالياتتا ايگىلەۋدى شينجياڭدى كوركەيتىپ، وتاننىڭ ءۇمىتىن اقتاۋداعى سانالى تانىم مەن ارەكەتكە اينالدىرۋعا جەتەكتەيمىن؛ كەلەلى ماسەلەلەردە قاشاندا تۇرعىمدى ءدال تاۋىپ، شەشۋشى ساتتەردە باتىل ءۇن قاتىپ، قولامتالى ماسەلەلەردە قاشقالاقتاماي، ساياسي ماسەلەلەردە كۇڭگىرت تانىمدا بولماي، نەگىزگى مەديالاردىڭ قوعامدىق پىكىرگە جەتەكشىلىك ەتۋ رولىن ويداعىداي ساۋلەلەندىرەمىن. مادەنيەت، دەنە تاربيە، راديو - كينو - تەلەۆيزيا قىزمەتكەرلەرىن تىعىز ىنتىماقتاستىرامىن ءارى وتاننىڭ تۇتاستىعىن قورعاۋ، ۇلتتار ىنتىماعىن قورعاۋ سياقتى ۇلكەن دۇرىس، ۇلكەن بۇرىس ماسەلەلەرىندە پارتيانىڭ سوزىنە ماڭگى قۇلاق اسۋعا، پارتياعا ىلەسۋگە بەلسەنە ۇندەيمىن، مادەنيەت، كوركەمونەر قىزمەتكەرىنىڭ ادىلدىگى مەن ۇجدانىن قاشاندا ساقتايمىن، ءوزىمنىڭ كاسىپتىك باسىمدىعىم مەن ەرەكشەلىگىمدى ساۋلەلەندىرىپ، كوركەمونەر توپتارىنىڭ وڭ ەنەرگياعا تولى ءتىپتى دە كوپ مادەنيەت، كوركەمونەر تۋىندىلارىن جاراتۋىنا جەتەكشىلىك ەتەمىن، كوپ ءتۇرلى فورمادان پايدالانىپ، بەلسەنە باتىل ءۇن قاتىپ، ايقىن پوزيتسيا ءبىلدىرىپ، «ءۇش ءتۇرلى كۇشتى»، «ەكىبەتكەيلەردى» ايىپتاۋ، اشكەرەلەۋ، ولارعا قارسى تۇرۋ كۇرەسىنە بەلسەنە ات سالىسىپ، «ءۇش ءتۇرلى كۇشكە»، «ەكىبەتكەيلەرگە» قارسى سوڭىنا دەيىن باتىل كۇرەسەمىن.

  ءوزىم ونەگە بولىپ، مادەنيەت، دەنە تاربيە، راديو - كينو - تەلەۆيزيا جۇيەسىندەگى كادرلار قوسىنى قۇرىلىسىن مىقتاپ يگەرەمىن. قىزمەت ءتارتىبىن قاتاڭداستىرىپ، ستيل قۇرىلىسى مەن پارتيا قۇرىلىسىن ۇزدىكسىز تەرەڭدەي مىقتاپ يگەرىپ، بۇكىل جۇيەدەگى كادرلاردىڭ ساياسي تاباندىلىعىن، قىراعىلىعىن، سەزگىرلىگىن، اتقارۋ قابىلەتىن جەتىلدىرۋدى كۇشەيتىپ، باتىلدىقپەن جاۋاپكەرلىك ارقالايتىن، جۇمىس ىستەي الاتىن، جارامدى مادەنيەت، دەنە تاربيە، اقپارات - باسپا ءسوز جانە راديو - كينو - تەلەۆيزيا قىزمەتكەرلەرى قوسىنىن قۇرۋعا قۇلشىنامىن. بۇكىل جۇيەدەگى ءار ۇلت كادرلارى مەن جۇرتشىلىعىن ۇلتتار ىنتىماعىن سانالى قورعاۋعا، ۇلتتىق بولشەكتەۋشىلىككە باتىل قارسى تۇرۋعا، سانالى تۇردە يدەولوگيا سالاسىنداعى بولشەكتەۋشىلىككە قارسى كۇرەستىڭ اتويشىسى بولۋعا، پارتيانىڭ مادەنيەت شەبى مەن قوعامدىق پىكىر شەبىن ويداعىداي قورعاپ، «ءۇش ءتۇرلى كۇشكە»، «ەكىبەتكەيلەرگە» تيتتەي دە وراي بەرمەۋگە جەتەكتەپ جانە باستاپ، باس نىسانانى ىسكە اسىرۋ ءۇشىن تاماشا قوعامدىق پىكىر ورتاسىن ازىرلەيمىن.

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ