<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ورتالىقتىڭ ءۇنى

شي جينپيڭ كەدەيلىكتەن دالمە - ءدال قۇتىلدىرۋدان قامال الۋ شايقاسىن ويداعىداي جۇرگىزۋ جونىندەگى اڭگىمە ماجىلىستە

ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 12 - اقپان تۇستەن كەيىن چىڭدۋ قالاسىندا كەدەيلىكتەن دالمە - ءدال قۇتىلدىرۋدان قامال الۋ شايقاسىن ويداعىداي جۇرگىزۋ جونىندەگى اڭگىمە ءماجىلىستى باسقارىپ اشتى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

شينحۋا اگەنتتىگىنىڭ 14 - اقپاندا چىڭدۋدان بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 12 - اقپاندا سىچۋاننىڭ چىڭدۋ قالاسىندا كەدەيلىكتەن دالمە - ءدال قۇتىلدىرۋدان قامال الۋ شايقاسىن ويداعىداي جۇرگىزۋ جونىندەگى اڭگىمە ءماجىلىستى باسقارىپ اشىپ، كەدەيلىكتەن قۇتىلدىرۋدان قامال الۋ اياق الىسىنىڭ جاعدايى جونىندەگى مالىمەتتى تىڭداپ، الداعى 3 جىلداعى كەدەيلىكتەن قۇتىلدىرۋدان قامال الۋ شايقاسىن ويداعىداي جۇرگىزۋدىڭ شارالارىن شوعىرلى تۇردە اقىلداستى. شي جينپيڭ كەدەيلىكتەن قۇتىلدىرۋدان قامال الۋدىڭ ءبىرىنشى شەبىندە شايقاس جۇرگىزىپ جاتقان قالىڭ كادرلاردىڭ جانە كەدەي وڭىرلەردەگى ءار ۇلت بۇقاراسىنىڭ كوكتەم مەرەكەلەرىنە قۇتتى بولسىن ايتتى.

  شي جينپيڭ مىنالاردى باسا دارىپتەدى: كەدەيلىكتەن قۇتىلدىرۋدان قامال الۋ شايقاسىن ويداعىداي جۇرگىزۋ − پارتيا 19 - قۇرىلتايى ورتاعا قويعان 3 ۇلكەن قامال الۋ شايقاسىنىڭ ءبىرى، ول جاپپاي دوڭگەلەك داۋلەتتى قوعامدى ۋاعىندا ورناتۋدا، پارتيامىزدىڭ ءبىرىنشى 100 جىلدىق كۇرەس نىساناسىن جۇزەگە اسىرۋدا ايرىقشا ماڭىزدى مانگە يە. كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە جەتۋدىڭ ماشاقاتتىلىعىن جەتە تانۋ، امالياتتا ورىن تەپكەن كورنەكتى ماسەلەلەردى يگەرۋدىڭ جانە وسى ماسەلەلەردى شەشۋدىڭ كوكەي تەستىلىگىن جەتە تانىپ، بوساڭسىماي، كىدىرمەي، كەرەناۋلىققا سالىنباي، كەدەيلىكتەن قۇتىلدىرۋ ساپاسىن جوعارىلاتىپ، نازاردى اۋىر كەدەي وڭىرلەرگە شوعىرلاندىرىپ، كەدەيلىكتەن قۇتىلدىرۋدان قامال الۋ شايقاسىن تىڭعىلىقتى تۇردە العا ىلگەرىلەتۋ كەرەك.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى ۋاڭ ياڭ اڭگىمە ماجىلىسكە قاتىناستى.

  شي جينپيڭ سىچۋاندا قىزمەت تەكسەرگەن كەزدە وسى اڭگىمە ءماجىلىستى اشتى.

  اڭگىمە ماجىلىسكە سىچۋان ولكەلىك پارتكومنىڭ شۋجيى ۋاڭ دۇڭميڭ، گۋاڭشي جۋاڭزۋ اۆتونوميالى رايوندىق پارتكومنىڭ شۋجيى پىڭ چيڭحۋا، گۇيجوۋ ولكەلىك پارتكومنىڭ شۋجيى سۇن جىگاڭ، يۇننان ولكەلىك پارتكومنىڭ شۋجيى چىن حاۋ، شيزاڭ اۆتونوميالى رايوندىق پارتكومنىڭ شۋجيى ۋ يىڭجيە، گانسۋ ولكەلىك پارتكومنىڭ شۋجيى لين دو، چيڭحاي ولكەلىك پارتكومنىڭ شۋجيى ۋاڭ گوشىڭ، نيڭشيا حۇيزۋ اۆتونوميالى رايوندىق پارتكومنىڭ شۋجيى شى تايفىڭ، شينجياڭ ۇيعۇر اۆتونوميالى رايوندىق پارتكومنىڭ شۋجيى چىن چۋانگو قاتىناستى ءارى جازباشا ءسوز ۇسىندى؛ شيزاڭ چاڭدۋ قالالىق پارتكومنىڭ شۋجيى ابۋ، شينجياڭ قاشقار ايماقتىق پارتكومنىڭ شۋجيى لي نيڭپيڭ، يۇننان جاۋتۇڭ قالاسى جىنشيۇڭ اۋداندىق پارتكومنىڭ شۋجيى جاي يۇيلۇڭ، چيڭحاي حۋاڭنان وبلىسى حىنان اۋداندىق پارتكومنىڭ شۋجيى حان حۋا، گۋاڭشي چۇڭزو قالاسى لۇڭجوۋ اۋدانى جينلۇڭ قالاشىق پارتكومنىڭ شۋجيى لي فىڭ، گۇيجوۋ چياننان وبلىسى فۋچۋان قالاسى شيانچياۋ اۋىلدىق پارتكومنىڭ شۋجيى ياڭ شىجياڭ، سىچۋان گۋاڭيۋان قالاسى ساڭشي اۋدانى باي - ي قالاشىعى شيۋيۇن قىستاعى پارتيا ياچەيكاسىنىڭ شۋجيى لي جۇن، گانسۋ تيانشۇي قالاسى چيڭشۇي اۋدانى تۋمىن قالاشىعى لياڭشان قىستاعى پارتيا ياچەيكاسىنىڭ شۋجيى فىڭ شياۋميڭ، قوعام حاۋىپسىزدىگى مينيسترلىگى كەڭسەسى حاتشىلار باسقارماسىنىڭ مەڭگەرۋشى قىزمەتكەرى، گۇيجوۋ چيانشينان وبلىسى شيڭرىن اۋدانى شينلۇڭچاڭ قالاشىعى مينيۇي قىستاعىنىڭ ءبىرىنشى شۋجيى چىڭ شيانچىن، فۋجيان فۋجوۋ قالاسى مينحوۋ اۋدانىنىڭ ورىنباسار اكىمى، نيڭشيا گۋيۋان قالاسى لۇڭدى اۋداندىق پارتكومنىڭ تۇراقتى مۇشەسى، اۋداننىڭ ورىنباسار اكىمى فان شۋەشۋاڭ لەبىز ءبىلدىردى. ولار كەدەيلىكتەن قۇتىلدىرۋدان قامال الۋ جاعدايىن تۇرلىشە تۇرعىدان جانە تۇرلىشە دەڭگەيدەن تانىستىرىپ، قىزمەت اسەرلەرىمەن ءبولىسىپ، كەدەيلىكتەن قۇتىلدىرۋدان قامال الۋ شايقاسىن ويداعىداي جۇرگىزۋ جونىندە پىكىر جانە ۇسىنىس ورتاعا قويدى. شي جينپيڭ قاتىستى ماسەلەلەردى اۋىق - اۋىق ولارمەن تالقىلاپ وتىردى.

  كوپشىلىكتىڭ لەبىزىن تىڭداعاننان كەيىن، شي جينپيڭ ماڭىزدى ءسوز سويلەدى. ول مىنالاردى اتاپ كورسەتتى: پارتيا 18 - قۇرىلتايىنان بەرى، پارتيا ورتالىق كوميتەتى جاپپاي دوڭگەلەك داۋلەتتى قوعام ورناتۋ تالابىن شىعار ءتۇيىن ەتىپ، كەدەيلەردى سۇيەمەلدەۋ، وركەندەتۋ قىزمەتىن «بەستى ءبىر تۇلعالاندىرۋ» جالپىلىق ورنالاستىرۋىنا، «ءتورتتى جاپپاي ورىنداۋ» ستراتەگيالىق ورنالاستىرۋىنا قامتىپ، ءبىرىنشى 100 جىلدىق كۇرەس نىساناسىن جۇزەگە اسىرۋدىڭ ءتۇيىندى مىندەتى ەتىپ، ءبىر قاتار ماڭىزدى ورنالاستىرۋلار جاساپ، كەدەيلىكتەن قۇتىلدىرۋدان قامال الۋ شايقاسىن جالپى بەتتىك ورىستەتتى. كەدەيلىكتەن قۇتىلدىرۋدان قامال الۋ سەرپىنىنىڭ كۇشتىلىگى، كولەمىنىڭ كەڭدىگى، ىقپالىنىڭ تەرەڭدىگى بۇرىن بولماعان دەڭگەيگە جەتىپ، شەشۋشى ىلگەرىلەۋشىلىككە قول جەتكىزدى.

  شي جينپيڭ مىنالاردى باسا دارىپتەدى: ءبىز پارتيانىڭ كەدەيلىكتەن قۇتىلدىرۋدان قامال الۋ قىزمەتىنە جاپپاي باسشىلىعىن كۇشەيتىپ، اركىم ءوز جاۋاپكەرشىلىگىن ارقالايتىن، اركىم ءوز مىندەتىن اتقاراتىن جاۋاپكەرلىك جۇيەسىن، كەدەيلەردى دالمە - ءدال پارىقتايتىن، كەدەيلىكتەن دالمە - ءدال قۇتىلدىراتىن قىزمەت جۇيەسىن، جوعارى مەن تومەن بىرلەسە قيمىلدايتىن، ءبىر تۇتاس سايكەسەتىن ساياسات جۇيەسىن، قارجىنى قامتاماسىز ەتىپ، ادام كۇشىن نىعايتاتىن ۇسىنىلىم جۇيەسىن، جەرگىلىكتى ىڭعايعا قاراي ءىس قىلاتىن، قىستاققا، وتباسىنا، ادامعا قاراي ءادىس - شارا قولداناتىن كومەكتەسۋ - سۇيەمەلدەۋ جۇيەسىن، كەڭىنەن ات سالىساتىن، كۇش بىرىكتىرىپ قامال الاتىن قوعامدىق جۇمىلدىرۋ جۇيەسىن، كوپ ارنالى، جان - جاقتى باقىلاۋ جۇيەسىن جانە ەڭ قاتاڭ باعالاۋ - سارالاۋ جۇيەسىن ورناتىپ، كەدەيلىكتەن قۇتىلدىرۋدان قامال الۋدىڭ جۇڭگوشا ەرەكشەلىككە يە ءتۇزىم جۇيەسىن قالىپتاستىرىپ، كەدەيلىكتەن قۇتىلدىرۋدان قامال الۋعا پارمەندى تۇزىمدىك كەپىل ازىرلەپ، دۇنيە جۇزىندەگى كەدەيلىكتى ازايتۋ ءىسى ءۇشىن جۇڭگو پاراساتىن، جۇڭگو جوباسىن ۇسىنۋىمىز كەرەك.

  شي جينپيڭ مىنالاردى اتاپ كورسەتتى: كەدەيلىكتەن قۇتىلدىرۋدان قامال الۋدىڭ ۇلى امالياتىندا ءبىز كوپتەگەن باعالى تاجىريبە جينادىق. ءبىرىنشى، پارتيانىڭ باسشىلىعىنا تاباندى بولىپ، ۇيىمدىق كەپىلدى كۇشەيتىپ، كەدەيلىكتەن قۇتىلدىرۋدان قامال الۋعا ءبىرىنشى باسشى جاۋاپتى بولۋ ءتۇزىمىن تياناقتاندىردىق، ولكە، قالا، اۋدان، اۋىل، قىستاق 5 دارەجەلى شۋجيلەر بىرگە يگەرىپ، كەدەيلىكتەن قۇتىلدىرۋدان قامال الۋعا پارمەندى ساياسي كەپىل ازىرلەدى. ەكىنشى، دالمە - ءدال بولۋ جالپى جوباسىنا، كەدەيلىكتەن قۇتىلدىرۋدىڭ ناقتى ونىمدىلىگىن جوعارىلاتۋعا تاباندى بولىپ، كىمدى سۇيەمەلدەۋ، كىم سۇيەمەلدەۋ، قالاي سۇيەمەلدەۋ، كەدەيلىك تىزىمىنەن قالاي شىعارۋ ماسەلەسىن ويداعىداي شەشىپ، كەدەيلەردى دالمە - ءدال، تۇبەگەيلى سۇيەمەلدەدىك. ءۇشىنشى، ۇسىنىلىمدى ارتتىرۋعا، قارجىلىق قولداۋدى كۇشەيتۋگە تاباندى بولىپ، ۇكىمەتتىڭ ۇسىنىلىمداعى نەگىزگى تۇلعالىق جانە جەتەكشىلىك رولىن ساۋلەلەندىرىپ، قوعامدىق كاپيتالداردى كەدەيلىكتەن قۇتىلدىرۋدان قامال الۋعا كەڭىنەن ات سالىسۋعا تارتتىق. ءتورتىنشى، قوعامدىق جۇمىلدىرۋعا تاباندى بولىپ، ءار جاقتىڭ كۇشىن شوعىرلاندىرىپ، ۇكىمەت پەن قوعام سىندى 2 جاقتى كۇشتىڭ رولىن تولىق ساۋلەلەندىرىپ، بۇكىل قوعام كەدەيلىكتەن قۇتىلدىرۋدان قامال الۋعا كەڭىنەن ات سالىساتىن اۋقىم قالىپتاستىردىق. بەسىنشى، قاتاڭ تالاپ قويۋعا، شىنايى يگەرىپ، ناقتى ءىس تىندىرۋدى جەبەۋگە تاباندى بولىپ، پارتيانى جاپپاي قاتاڭ جونگە سالۋ تالابىن كەدەيلىكتەن قۇتىلدىرۋدان قامال الۋ قىزمەتىنىڭ جالپى بارىسىنا جانە ءار بۋىنىمەن ساباقتاستىرىپ، كومەكتەسۋ - سۇيەمەلدەۋ قىزمەتىنىڭ تىڭعىلىقتى، كەدەيلىكتەن قۇتىلدىرۋ ناتيجەسىنىڭ شىنايى بولۋىنا كەپىلدىك ەتىپ، كەدەيلىكتەن قۇتىلدىرۋ ناتيجەسىنىڭ اماليات پەن تاريحتىڭ سىنىنان وتۋىنە مۇمكىندىك جاسادىق. التىنشى، بۇقارانىڭ نەگىزگى تۇلعالىق ورنىنا، ىشكى قوزعاۋشى كۇشتى قوزداتۋعا تاباندى بولىپ، كەدەي بۇقارانىڭ بەلسەندىلىگىن، ىرىقتىلىعىن، جاسامپازدىعىن تولىق ىسكە قوسىپ، حالىق بۇقاراسىنىڭ ىشكى قوزعاۋشى كۇشىن كەدەيلىكتەن قۇتىلدىرۋدان قامال الۋعا تىرەك ەتتىك. بۇل تاجىريبەلەر وتە قۇندى، بۇل تاجىريبەلەرگە ۇزاق ۋاقىت تاباندى بولۋ جانە ونى ۇزدىكسىز كەمەلدەندىرۋ جانە دامىتۋ كەرەك.

  شي جينپيڭ مىنالاردى باسا دارىپتەدى: كەدەيلىكتەن قۇتىلدىرۋدان قامال الۋدا ءدوپ كەلگەن قيىنشىلىقتار مەن سىن - سايىستار ءالى دە وراسان زور، شەشۋگە ءتيىستى كورنەكتى ماسەلەلەر دە از ەمەس. بۇدان كەيىنگى 3 جىلدا 30 ميلليوننان استام ادامدى كەدەيلىكتەن قۇتىلدىرۋىمىز كەرەك، قىسىم از ەمەس، قيىندىعى دا وڭايعا سوقپايدى، ونىڭ ۇستىنە سوڭىنا تاياعان سايىن كۇرمەۋلى تۇيىندەردىڭ قيىندىعى تىپتەن ارتا تۇسەدى. كەدەيلىكتەن قۇتىلدىرۋدان قامال الۋ قىزمەتىندە فورماشىلدىق، تورەشىلدىك، جالعان جاساپ، وتىرىك ايتۋ، دەگبىرسىزدىك پەن شايقاستان جەرىنۋ پيعىلى، سونداي - اق كەرەناۋلىق، ءىرىپ - ءشىرۋ قۇبىلىستارى ءالى دە ورىن تەۋىپ وتىر، كەيبىرى ءتىپتى وتە اۋىر. 100 شاقىرىم جولدىڭ 90 شاقىرىمىن باسساڭ ارەڭ جارتىسىنا كەلگەنىڭ دەگەن ءسوز بار. ءسوز جوق، كۇش ۇستىنە كۇش قوسىپ، تىنباي شايقاس جۇرگىزۋ ستيلىن ساۋلەلەندىرىپ، ءتۇرلى قيىنشىلىقتار مەن سىن - سايىستارعا توتەپ بەرۋدىڭ جانە ونى جەڭىپ شىعۋدىڭ دايىندىعىن جاقسى ىستەۋ كەرەك.

  شي جينپيڭ مىنالاردى اتاپ كورسەتتى: كەدەيلىكتەن قۇتىلدىرۋدان قامال الۋ شايقاسىن جاپپاي، ويداعىداي جۇرگىزۋدە، ورتالىقتىڭ ءبىر تۇتاس ورنالاستىرۋى بويىنشا، كەدەيلىكتەن قۇتىلدىرۋ ساپاسىن جوعارىلاتۋدى ماڭداي الدى ورىنعا قويىپ، نازاردى اۋىر كەدەي وڭىرلەرگە شوعىرلاندىرىپ، ءتۇرلى قىزمەتتەردى تىڭعىلىقتى ىلگەرىلەتۋ كەرەك. بۇل جونىندە تومەندەگىدەي 8 ءتۇرلى تالاپتى ورتاعا قويدى.

  ءبىرىنشى، ۇيىمدىق باسشىلىقتى كۇشەيتۋ. ءار دارەجەلى پارتيا، ۇكىمەت كادرلارى، اسىرەسە، ءبىرىنشى باسشىلاردىڭ وزدەرى، ءسوز جوق، وسكەلەڭ تاريحي بورىشتىلىق سەزىممەن كەدەيلىكتەن قۇتىلدىرۋدان قامال الۋ جۇمىسىن مىقتى ۇستاۋى كەرەك. كەدەي اۋدانداردىڭ پارتكومدارى مەن ۇكىمەتتەرى كەدەيلىكتەن قۇتىلدىرۋدان قامال الۋدا سۋبيەكتيۆ جاۋاپكەرشىلىك ارقالايدى، ءبىرىنشى باسشى ءبىرىنشى جاۋاپتى ادام سانالادى، ولار باستى زەيىن - زەردە، كۇش - قايراتتارىن كەدەيلىكتەن قۇتىلدىرۋدان قامال الۋعا ارناۋى كەرەك. ورتالىقتىڭ قاتىستى تاراۋلارى كەدەيلىكتەن قۇتىلدىرۋدان قامال الۋ شايقاسىنىڭ ارەكەت جوسپارىن اقىلداسىپ، جاساپ، قامال الۋ شايقاسىنىڭ 3 جىلدىق ۋاقىت كەستەسى مەن جول كارتاسىن ايقىنداپ، كەدەيلىكتەن قۇتىلدىرۋدان قامال الۋعا جەتەكشى باعىت ازىرلەۋى كەرەك.

  ەكىنشى، نىسانا ولشەمىنە تاباندى بولۋ. 2020 - جىلى قازىرگى ولشەم بويىنشا اۋىل - قىستاقتارداعى كەدەيلەردى تۇگەلدەي كەدەيلىكتەن قۇتىلدىرۋعا كەپىلدىك ەتىپ، مۇلدە كەدەيلىكتى جويۋ؛ كەدەي اۋدانداردىڭ تۇگەلدەي كەدەيلىك قالپاعىن الىپ تاستاۋىنا كەپىلدىك ەتىپ، ءوڭىر بويىنشا تۇتاس كەدەيلىك ماسەلەسىن شەشۋ كەرەك. كەدەيلەردىڭ «ەكىدەن تارىقپاۋىن، ۇشتە قامتاماسىز ەتىلۋىن» ورنىقتى تۇردە جۇزەگە اسىرۋ، كەدەي وڭىرلەردەگى نەگىزگى الەۋمەتتىك قىزمەت كورسەتۋ سالاسىنداعى باستى كورسەتكىشتەردى مەملەكەتتىڭ ورتاشا دەڭگەيىنە جەتكىزۋ كەرەك. ولشەمنەن تومەندەتۋگە، ساپاسىنا ءتاسىر جەتكىزۋگە، سونداي - اق ولشەمدى جوعارىلاتۋعا، قۇر دامەلەندىرۋگە بولمايدى.

  ءۇشىنشى، ءتۇزىلىس - مەحانيزمدەردى كۇشەيتۋ. ورتالىق ءبىر تۇتاس جوسپارلايتىن، ولكە جالپى جاقتان جاۋاپتى بولاتىن، اۋدان، قالالار تياناقتاندىرۋدى يگەرەتىن باسقارۋ ءتۇزىلىسىن جاقسى تياناقتاندىرۋ كەرەك. ورتالىق ءبىر تۇتاس جوسپارلاۋدا، جوعارى دەڭگەيدە جوبالاۋدى جاقسى ىستەپ، ساياسات، قارجى سياقتى جاقتاردان جەرگىلىكتى ورىندارعا شارت - جاعداي جاساپ، كەدەيلىكتەن قۇتىلدىرۋ ناتيجەسىن باقىلاۋ - باسقارۋدى كۇشەيتۋ كەرەك. ولكە جالپى جاقتان جاۋاپتى بولۋدا، جوعارى مەن تومەندى ۇلاستىرۋعا كەپىلدىك ەتىپ، پارتيا ورتالىق كوميتەتىنىڭ ۇلكەن ساياسات - باعىتتارىن اتقارۋ جوبالارىنا اينالدىرىپ، قىزمەتتەردىڭ تياناقتانۋىن جەبەۋ كەرەك. اۋدان، قالالار تياناقتاندىرۋدى يگەرۋدە، جەرگىلىكتى ورىننىڭ ناقتى جاعدايىن شىعار ءتۇيىن ەتىپ، كەدەيلىكتەن قۇتىلدىرۋدان قامال الۋ ساياسات - شارالارىنىڭ ءونىمدى تياناقتانۋىن ىلگەرىلەتۋ كەرەك. باعالاۋ - سارالاۋ مەحانيزمىن جاقسارتىپ، ونى كەدەيلىكتەن قۇتىلدىرۋدان قامال الۋ اياق الىسىنىڭ جاعدايى بويىنشا ۇزدىكسىز كەمەلدەندىرۋ كەرەك.

  ءتورتىنشى، دالمە - ءدال بولۋدى مىقتى يگەرۋ. ارحيۆ تۇرعىزىپ، كارتچكا بەرۋدى ۇزدىكسىز كەمەلدەندىرىپ، دالمە - ءدال شارا قولدانۋدى ىشكەرىلەي ىلگەرىلەتىپ، كاسىپ سالاسى بويىنشا كەدەيلەردى سۇيەمەلدەۋ، وزگە جەرگە كوشىرىپ كەدەيلەردى سۇيەمەلدەۋ، جۇمىسقا ورنالاستىرۋ ارقىلى كەدەيلەردى سۇيەمەلدەۋ، قاتەرلى ۇيلەردى جاڭالاۋ، وقۋ - اعارتۋ ارقىلى كەدەيلەردى سۇيەمەلدەۋ، سالاماتتىلىق جاعىنان كەدەيلەردى سۇيەمەلدەۋ، ەكولوگيالىق جاقتان كەدەيلەردى سۇيەمەلدەۋ سياقتى ءتۇيىندى قىزمەتتەردى تىڭعىلىقتى، ويداعىداي ىستەۋ كەرەك.

  بەسىنشى، قارجىنى باسقارۋدى كەمەلدەندىرۋ. باقىلاۋ - باسقارۋدى كۇشەيتىپ، كەدەيلەردى اشىق - جاريا سۇيەمەلدەۋگە، كىرشىكسىز بولا وتىرىپ كەدەيلەردى سۇيەمەلدەۋگە كەپىلدىك ەتۋ كەرەك. ۇسىنىلىمدى ارتتىرىپ، كەدەيلەردى سۇيەمەلدەۋ ۇسىنىلىمىنىڭ كەدەيلىكتەن قۇتىلدىرۋدان قامال الۋ نىسانا - مىندەتتەرىمەن ۇيلەسۋىنە كەپىلدىك ەتۋ كەرەك. قارجىلاردى بىرىكتىرۋدى كۇشەيتىپ، قارجىنىڭ يگەرىلمەي قالۋىنان جانە قۇردىمعا كەتۋىنەن، ىسىراپ بولۋىنان ساقتانۋ كەرەك. حابارلاندىرۋ - جاريالاۋ ءتۇزىمىن كەمەلدەندىرىپ، ولكەنىڭ، قالانىڭ، اۋداننىڭ كەدەيلەردى سۇيەمەلدەۋ قارجىلارىنىڭ ءبولىنۋ ناتيجەسىن تۇگەلدەي اشىق جاريالاپ، اۋىل، قىستاق 2 دارەجەلى كەدەيلەردى سۇيەمەلدەۋ نىساندارىنىڭ ورنالاسۋ جانە قارجىلاردىڭ پايدالانىلۋ جاعدايىن تۇگەلدەي حابارلاندىرىپ، اشىق جاريالاپ، بۇقارا مەن قوعامنىڭ باقىلاۋىن قابىلداۋ كەرەك. كەدەيلىكتەن قۇتىلدىرۋ سالاسىنداعى ءىرىپ - ءشىرۋ ماسەلەلەرىنەن بىرەۋى بايقالسا بىرەۋىن قاتاڭ تەكسەرۋ، ءبىر جاقتى ەتۋ، جاۋاپقا تارتۋ، استە ىرقىنا جىبەرمەۋ، كەڭشىلىك جاساماۋ كەرەك.

  التىنشى، ستيل قۇرىلىسىن كۇشەيتۋ. پارتيا ورتالىق كوميتەتى 2018 - جىلدى «كەدەيلىكتەن قۇتىلدىرۋدان قامال الۋدىڭ ستيل قۇرىلىسى جىلى» دەپ ايقىن بەلگىلەدى. ماسەلەنى نىشان ەتۋدەن جازباي، كەدەيلىكتەن قۇتىلدىرۋ سالاسىنداعى «4 تانىمنىڭ» كۇشتى بولماۋى، جاۋاپكەرشىلىكتىڭ ناقتى تياناقتانباۋى، قىزمەت شارالارىنىڭ دالمە - ءدال بولماۋى، قارجىنىڭ باسقارىلۋىنىڭ، پايدالانىلۋىنىڭ ولشەمدى بولماۋى، قىزمەت ستيلىنىڭ تىڭعىلىقتى بولماۋى، باعالاۋ - سارالاۋدىڭ قاتاڭ بولماۋى سياقتى كورنەكتى ماسەلەلەردى كۇشتەردى شوعىرلاندىرا وتىرىپ شەشۋ كەرەك. ءتۇزىم قۇرىلىسىن كۇشەيتىپ، ءتۇزىم تورىن بەرىك توقۋ كەرەك.

  جەتىنشى، كادرلاردى كەزەكپەن تاربيەلەۋگە ۇيىمداستىرۋ. كەدەيلىكتەن قۇتىلدىرۋدان قامال الۋ شايقاسىن ويداعىداي جۇرگىزۋدىڭ تەتىگى − ادامدا، ادامنىڭ كوزقاراسىندا، قابىلەتىندە، ىسكەرلىگىندە. كەدەيلەردى سۇيەمەلدەيتىن ءار دارەجەلى كادرلاردىڭ ۇيرەنۋ كۋرستارىن كورنەكتىلەندىرە وتىرىپ مىقتى ۇستاۋ كەرەك. اۋدان دارەجەلىدەن جوعارى باسشى كادرلار ءۇشىن، ماڭىزدىسى، ولاردىڭ يدەيالىق تانىمدارىن جوعارىلاتۋ، ولاردى دۇرىس ساياسي ناتيجە كوزقاراسىن ورناتۋعا، كەدەيلىكتەن دالمە - ءدال قۇتىلدىرۋدىڭ ءادىسناماسىن يگەرۋگە باستاۋ، ولاردىڭ قامال الۋ ماسەلەلەرىن زەرتتەۋ، قامال الۋدىڭ قيىن ماسەلەلەرىن شەشۋ قابىلەتىن جەتىلدىرۋ كەرەك. نەگىزگى ساتى كادرلارى ءۇشىن، ماڭىزدىسى، ناقتى قابىلەتتەرىن جوعارىلاتۋ، كەدەيلەردى سۇيەمەلدەۋدى بىلەتىن، كومەكتەسە الاتىن، سۇيەمەلدەي الاتىن، ستيلدە قاتاڭ، كەدەيلەردى سۇيەمەلدەۋشى كادرلار قوسىنىن جەتىلدىرۋ كەرەك. ءتۇرلى دارىندىلاردى كەدەيلىكتەن قۇتىلدىرۋدان قامال الۋعا جانە اۋىل - قىستاقتاردى دامىتۋعا تارتۋ كەرەك. نەگىزگى ساتى ءبىرىنشى شەبىندەگى كەدەيلەردى سۇيەمەلدەۋشى كادرلارعا كوڭىل ءبولۋ، قامقورلىق جاساۋ، ولاردى كەدەيلىكتەن قۇتىلدىرۋدان قامال الۋ شايقاسىن ويداعىداي جۇرگىزۋ ءۇشىن قۇلشىنا قىزمەت ەتۋگە ىنتالاندىرۋ كەرەك.

  سەگىزىنشى، ىشكى قوزعاۋشى كۇشتى قوزداتۋعا كوڭىل ءبولۋ. كەدەي بۇقارا − كەدەيلىكتەن قۇتىلدىرۋدان قامال الۋدىڭ وبيەكتىسى، ونان دا ماڭىزدىسى، ولار كەدەيلىكتەن قۇتىلىپ، بايۋ جولىنا ءتۇسۋدىڭ سۋبيەكتىسى. كەدەيلەردى سۇيەمەلدەۋدى مۇرات - جىگەر جاقتان سۇيەمەلدەۋمەن، اقىل - پاراسات جاقتان سۇيەمەلدەۋمەن بىرلەستىرۋدى كۇشەيتىپ، كەدەي بۇقارانىڭ بەلسەندىلىگى مەن ىرىقتىلىعىن ىسكە قوسىپ، ولاردى ءوز قۇلشىنىستارىنا سۇيەنىپ تاعدىرلارىن وزگەرتۋگە ىنتالاندىرۋ جانە باستاۋ كەرەك. كومەكتەسۋ - سۇيەمەلدەۋ ءتاسىلىن جاقسارتىپ، كوپ ىستەگەننىڭ كوپ الۋىن دارىپتەپ، ەڭبەگىمەن باييتىن، كەدەيلىكتەن داڭقپەن قۇتىلاتىن اۋقىم قالىپتاستىرۋ كەرەك.

  شي جينپيڭ مىنالاردى باسا دارىپتەدى: كەدەيلىكتەن قۇتىلدىرۋدان قامال ال شايقاسىنىڭ جەڭىسىنە جەتۋدە، جۇڭحۋا ۇلتىندا مىڭداعان جىلداردان بەرى ورىن تەۋىپ كەلە جاتقان مۇلدە كەدەيلىك ماسەلەسى ءبىزدىڭ ءداۋىر ۇرپاقتارىنىڭ قولىندا تاريحي شەشىمىن تابادى. بۇل ءبىزدىڭ ومىردەگى ۇلكەن باعىمىز. ءبىز بىرگە قۇلشىنىپ، جۇڭحۋا ۇلتى ءۇشىن، جالپى ادامزات ءۇشىن ايرىقشا مانگە يە وسى ۇلى ءىستى ورىندايىق! بۇكىل پارتيا، بۇكىل ەلدەگى ءار ۇلت حالقى ءبىر نيەتپەن كۇش قوسىپ، تاباندىلىقپەن كۇرەس جۇرگىزسەك، كەدەيلىكتەن قۇتىلدىرۋدان قامال الۋ شايقاسىن، ءسوز جوق، ويداعىداي جۇرگىزە الامىز جانە ونىڭ جەڭىسىنە جەتە الامىز.

  ديڭ شۋەشياڭ، ليۋ حى ماجىلىسكە قاتىناستى. ورتالىقتىڭ جانە مەملەكەتتىڭ قاتىستى تاراۋلارىنىڭ جاۋاپتىلارى، قاتىستى ولكە، رايونداردىڭ جاۋاپتىلارى جانە كەدەيلەردى سۇيەمەلدەۋ قىزمەتىنىڭ جاۋاپتىلارى، قاتىستى قالا، وبلىستاردىڭ جاۋاپتىلارى ماجىلىسكە قاتىناستى.

  كەلۋ قاينارى: شينجياڭ گازەتىنەن

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ