<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>اۋىل شارۋاشىلىعىنا قىزمەت وتەۋ>>ابزال ساياسات

اۋىلداردىڭ، قىستاقتاردىڭ جاپپاي كوركەيۋىن ءبىر تۇتاس ىلگەرىلەتەيىك

 

كەلۋ قاينارى :شينجياڭ گازەتى سايتى

 اۋىلداردى، قىستاقتاردى كوركەيتۋ ستراتەگياسىن اتقارۋدا، ءسوز جوق، سايكەستىلىككە، بايلانىستىلىققا، ءبىر تۇتاستىلىققا ءمان بەرۋ كەرەك. ورتالىقتىڭ 1 - ءنومىرلى حۇجاتىن دايەكتىلەندىرۋدە، تياناقتاندىرۋدا، جاڭا دامۋ ۇستانىمىن باستان - اياق ارقاۋ ەتىپ، شارۋاشىلىعى شالقىعان، ەكولوگيالىق ورتاسى جايلى، اۋىل سالتى وركەنيەتتى، وڭاۋى ۇتىمدى، تۇرمىسى باي بولۋ سىندى جالپى تالاپقا ساي، اۋىل - قىستاقتىڭ ەكونوميكالىق قۇرىلىسىن، ساياسي قۇرىلىسىن، مادەنيەت قۇرىلىسىن، قوعامدىق قۇرىلىسىن، ەكولوگيالىق وركەنيەت قۇرىلىسىن جانە پارتيا قۇرىلىسىن ءبىر تۇتاس ىلگەرىلەتىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەل ىلگەرىلەتۋ كەرەك.

  كاسىپ سالاسى گۇلدەنگەندە عانا، اۋىلدار، قىستاقتار گۇلدەنەدى، ەكونوميكا قۋاتتانعاندا عانا، ەلدىڭ ىرىسى ارتادى. اۋىلداردى، قىستاقتاردى كوركەيتۋ ستراتەگياسىن اتقارۋدا، كاسىپ سالاسىنىڭ گۇلدەنۋىن ءتۇيىن ەتىپ، اۋىل شارۋاشىلىعىنىڭ دامۋ ساپاسىن ءوسىرىپ، اۋىل - قىستاق ەكونوميكاسىن گۇلدەندىرۋ كەرەك. اۋىل شارۋاشىلىعىن ساپا ارقىلى كوركەيتۋگە، اۋىل شارۋاشىلىعىن جاسىل كوركەيتۋگە تاباندى بولىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن جەلى ەتىپ، وسى زامانعى كاسىپ سالاسى جۇيەسىن، ءوندىرىس جۇيەسىن، تيجارات جۇيەسىن جەدەل قۇرىپ، اۋىل شارۋاشىلىعىنىڭ جاڭالىق اشۋ قۋاتىن، باسەكەلىك قۋاتىن جانە جالپى فاكتوردىڭ ءوندىرىس سالىستىرماسىن ءوسىرىپ، اۋىل شارۋاشىلىعىنداعى ءىرى ەلدەن اۋىل شارۋاشىلىعىنداعى قۋاتتى ەلگە قاراي ويىسۋدى جەدەل جۇزەگە اسىرۋ كەرەك. اۋىل شارۋاشىلىعىنىڭ ءوندىرىس قابىلەتى نەگىزىن نىعايتىپ، مەملەكەتتىڭ استىق حاۋىپسىزدىگىن قامتاماسىز ەتىپ، اۋىل - قىستاقتىڭ 1 -، 2 -، 3 - كاسىپتەرىنىڭ توعىسپالى دامۋ جۇيەسىن جانە اۋىل شارۋاشىلىعىندا سىرتقا ەسىك اشۋدىڭ جاڭا جاعدايىن ورناتىپ، شاعىن شارۋا وتباسىلارى مەن وسى زامانعى اۋىل شارۋاشىلىعىنىڭ دامۋىنىڭ جاندى تۇردە جالعاسۋىن جەبەپ، شاعىن اۋىل شارۋاشىلىق ءوندىرىسىن وسى زامانعى اۋىل شارۋاشىلىعىنىڭ دامۋ ارناسىنا ەنگىزۋ كەرەك.

  تۇنىق سۋ، جاسىل تاۋدىڭ ءوزى باعا جەتپەس بايلىق. اۋىلداردى، قىستاقتاردى كوركەيتۋ ستراتەگياسىن اتقارۋدا، ەكولوگياسىنىڭ جايلى بولۋىن تەتىك ەتىپ، اۋىلداردىڭ، قىستاقتاردىڭ جاسىل دامۋىن ىلگەرىلەتىپ، ادام مەن تابيعاتتىڭ جاراسىمدى قاتار ءومىر ءسۇرىپ دامۋىنىڭ جاڭا جاعدايىن اشۋ كەرەك. تاماشا ەكولوگيالىق ورتا − اۋىل - قىستاقتىڭ ەڭ ۇلكەن باسىمدىعى جانە باعالى بايلىعى، كورىكتى جۇڭگو كوركەم اۋىلداردى، قىستاقتاردى نەگىز ەتەدى. تاۋ، سۋ، ورمان، اتىز، كول، جايلىمداردى جۇيەلى وڭاۋدى ءبىر تۇتاس جوسپارلاپ، ماڭىزدى ەكولوگيالىق جۇيەلەردى قورعاۋ جانە قالپىنا كەلتىرۋ ينجەنەرياسىن اتقارىپ، اۋىل - قىستاقتاردىڭ قورشاعان ورتا جاعىنداعى كورنەكتى ماسەلەلەرىن جاپپاي وڭاۋ جاعىندا جاڭا ناتيجەلەرگە قول جەتكىزىپ، بازارلانعان، كوپ نەگىزدى ەكولوگيالىق تولەم مەحانيزمىن ورناتۋدا تىڭ جەتىستىككە قول جەتكىزىپ، اۋىلداردىڭ، قىستاقتاردىڭ ەكولوگيالىق باسىمدىعىن ەكولوگيالىق ەكونوميكانى دامىتۋدىڭ باسىمدىعىنا اينالدىرىپ، تۇنىق سۋ، جاسىل تاۋدىڭ شىن مانىندە قىستاقتى كوركەيتىپ، حالىقتى اۋقاتتاندىرۋداعى باعا جەتپەس بايلىققا اينالۋىنا مۇمكىندىك جاساۋ كەرەك.

  اۋىلداردى، قىستاقتاردى كوركەيتۋدە قالتانى قامپيتۋمەن قاتار، وي - سانانى دا جاڭالاۋ كەرەك. اۋىلداردى، قىستاقتاردى كوركەيتۋ ستراتەگياسىن اتقارۋدا، اۋىل سالتى وركەنيەتىن كەپىل ەتە وتىرىپ، اۋىل - قىستاق مادەنيەتىن گۇلدەندىرىپ، اۋىل سالتى وركەنيەتىنىڭ جاڭا بەينەسىن جارىققا شىعارۋ كەرەك. سوتسياليستىك وزەكتى قۇن كوزقاراسىن جەتەكشى ەتىپ، تاڭداۋلى ءداستۇرلى مادەنيەتتى ساۋلەلەندىرىپ، اۋىل - قىستاقتىڭ الەۋمەتتىك مادەنيەت قۇرىلىسىن كۇشەيتىپ، ەسكى سالتتى وزگەرتۋ ناۋقانىن ورىستەتىپ، وركەنيەتتى اۋىل سالتىن، تاماشا وتباسى ستيلىن، قاراپايىم ەل سالتىن جەتىلدىرىپ، اۋىلداردىڭ، قىستاقتاردىڭ قوعامدىق وركەنيەت دەڭگەيىن ۇزدىكسىز ءوسىرۋ كەرەك.

  اۋىلداردى، قىستاقتاردى جونگە سالۋ − مەملەكەتتى جونگە سالۋدىڭ ىرگە تاسى. اۋىلداردى، قىستاقتاردى كوركەيتۋ ستراتەگياسىن اتقارۋدا، جونگە سالۋدى ونىمدىلىگىن نەگىز ەتىپ، اۋىل - قىستاق نەگىزگى ساتىسىنىڭ نەگىزدىك قىزمەتىن كۇشەيتىپ، اۋىلداردى، قىستاقتاردى جونگە سالۋدىڭ جاڭا جۇيەسىن قۇرۋ كەرەك. اۋىل - قىستاق نەگىزگى ساتى پارتيا ۇيىمى قۇرىلىسى سىندى تەتىكتى يگەرىپ، اۋىلداردىڭ، قىستاقتاردىڭ ءوزىن باسقارۋى، زاڭمەن جونگە سالۋى، مورالمەن باسقارۋى سايكەسە جۇمىلعان كەشەندى شارانى قولدانىپ، پارتكوم باسشىلىق ەتەتىن، ۇكىمەت جاۋاپتى بولاتىن، قوعام سايكەسەتىن، الەۋمەت ات سالىساتىن، زاڭمەن جونگە سالۋ ارقىلى كەپىلدىك ەتىلەتىن وسى زامانعى اۋىل - قىستاق قوعامدىق جونگە سالۋ ءتۇزىلىسىن ورناتىپ، سۇرقيا كۇشتەردى الاستاۋ ارناۋلى كۇرەسىن ىشكەرىلەي ورىستەتىپ، تىنىش اۋىل - قىستاق قۇرىپ، اۋىلداردىڭ، قىستاقتاردىڭ قوعامىنىڭ ومىرشەڭدىك كۇشىنىڭ تاسىپ، جاراسىمدى، ءتارتىپتى بولۋىنا شىنايى كەپىلدىك ەتۋ كەرەك.

  اۋىلداردى، قىستاقتاردى كوركەيتۋ ستراتەگياسىن اتقارۋدا تۇرمىستىڭ باقۋاتتىلىعىن ءتۇپ نەگىز ەتىپ، اۋىل - قىستاقتىڭ حالىق تۇرمىسىن قامتاماسىز ەتۋ ورەسىن ءوسىرىپ، شارۋالاردىڭ تابىس سەزىمىن ۇزدىكسىز ارتتىرۋ كەرەك. ماسەلەنى نىشان ەتۋگە تاباندى بولىپ، اۋىل - قىستاقتىڭ وقۋ - اعارتۋ ءىسىن الدىمەن دامىتىپ، اۋىل - قىستاقتاعى ەڭبەككۇشتەردىڭ باسقا كاسىپ سالالارىنا ويسىپ كاسىپتەنۋىن جانە شارۋالار كىرىسىنىڭ ارتۋىن جەبەپ، اۋىل - قىستاقتىڭ نەگىزدىك قۇرىلعىلارىنىڭ ساپاسىنىڭ ءوسىپ، دارەجەسىنىڭ جوعارىلاۋىن جەبەپ، سالاماتتى اۋىل - قىستاق قۇرىلىسىن ىلگەرىلەتىپ، اۋىل - قىستاقتىڭ قوعامدىق قامتاماسىزداندىرۋ جۇيەسى قۇرىلىسىن كۇشەيتىپ، اۋىل - قىستاقتىڭ قونىس ورتاسىن جاقسارتىپ، كەدەيلىكتەن دالمە - ءدال قۇتىلدىرۋدان قامال الۋ شايقاسىن ويداعىداي جۇرگىزۋ كەرەك. نازاردى شارۋالار قاۋىمى ەڭ كوڭىل بولەتىن، ەڭ تىكە، ەڭ رەال مۇددە ماسەلەلەرىنە شوعىرلاندىرىپ، ىستەردى بىرىنەن كەيىن ءبىرى ىستەپ، جىلدان - جىلعا جالعاپ ىستەگەندە عانا، ءسوز جوق، اۋىلداستاردىڭ ءتىپتى باقۋاتتى تۇرمىس وتكىزۋىنە مۇمكىندىك جاساۋعا بولادى.

جاۋاپتى رەداكتور : سايراش تۇرارجان قىزى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ