<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>شينجياڭ حابارلارى

جاڭا داۋىردەگى جۇڭگوشا سوتسياليزمگە پارمەندى نەگىزگى زاڭ كەپىلىن ازىرلەيمىز

قالىڭ كادرلار مەن بۇقارا ج ك پ ورتالىق كوميتەتىنىڭ نەگىزگى زاڭنىڭ ءىشىنارا مازمۇندارىنا  وزگەرىس ەنگىزۋ جونىندەگى ۇسىنىسىن باتىل قولدادى

شينحۋا اگەنتتىگىنىڭ ءتىلشىسى

نەگىزگى زاڭ − مەملەكەتتىڭ ءتۇبىرلى زاڭى، مەملەكەتتى باسقارىپ، ەلدى الاڭسىز ەتۋدىڭ باس ۋستاۆى، پارتيا مەن حالىق ەركىنىڭ شوعىرلى بەينەسى.

     25-اقپاندا «ج ك پ ورتالىق كوميتەتىنىڭ نەگىزگى زاڭنىڭ ءىشىنارا مازمۇندارىنا وزگەرىس ەنگىزۋ جونىندەگى ۇسىنىسى» جاريالانعاننان كەيىن، قالىڭ كادرلار مەن بۇقارا ج ك پ ورتالىق كوميتەتىنىڭ نەگىزگى زاڭنىڭ ءىشىنارا مازمۇندارىنا وزگەرىس ەنگىزۋ جونىندەگى ۇسىنىسىن باتىل قولدايتىندىقتارىن ءبىلدىردى. كوپشىلىك بىلاي دەپ قارادى: نەگىزگى زاڭعا وزگەرىس ەنگىزۋ پارتيا مەن مەملەكەت ىستەرى دامۋىنىڭ تىڭ جەتىستىكتەرىن، تىڭ تاجىريبەلەرىن، تىڭ تالاپتارىن ايگىلەيدى، ءارى پارتيا مەن حالىق ىستەرىنىڭ دامۋ تالابىنا ۇيلەسەدى، ءارى نەگىزگى زاڭنىڭ زاڭدىق دامۋ زاڭدىلىعىنا بويسۇنادى. بۇل − زامانا اۋقىمى، جۇرت تىلەگى. نەگىزگى زاڭنىڭ ارناعا ءتۇسىرۋ، جەتەكشىلىك ەتۋ، ىلگەرىلەتۋ، قامتاماسىز ەتۋ رولىن ساۋلەلەندىرۋگە ءتيىمدى، شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايى تۇراقتاندىرعان ءىرى باعىت - ساياساتتار مەن ستراتەگيالىق ورنالاستىرۋلاردى دايەكتىلەندىرۋگە، تياناقتاندىرۋعا ءتيىمدى، جاڭا داۋىردەگى جۇڭگوشا سوتسياليزمگە تاباندى بولۋعا جانە ونى دامىتۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا پارمەندى نەگىزگى زاڭ كەپىلىن ازىرلەيتىندىگى ءسوزسىز.

  نەگىزگى زاڭعا وزگەرىس ەنگىزۋدىڭ ءمانى زور، ىقپالى تەرەڭ

  نەگىزگى زاڭعا وزگەرىس ەنگىزۋ مەملەكەتتىڭ ساياسي ومىرىندەگى ءىرى ءىس، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ جالپى جاعدايى مەن ستراتەگيالىق تۇرعىسىنان جاساعان كەلەلى شەشىمى.

  بەيجيڭ پەداگوگيكا ۋنيۆەرسيتەتى زاڭ عىلىمى ينستيتۋتىنىڭ دوتسەنتى پىڭ شينلين بىلاي دەدى: پارتيا ورتالىق كوميتەتىنىڭ وسى رەت نەگىزگى زاڭعا وزگەرىس ەنگىزۋ ۇسىنىسىن العا قويۋى جۇڭگوشا سوتسياليزمنىڭ جاڭا داۋىرگە وتۋىندەي وسى جاڭا تاريحي دەڭگەيدى تياناق ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ مەملەكەتتى نەگىزگى زاڭمەن جونگە سالۋعا تاباندى بولۋ، نەگىزگى زاڭ بويىنشا بيلىك جۇرگىزۋ ايقىن پوزيتسياسى مەن بەرىك بەكىمىن تولىق ايگىلەدى، ول كەلەلى رەال مانگە جانە تەرەڭ تاريحي مانگە يە.

  پىڭ شينلين بىلاي دەدى: وسى رەت نەگىزگى زاڭعا وزگەرىس ەنگىزىلگەن مازمۇندار مەملەكەت جاعدايىنا، ءىس جۇزىندىككە ۇيلەسەدى، ول ءارى ەلىمىزدىڭ نەگىزگى زاڭىنىڭ ۇلاسپالىلىعىن، تۇراقتىلىعىن ساقتاعان، ءارى وندا تىڭ كەلەلى دامۋ بار، نەگىزگى زاڭنىڭ داۋىرمەن بىرگە العا باسۋىنا، كەمەلدەنىپ دامۋىن جەبەۋگە سەپتىگىن تيگىزەدى، جاڭا داۋىردە پارتيا مەن مەملەكەت ىستەرىنىڭ دامۋىن ىلگەرىلەتۋدىڭ قاجەتتى تالابى، قالىڭ كادرلار مەن بۇقارانىڭ شىن جۇرەكتەن قولداۋىنا يە بولاتىنى ءسوزسىز.

  پارتيا باسشىلىعىنا تاباندى بولۋ، دۇرىس ساياسي بەتالىستان جازباۋ − نەگىزگى زاڭعا وسى رەت وزگەرىس ەنگىزۋدەگى، ءسوزسىز، دايەكتىلەندىرەتىن پرينسيپ. تۇڭجي ۋنيۆەرسيتەتىنىڭ ورىنباسار باستىعى جياڭ بو بىلاي دەدى: نەگىزگى زاڭعا وزگەرىس ەنگىزۋ مەملەكەتكە، حالىقتىڭ ءتۇبىرلى مۇددەسىنە جانە زاڭمەن جونگە سالۋ جولىنىڭ بولاشاق بەتالىسىنا قاتىستى، مۇندا، ءسوز جوق، پارتيانىڭ باسشىلىعىنا تاباندى بولۋدى نەگىزگى زاڭعا وزگەرىس ەنگىزۋدىڭ جانە ونى اتقارۋدىڭ تۇتاس بارىسىنا ساباقتاستىرعاندا عانا، مەملەكەتتىڭ سيپاتىنىڭ وزگەرمەۋىنە، زاڭمەن جونگە سالۋ جولىندا باعىت بولۋىنا شىنايى كەپىلدىك ەتۋگە بولادى.

  قالىڭ توراپ قولدانۋشىلار دا توراپتا لەبىز قالدىرىپ، پارتيا ورتالىق كوميتەتىنىڭ نەگىزگى زاڭعا وزگەرىس ەنگىزۋ جونىندەگى ۇسىنىسىنا باتىل قولداۋ كورسەتەتىندىكتەرىن ءبىلدىردى. كوپشىلىك «رەفورما جاسالىپ بۇگىنگە جەتكەندە، مىعىم دا ورنىقتى ءبىر باسشىلىق ۇيتقىنىڭ ماسەلەلەر مەن سىن - سىناقتارعا توتەپ بەرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋىن قاجەت ەتەدى» دەپ قارادى. جۇڭگو قوعامدىق عىلىمدار اكادەمياسى زاڭ عىلىمىن زەرتتەۋ ورنىنىڭ ورىنباسار باستىعى مو جيحۇڭ بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا نەگىزگى زاڭعا وزگەرىس ەنگىزۋ ارقىلى پارتيا 19 - قۇرىلتايى تۇراقتاندىرعان كەلەلى نازاريالار مەن ماڭىزدى باعىت - ساياساتتاردى، اسىرەسە، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرۋ، تياناقتاندىرۋ ەلىمىزدىڭ نەگىزگى زاڭىنىڭ بەدەلىن اناعۇرلىم بيىكتەتەدى، سوتسياليستىك وسىزامانداندىرۋ قۇرىلىسىن جاپپاي ىلگەرىلەتۋدەي ۇلى ساپاردا ءتىپتى دە زور رول اتقارادى.

  نەگىزگى زاڭ داۋىرمەن بىرگە العا باسقاندا عانا، باياندى ومىرشەڭدىك كۇشكە يە بولادى

  شي جينپيڭنىڭ جاڭا ءداۋىر جۇڭگوشا سوتسياليزم يدەياسى − ماركسيزمنىڭ جۇڭگوشالانۋىنىڭ ەڭ جاڭا جەتىستىگى، پارتيا مەن مەملەكەتتىڭ، ءسوز جوق، ۇزاق ۋاقىت تاباندى بولاتىن جەتەكشى يدەياسى. شانشي ولكەسى تۇڭچۋان قالاسى يىنتاي رايونى گۋاڭياڭ قالاشىعىنىڭ كادرى ليۋ حاۋتۇڭ: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن نەگىزگى زاڭعا ەنگىزۋ پارتيانىڭ قۋاتتاماسىنىڭ زاڭدا بەلگىلەنگەن ءتارتىپ ارقىلى مەملەكەت ەركىنە اينالۋىنا مۇمكىندىك جاسادى، ول قالىڭ كادرلار مەن بۇقارانى جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەس جاساۋعا ونان ارى ىنتالاندىرادى، - دەدى.

  جىجياڭ ولكەسى لينحاي قالاسى يۇڭفىڭ قالاشىعىنىڭ باستىعى چان يبو بىلاي دەدى: نەگىزگى زاڭنىڭ تارماقتارىندا ءداۋىردىڭ تاڭباسى انىق باسىلعان، ول تاريحتىڭ تالعامى، جۇڭگو حالقى ءوزى جۇرگەن جول. مەملەكەت ءتوراعاسىنىڭ مىندەت وتەۋ مەرزىمىن، مىندەت وتەۋ ءتۇزىمىن كەمەلدەندىرۋ پارتيا مەن مەملەكەتتىڭ باسشىلىق ءتۇزىلىسىن اناعۇرلىم كەمەلدەندىرۋگە پايدالى، پارتيانىڭ جاپپاي باسشىلىعىنا تاباندى بولۋدا جانە ونى كۇشەيتۋدە، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا تاباندى بولۋدا جانە ونى قورعاۋدا ماڭىزدى مانگە يە.

  انحۇي ولكەسى شيەلي ادۆوكاتتار ورنىنىڭ ادۆوكاتى ليۋ ياڭشىڭ: ەلىمىزدى باي، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ، جۇڭگو كوممۋنيستىك پارتياسىنىڭ باسشىلىعى − جۇڭگوشا سوتسياليزمنىڭ ەڭ ماندىك ەرەكشەلىگى، مەملەكەت سوتسياليستىك وزەكتى قۇن كوزقاراسىن دارىپتەيدى دەگەن سياقتى مازمۇنداردى مەملەكەتتىڭ ءتۇبىرلى زاڭىنا ەنگىزۋ وتە قاجەتتى ءارى دەر كەزىندە بولدى، - دەدى.

  ەلىمىزدىڭ نەگىزگى زاڭىنىڭ دامۋىنداعى ەڭ كورنەكتى ەرەكشەلىك، ءسوزسىز، پارتيانىڭ حالىققا باسشىلىق ەتىپ، جۇڭگوشا سوتسياليزم قۇرۋ امالياتىنىڭ دامۋىنا ىلەسىپ ۇزدىكسىز كەمەلدەنىپ، داميتىندىعى بولىپ تابىلادى. فۋدان ۋنيۆەرسيتەتى زاڭ عىلىمى ينستيتۋتى پارتكومىنىڭ شۋجيى حۋ حۋاجۇڭ بىلاي دەدى: بۇل اماليات دامۋىنىڭ قاجەتتى تالابى ءارى نەگىزگى زاڭنىڭ دامۋىنداعى ءبىر نەگىزگى زاڭدىلىق. تەك نەگىزگى زاڭ ارقىلى پارتيا مەن حالىق جاراتقان ۇلى جەتىستىكتەر مەن قىمباتتى تاجىريبەلەردى ۇزدىكسىز، دەر كەزىندە تۇراقتاندىرىپ، نەگىزگى زاڭنىڭ امالياتتىڭ دامۋى مەن ءداۋىردىڭ دامۋىنداعى تىڭ جاعدايلاردى، تىڭ تالاپتاردى ايگىلەۋىنە مۇمكىندىك تۋدىرعاندا عانا، نەگىزگى زاڭنىڭ ارناعا ءتۇسىرۋ، جەتەكشىلىك ەتۋ، ىلگەرىلەتۋ، قامتاماسىز ەتۋ رولىن اناعۇرلىم جاقسى ساۋلەلەندىرۋگە بولادى.

  پارتيا مەن مەملەكەت ىستەرىنىڭ زاڭمەن جونگە سالۋ ارناسىندا ورنىقتى، ۇزاق ۋاقىت جۇرىلۋىنە شىنايى كەپىلدىك ەتۋگە بولادى

  نەگىزگى زاڭعا وزگەرىس ەنگىزۋ مەملەكەتتى زاڭمەن جونگە سالۋدى جاپپاي ىلگەرىلەتۋدەگى، مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋدەگى كەلەلى شارا.

  قالىڭ كادرلار مەن بۇقارا: وسى رەت نەگىزگى زاڭعا وزگەرىس ەنگىزۋ − جاڭا داۋىردە مەملەكەتتى زاڭمەن جاپپاي جونگە سالۋدى ىلگەرىلەتۋدەگى باتىل قادام، ول ىستەرىمىزدىڭ دامۋ قاجەتىنە ۇيلەسەدى، حالىقتىڭ ەركىنە سايكەسەدى، - دەستى.

  حۋنان ولكەسى يجاڭ اۋداندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى، باقىلاۋ - تەكسەرۋ كوميتەتىنىڭ مەڭگەرۋشىسى شيۇڭ جۋان بىلاي دەدى: نەگىزگى زاڭدا باقىلاۋ - تەكسەرۋ كوميتەتىنىڭ مەملەكەت قۇرىلىمىنداعى زاڭدىق ورىن رەتىندە تۇراقتاندىرىلۋى − مەملەكەتتى جاپپاي زاڭمەن جونگە سالۋدىڭ، پارتيانى جاپپاي قاتاڭ جونگە سالۋدىڭ تولىق ايگىلەنۋى. مەملەكەتتىڭ ورتالىقتانعان ءبىر تۇتاس، بەدەلدى، ءونىمدى باقىلاۋ - تەكسەرۋ جۇيەسىن قۇرۋ باقىلاۋ - تەكسەرۋدىڭ تۇتاس قامتۋىنا بەرىك نەگىزگى زاڭ نەگىزىن قالادى. نەگىزگى ساتىداعى باقىلاۋ - تەكسەرۋ كوميتەتىنىڭ جاڭادان سايلانعان مەڭگەرۋشىسى رەتىندە، مەن قاتىستى مازمۇنداردى مۇقيات ۇيرەنىپ، بۇدان كەيىنگى قىزمەت بارىسىندا نەگىزگى زاڭ بويىنشا قاتاڭ بيلىك جۇرگىزەمىن.

  نيڭشيانىڭ گۋيۋان قالاسى جيڭيۋان اۋدانى ليۋپانشان قالاشىق حالىق قۇرىلتايىنىڭ ءتوراعاسى فىڭ شاۋپىڭ: نەگىزگى ساتى حالىق قۇرىلتايىنىڭ قىزمەتكەرى رەتىندە، مەن بۇدان كەيىنگى قىزمەت بارىسىندا نەگىزگى زاڭ رۋحىن، زاڭمەن جونگە سالۋ ويىن ونان ارى مىقتاپ ورناتىپ، ءوزىمنىڭ مىندەت كولەمىمدە زاڭ بويىنشا اكىمشىلىك جۇرگىزىپ، ءتۇرلى شەشىمدەردىڭ زاڭمەن جونگە سالۋ دەڭگەيىن جوعارىلاتامىن، - دەدى.

  قالىڭ كادرلار مەن بۇقارا وسى رەت نەگىزگى زاڭعا وزگەرىس ەنگىزۋ ارقىلى تۇتاس قوعامدا نەگىزگى زاڭ رۋحىن اناعۇرلىم اسقاقتاتىپ، سوتسياليستىك زاڭمەن جونگە سالۋ تانىمىن ايگىلەپ، نەگىزگى زاڭنىڭ ادال قاستەرلەۋشىسى، سانالى بويسۇنۋشىسى، بەرىك قورعاۋشىسى بولۋدى ءۇمىت ەتەتىندىكتەرىن ءبىلدىردى.

  (شينحۋا اگەنتتىگىنىڭ 25 - اقپاندا بەيجيڭنەن بەرگەن حابارى)

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ