<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ارناۋلى تاقىرىپ>>ۇعىسۋ، تيىمدىلىك جاساۋ، توعىستىرۋ

شارۋالاردىڭ ەلەكتردەن الاڭسىز پايدالانۋىنا كەپىلدىك ەتىلدى

 

 

سۋرەتتە: قاتىستى قىزمەتكەرلەر ەلەكتر سىم جولىن تەكسەرۋدە.

 

     تازا ەنەرگيامەن قامداۋدى، جاراسىمدى قوعام قۇرۋدى باستى ماقسات ەتىپ 1999- جىلى تامىزدا قۇرىلعان التاي ەلەكترمەن قامداۋ سەرىكتەستىگى بەيتۇن ەلەكترمەن قامداۋ بولىمشە سەرىكتەستىگىنە قاراستى ءابيتان ەلەكترمەن قامداۋ بولىمشەسىندەگى قىزمەتكەرلەر شارۋالاردىڭ ەلەكتردەن قالىپتى پايدالانۋىنا كەپىلدىك ەتۋ ءۇشىن جۋىقتا سۇيەكتەن وتەتىن سۋىقتى ەلەڭ قۇرلى كورمەي، ەلەكتر سىم جولىن تەكسەردى.

    ءابيتان ەلەكترمەن قامداۋ بولىمشەسىنىڭ قىزمەتكەرى بالعىنبەك ءسىلامقان ۇلى: 35 كيلوۆولتتىق ەلەكتر سىم جولىن تەكسەرۋدە سۋىقتىڭ اسەرىندە ەلەكتر سىمىنىڭ بوساپ قالۋىن؛ يزالياتورلى سىم ىلىنگەن شوڭكەدە جارىلۋ - سىنۋ جاعدايىنىڭ بار - جوعىن؛ باعانانىڭ ءتورت جاعىن تارتىپ تۇراتىن سالما سىمنىڭ بوساعان - بوساماعاندىعىن؛ باعانانىڭ باسىنداعى ۆەنتتەردىڭ سىلكىنىستىڭ ىقپالىنان ءتۇسىپ قالۋ جاعدايىن، سونداي – اق سىمنىڭ ەكى جاعىنا ىلىنگەن سىلكىنىستى تەڭشەيتىن ەكى شويىننىڭ ورنىندا بار - جوعىن؛ سەمەنت باعانادا سىزات العان جەردىڭ بار - جوعىن دۇربىمەن جەردە تۇرىپ ءبىر - بىردەن تاپتەشتەي تەكسەرەمىز، -دەدى ءتىلشىنىڭ سۇراۋىنا وراي وزدەرىنىڭ سول كۇنگى سىم جولىن تەكسەرۋ ماقساتىن ءتۇسىندىرىپ.

    التاي قالاسى ءابيتان قالاشىعى كوكتال قىستاعىنىڭ تۇرعىنى قالىمبەك اسىلقان ۇلى: ەلەكتر مەن سۋ حالىق تۇرمىسىندا توتەنشە ماڭىزدى رول اتقارادى عوي. بۇرىن بيڭتۋان ورنىنان جانە فەرمادان ەلەكتر سىمىن تارتقانبىز، ول كەزدە قىستاعىمىزدا ەلەكتر كەرنەۋى تۇراقسىز، ەلەكتردىڭ ءبىر كيلوۆات - ساعاتى 2 يۋانعا دەيىن بارعان بولاتىن. 1996-جىلى مەملەكەتتىڭ ەلەكتردى توراپتاستىرۋ ابزال ساياساتىنا ساي قالاشىق بويىنشا ەلەكتردى توراپتاستىرۋ جۇمىسى باستالدى. سونىمەن قىستاق تۇرعىندارى توڭازىتقىش، كىر جۋعىش، تەلەۆيزور سەكىلدى ەلەكتر جابدىقتارىن ساتىپ الىپ، قالا تۇرعىندارىمەن ۇقساس تەڭ باعاداعى ەلەكتردەن يگىلىكتەندى. ەلەكترمەن قامداۋ بولىمشەسىندەگى قىزمەتكەرلەر قىستاق تۇرعىندارى ەلەكتر جولىنان نەمەسە ەلەكتر ساعاتىنان شىققان كىناراتتى بولىمشەگە بارىپ نەمەسە تەلەفون ارقىلى مالىمدەسە بولعانى، دەرەۋ كەلىپ جوندەپ بەرەدى. قازىرگە دەيىن ەلەكترگە قاتىستى شىرعالاڭ شىققان جوق، ءابيتان ەلەكترمەن قامداۋ بولىمشەسىنىڭ قىزمەتكەرلەرىنە جالپى قىستاق تۇرعىندارى اتىنان راقىمەت ايتامىن ءارى ولاردىڭ قىزمەتىن ۇزدىكسىز قولدايمىز. بىلتىر مەملەكەتىمىز ءتيىمدى ساياسات شىعارىپ، شىلدە ايىنان بەرى ءبىر كيلوۆات - ساعات ەلەكتردىڭ باعاسىن 10 فىن تومەندەتتى. بۇل 10 فىن مەملەكەتتىڭ قوسىمشا قاراجاتى كارتۋچكاعا ەلەكتر اقىسى رەتىندە قۇيىلىپ، سول وتباسىنا قايتارىلادى ەكەن، -دەدى قىستاقتىڭ بۇرىنعى جانە قازىرگى ەلەكتردەن پايدالانۋ جاعدايىن سالىستىرا بايانداپ.

    ءتىلشىنىڭ ۇعىسۋىنشا، بۇل بولىمشەدەگى 12 قىزمەتكەر ءابيتان قالاشىعى مەن قالالىق 1-فەرما وڭىرىندەگى 24 تابيعي قىستاق پەن 11 اكىمشىلىك قىستاقتاعى 3 مىڭنان استام وتباسىن ەلەكترمەن قامداۋدان سىرت، وسى وتباسىلارىنا ەلەكتر جەتكىزەتىن سىم جولىن، جالپى ۇزىندىعى 50 دە 60 كيلومەتر كەلەتىن 35 كيلوۆولتتىق سىم جولىن جانە 45 ترانسفورماتوردى قورعاۋ جانە كىناراتىن وڭاۋ مىندەتىن وتەيدى ەكەن.

       ساعىنبەك رابات ۇلى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ