<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ورتالىقتىڭ ءۇنى

2018 - جىلعى كوكتەم مەرەكەسى بايلانىسىمەن توپتىق شاعانشىلاۋ جينالىسىندا سويلەنگەن ءسوز

(2018 - جىلى 14 - اقپان)

شي جينپيڭ

جولداستار، دوستار:

  «كۇن جىلىنىپ، جىل باسى كوكتەم كەلدى». ەرتە كوكتەم كىرىپ، كوكتەم مەرەكەسى دە كەلدى. جۇڭحۋا ۇلتىنىڭ ەڭ ماڭىزدى ءداستۇرلى مەرەكەسى − كوكتەم مەرەكەسى كەلۋ ورايىندا، ءبىر اراعا باس قوسىپ، كونە جىلدى ۇزاتىپ، جاڭا جىلدى قارسى الىپ، ەرەكشە قۋانىشقا بولەندىك.

  ەڭ اۋەلى، مەن پارتيا ورتالىق كوميتەتى، مەملەكەتتىك كەڭەس اتىنان كوپشىلىككە مەرەكەلىك ىزگى تىلەك بىلدىرەمىن! بۇكىل ەلدەگى ءار ۇلت حالقىنىڭ، شياڭگاڭ ەرەكشە اكىمشىلىك رايونىنداعى باۋىرلاستاردىڭ، اۋمىن ەرەكشە اكىمشىلىك رايونىنداعى باۋىرلاستاردىڭ، تايۋاندىق باۋىرلاستار مەن شەتەلدەگى مۇھاجىر باۋىرلاستاردىڭ جاڭا جىلىن قۇتتىقتايمىن! كوپشىلىكتىڭ جاڭا جىلى قۇتتى بولسىن!

  ۋاقىت − ەڭ وبيەكتيۆ كۋاگەر. وتكەن ءبىر جىلدا بۇكىل پارتيا، بۇكىل ارميا، بۇكىل ەلدەگى ءار ۇلت حالقى ءبىر نيەتپەن ىنتىماقتاسىپ، قاجىرلىلىقپەن العا ىلگەرىلەپ، جۇڭگوشا سوتسياليزم ىستەرىنىڭ جاڭا دا ماڭىزدى جەتىستىكتەرگە قول جەتكىزۋىن جەبەدى. ەلىمىز ەكونوميكاسىنىڭ دامۋى اعالاپ العا شىعىپ، رەفورمانى تەرەڭدەتۋ كوپ تۇيىندە ناتيجەگە قول جەتكىزىپ، مەملەكەتتى زاڭمەن جونگە سالۋ ىشكەرىلەي اتقارىلىپ، حالىقتىڭ تۇرمىسى ۇزدىكسىز جاقسارىپ، كەدەيلىكتەن قۇتىلدىرۋدان قامال الۋ تەبىندى ىلگەرىلەپ، مەملەكەت قورعانىسى جانە ارميا قۇرىلىسىندا جاڭا جاعداي اشىلىپ، جان - جاقتى ديپلوماتيا مول جەتىستىكتەرگە جەتىپ، پارتيانى قاتاڭ جونگە سالۋ جان - جاقتى ىلگەرىلەدى. وتە - موتە، ءبىز پارتيا 19 - قۇرىلتايىن اشىپ، پارتيا 18 - قۇرىلتايىنان بەرى پارتيا مەن مەملەكەت ىستەرىندە قول جەتكىزگەن تابىستار مەن تاجىريبەلەردى جان - جاقتى قورىتىندىلاپ، جاڭا ءداۋىر جۇڭگوشا سوتسياليزمنىڭ دامۋ باعىتىن ايقىن كورسەتىپ، ەلىمىز دامۋىنىڭ وسى عاسىردىڭ ورتا شەنىنە جەتكەندەگى ايبىندى جوباسىن سىزىپ، سوتسياليستىك وسىزاماندانعان مەملەكەتتى جاپپاي قۇرۋدىڭ جاڭا ساپارىن باستادىق.

  بۇل ناتيجەلەر پارتيا مەن حالىقتىڭ ۇزاق ۋاقىتتىق كۇرەسىنىڭ جەتىستىكتەرىمەن بىرگە، سىلدىراپ اققان بۇلاقتاردىڭ قوسىلىپ دارياعا، تەڭىزگە اينالعانىنداي، «جۇڭگو» اتتى الىپ كەمەنىڭ جاڭا سۋ ايدىنىنا كىرۋىن جەبەدى. تاياۋ زاماننان كەيىن تالاي جاپا - ماشاقاتتى باسىنان كەشىرگەن جۇڭحۋا ۇلتى قايىسپاس قايسارلىقپەن كۇرەسۋ بارىسىندا ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى سەكىرىستى قارسى الدى. جۇڭگونىڭ ۇلى دامۋ جەتىستىگىن جۇڭگو حالقى وزدەرىنىڭ قوس قولىمەن جاراتقان، ءار ۇرپاق جۇڭگولىقتار كۇش جالعاپ كۇرەس جاساۋ ارقىلى جاراتقان. ۇلى وتانىمىزدىڭ دامىپ العا باسۋى ءۇشىن، جۇڭحۋا ۇلتىنىڭ دەربەستىگى مەن قۇدىرەتتەنۋى ءۇشىن ۇلەس قوسقان بارلىق ساقا قاھارماندارعا، ساقا ۇلگىلەرگە، ساقا جاۋىنگەرلەرگە، ساقا جولداستارعا، اعا بۋىندارعا ەڭ وسكەلەڭ قۇرمەتىمىزدى بىلدىرەيىك!

  جولداستار، دوستار!

  جۇڭحۋا مادەنيەتىندە ءيت − ادامنىڭ ادال سەرىگى، ادالدىق پەن اماندىقتىڭ سيمۆولى رەتىندە قارالادى، جۇڭگولىقتار ءيتتى التىن قازىناعا، اسىل اقىققا، مول بايلىققا، ادالدىققا بالايدى. التىن اتەش تاڭنان حابار بەرسە، قۇتپان جاڭا كوكتەم اكەلەدى، وتانىمىزدىڭ كەلەشەگى، ءسوزسىز، جىلدان - جىلعا جاقسارادى.

  كوكتەم مەرەكەسى − جاڭا باستاما، ول جاڭا ءۇمىتتى بىلدىرەدى. 2018 - جىل − ج ك پ 19 - قۇرىلتايىنىڭ رۋحىن جان - جاقتى دايەكتىلەندىرۋدىڭ باستاما جىلى، جاپپاي دوڭگەلەك داۋلەتتى قوعام ورناتۋدىڭ جەڭىسىنە جەتەتىن، «13 - بەسجىلدىق» جوبانى اتقارۋدى جالعاستىراتىن ءتۇيىندى جىل ءارى رەفورما جاساپ، ەسىك اشۋدىڭ 40 جىلدىعى. الماعايىپ حالىقارالىق جاعدايدا، جاپالى دا اۋىر رەفورما، دامۋ، ورنىقتىلىق مىندەتى الدىندا، بۇكىل پارتيا، بۇكىل ارميا، بۇكىل ەلدەگى ءار ۇلت حالقى پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، پارتيا 19 - قۇرىلتايىنىڭ رۋحىن جان - جاقتى دايەكتىلەندىرىپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، «4 تانىمدى» كۇشەيتىپ، «4 سەنىمدى» بەكەمدەپ، ورنىقتىلىق بارىسىندا ىلگەرىلەۋدەي قىزمەت نەگىزگى اۋەنىنەن جازباي، شىنايى يگەرەتىن ناقتى كۇشپەن، يگەرۋگە باتىل بولاتىن تەگەۋرىنمەن، يگەرۋگە شەبەر بولاتىن ىسكەرلىكپەن، ۇنەمى يگەرەتىن قايسارلىقپەن، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، بەلگىلەنگەن ارەكەت باعدارلاماسىن، ستراتەگيالىق شەشىمدەردى، قىزمەت ورنالاستىرۋلارىن باسقان جەردە ءىز قالاتىنداي تاباندىلىقپەن رەالدىققا اينالدىرىپ، تۇراقتاندىرىلعان ۇلى نىسانانى جالعاستى بەتكە الىپ ەرلىكپەن العا ىلگەرىلەۋ كەرەك.

  جولداستار، دوستار!

  باس قوسۋدان قۋانىشتى، تورتەۋ تۇگەل بولۋدان باقىتتى، بەرەكە - بىرلىكتەن قۋاتتى ءىس جوق. كوكتەم مەرەكەسى سان مىڭداعان وتباسىلارىنىڭ ادامدارى قارا شاڭىراققا جينالاتىن كەز. جۇڭحۋا ۇلتى ەجەلدەن وتباسىنا ءمان بەرەدى، «دۇنيەنىڭ نەگىزى مەملەكەتتە، مەملەكەتتىڭ نەگىزى وتباسىندا» دەگەندەي، وتباسى بەرەكەلى بولسا، بارلىق ءىس وركەندەيدى. مەملەكەتتىڭ باي، قۇدىرەتتى بولۋى، ۇلتتىڭ گۇلدەنۋى، ەڭ سوڭىندا سان مىڭداعان وتباسىنىڭ تۇگەلدەي باقىتتى، تاتۋ - ءتاتتى بولۋىنان ايگىلەنەدى، سان ميلليونداعان حالىقتىڭ تۇرمىسىنىڭ ۇزدىكسىز جاقسارۋىنان ايگىلەنەدى. سان مىڭداعان وتباسىلارى جاقسى بولسا عانا، مەملەكەت جاقسى بولادى، ۇلت جاقسى بولادى. ءبىز سوتسياليستىك وزەكتى قۇن كوزقاراسىن بەلسەندىلىكپەن جەتىلدىرىپ جانە امالياتتا ايگىلەپ، جۇڭحۋا ۇلتىنىڭ ءداستۇرلى كوركەم ءمورالىن ساۋلەلەندىرىپ، وتباسىن ءسۇيۋ مەن وتاندى ءسۇيۋدى بىرلىككە كەلتىرىپ، جەكەنىڭ ارمانىن، وتباسىنىڭ ارمانىن جۇزەگە اسىرۋدى مەملەكەت ارمانىنا، ۇلت ارمانىنا ءسىڭىرىپ، 400 ميلليوننان استام وتباسىمىزدىڭ، ءبىر ميلليارد 300 ميلليوننان استام حالقىمىزدىڭ اقىل - پاراساتى مەن كۇش - قايراتى ارقىلى جاڭا ءداۋىر جۇڭگوشا سوتسياليزمنىڭ ۇلى جەڭىسىنە قول جەتكىزۋدىڭ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ تاسقىنداعان كۇشىن ۇيىستىرۋىمىز كەرەك.

  جولداستار، دوستار!

  مەن بيىلعى جاڭا جىلدى قۇتتىقتاۋ بايلانىسىمەن سويلەگەن سوزىمدە باقىت كۇرەستەن كەلەدى دەگەن ەدىم. بۇگىن مەن تاعى دا كۇرەس جۇرگىزۋدىڭ ءوزى ءبىر ءتۇرلى باقىت ەكەنىن ايتپاقشىمىن. تەك كۇرەس جۇرگىزگەن ءومىر عانا باقىتتى ءومىر سانالادى. كۇرەس جاپالى، جاپا - ماشاقات ازاپتى، شىڭداۋدان وتپەسە، الماس قانجار بولمايدى، جاپا - ماشاقات بولماسا، ناعىز كۇرەس ەسەپتەلمەيدى، ءبىز جاپالى كۇرەس بارىسىندا رۋحىمىزدى تازارتۋعا، ەركىمىزدى شىڭداۋعا، سەنىمىمىزدى بەكەمدەۋگە باتىل بولۋىمىز كەرەك. كۇرەس ۇزاق ۋاقىت جالعاسادى، الدىڭعىلاردىڭ ەككەن اعاشى كەيىنگىلەرگە سايا بولادى، ۇلى ىستەر بىرنەشە ۇرپاقتىڭ، ون نەشە ۇرپاقتىڭ، نەشە ونداعان ۇرپاقتىڭ ۇزدىكسىز كۇرەس جۇرگىزۋىن قاجەت ەتەدى. كۇرەس جولى بۇرالاڭ، «قۇربان بەرۋ بولعانى ءۇشىن، ەرلىك - جىگەر تاسقىنداپ، جارلىق شاشتىق اي مەن كۇنگە، جاڭا الەم اش دەپ ناق»، كۇرەس بولادى ەكەن، قۇربان بەرۋ دە بولادى، ءبىز تايسالماس رۋح پەن قالتقىسىز ۇلەس قوسۋ رۋحىن باستان - اياق ساۋلەلەندىرۋىمىز كەرەك. كۇرەسكەر − رۋحى ەڭ باي ادام ءارى باقىتتى شىنايى تۇسىنەتىن، باقىتتان شىنايى ءلاززات الاتىن ادام. ماركستىڭ: «تاريح ورتاق مۇرات ءۇشىن ەڭبەك ەتىپ، سول ارقىلى ءوزى ارداقتىعا اينالعان ادامدى ۇلى تۇلعا دەپ مويىندايدى؛ تاجىريبە كوپ ساندى ادامعا باقىت اكەلگەن ادامدى ەڭ باقىتتى ادام دەپ ماداقتايدى» دەگەنى ءدال وسىنىڭ مىسالى.

  جاڭا ءداۋىر − كۇرەسكەردىڭ ءداۋىرى. ءبىز حالىقتىڭ تاماشا تۇرمىسقا دەگەن تالپىنىسىن باستان - اياق كۇرەس نىسانامىز ەتۋدەن جازباي، باستان - اياق حالىق ءۇشىن تىنباي كۇرەس جاساپ، حالىقپەن بىرگە كۇرەس جاساپ، كۇرەس رۋحىن ۇلى كۇرەس جۇرگىزۋدىڭ، ۇلى ينجەنەريا قۇرۋدىڭ، ۇلى ىستەردى ىلگەرىلەتۋدىڭ، ۇلى ارماندى جۇزەگە اسىرۋدىڭ تۇتاس بارىسىندا شىن مانىندە دايەكتىلەندىرىپ، جابال كۇرەس جاسايتىن، ىنتىماقتاسا كۇرەس جاسايتىن جاندى جاعداي قالىپتاستىرۋىمىز كەرەك.

  جولداستار، دوستار!

  «جىنىس ورمان ىشىندە جاڭا جاپىراق قۋ جاپىراقتى تۇسىرەر، اساۋ اعىن ىشىندە الدىڭعى تولقىن ارتقى تولقىنعا جول بەرەر». رەفورما جاساپ، ەسىك اشقان 40 جىلدان بەرى، ءبىز باتىلدىقپەن اتويلايتىن، باتىلدىقپەن ءىس تىندىراتىن جانە ءوزىن جاڭالايتىن جاۋاپكەرلىكپەن جاڭا جولدى، جاقسى جولدى باتىلدىقپەن اشىپ، «ءداۋىردى قۋىپ جەتۋدەن» «ءداۋىر كوشىن باستاۋعا» وتۋدەي ۇلى سەكىرىستى جۇزەگە اسىردىق. بۇگىن ءبىز اۋەلگى ماقساتتى ۇمىتپاي، بورىشتى ەستە بەرىك ساقتاپ، تاۋ جولىقسا، جول سالاتىن، اعىن كەزدەسسە، كوپىر سالاتىن ءورىس اشۋ رۋحىمەن ۇلى قوعامدىق توڭكەرىستە ۇزدىكسىز جاڭا جاعداي اشىپ، ۇلى وزىندىك توڭكەرىستە قاجىر - قايراتتى ارتتىرۋىمىز، بايتاق تەرريتوريامىزدا ءبىر ميلليارد 300 ميلليوننان استام جۇڭگو حالقىنىڭ ۇلى كۇرەس تاريحىنىڭ جاڭا تاراۋلارىن جالعاستى جازۋىمىز كەرەك!

  سوڭىندا كوپشىلىكتىڭ دەندەرىنىڭ ساۋ، جاڭا جىلدارىنىڭ قۇتتى، بارلىق ىستەرىنىڭ ءساتتى، وتباسىلارىنىڭ باقىتتى بولۋىن تىلەيمىن!

  بارشاڭىزعا راقىمەت.

   (شينحۋا اگەنتتىگىنىڭ 14 - اقپاندا بەيجيڭنەن بەرگەن حابارى)

كەلۋ قاينارى: شينجياڭ گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ