<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>شينجياڭ حابارلارى

قىستاقتا سۋرەت كورمەسىن تاماشالاپ، وتباسىمەن ەستەلىك سۋرەتكە ءتۇستى

جاڭ جۇنگى

كەلۋ قاينارى : شينجياڭ گازەتىنەن

   پارتيا 19 - قۇرىلتايىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ، ورتالىق كوميتەت ۇگىت ءبولىمىنىڭ ادەبيەت - كوركەمونەرشىلەر جاڭا ءداۋىردىڭ «توڭكەرىستىك ادەبيەت - كوركەمونەردىڭ ساڭلاقتارى» بولۋ كەرەك دەگەن ۇندەۋىنە ءۇن قوسۋ ءۇشىن، 2018 - جىلى 15 - قاڭتاردان 29 - قاڭتارعا دەيىن، اۆتونوميالى رايوندىق پارتكوم ۇگىت ءبولىمىنىڭ، اۆتونوميالى رايوندىق ادەبيەت - كوركەمونەرشىلەر بىرلەستىگىنىڭ ورنالاستىرۋى بويىنشا شينجياڭ فوتوسۋرەتشىلەر قوعامى تاڭداۋلى كوركەمونەر اترەتىن حوتان ايماعىنىڭ نيە اۋدانى مەن كەريا اۋدانىنداعى 7 اۋىل، قالاشىق، الاڭدارعا جىبەرىپ، «ءبىزدىڭ جۇڭگو ارمانىمىز» اتىنداعى مادەنيەتتى سان مىڭداعان وتباسىنا جەتكىزۋ قيمىلىن ورىستەتىپ، جەرگىلىكتى بۇقاراعا «ۇلتتار ىنتىماعىنىڭ بەرەكەلى شاڭىراعىن» باستى تاقىرىپ ەتكەن سۋرەت كورمەسىن اشتى، سونىمەن قاتار قىستاق تۇرعىندارىنىڭ وتباسىمەن تۇسكەن 275 نۇسقا ەستەلىك سۋرەتىن جاساپ بەردى.

  شينجياڭ فوتوسۋرەتشىلەر قوعامىنىڭ كوركەمونەر اترەتى قاي قىستاققا بارسادا، بۇقارا شاتتىققا شومىپ، جان - جاقتان اعىلىپ كەلىپ سۋرەت كورمەسىن تاماشالادى. نيە اۋدانى روقيا اۋىلى سارسەنبى بازار قىستاعىنىڭ تۇرعىنى ابدوللا ماتۇسىپ حانزۋ ايەل كادردىڭ ۇيعۇر اجەيگە امانداسا كەلگەنىن بەينەلەيتىن سۋرەتتى كورگەن كەزدە تەسىلە قاراپ، ۇزاق تۇردى. ول سۋرەت كورمەسىن ۇيىمداستىرعان قىزمەتكەردى ىزدەپ بارىپ: مەن مىنا سۋرەتتى قاتتى ۇناتىپ تۇرمىن، سۋرەتتەگى ايەل كادر مەنىڭ جۇپ قۇراعان تۋىسىما قاتتى ۇقسايدى ەكەن، وسى سۋرەتتى ماعان بەرسەڭىز بولا ما؟ مەن ۇيىمە اپارىپ تورگە ءىلىپ قويايىن، - دەدى.

  كەريا اۋدانى سەنبى بازار قالاشىعى اسىل تۇقىم الاڭى قىستاعىنىڭ تۇرعىنى ءماريامنيسا ءنابي سۋرەت كورمەسىن تاماشالاعان كەزدە قاتتى جەلپىنىپ، ۇلتتىق ءان - ءبيدى ايگىلەيتىن بىرنەشە سۋرەتكە نازارىن سالدى. ول: ۇيعۇر حالقى ءان - بيگە قۇشتار، مەن دە ءان ايتىپ، ءبي بيلەيمىن. قازىر كىلەم توقۋ فابريكاسىندا جۇمىس ىستەيمىن، ەندى شينجياڭنىڭ باقىتتى تۇرمىسىنىڭ سۋرەتىن كىلەمگە ورنەكتەپ، كوپتەگەن ادامداردىڭ كورىكتى شينجياڭدى تاماشالاۋىنا مۇمكىندىك جاسايمىن، - دەدى.

  كەريا اۋدانىنىڭ ەڭ شالعاي ورنالاسقان ءداريابويى اۋىلىنداعى جولدىڭ ەكى جاعالاۋىنا ىلىنگەن سۋرەتتەر بۇقارانى وزىنە قاتتى باۋرادى، تۇرعىندار سۋرەتتەردى تاماشالاي ءجۇرىپ اڭگىمەلەسىپ، جۇزدەرىنەن شاتتىقتىڭ لەبى ەستى. سىرتقى دۇنيەنىڭ كوركەم كورىنىسى قيىرداعى شاعىن اۋىلعا وسى زامانعى وركەنيەتتىڭ جاڭاشا كەلبەتىن جەتكىزدى.

  سوپيرام ءماتتۇرسىن كەريا اۋدانى ءداريابويى اۋىلى ءداريابويى قىستاعىنىڭ تۇرعىنى، ول باسقالاردان وتباسىمەن ەستەلىك سۋرەتكە تۇسۋگە بولادى ەكەن دەگەندى ەستىپ، ءبىر ءۇيلى جان تاڭعى ساعات 7دە اۋىلدىق ۇكىمەتكە قاراي جول تارتادى. سوپيرام ءماتتۇرسىن قىستاق بويىنشا وتباسىمەن تۇسكەن ەستەلىك سۋرەتىن الدىمەن الادى، ول شاتتانىپ تۇرىپ: بۇل جەر اۋدان ورتالىعىنا وتە الىس، وتباسىمىزبەن بىرگە سۋرەتكە ءتۇسىپ كورمەپتىك، مىنە ەندى ول ارمانىمىز دا ورىندالدى، قاتتى قۋانىپ تۇرمىن، پارتيا مەن ۇكىمەتتىڭ وسىنشاما باقىت سيلاعانىنا راقىمەت، - دەدى. ءسوزىن اياقتاي سالىپ سۋرەتىن جوعارى كوتەرىپ، باسقالارعا وزدەرىنىڭ باقىتتى شاقتارىن كورسەتتى.

  ءداريابويى قىستاعىنداعى توراڭعى ورمانىنىڭ ىشىندەگى قىستاق تۇرعىندارى وتە بىتىراڭقى ورنالاسقان، تۇرعىندار ءۇيىنىڭ ارالىعى بىرنەشە كيلومەتر، ءتىپتى، ون نەشە كيلومەتر كەلەدى. سۋرەت تارتۋشىلار قىستاق تۇرعىنى وبۇل ايساننىڭ ۇيىنە كەلگەن كەزدە، 90 جاستان اسقان قارت ەسىڭ الدىندا توسىپ تۇر ەكەن. سۋرەتكە ءتۇسىپ بولعاننان كەيىن قۋانىپ: كوممۋنيستىك پارتيا جاقسى، ءتوراعا شي جينپيڭ جاقسى، بىزگە كەدەيلەردى سۇيەمەلدەۋ قويىن بەردى، قىستا كومىر اكەلىپ بەرىپ تۇرمىسىمىزداعى قيىنشىلىقتاردى شەشتى، مەن ايرىقشا قۋانىپ تۇرمىن، پارتيانىڭ وسى قامقورلىعىن ماڭگى ەستەن شىعارمايمىن، - دەدى.

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ