<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>اۋىل شارۋاشىلىعىنا قىزمەت وتەۋ>>وقۋ-اعارتۋ

وقۋ - اعارتۋ ارقىلى حالىققا تيىمدىلىك جاسالدى

كەلۋ قاينارى: شينجياڭ گازەتى تورابىنان

  باس شۋجي شي جينپيڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە: «وقۋ - اعارتۋدى الدىمەن دامىتۋعا تاباندى بولىپ، تاڭداۋلى دارىندىلاردى تاربيەلەپ، مەكتەپكە ءتۇسۋ سالىستىرماسىن جاپپاي جوعارىلاتىپ، وقۋ جاسىنداعى بالالاردىڭ مەكتەپتە ءبىلىم الۋىنا، مەكتەپتە تۇرمىس كەشىرۋىنە، مەكتەپتە ەسەيىپ - ەرجەتۋىنە مۇمكىندىك جاساۋ كەرەك» دەپ باسا دارىپتەگەن بولاتىن.

  پارتيا 19 - قۇرىلتايىنىڭ بايانداماسىندا: «وقۋ - اعارتۋ ىستەرىن، ءسوز جوق، ماڭداي الدى ورىنعا قويىپ، وقۋ - اعارتۋ رەفورماسىن تەرەڭدەتىپ، وقۋ - اعارتۋدىڭ وسىزاماندانۋىن جەدەلدەتىپ، وقۋ - اعارتۋدى حالىق رازى بولاتىنداي ەتىپ جاقسى باسقارۋ كەرەك» دەپ اتاپ كورسەتىلدى. ساپالى وقۋ - اعارتۋ بۇقارانىڭ تىڭ ءۇمىتى ءارى جاڭا ءداۋىردىڭ وقۋ - اعارتۋ ىستەرىنە جۇكتەگەن جاڭا بورىشى. اۆتونوميالى رايوندىق پارتكوم، حالىق ۇكىمەتى «ءتورتتى الدىمەن ويلاسۋدان» (مەكتەپكە دەيىنگى 3 جىلدىق بوبەكتەر تاربيەسىن الدىمەن ويلاسۋ، «قوس ءتىل» اعارتۋىن الدىمەن ويلاسۋ، وڭتۇستىك شينجياڭداعى 3 ايماق، ءبىر وبلىستى الدىمەن ويلاسۋ، كەدەي قاۋىمدى الدىمەن ويلاسۋ) بۇلجىماي، ءار ۇلت بۇقاراسى تىكە سەزىنە الاتىن وقۋ - اعارتۋ ارقىلى حالىققا تيىمدىلىك جاساۋعا قاتىستى ناقتى ىستەردى ىستەپ، حالىققا تيىمدىلىك جاسادى، رايونىمىزدىڭ وقۋ - اعارتۋ ىستەرى رەفورماسىندا، دامۋىندا تىڭ ناتيجەلەرگە قول جەتكىزدى.

  وقۋ - اعارتۋدى ساپالى، بىركەلكى دامىتۋ

  ارالىعى 1400 نەشە كيلومەتر بولسا دا، قاراقاش اۋداندىق 1 - باستاۋىش مەكتەپتىڭ بالالارى الىس ارالىقتى جۇيە ارقىلى ۇرىمجىدەگى بالالارمەن ساباقتى تەڭ تىڭداي الاتىن بولدى. قاراقاش اۋداندىق 1 - باستاۋىش مەكتەپ سياقتى الىس ارالىقتى جۇيەمەن ساباق تىڭداۋ ۇلگىسى بۇكىل شينجياڭعا جالپىلاستى.

  قازىر تيانشاننىڭ تۇستىگى مەن تەرىستىگىندە، تارىم وزەنى الابىندا مەكتەپ اۋىل - قىستاقتاعى ەڭ كوركەم كورىنىسكە اينالدى. جاپ - جارىق كلاستار، پلاستماسسالى جارىس جولى، كوپ مەديالى وقىتۋ... وقۋ - اعارتۋداعى ادىلدىكتىڭ شۇلەن شۇعىلاسى بار الاپقا توگىلدى.

  شينجياڭداعى ءار ۇلت بالالارىنىڭ مەكتەپكە ءتۇسۋى ءبىرىنشى قادام عانا، ءاربىر بالانىڭ ويداعىداي ءبىلىم الۋى ەڭ تۇپكى ماقسات. 2011 - جىلى رايونىمىز مىندەتتى وقۋ - اعارتۋدى بىركەلكى دامىتۋ قىزمەتىن باستاپ، 2020 - جىلعا بارعاندا اۋدان وڭىرىندەگى مىندەتتى وقۋ - اعارتۋدىڭ دامۋىنىڭ نەگىزىنەن بىركەلكى بولۋىن جۇزەگە اسىرۋدى ايقىن العا قويدى. بىلتىر اراسان اۋدانى، شەريا اۋدانى سياقتى 14 (اۋدان، قالا) مەملەكەتتىڭ باعالاپ بەكىتۋىنەن ءوتتى، قازىر بۇكىل شينجياڭ بويىنشا مىندەتتى وقۋ - اعارتۋدى بىركەلكى دامىتقان اۋدان، قالا 56عا جەتىپ، مىندەتتى وقۋ - اعارتۋدىڭ بىركەلكى دامۋىن ىلگەرىلەتۋ قىزمەتىندە بەلگىلەنگەن كەزەڭدىك نىسانا ءوز ۋاعىندا ورىندالدى.

  ءاربىر بالانى ويداعىداي ءبىلىم الۋ مۇمكىندىگىنە يە ەتۋ − وقۋ - اعارتۋدىڭ بىركەلكى دامۋىنىڭ تياناعى. اۆتونوميالى رايون «كەدەي وڭىرلەردەگى مىندەتتى وقۋ - اعارتۋى ءالسىز مەكتەپتەردىڭ نەگىزگى وقىتۋ شارت - جاعدايىن جاپپاي جاقسارتۋ» نىسانىن اتقارعاننان بەرى 16 ميلليارد 272 ميلليون يۋان قارجىنى تياناقتاندىرىپ، اۋىل - قىستاقتىڭ وقۋ - اعارتۋىنىڭ دامۋ دەڭگەيىن ءونىمدى جوعارىلاتىپ، قالا مەن اۋىلدىڭ مىندەتتى وقۋ - اعارتۋ جاعىنداعى دامۋ پارقىن ازايتتى.

  مۇنان سىرت، اۆتونوميالى رايون «سيلاۋ، قارىز اقشا بەرۋ، كومەك بەرۋ، تولىقتاۋ، ازايتۋ» سىندى كوپ نەگىزدى ءبىر تۇلعالى، مەكتەپكە دەيىنگى تاربيەدەن جوعارى وقۋ - اعارتۋعا دەيىن ۇزدىكسىز جالعاسقان وقۋشىلارعا قارجىلاي كومەك بەرۋ جۇيەسىن بىرتىندەپ ورناتىپ، وقۋ - اعارتۋداعى ادىلدىكتى پارمەندى جەبەدى. بىلتىر ءتۇرلى كومەك قارجىسىنان 6 ميلليارد 244 ميلليون يۋان ءبولدى، قارجىلاي كومەككە يە بولعان وقۋشى 6 ميلليون 920 مىڭ 300 ادامعا (رەت) جەتىپ، وتباسىندا قيىنشىلىعى بار وقۋشىلارعا قارجىلاي كومەك بەرۋدىڭ جاپپاي قامتىمىن ىسكە اسىرىپ، پارتيا مەن ۇكىمەتتىڭ «بىردە - ءبىر وقۋشىنى وتباسى قيىنشىلىعى سەبەبىنەن وقۋدان قول ۇزدىرمەۋ» ۋادەسىن ورىندادى.

  2017 - جىلى رايونىمىز وقۋ - اعارتۋ سالاسىنىڭ رەفورما تەبىنىن ۇزبەي ارتتىرىپ، كاسىپتىك وقۋ - اعارتۋدىڭ ورنالاسۋىن تارتىپپەن رەتتەپ، اناعۇرلىم كوپ جاستاردىڭ ونەر يگەرىپ، ارمانىن ىسكە اسىرۋىنا مۇمكىندىك جاسادى؛ «قوس ماڭداي الدى» قۇرىلىسىن جەتەكشى ەتىپ، جوعارى مەكتەپتەردىڭ وزىندىك قۇرىلىسىن تىنباي كۇشەيتتى؛ قاتىستى اتقاۋ پىكىرىن شىعارىپ، جوعارى مەكتەپتەردىڭ يدەيالىق - ساياسي قىزمەتىن كۇشەيتۋدىڭ جانە جاقسارتۋدىڭ جالپىلىق نىساناسى مەن شاراسىن ايقىندادى... «وقۋ - اعارتۋدى حالىق رازى بولاتىنداي ەتىپ جاقسى باسقارۋدى» كوزدەپ، رايونىمىزدىڭ وقۋ - اعارتۋ ىستەرىنىڭ دامۋ رەفورماسىن جاساپ، ەسىك اشقاننان بەرگى ەڭ تاماشا، ەڭ تەز مەزگىلگە ءوتىپ، رايونىمىزدىڭ ەكونوميكالىق، قوعامدىق دامۋىن ىلگەرىلەتۋگە اقىل - پاراسات جاعىنان دەم بەرىپ، دارىندى جاعىنان كەپىلدىك ەتتى.

  وقىتۋشىلار قوسىنى قۇرىلىسى تىڭ ساتىعا كوتەرىلدى

  100 جىلدىق ۇلى جوسپار وقۋ - اعارتۋدى نەگىز ەتەدى؛ وقۋ - اعارتۋعا قاتىستى ۇلى جوسپاردا وقىتۋشىلاردى نەگىز ەتۋ كەرەك. پارتيا 19 - قۇرىلتايىنىڭ بايانداماسىندا جوعارى ساپالى وقىتۋشىلار قوسىنىن جەتىلدىرىپ، تۇتاس قوعامدا وقىتۋشىلاردى قۇرمەتتەۋدى، وقىتۋعا ءمان بەرۋدى دارىپتەۋ العا قويىلدى. بىلتىر رايونىمىز جوعارى دەڭگەيدە جوبالاۋدى كۇشەيتىپ، وقىتۋشىلار قوسىنى قۇرىلىسىندا تىڭ ىلگەرىلەۋشىلىككە قول جەتكىزدى.

  − وقىتۋشىلاردى تولىقتاۋ قىزمەت سەرپىنى تىڭ ورەگە جەتتى. مەملەكەتتىڭ ارنايى وقىتۋشى جوسپارىن جانە اۆتونوميالى رايوننىڭ ادەتتەگى ورتا مەكتەپتەرگە وقىتۋشى ۇسىنىس ەتۋ جوسپارىن اتقارىپ، اۆتونوميالى رايوننىڭ جەرگىلىكتى ورىننىڭ ارنايى وقىتۋشى جوسپارىن باستادى. وقىتۋشى ۇسىنىس ەتۋ ساياساتىنا رەفورما جۇرگىزىپ، ساياسي ساپاسىن جانە مەملەكەتتە ءبىر تۇتاس قولدانىلاتىن ءتىل - جازۋمەن ساباق ءوتۋ قابىلەتىن وقىتۋشى ۇسىنىس ەتۋدىڭ ماڭداي الدى ماڭىزدى ولشەمى ەتىپ، وقىتۋشى ۇسىنىس ەتۋ شارتىن جەڭىلدەتىپ، بۇكىل ەل كولەمىنەن وقىتۋشى ۇسىنىس ەتتى. وقىتۋشى ۇسىنىس ەتۋ ۇقىعىن تومەنگە بەرىپ، وقىتۋشى ۇسىنىس ەتۋ جوسپارىنىڭ %40ىن جەرگىلىكتى ورىنعا بەردى، رايونىمىز بويىنشا 28 مىڭ ادام وقىتۋشىلىققا ۇسىنىس ەتىلدى. اۋداندار، قالالار جەرگىلىكتى قازىنا ارقىلى وزدەرى 30 مىڭ 700 ادامدى وقىتۋشىلىققا (وڭتۇستىك شينجياڭدا 21 مىڭ 900 ادام) ۇسىنىس ەتتى. اۆتونوميالى رايوننىڭ پەداگوگيكالىق مەكتەپتەردە وقىتۋشىلاردى باعىتتامالى تەگىن تاربيەلەۋ جوسپارىن اتقارىپ، تەگىن تاربيەلەنەتىن 2972 وقۋشى قابىلدادى. وقىتۋشى ۇسىنىس ەتۋگە قاتىستى رەفورما شارالارى وڭتۇستىك شينجياڭداعى 3 ايماق، ءبىر وبلىستىڭ وقىتۋشىلار قوسىنى قۇرىلىمىن ونان ارى ساپالىلاندىرىپ، مەملەكەتتە ءبىر تۇتاس قولدانىلاتىن ءتىل - جازۋمەن وقىتۋدىڭ تۇتاس قامتىمىن وقىتۋشىلارمەن قامتاماسىز ەتتى.

  − وقىتۋشىلاردى تاربيەلەۋ قىزمەتىندە سۇبەلى ناتيجەگە قول جەتتى. اۋدانداردىڭ، قالالاردىڭ ءوز وڭىرىندەگى وقىتۋشىلاردى تاربيەلەۋ جۇمىسىن دەربەس جۇرگىزۋ قابىلەتىن ارتتىرۋدى، باسىم كوپ ساندى وقىتۋشىنىڭ ءوز اۋىلىندا، ءوز جەرىندە تاربيەلەنۋ نىساناسىن جۇزەگە اسىرۋدى تاربيەلەۋ نىسانى ەتىپ، نىسان جۇرىلەتىن اۋدان، قالادان تىڭنان 15ى ارتىپ، «مەملەكەت تاربيەلەۋ» جانە «رايون تاربيەلەۋ» جوسپارىنا سۇيەنىپ 120 مىڭ وقىتۋشىنى تاربيەلەدى. مەكتەپ (بالاباقشا) باستىعىن تاربيەلەۋ قىزمەتىن ىلگەرىلەتىپ، 551 مەكتەپ (بالاباقشا) باستىعىن وقۋ - اعارتۋ مينيسترلىگى ۇيىمداستىرعان تاربيەلەۋگە تاڭداپ جىبەردى. از ۇلت «قوس ءتىل» وقىتۋشىلارىن تاربيەلەۋدى رەتتەپ، كۇشەيتىپ، «قوس ءتىل» وقىتۋشىسىنان 4818 ادامدى ءبىر جىلدىق مەرزىممەن، 2 جىلدىق مەرزىممەن تاربيەلەۋگە تاڭداپ جىبەردى.

  − وقۋ - اعارتۋعا كومەكتەسۋ قىزمەتى تىڭعىلىقتى ىلگەرىلەدى. ستۋدەنتتەن جانە قالا - قالاشىق وقىتۋشىسىنان 13 مىڭ ادامدى اۋىل - قىستاققا وقۋ - اعارتۋعا كومەكتەسۋگە، 10 مىڭ كادردى، وقىتۋشىنى وڭتۇستىك شينجياڭنىڭ وقۋ - اعارتۋىنا كومەكتەسۋگە تاڭداپ جىبەردى. «وڭتۇستىك شينجياڭنىڭ مەكتەپكە دەيىنگى <قوس ءتىل> تاربيەسى بويىنشا كادرلاردىڭ وقۋ - اعارتۋعا كومەكتەسۋ قىزمەتىن باسقارۋ ءادىسىن» جاساپ، كادرلاردىڭ وقۋ - اعارتۋعا كومەكتەسۋ قىزمەتىن جۇيەلى باسقاردى. وڭتۇستىك شينجياڭ مەن سولتۇستىك شينجياڭداعى بالاباقشا باستىقتارىنىڭ، سونداي - اق ورتا، باستاۋىش مەكتەپ باستىقتارىنىڭ قوس باعىتتا سايكەستى مىندەتپەن جۇپ قۇراۋ، بىرگە وركەنيەتتى ورىن قۇرۋ قىزمەتىن ورىستەتىپ، تۇڭعىش توپتا 1344 ادامدى قوس باعىتتا سايكەستى مىندەتكە ءىلىپ تاڭداپ جىبەردى.

  − وقىتۋشىلارعا جاسالاتىن مامىلە كورنەكتى جوعارىلادى. وڭتۇستىك شينجياڭداعى 3 ايماق، ءبىر وبلىستاعى شوعىرلى، ءبىرىڭعاي ەرەكشە كەدەي اۋدان، اۋىل - قىستاقتارداعى وقىتۋشىلاردىڭ تۇرمىستىق قوسىمشا قاراجاتى ساياساتىن تياناقتاندىرىپ، اۋىل - قىستاقتاعى 101 مىڭ 600 وقىتۋشىعا 212 ميلليون يۋان قوسىمشا قاراجات، مەكتەپ اماندىعىن قورعاۋشىلارعا 170 ميلليون يۋان ەڭبەكاقى قوسىمشا قاراجات، مىندەتتى وقۋ - اعارتۋ ساتىسىنداعى كلاس جەتەكشىلەرىنە 66 ميلليون 120 مىڭ يۋان قوسىمشا قاراجات بەردى.

  اۋىل - قىستاقتاعى وقۋ جاسىنداعى بالالاردىڭ «كىرۋگە تيىستىلەرىن كىرگىزۋ»

  «بايىرعى جىرلاردى جاتقا ايتىپ، مەملەكەت ءانىن شىرقاپ، 3 دەستىردى جاتقا ايتاتىن بولدى، ءبىر جىلدان بەرى، بالامىز ءبىزدىڭ كىشكەنتاي وقىتۋشىمىزعا اينالدى»، - دەدى، 5 - قاڭتاردا وتباسىنداعى «كىشكەنتاي وقىتۋشىسىنىڭ» اڭگىمەسىن ايتقاندا يىڭسار اۋدانى ماڭشين اۋىلى اراءمالى قىستاعىنىڭ تۇرعىنى قادىرجان ابىلەزدىڭ جۇزىنەن كۇلكى ەسىپ.

  قادىرجاننىڭ قىزى قىستاقتاعى بالاباقشاعا بىلتىر كىرىپتى. «بالاباقشا ىرگەمىزدە عانا، قالاداعى بالاباقشالاردان ەش ايىرماشىلىعى جوق، بالالار بالاباقشاعا تەگىن كىرەدى، پارتيانىڭ ابزال ساياساتىنا العىسىمىز شەكسىز، بالاباقشا 3 ۋاق تاماقپەن قامدايدى، بالالارعا كاسىپتىك وقىتۋشىلار ءبىلىم بەرەدى، وتباسى ەكونوميكالىق اۋىرتپالىعىمىز جەڭىلدەدى، ۇلكەندەر ەگىنشىلىك جۇمىستارىمەن الاڭسىز اينالىساتىن بولدى»، - دەيدى قادىرجان.

  مەكتەپكە دەيىنگى «قوس ءتىلدى» تاربيە − شينجياڭنىڭ دامۋىنداعى «بولاشاق ينجەنەرياسى» ءارى شينجياڭنىڭ قوعام ورنىقتىلىعى مەن باياندى تىنىشتىعىنا ساياتىن «نەگىزدى بەكەمدەۋ ينجەنەرياسى». ج ك پ اۆتونوميالى رايوندىق 9 - قۇرىلتايىندا رايونىمىزدىڭ مەكتەپكە دەيىنگى «قوس ءتىل» تاربيەسىن دامىتۋ نىساناسى ايقىندالدى. بالاباقشا قۇرىلىسى، وقىتۋشىلاردى جايعاستىرۋ، وقىتۋ ماتەريالدارى سياقتى جاقتاردا عىلمي كەشەندى شارالار قولدانىپ، «قوس ءتىل» تاربيەسىنىڭ رەفورماسى، دامۋى قارقىنىن ۇدەتىپ، «قوس ءتىل» تاربيەسىن كىشكەنتايىنان باستاپ مىقتى ۇستاۋ جاپپاي تياناقتاندى.

  «بالاباقشانىڭ ءبارىن ساپالى قۇرۋ، ءبىر بالانى دا قاعىس قالدىرماۋ» تالابىنا ساي، 2017 - جىلى رايونىمىز اۋىل - قىستاقتاردا ساپالى، ورتاسى تاماشا، جابدىقتارى تولىق 4408 اۋىل - قىستاق «قوس ءتىلدى» بالاباقشاسىن جاڭادان نەمەسە كەڭەيتىپ سالىپ، بىلتىر كۇزدە وقۋ باستالاردان بۇرىن ولاردى تۇگەلدەي پايدالانۋعا بەرىپ، اۋىل - قىستاقتارداعى مەكتەپكە دەيىنگى 3 جىلدىق تەگىن «قوس ءتىلدى» وقۋ - اعارتۋ بويىنشا «سالۋعا تيىستىلەرىن تۇگەل سالۋ»، «كىرۋگە تيىستىلەرىن تۇگەل كىرگىزۋ» نىساناسىن ورىنداپ، مەكتەپكە دەيىنگى تاربيە تاريحي سيپاتتى جەتىستىكتەرگە قول جەتكىزىپ، بۇكىل شينجياڭداعى اۋىل - قىستاقتارداعى وقۋ جاسىنداعى ءبىر ميلليون 176 مىڭ 200 بالا شۋاقتى دا جايلى ورتادا اقاۋسىز ەسەيىپ، ەسىكتەرىنىڭ الدىندا - اق ساپالى تاربيەدەن يگىلىكتەندى.

  قاتتى بولشەك قۇرىلعى قۇرىلىستارىن كۇشەيتۋمەن قاتار، اۆتونوميالى رايون وقۋ - اعارتۋعا كومەككە بارۋ قىزمەتىن كەڭىنەن ەتەك الدىرۋ، وقىتۋشىلاردى قابىلداۋ كولەمىن كەڭەيتۋ سياقتى شارالار ارقىلى وقىتۋشىلار قوسىنىن ونان ارى كەمەلدەندىرىپ، «قوس ءتىل» وقۋ - اعارتۋىنىڭ «ولقىلىعىن» تولىقتادى.

  «بىلتىر رايونىمىزدا ءبىر ميلليون 50 مىڭ جاس ءوسپىرىم بالالاردىڭ 5 - كەزەكتى <قوس ءتىل> جارىسىنا قاتىناستى، شاباندوزداردىڭ ورەسى جىلدان - جىلعا جوعارىلاپ، <قوس ءتىل> وقۋ - اعارتۋىنىڭ ساپاسى دا ورنىقتى كوتەرىلدى»، - دەپ تانىستىردى، اۆتونوميالى رايوندىق «قوس ءتىل» تاربيەسى قىزمەتىنە باسشىلىق ەتۋ گرۋپپاسى كەڭسەسىنىڭ ورىنباسار مەڭگەرۋشىسى گۇليزا سادىر. وقۋ - اعارتۋ مينيسترلىگى جەتەكشىلىك ەتكەن مەملەكەت دارەجەلى باقىلاۋدىڭ ءۇرتىس 6 جىلدىق تەكسەرۋ ناتيجەسى اۆتونوميالى رايوننىڭ «قوس ءتىل» وقۋ - اعارتۋىنىڭ ساپاسى ورنىقتىلىق بارىسىندا ىلگەرىلەپ، جىل سايىن جاقسارعانىن كورسەتتى.

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ