<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>شينجياڭ حابارلارى

رايونىمىزداعى ەرەكشە كاسىپ سالالارىنىڭ جارقىن تۇيىندەرى كورنەكتىلەنىپ، ومىرشەڭدىگى كۇشەيدى

ءتىلشىمىز دۇڭ شاۋحۋا

شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە رايونىمىز جوعارى ساپالى دامۋدى ىلگەرىلەتۋدى مىقتاپ ارقاۋ ەتىپ، 1 - كاسىپتىڭ دەڭگەيىن جوعارىلاتۋعا، 2 - كاسىپتە تۇيىندەردى يگەرۋگە، 3 - كاسىپتى قاۋىرت دامىتۋعا تاباندى بولىپ، ەرەكشە جەمىس ورمان شارۋاشىلىعى، مال شارۋاشىلىعى، توقىماشىلىق، كيىم - كەشەك كاسىبى، جابدىقتاۋ، جاساۋ كاسىبى، ساياحات كاسىبى، ساۋدا، زات اينالىمى كاسىبى سياقتى ەرەكشە كاسىپ سالالارىنىڭ ۇزدىكسىز دامۋىن ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋ ءۇشىن مىعىم تىرەك ازىرلەدى.

  2018 - جىلى اۆتونوميالى رايوندىق حالىق ۇكىمەتىنىڭ قىزمەت بايانداماسىندا «ەرەكشە باسىمدىققا يە كاسىپتەردى جەتىلدىرىپ جانە زورايتىپ، ناقتى ەكونوميكانىڭ دامۋىن بار كۇشپەن جەبەۋ كەرەك. ساپالى دامۋدى ىلگەرىلەتۋدى تىعىز ارقاۋ ەتىپ، قۇرىلىمدى رەتتەۋ، تاسىلگە بۇرىلىس جاساۋ تەبىنىن ارتتىرىپ، شينجياڭدىق ەرەكشەلىككە يە وسىزاماندانعان كاسىپ جۇيەسىن ورناتۋ كەرەك» دەپ قايتالاي العا قويىلدى.

  قازىر ەرەكشە باسىمدىققا يە كاسىپ شينجياڭ ەكونوميكاسىن دامىتۋدا ماڭىزدى ورىنعا كوتەرىلدى.

  1 - كاسىپتىڭ دەڭگەيىن كوتەرىپ، اۋىل شارۋاشىلىعىنىڭ ساپاسىن جوعارىلاتىپ، ونىمدىلىكتى ءوسىرۋدى جەدەلدەتىپ، كىرىستى ارتتىرۋدى جەبەدى

  سامەت ورىگى، اق ورىك، اعاشتا كەپتىرىلگەن ورىك... شينجياڭنىڭ ورىكتەرى اۋىزعا الىنسا بولعانى، ءدامدى ورىك تۇرلەرىن ساناپ تاۋىسا المايسىز. شينجياڭ جۇڭگوداعى، اۋەلى، دۇنيە جۇزىندەگى ورىك ەگەتىن ەڭ ۇلكەن ءوڭىر سانالادى، ورىك اعاشى ەگىلگەن جەردىڭ اۋدانى 2 ميلليون مۋدان اسادى، شينجياڭ يوۋلى جەمىس اۋىل شارۋاشىلىعى عىلىم - تەحنيكا شەكتى سەرىكتەستىگى وسى بايلىق باسىمدىعىن كوزدەپ، 2016 - جىلدان باستاپ قوسىمشا قۇنى جوعارى مۇزداتىپ كەپتىرىلگەن ورىكتى، ورىك تالقانىن جىنتىكتەي مانەرلەۋمەن جانە ساتۋمەن شۇعىلدانا باستادى.

  قازىر بۇل نىسانعا جيىنى 73 ميلليون يۋان قارجى قوسىلىپ، جىلىنا 10 مىڭ توننا جاس جەمىستى مانەرلەۋ قۋاتىن نەگىزىنەن ازىرلەپ، 5000نان كوبىرەك شارۋانىڭ كىرىسىن ارتتىرۋىنا تىكەلەي تۇرتكى بولدى.

  بەرتىنگى جىلداردا اۋىل شارۋاشىلىعىنداعى قامداۋ جاعىنداعى قۇرىلىمدىق رەفورمانىڭ ۇزدىكسىز تەرەڭدەۋىنە ساي، رايونىمىزداعى اۋىل شارۋاشىلىعىنىڭ قۇرىلىمى ۇزدىكسىز ساپالىلانىپ، اۋىل شارۋاشىلىعىن وسىزامانداندىرۋ ۇزدىكسىز ىلگەرىلەتىلىپ، اۋىل شارۋاشىلىعىنداعى «ەرەكشە» تاڭباسى بار ءبىر توپ ەرەكشە كاسىپ تيانشاننىڭ تۇستىگى مەن تەرىستىگىندە دامىپ، وزىندىك ەرەكشەلىككە، باسىمدىققا يە كاسىپ بەلدەۋىن العاشقى ادىمدا قالىپتاستىردى. ساپالى، ەرەكشە اۋىل شارۋاشىلىق ونىمدەرىنىڭ اتاعى مەن داڭقى بىرتىندەپ اسپانداپ، بازارى بارعان سايىن كەڭەيىپ، جەرگىلىكتى شارۋالاردىڭ كىرىسىن ارتتىرىپ، اۋقاتتانۋىنا سارا جول سالدى.

  سونىمەن قاتار، بەرتىنگى جىلداردا رايونىمىزداعى ەرەكشە جەمىس ورمان ونىمدەرىنىڭ بازارى قامتيتىن كولەم دە بارعان سايىن كەڭەيىپ، جەلىدەن تىس جالپىلاستىرۋ مەن ەلەكتروندى ساۋدا قاتار دامىتىلىپ، بۇكىل ەلىمىزدىڭ جەر - جەرىندەگى تۇتىنۋشىلاردىڭ «شينجياڭ ءدامىن» كەز كەلگەن ۋاقىتتا تاتۋى رەالدىققا اينالدى.

  ءتىلشىنىڭ اۆتونوميالى رايوندىق اۋىل شارۋاشىلىعى مەڭگەرمەسىنەن ۇعىسۋىنا قاراعاندا، بيىل بۇكىل رايونىمىزداعى كورنەكتى وڭىرلىك باسىمدىققا يە ەرەكشە اۋىل شارۋاشىلىق ونىمدەرى ەگىلگەن جەردىڭ اۋدانى 10 ميلليون مۋدان اسقان، بۇكىل رايونىمىزداعى اۋىل شارۋاشىلىعىنىڭ قۇرىلىمى كوپ نەگىزدەنۋ، جوعارى ءونىمدى بولۋ باعىتىنا قاراي دامىعان. رايونىمىز قازىرگى اۋىل شارۋاشىلىق ونىمدەرىن مانەرلەۋ ونەركاسىپ باقشاسىنان پايدالانىپ، 1 -، 2 -، 3 - كاسىپتى توعىستىرۋعا جەتەكتەۋ رايوندارىن قۇرىپ، باقشانىڭ، كاسىپورىننىڭ، بازانىڭ جانە كاسىپتىڭ توعىسا دامۋىن ىلگەرىلەتەدى. اۋدان كولەمىندە بەلدى كاسىپورىندار جەتەكشى، شارۋالاردىڭ سەلبەستىك كووپەراتيۆى دانەكەر، كاسىپتىك ءىرى وتباسىلارى مەن وتباسى ەگىس الاڭى نەگىز بولاتىن اۋىل شارۋاشىلىق تيجاراتى سەلبەستىك وداعىن قۇرۋدى جەدەلدەتىپ، حوتان روزا گۇلى، اقسۋ الماسى، چارقىلىق چىلانى سياقتى ەرەكشە كاسىپتەن پايدالانىپ، مەملەكەت دارەجەلى شارۋالار سەلبەستىك كووپەراتيۆىنىڭ ىشىندەگى ونەگەلىك 80 كووپەراتيۆتى، 44 وتباسى ەگىس الاڭىن سۇيەمەلدەپ، شاعىن شارۋا وتباسى مەن وسى زامانعى اۋىل شارۋاشىلىعىنىڭ دامۋىنىڭ ورگانيكالى ۇشتاسۋىن جەبەيدى.

  2 - كاسىپتە تۇيىندەردى يگەرىپ، ونەركاسىپتىڭ تۇرلەنۋى مەن جاڭارۋىن ىلگەرىلەتۋگە قوزعاشى كۇش باعىشتادى

  اۆياتسيالىق ماتور جاساۋ تەحنيكاسى جاساۋ كاسىبىندەگى ماڭداي الدى كاسىپ سانالادى، مۇندا جوعارى تەمپەراتۋرادا مەتالداردى قورىتىپ بىرىكتىرۋ قيىن بولۋداي وزەكتى ماسەلە مانەرلەۋ سالاسىنداعى دۇنيە ءجۇزى دارەجەلى قيىن ماسەلەگە اينالعان. ايتسە دە شينجياڭ دۋانديانحۋ عىلىم - تەحنيكالىق اشۋ شەكتى سەرىكتەستىگىنىڭ دۋانديانحۋ مانەرلەۋ تەحنيكاسى جوعارى تەمپەراتۋرادا مەتالداردى قورىتىپ بىرىكتىرىپ، جوعارى ءونىمدى مانەرلەۋدى ىسكە اسىردى.

  شينجياڭ دۋانديانحۋ عىلىم - تەحنيكالىق اشۋ شەكتى سەرىكتەستىگىنىڭ باس مەڭگەرۋشىسى جو حۇي: مانەرلەۋى قيىن ەلەكتر وتكىزگىش ماتەريالداردى مانەرلەۋ جاعىندا ونىڭ مانەرلەۋ ونىمدىلىگى ءداستۇرلى مانەرلەۋ تاسىلىنەن جانە ەلەكتر ۇشقىنىمەن مانەرلەۋدەن 5 تە 10 ەسە جوعارى، مانەرلەۋ وزىندىك قۇنىن %30تەن كوبىرەك تومەندەتۋگە بولادى، - دەدى. قازىر ولار 22 ءتۇرلى پاتەنت الدى، مۇنىڭ ۇشەۋى تاپقىرلىق پاتەنتى.

  قازىر شينجياڭنىڭ جەرگىلىكتى جاساۋ كاسىپورىندارىنىڭ تەحنيكا جاڭالاۋ قابىلەتى ۇزبەي ءوسىپ، اسقىن جوعارى كەرنەۋلى توك جەتكىزۋ، كەرنەۋ اۋىستىرۋ، جەل ەلەكتر اگراگاتتارى، اۋا رەتتەۋىش جۇيەسى سياقتى ەل ىشىندە وزىق دەڭگەيگە جەتكەن ءبىر توپ ءونىمدى اشىپ، ەرەكشە كاسىپ كورنەكتى دامىدى.

  سونىمەن بىرگە، گۋاڭجوۋ اۆتوكولىك توبى، شاڭحاي ۆولكسۋاگىن اۆتوكولىك شەكتى سەرىكتەستىگى، شانشي اۆتوكولىك جارنا تىزگىندەۋ توبى شەكتى سەرىكتەستىگى، جۇڭگو اۋىر اۆتوكولىك توبى شەكتى سەرىكتەستىگى، ت. ب ۋاكىلدىك ەتكەن اۆتوكولىك كاسىبى شوعىرى، جۇڭگو جوعارى تەحنيكالى رەليس جابدىقتارى جانە اۋىر ماشينا جابدىقتارى توبى شەكت−ى سەرىكتەستىگى، جۇڭگو جۇڭچى توبى شەكتى سەرىكتەستىگى ۋاكىلدىك ەتكەن رەليستى قاتىناس جابدىقتاۋ كاسىبى شوعىرى، جينفىڭ عىلىم - تەحنيكا شەكتى جارنا سەرىكتەستىگىن سۇيەنىش ەتكەن جەل ەلەكتر جابدىعى كاسىبى شوعىرى، سان - ي اۋىر ماشينا جابدىقتارى جارنا شەكتى سەرىكتەستىگى، شينجياڭ ماشينا زەرتتەۋ ورنى جارنا شەكتى سەرىكتەستىگى باستاماشىلىق ەتكەن ينجەنەريا جانە اۋىل شارۋاشىلىق ماشينالارى كاسىبى شوعىرى، جياڭسۋ جينشىڭ ونەركاسىپ جارنا شەكتى سەرىكتەستىگى، ت.ب ۋاكىلدىك ەتكەن توقىماشىلىق جانە جاڭادان گۇلدەنگەن جابدىقتاۋ كاسىبى شوعىرى تيانشاننىڭ تۇستىگى مەن تەرىستىگىندە جەدەل بوي كوتەردى.

  اۆتونوميالى رايوننىڭ توقىماشىلىق، كيىم - كەشەك كاسىبىنىڭ جەدەل دامۋىن كۇش سالا ىلگەرىلەتۋىنە بايلانىستى، حۋافۋ، رۋ - ي، ياگىر قاتارلى ايگىلى كاسىپورىندار شينجياڭدا قارجى قوسىپ، زاۆود قۇردى، توقىماشىلىق، كيىم - كەشەك كاسىبى شينجياڭنىڭ اۋىل - قىستاقتارىنداعى ارتىق ەڭبەككۇشتەردىڭ جۇمىسقا ورنالاسۋ ماسەلەسىن شەشۋدىڭ نەگىزگى ارناسىنا اينالدى.

  قۇرىلعانىنا نەبارى 2 جىل بولعان شينجياڭ مەيلي - وۋ كيىم - كەشەك شەكتى سەرىكتەستىگى 2000عا تارتا ادامنىڭ جۇمىسقا ورنالاسۋ ماسەلەسىن شەشتى. بيىل كەدەي اۋدانداردا 200گە تارتا ادام جۇمىس ىستەيتىن سەرىك زاۆودتار قۇرىپ، مۇنان دا كوپ كەدەيدىڭ جۇمىسقا ورنالاسۋ ماسەلەسىن شەشپەكشى.

  رايونىمىز بيىل كاسىپ سالاسى ارقىلى كەدەيلەردى سۇيەمەلدەۋ قىزمەتىن تىڭعىلىقتى ىلگەرىلەتىپ، ونەركاسىپ جۇمىسشىسىنان تىڭنان 150 مىڭ ادام كوبەيتپەكشى. مۇندا توقىماشىلىق، كيىم - كەشەك كاسىبىنىڭ گۇل باسۋ - بوياۋ، كيىم - كەشەك تەرمينال كاسىبىنە ۇزارۋىن ىلگەرىلەتىپ، كاسىپ دامۋىنىڭ ساپاسى مەن ونىمدىلىگىن ءوسىرىپ، تىڭنان 100 ادامدى جۇمىسقا ورنالاستىرۋعا كۇش سالادى.

  3 - كاسىپ بارىنشا دامىپ، وسى زامانعى قىزمەت ەتۋ كاسىبىنىڭ كولەمدەنۋىن، ساپالىلانۋىن ىلگەرىلەتتى

  كوكتەم مەرەكەسى كەزىندە ۇرىمجىدەگى شاڭعى الاڭدارى ساياحاتشىلاردىڭ قاۋىرت مەزگىلىن تاعى دا قارسى الدى.

  شينجياڭنىڭ قار - مۇز ساياحات بايلىعى مول، قارلى ماۋسىمى ۇزاق، قار ساپاسى جاقسى. ءار جىلى قاراشا ايىنان كەلەر جىلدىڭ ناۋرىز ايىنىڭ سوڭىنا دەيىن شاڭعى تەبۋگە بولادى. قار - مۇز سپورتىن جۇرگىزۋگە توتەنشە باپ كەلەدى. قار - مۇز سپورتىنىڭ ۇزبەي جاندانۋى شينجياڭنىڭ قار - مۇز ساياحاتىن دامىتۋىنا زور دەم بەرىپ، شينجياڭنىڭ قىسقى ساياحاتى بارعان سايىن دامىدى.

  سوڭعى جىلدارى شينجياڭنىڭ ساياحات كاسىبى جىل سايىن قارىشتاپ دامىدى. تالاي جىل دامۋ ارقىلى شينجياڭنىڭ ەرەكشە ساياحاتى جاياۋ ءجۇرىس، جەكە اۆتوكولىكپەن ساياحاتتاۋ، دالالىق ساياحات، تاۋعا شىعۋ، اعىندا قالقۋ، ۆەلوسيپەد، جاھانكەز، تومەن كەڭىستىك ساياحاتى سياقتىلاردى قامتىعان كوپ ءتۇردى قالىپتاستىردى. سونىمەن بىرگە، ەرەكشە ساياحاتتىڭ جوعارى تەحنيكالى ونىمدەرىنە نازار اۋدارعان، ۇناتقان ساياحاتشىلاردىڭ قاتارى دا مولايۋدا. بىلتىر رايونىمىز قابىلداعان ساياحاتشى تۇڭعىش رەت 100 ميلليون ادامنان (رەت) اسىپ، %32.4 ارتتى؛ ساياحات جالپىلىق تۇتىنۋى 182 ميلليارد 200 ميلليون يۋانعا جەتىپ، %30 ارتتى. زور اۋقىمدى ساياحات جاعدايى شينجياڭدا جەدەل قالىپتاسۋدا.

  قازىر ساياحاتتىق اۋىل شارۋاشىلىعى، جەكە اۆتوكولىكپەن ساياحاتتاۋ، كۇتىنۋ، جوعارى جىلدامدىقتى تەمىر جول، ۇلتتىق ساياجاي قاتارلى جاڭا كاسىپتەردىڭ، جاڭا ونىمدەردىڭ زور مولشەردە قامداۋىنا بايلانىستى، شينجياڭنىڭ ساياحات كاسىبى جالپى حالىقتىق ساياحاتتى جانە جەكە ساياحاتتى، وزىندىك ساياحاتتى نەگىز ەتكەن جاڭا ساتىعا ءوتىپ، ساياحاتتىڭ تارتۋ قۋاتىن، توعىستىرۋ قۋاتىن بارىنشا ساۋلەلەندىرۋمەن بىرگە، قاتىستى كاسىپتەردىڭ جانە سالالاردىڭ دامۋىنا تىڭ قوزعاۋشى كۇش قوسىپ، «ءبىر كاسىپتىڭ گۇلدەنۋى باسقا كاسىپتەردىڭ كوركەيۋىنە باستاماشىلدىق ەتۋدەي» دامۋ جاعدايىن قالىپتاستىردى.

  مۇنان سىرت، ساياحات كاسىبى، ساۋدا - زات جەتكىزۋ كاسىبى، فينانس كاسىبى، ت. ب ۋاكىلدىك ەتكەن وسى زامانعى قىزمەت ەتۋ كاسىبى ۇزدىكسىز كۇش شىعارىپ، ەرەكشە اس - سۋ كاسىبى، ءۇي جۇمىسى قىزمەت ەتۋ كاسىبى، كۇتىنۋ، مادەنيەت، دەنە تاربيە، سەيىل - سەرۋەن، كوڭىل اشۋ، ت. ب ۋاكىلدىك ەتكەن جاڭا كاسىپتەر ۇزبەي جارىققا شىعىپ، شينجياڭنىڭ 3 - كاسىبىندە كاسىپتەر ارا باسەكەلەسە دامۋداي تاماشا جاعداي جارىققا شىقتى.

قاينارى: شينجياڭ گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ