<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ارناۋلى تاقىرىپ>>ۇعىسۋ، تيىمدىلىك جاساۋ، توعىستىرۋ

قىزمەت اترەتىندەگى كادرلار قىستاق تۇرعىندارىنىڭ قولدانىلمالى تەحنيكا ۇيرەنۋىنە وراي جاراتتى

 

نىلقى اۋدانىنىڭ وزەن اۋىلى تۇرىكمالى قىستاعىنا تۇسكەن قىزمەت اترەتىندەگى كادرلار قىستاق تۇرعىندارىنىڭ قىسقى ءوندىرىستىڭ سايابىر كەزىنەن پايدالانىپ، ولاردى ەرەكشە ءتۇسىمدى ەگىمشىلىك تەحنيكاسىن ۇيرەنۋگە ۇيىمداستىردى. ساڭىراۋ قۇلاق ءوسىرۋدىڭ تەحنيكاسىن جەتىك مەڭگەرگەن جەرگىلىكتى تۇرعىن اۋىلداستارىنا ساڭىراۋ قۇلاق ءوسىرۋدىڭ تەحنيكاسىن ناق مايداندا ۇيرەتۋمەن بىرگە، اۋىلداستارعا ءوز اۋلاسىنداعى بوس جاتقان جەرلەرىنەن، سونداي - اق بوس تۇرعان ۇيلەرىنەن پايدالانىپ، ءيىستى ساڭىراۋ قۇلاق سياقتى قىس ماۋسىمىندا وسىرۋگە اسا قولايلى ساڭىراۋ قۇلاق ءوسىرىپ، كىرىستەرىن ارتتىرۋعا بولاتىندىعىن تاپتەشتەي ءتۇسىندىردى.

    ساڭىراۋ قۇلاق ەگىمشىلىگىمەن ارنايى شۇعىلداناتىن ۇستازدىڭ تانىستىرۋىنا قاراعاندا، ءبىر مۋدان استام سۋلياۋ جارعاق جابىلعان جەردەن ەگەر جاقسى باپتالسا جىلىنا قاتىستى شىعىندى شىعارىپ تاستاعاندا 20 مىڭ يۋان اينالاسىندا كىرىس ەنگىزۋگە بولادى ەكەن.

   قىزمەت اترەتىنىڭ باستىعى، قىستاق پارتيا ياچەيكاسىنىڭ ءبىرىنشى شۋجي چياڭ حۇڭنىڭ ايتۋىنشا: «بيىل ءبىز الدىمەن 20 وتباسىن شاعىن كولەمدە ساڭىراۋ قۇلاق ەگىمشىلىگىنەن ۇلگى كورسەتۋگە جەبەۋدى، سونداي - اق ءاربىر وتباسىنا جۇزدەن استام ساڭىراۋ قۇلاق وركەنىن تاراتىپ بەرۋدى جوسپارلاپ وتىرمىز، ەگەر سىناق ءونىمدى بولسا، ءبىز ەگىمشىلىك اۋماعىن كەڭەيتپەكشىمىز، كونە سۋلياۋ جارعاق ورىندارىن جاڭالاپ، بۇكىل قىستاقتىڭ ءوندىرىس قۇرىلىمىن ساپالىلاندىرۋعا كۇش سالامىز»، - دەدى.

                                                                                                                        گۇليا ورالبەك قىزى

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ