<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>شينجياڭ حابارلارى

اۋىل - قىستاق كوركەيدى، كىرىس ارتتى، حالىق شاتتاندى

− سانجى حۇيزۋ اۆتونوميالى وبلىسىنىڭ «كورىكتى اۋىل - قىستاق قيمىلى جوسپارىن» اتقارعاندىعى تۋرالى

ءتىلشىمىز گاي يۋجۇن، سانجى تىلشىلەر پۋنكتىندەگى ءتىلشىمىز ميڭ ۋىنتۋان

باس شۋجي شي جينپيڭ پارتيا 19 - قۇرىلتايىنداعى بايانداماسىندا «اۋىل - قىستاقتى كوركەيتۋ ستراتەگياسىن اتقارۋدى» اتاپ كورسەتتى. اۋىل شارۋاشىلىعىن، اۋىل - قىستاقتى الدىمەن دامىتۋدان جازباي، كاسىپ سالاسى كوركەيگەن، ەكولوگياسى قونىستانۋعا جايلى، اۋىل سالتى وركەنيەتتى، جونگە سالىنۋى ءونىمدى، تۇرمىسى اۋقاتتى بولۋ جالپى تالابى بويىنشا، قالا، اۋىل - قىستاق توعىسىپ دامىعان ءتۇزىلىس مەحانيزمى مەن ساياسات جۇيەسىن ورناتىپ، اقاۋسىزداندىرىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەل ىلگەرىلەتۋ كەرەك.

  سانجى حۇيزۋ اۆتونوميالى وبلىسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، 2016 - جىلى «كورىكتى اۋىل - قىستاق قيمىل جوسپارىن» اتقارىپ، قىستاق قۇرىلىسىن نىعايتىپ، كاسىپ سالالارىنىڭ دامۋىنا جەتەكشىلىك ەتىپ، قورشاعان ورتانى رەتتەۋدى كۇشەيتىپ، وركەنيەتتى اۋىل سالتىن قالىپتاستىرىپ، كورنەكتى تابىسقا قول جەتكىزدى. قازىر وبلىس بويىنشا «كەلبەتى كوركەم، تۇرعىندارى اۋقاتتى، سالتى تاماشا» كورىكتى قىستاقتان 40ى باستاپقى قادامدا قۇرىلدى.

  بۇرىنعىلار كوكسەگەن كورىكتى قىستاق بوي كوتەردى

  فۋكاڭ قالاسىنان 5 كيلومەتر قاشىقتىقتاعى جەردە ءبىر كورىكتى قىستاق بار. ول چىڭگۋان قالاشىعىنىڭ لياڭفان سەنترلى قىستاعى. قاتار - قاتار بوي تۇزەگەن اعاشتار، رەتتى سالىنعان 2 قابات شاعىن ۇيلەر، تىم - تىرىس اينالا، اپپاق قارلى دالا، بەينە سۋرەتتەگىدەي اسەم كورىنىستەر ادامدى وزىنە ەرىكسىز باۋرايدى.

  سوڭعى جىلداردان بەرى لياڭفان سەنترلى قىستاعى قونىس ورتاسىن جاقسارتۋدان باستاپ كىرىسىپ، كورىكتى قىستاق قۇرۋ قۇرىلىسىن جەدەلدەتتى. قىستاق تۇرعىندارى ءوز جاعدايلارىنا قاراي مالىمدەلدى، قىستاق ءبىر تۇتاس جوبالادى، قالالىق ۇكىمەت ءار شارشى مەتر جەرگە 300 يۋان كومەك قاراجات بەردى، قالالىق قازىنا 9 ميلليون 600 مىڭ يۋان سايكەستى قارجى قوستى، ءسويتىپ، جاڭادان سالىنعان تۇرعىندار رايونىنىڭ جەر استى سۋى، شوعىرلى جىلۋمەن قامداۋ سياقتى نەگىزدىك قۇرىلعى قۇرىلىسى ءساتتى اياقتاپ، 2 قاباتتى شاعىن ساياجايدان 110ىن سالدى.

  4 - اقپاندا قىستاق تۇرعىنى ۋاڭ شيرىننىڭ وتباسىنا كەلدىك، اۋلاسى كەڭ، وتباسىندا ەلەكتر جابدىقتارى تولىق ەكەن، ءۇيدىڭ ءىشى قۇلپىرا اشىلعان ءار ءتۇرلى گۇلمەن جايناپ تۇر.

  «بۇرىن وتىرعان ءۇيىمىزدى قىستا وت جاعىپ زورعا جىلىتاتىنبىز، قار جاۋعان كۇنى توبەنىڭ قارىن كۇرەيتىنبىز، بىرنەشە جىلدا ءبىر رەت توبەگە لاي قۇيىپ تۇراتىنبىز، قازىر قالاداعىلاردىڭ ءوزى ارماندايتىن ساياجايعا كوشىپ كىردىك، زامانىمىز قانداي تاماشا»، - دەدى ۋاڭ شيرىن جۇزىنە باقىت كۇلكىسى ءۇيىرىلىپ.

  سانجى وبلىسىنداعى ءار دارەجەلى پارتكومدار مەن حالىق ۇكىمەتتەرى كورىكتى اۋىل - قىستاق قۇرۋدى «ءبىرىنشى باسشى» ينجەنەرياسى ەتىپ، ونى ەكونوميكالىق، قوعامدىق دامۋ جوباسىنا ەنگىزدى. اۋداندار، قالالار ءتۇرلى ارنالارمەن قارجى توپتاپ، قۇرىلىستى بەلسەنە ىلگەرىلەتىپ، وبلىس بويىنشا 89 قىستاققا 568 نىسان ورنالاستىرىلىپ، بىلتىر 946 ميلليون يۋان قارجى قوسىلدى.

  سانجى وبلىسى لاستانۋدى تىزگىندەۋدى ءتۇيىن ەتىپ، اۋىل - قىستاق قورشاعان ورتاسىن جاپپاي جونگە سالۋدى كۇشەيتىپ، 14 اۋىل - قالاشىقتان، 97 اكىمشىلىك قىستاقتان قوقسىق جيۋ ورنىن سالىپ، تاسۋ جابدىعىن الىپ، تۇرمىستىق قوقسىقتاردى ۇتىمدى ءبىر جايلى ەتتى. اۋىل - قىستاقتا لاس سۋدى تىزگىندەۋ قيىنعا سوعۋ ماسەلەسىنە قاراتا، اۋداندار، قالالار، اۋىل - قالاشىقتار مۇقيات اقىلداسىپ جوبا جاساپ، قايتا - قايتا تەكسەرىپ سىپاتتاپ، بيولوگيالىق جولمەن ءبىر جايلى ەتۋ تاسىلىنەن بەلسەنە پايدالانىپ، كەڭ كولەمدە، شوعىرلى ءبىر جايلى ەتۋ تاسىلىندە ورىن تەپكەن وزىندىك قۇن جوعارى، قيىنشىلىق اۋىر، ونىمدىلىك ناشار بولۋ سياقتى ماسەلەلەردەن قۇتىلىپ، اۋىل - قىستاق ورتاسىن اناعۇرلىم جاقسارتتى.

  قىستاق تۇرعىندارى اۋقاتتانىپ، شارۋالار شاعىن اۋلاسى بايلىققا تولدى

  تاۋ جاستانىپ سۋ جاعالاي ورنالاسقان، عاسىرلىق تاريحى بار موري قازاق اۆتونوميالى اۋدانى يگەنبۇلاق اۋىلى يۋەلياڭدي قىستاعىنىڭ تۇرعىندار تۇراعىندا بايىرعى ەرەكشەلىكتەر ساقتالعان.

  يۋەلياڭدي قىستاعى چيڭ پاتشالىعىنىڭ سوڭعى مەزگىلىندە قۇرىلعان، تۇرعىندار تۇراعى، ۇلتتىق سالت - سانا، قولونەر بۇيىمدارى، تابيعات كورىنىسى مادەنيەتى ءبىر تۇلعالانعان جۇڭگوداعى ءداستۇرلى قىستاق، قىستاقتا 100 جىلدىڭ الدىندا سالىنعان اعاش ۇيلەر بار، ءداستۇرلى ۇلتتىق ەرەكشەلىك وزگەرمەي ساقتالعان.

  كورىكتى اۋىل - قىستاق قۇرۋ بارىسىندا، يۋەلياڭدي قىستاعى ءداستۇرلى قىستاق بەينەسىن ساقتاۋ، پايدالانۋ قىزمەتىن ارقاۋ ەتىپ، توزىعى جەتكەن ۇيلەردى جاڭالاپ قالپىنا كەلتىردى. يۋەلياڭدي قىستاعىندا تۋىپ وسكەن قىستاق تۇرعىنى لي شيۋلان 1914 - جىلى سالىنعان كونە ءۇيىن «يۋەلياڭديدىقتار وتباسى» شارۋالار شاتتىعى دەپ وزگەرتىپ، كونە ءۇيدىڭ تەگىندەگى بەينەسىن قاز - قالپىندا وزگەرتپەي ساقتادى: سارى توپىراق تام، اۋلا اعاش راشەتكامەن قورشالعان، ءۇيدىڭ ىشىنە قۇبىر سۋ ورناتىلعان، دارەتحاناسى، مونشاسى ءبارى ىشىندە ولشەمدى بولمە بويىنشا ورنالاستىرىلعان. لي شيۋلان: قازىر قىستاق بويىنشا 34 اسحانا، جاتاقحانا بار، ءاربىر وتباسىنىڭ جىلدىق ورتاشا كىرىسى 60 مىڭ يۋان، - دەدى.

  سانجى حۇيزۋ اۆتونوميالى وبلىسى جوبالاۋدى الدىڭعى ورىنعا قويۋدا تاباندى بولىپ، شوقتىق جوبا جاساۋدى كۇشەيتىپ، كورىكتى اۋىل - قىستاق قۇرىلىسىن عىلمي جوبالادى. جوبانى جەتەكشى ەتۋدىڭ ارقاسىندا، وبلىستاعى اۋىل - قىستاقتاردىڭ جول قۇرىلىسىن، تۇرعىن ۇيلەردى وزگەرتىپ سالۋ قۇرىلىسىن، سۋمەن قامداۋ، سۋ ىعىستىرۋ سياقتى قۇرىلعى قۇرىلىستارىن جۇيەلى ىلگەرىلەتتى، اۋىل - قىستاقتارعا 2115 كيلومەتر تاس جول جاتقىزىپ، بەيقۇت ءۇي سالىپ، حالىقتى اۋقاتتاندىرۋ ينجەنەرياسى بويىنشا 6069 ءۇي، مالشىلاردى وتىرىقتاندىرىپ، مال شارۋاشىلىعىن كوركەيتۋ ينجەنەرياسى بويىنشا 774 ءۇي سالدى؛ 5 قىستاقتا اۋىز سۋ حاۋىپسىزدىگى ينجەنەرياسىن اتقارىپ، 158 قىستاقتاعى 87 مىڭ 800 حالىققا يگىلىك جەتكىزدى...

  نەگىزدىك قۇرىلعىلاردىڭ كەمەلدەنۋى سانجى حۇيزۋ اۆتونوميالى وبلىسىنىڭ اۋىل - قىستاق ءوندىرىسىن جانە بايلىقتى اشۋىن جەبەپ، ەگىنشى - مالشىلاردىڭ اۋقاتتانۋ ارناسىن كەڭەيتتى. ديقاندار ءداستۇرلى ەگىمشىلىكتەن، باعىمشىلىقتان كوپ ءتۇرلى جولمەن كىرىستەرىن ارتتىرۋعا قاراي ويىستى. بىلتىر سانجى حۇيزۋ اۆتونوميالى وبلىسى بويىنشا اۋىل - قىستاق تۇرعىندارىنىڭ ورتاشا جان باسىندىق قولداعى تابىسى 17 مىڭ 240 يۋانعا جەتىپ، 800 يۋان ارتتى.

  قىستاقتا تاماشا سالت ورناپ، كوركەم تابيعات پەن ادام قۇپ جاراستى

  سانجى حۇيزۋ اۆتونوميالى وبلىسى كورىكتى اۋىل - قىستاق قۇرىلىسىندا اۋىل سالتى وركەنيەتىن اۋىل - قىستاققا، شارۋالارعا شىنايى ءسىڭىرىپ، اۋىل - قىستاقتاردىڭ باۋراۋ قۋاتىن ءتىپتى دە اسىردى.

  سانجى حۇيزۋ اۆتونوميالى وبلىسى سوتسياليستىك وزەكتى قۇن كوزقاراسىنىڭ ءمانىن ارقاۋ ەتە وتىرىپ، كورىكتى اۋىل - قىستاق قۇرۋ بارىسىندا، حالىقتىڭ، قىستاقتىڭ ەرەكشەلىگىنە ۇيلەسەتىن تاماشا سالت ورناتتى. اۋىل - قىستاق جوباسى جاقسى، قىستاق بەت - بەينەسى جاقسى، تاس جول قۇرىلىسى جاقسى، ورمان وتىرعىزىپ، جاسىلداندىرۋى جاقسى، ورتا تازالىعى جاقسى، كىرىس ارتتىرىپ، جۇمىستانۋى جاقسى، ۇلتتار ىنتىماعى جاقسى، تارتىپكە، زاڭعا بويسۇنۋى جاقسى ءبىر توپ قىستاقتى باعالاپ، ءار ۇلت حالقىنا جايلى، ىرىستى مەكەن ازىرلەدى.

  ناشار ادەتتەردى تاستاپ، وركەنيەتتى دارىپتەۋدىڭ ارقاسىندا، اۋىل سالتى وركەنيەتى سانجى حۇيزۋ اۆتونوميالى وبلىسىنىڭ اۋىل - قىستاقتارىندا قۇلپىرا شەشەك اتتى. «قازىر جاقسى بولدى، توي - تومالاق، ءنازىر - شىراقتاردىڭ ءبارىن قىستاقتىڭ القالار كەڭەسى باسقارادى، قانداي تەمەكى تارتۋ، قانداي اراق ءىشۋ دەگەننىڭ بارىنە بەلگىلەمە ورناپ، ءبىزدىڭ جۇگىمىز جەڭىلدەدى، تۋىس - تۋعان، كورشى - قولاڭداردىڭ دا اقشاسى ۇنەمدەلەتىن بولدى»، - دەدى موري اۋدانى بوستان اۋىلى بوستان قىستاعىنىڭ تۇرعىنى نازىم.

  قىستاقتىڭ بەت - بەينەسى جاڭارىپ، نەگىزدىك قۇرىلعىلارى كەمەلدەنىپ، اۋىل - قىستاق بۇقارالىق مادەنيەت قيمىلدارى قايتادان جانداندى. سانجى قالاسى ارليۋگۇڭ قالاشىعى شياليۋگۇڭ چۋانچاڭحۋار جاڭا قىستاعىندا اپتاسىنا ءبىر رەت كونسەرت وتكىزىلەدى، تۇرعىندار ۇيىنە جاقىن ماڭدا تارتىمدى ءان - ءبي نومىرلەرىن تاماشالاپ، قىزىقتاي الاتىن بولدى.

  «ءبىز الدىڭعى 2 جىلدا اتقارعان <كورىكتى اۋىل - قىستاق قيمىلى جوباسىنىڭ> نەگىزىندە، ورتالىقتىڭ اۋىل - قىستاقتاردى كوركەيتۋ ستراتەگياسىنىڭ جانە <كاسىپ سالاسى كوركەيگەن، ەكولوگياسى قونىستانۋعا جايلى، اۋىل سالتى وركەنيەتتى، جونگە سالىنۋى ءونىمدى، تۇرمىسى اۋقاتتى بولۋ> تالابىمەن ۇشتاستىرىپ، كورىكتى اۋىل - قىستاق قۇرىلىسىنىڭ ولشەمىن قايتادان بەلگىلەپ، كورىكتى اۋىل - قىستاق قۇرىلىسىنىڭ <دارەجەسى جوعارىلاتىلعان> ۇلگىسىن اتقاردى»، - دەدى سانجى حۇيزۋ اۆتونوميالى وبلىسى «كورىكتى اۋىل - قىستاق» قۇرىلىسى كەڭسەسىنىڭ جاۋاپتىسى لي بيڭجيان، ونىڭ ايتۋىنشا، سانجى حۇيزۋ اۆتونوميالى وبلىسى قازىر ءارقايسى اۋدان، قالادان 3 − 5 قىستاقتى تاڭداپ، ولاردى اۋىل - قىستاقتاردى كوركەيتۋ ستراتەگياسىنان ۇلگى كورسەتەتىن قىستاق ەتىپ بەلگىلەپ، 2020 - جىلعا دەيىن اۋىل - قىستاقتاردى كوركەيتۋدىڭ تيپتىك ۇلگىلەرىن جەتىلدىرىپ، كوشىرىپ قولدانۋعا، جالپىلاستىرۋعا جارايتىن تاجىريبە ۇلگىلەرىن قالىپتاستىرىپ، وبلىس كولەمىندە جالپىلاستىرۋدى جوسپارعا العان. 

قاينارى: شينجياڭ گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ