<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ۇكىمەت ءىسىن جاريا ۇستاۋ>>سۋرەتتى حابار

جاۋ تيانجيە اۆتونوميالى وبلىستىڭ پارتيا ستيلى، پاكتىك قۇرىلىسى جانە جەمقورلىققا قارسى تۇرۋ قىزمەتى ماجىلىسىندە مىنانى باسا دارىپتەدى: پارتيانى جاپپاي قاتاڭ جونگە سالۋدى ماڭگى تەرەڭدەي دامىتىپ، «جەر ۇيىعى» _ جاڭا ىلە قۇرۋعا شىنايى كەپىلدىك ەتەيىك

اقپاننىڭ 6 – كۇنى اۆتونوميالى وبلىس پارتيا ستيلى، پاكتىك قۇرىلىسى جانە جەمقورلىققا قارسى تۇرۋ قىزمەتى ءماجىلىسىن اشتى، وبلىستىق پارتكومنىڭ شۋجيى جاۋ تيانجيە ماجىلىسكە قاتىناستى ءارى ءسوز سويلەدى. لي شين – ان فوتوسى

 

   ءتىلشىمىز لي شين – ان حابارلايدى. اۆتونوميالى وبلىس اقپاننىڭ 6 – كۇنى تۇستەن بۇرىن پارتيا ستيلى، پاكتىك قۇرىلىسى جانە جەمقورلىققا قارسى تۇرۋ قىزمەتى ءماجىلىسىن اشتى. وبلىستىق پارتكومنىڭ شۋجيى جاۋ تيانجيە ماجىلىسكە قاتىناستى ءارى ءسوز سويلەدى. ول مىنانى باسا دارىپتەدى: 19 – كەزەكتى ورتالىق ءتارتىپ تەكسەرۋ كوميتەتى ەكىنشى جالپى ءماجىلىسىنىڭ رۋحىن، وتە – موتە، باس شۋجي شي جينپيڭنىڭ ماڭىزدى ءسوزىنىڭ رۋحىن جانە اۆتونوميالى رايوندىق 9 – كەزەكتى ءتارتىپ تەكسەرۋ كوميتەتىنىڭ ءۇشىنشى جالپى ءماجىلىسى مەن وبلىستىق پارتكوم قىزمەت ءماجىلىسىنىڭ رۋحىن جاپپاي دايەكتى تياناقتاندىرىپ، پارتيانى جاپپاي قاتاڭ جونگە سالۋدى ماڭگى تەرەڭدەي دامىتىپ، قوعام ورنىقتىلىعى مەن باياندى تىنىشتىقتىڭ جاڭا جاعدايىن جاراتىپ، «جەر ۇيىعى» - جاڭا ىلە قۇرۋعا شىنايى كەپىلدىك ەتۋ كەرەك.

وبلىس باسشىلارىنان قۇرماش سىرجان ۇلى، لي جيانگو، ابدۇسالام سادىق، سەرجان ۇعىباي ۇلى، لي ميڭحۇي، شى گاڭ، ليۋ جيانگو، كۇلان سەيپىلقان قىزى، گاۋ تيانشان ماجىلىسكە قاتىناستى.

    وبلىستىق پارتكومنىڭ ورىنباسار شۋجيى، ءتارتىپ تەكسەرۋ كوميتەتىنىڭ شۋجيى، باقىلاۋ – تەكسەرۋ كوميتەتىنىڭ مەڭگەرۋشىسى ءانۋار ابدۇشكۇر ءماجىلىستى باسقاردى.

    جاۋ تيانجيە سوزىندە مىنانى اتاپ كورسەتتى: باس شۋجي شي جينپيڭنىڭ 19 – كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە سويلەگەن ماڭىزدى ءسوزى – ماركسيزمدىك اقيقاتتىڭ شۇعىلاسىمەن نۇرلانعان پروگراممالىق قۇجات جانە پارتيامىزدىڭ باتىلدىقپەن توڭكەرىس جۇرگىزۋ جارناماسى ءارى جاڭا داۋىردەگى پارتيانى جاپپاي قاتاڭ جونگە سالۋدى تەرەڭدەي دامىتۋعا جۇمىلدىرۋ جارلىعى. اۆتونوميالى رايوندىق 9 – كەزەكتى ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىندە شي جينپيڭنىڭ جاڭا ءداۋىر جۇڭگوشا سوتسياليزم يدەياسى، پارتيا 19 – قۇرىلتايىنىڭ رۋحى جانە پارتيا ورتالىق كوميتەتىنىڭ شينجياڭدى جونگە سالۋ جالپى جوباسى دايەكتىلەندىرىلىپ، پارتيانى جاپپاي قاتاڭ جونگە سالۋدى ىلگەرىلەتۋدىڭ باس نىسانانى جۇزەگە اسىرۋداعى ايرىقشا ماڭىزدى ءمانى تەرەڭ بايىمدالىپ، پارتيانى جاپپاي قاتاڭ جونگە سالۋدى ىلگەرىلەتۋ، پارتيا ستيلى، پاكتىك قۇرىلىسى جانە جەمقورلىققا قارسى تۇرۋ كۇرەسى مىندەتتەرىن تەرەڭدەتۋ جاپپاي ورنالاستىرىلىپ، قىزمەتتى ويداعىداي ىستەۋدىڭ باعدارى كورسەتىلىپ، پرينسيبى بەلگىلەندى.

    جاۋ تيانجيە مىنانى باسا دارىپتەدى: ساياسي سانالىلىقتى ارتتىرىپ، پارتيانى جاپپاي قاتاڭ جونگە سالۋ تىڭ تالابىن مىقتى يگەرۋ كەرەك. بۇكىل وبلىستاعى ءار دارەجەلى پارتيا ۇيىمدارى مەن بارشا پارتيالى كادرلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 – قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، 19 – كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ءماجىلىسى مەن اۆتونوميالى رايوندىق 9 – كەزەكتى ءتارتىپ تەكسەرۋ كوميتەتى ءۇشىنشى جالپى ءماجىلىسىنىڭ رۋحىن ىشكەرىلەي دايەكتى تياناقتاندىرىپ، يدەيا مەن ارەكەتتى پارتيا ورتالىق كوميتەتىنىڭ، اۆتونوميالى رايوندىق پارتكومنىڭ ورنالاستىرۋلارىمەن، باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە اۆتونوميالى رايوندىق پارتكومنىڭ تالاپتارىمەن باتىل بىرلىككە كەلتىرۋ كەرەك. پارتيانى جاپپاي قاتاڭ جونگە سالۋ __ دۇنيە ءجۇزى تۇرعىسىنان قاراعاندا عىلمي سوتسياليزمدى ىلگەرىلەتىپ، تىڭ دامۋدى ۇزدىكسىز جۇزەگە اسىراتىن ءتۇبىرلى كەپىل؛ بۇكىل مەملەكەتىمىز تۇرعىسىنان ايتقاندا، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە قول جەتكىزىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىراتىن ءتۇبىرلى كەپىل؛ شينجياڭ تۇرعىسىنان ايتقاندا، باس نىسانانى جۇزەگە اسىرىپ، جۇڭگوشا سوتسياليستىك شينجياڭ قۇرۋدىڭ ءتۇبىرلى كەپىلى ەكەندىگىن؛ اۆتونوميالى وبلىسىمىز جونىنەن ايتقاندا، ءبىز قوعام ورنىقتىلىعى مەن باياندى تىنىشتىقتىڭ جاڭا جاعدايىن جاراتىپ، «جەر ۇيىعى» - جاڭا ىلە قۇرۋىمىزدا تەك ءار دارەجەلى پارتيا ۇيىمدارىن ويداعىداي قۇرىپ، الۋەتتەندىرگەندە عانا، پارمەندى باسشىلىق كوللەكتيۆ جانە جاۋىنگەرلىك قامال قالىپتاستىرا الاتىنىمىزدى، پارتيالى كادرلاردىڭ ۇزدىك، ونەگەلىك رولىن ساۋلەلەندىرگەندە عانا، بۇكىل وبلىسىمىز حالقىن قاجىرلىلىقپەن العا ۇمتىلۋعا ىنتىماقتاستىرا باستايتىن باستاماشىلاردان بولا الاتىنىمىزدى، تاماشا بولاشاقتى، دامۋ باعىتىن جۇزەگە اسىرعاندا عانا، پارمەندى دە سەنىمدى كەپىلگە يە بولاتىنىمىزدى تەرەڭ تانىپ جەتۋىمىز كەرەك.

ءبىز، ءسوز جوق، پارتيانى جاپپاي قاتاڭ جونگە سالۋدى «ءتىپتى دە قاتاڭداستىرۋ، ءتىپتى دە مىقتى يگەرۋ» ايقىن جاعدايىن مىقتى يگەرىپ، بارىنشا قىراعى، سانالى بولىپ، استە، سالعىرت يدەيادا بولماي، جاۋاپكەرلىك تانىمدى، بورىشتىلىق تانىمدى، كوكەيتەستىلىك تانىمدى ۇزدىكسىز ارتتىرىپ، پارتيانى جاپپاي قاتاڭ جونگە سالۋدى ۇزدىكسىز تەرەڭدەي دامىتۋىمىز كەرەك.

    وتكەن ءبىر جىلداعى پارتيا ستيلى، پاكتىك قۇرىلىسى جانە جەمقورلىققا قارسى تۇرۋ قىزمەتىندە قول جەتكىزگەن ناتيجەلەردى قورىتىندىلاعاننان كەيىن جاۋ تيانجيە مىنانى اتاپ كورسەتتى: وبلىسىمىزدىڭ بولشەكتەۋشىلىككە قارسى تۇرۋ جانە لاڭكەستىككە قارسى تۇرىپ، ورنىقتىلىقتى قورعاۋ كۇرەس جاعدايى، پارتيا سيتلى، پاكتىك قۇرىلىسى مەن جەمقورلىققا قارسى تۇرۋ كۇرەسىنىڭ جاعدايى ءالى دە قاتاڭ ءارى كۇردەلى؛ پارتيانى جاپپاي قاتاڭ وڭاۋ مىندەتى اۋىر ءارى ماشاقاتتى. ول مىنانى تالاپ ەتتى: ساياسي بەكىمدە تاباندى بولىپ، سەرگەكتىكتەن جانە تاباندىلىقتان جازباي، تاعى دا قايراتتى تاسقىنداتىپ العا ۇمتىلۋىمىز كەرەك. ءسوزسىز، سەرگەك ءارى بايىپتى بولىپ، قاتاڭ جاعدايدى جەتە تانىپ، تاۋقىمەت تانىمىن شىنايى كۇشەيتىپ، ماسەلەنى نىشان ەتۋگە تاباندى بولىپ، ستراتەگيالىق بەكىمنەن اۋىتقىماي، ىلە بولشەكتەۋشىلىككە قارسى تۇرۋ كۇرەسىنىڭ الدىڭعى شەبىندە جانە نەگىزگى مايدانىندا تۇرعانىمەن، لاڭكەستىككە قارسى تۇرىپ، ورنىقتىلىقتى قورعاۋ مىندەتى اۋىر بولعانىمەن، پارتيانى جاپپاي قاتاڭ جونگە سالۋ ماسەلەسىندە ەشقانداي ەرەكشەلەنۋگە بولمايدى دەيتىن يدەيانى بەرىك ورناتىپ، ءبىر قولمەن بولشەكتەۋشىلىككە قارسى تۇرۋ كۇرەسىن مىقتى ۇستاۋعا، ەندى ءبىر قولمەن پارتيا ستيلى، پاكتىك قۇرىلىسى جانە جەمقورلىققا قارسى تۇرۋ كۇرەسىن مىقتى يگەرۋگە تاباندى بولىپ، بوپ قالدى، تىنىستاپ الايىق دەيتىن يدەيانى باتىل جەڭىپ، ءىستى ماڭگى جالعاستىراتىن تاباندىلىقپەن، قايتپاس بەكىم، قاجىماس جىگەر تانىتىپ، بوساڭسىماي، توقىراماي، ىسكە قايتا كىرىسىپ، پارتيانى جاپپاي قاتاڭ جونگە سالۋدى تاباندىلىقپەن ۇزدىكسىز جۇرگىزۋىمىز، تاماشا ساياسي ەكولوگيا جاراتۋعا كۇش سالىپ، پارتيا ۇيىمىنىڭ يلاندىرۋ قۋاتى مەن باۋراۋ قۋاتىن، ۇيىستىرۋ قۋاتىن، كۇرەسكەرلىك قۋاتىن ۇزدىكسىز كۇشەيتىپ، قوعام ورنىقتىلىعى مەن باياندى تىنشتىقتىڭ تىڭ جاعدايىن جاراتۋ، «جەر ۇيىعى» - جاڭا ىلە قۇرۋ ءۇشىن پارمەندى كەپىل ازىرلەۋىمىز كەرەك.

    جاۋ تيانجيە مىنانى باسا دارىپتەدى: ساياسي تۇرعىنى جوعارىلاتىپ، پارتيانىڭ ساياسي قۇرىلىسىن ماڭداي الدى ورىنعا قويۋىمىز كەرەك. ءبىزدىڭ پارتيانىڭ ساياسي قۇرىلىسىن ماڭداي الدى ورىنعا قويۋدان اۋىتقىماۋىمىز - شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋدى ماڭىزدى ساياسي مىندەت دەپ قاراعاندىق. پارتياعا قالتقىسىز ادال بولۋ، «ءتورت تانىمدى» ۇزدىكسىز كۇشەيتىپ، باس شۋجي شي جينپيڭنىڭ ۇيتقىلىق ورنىن سانالىلىقپەن قورعاۋدى ەڭ ۇلكەن ساياسي، ەڭ ماڭىزدى ساياسي ءتارتىپ جانە ساياسي قاعيدا دەپ ءبىلىپ ، پارتيانىڭ ساياسي ءتارتىبى مەن ساياسي قاعيداسىنا سانالىلىقپەن قاتاڭ بويسۇنۋدى پارتياعا ادال بولۋدىڭ ماڭىزدى سىناعى ەتىپ، ساياسي قىراعىلىقتى، ساياسي پارىقتاۋ قابىلەتىن، ساياسي اتقارۋ قۋاتىن شىنايى ءوسىرىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا باتىل بويسۇنۋدان اۋىتقىماي، پارتيانىڭ لۋشيان، باعىت – ساياساتتارىن باتىل دايەكتىلەندىرۋدە ءارى – ءسارى بولماي، اۆتونوميالى رايوندىق پارتكومنىڭ ورنالاستىرۋلارى مەن تالاپتارىن باتىل تياناقتاندىرۋدى بوس سوزگە اينالدىرماي، پارتيا ورتالىق كوميتەتى مەن اۆتونوميالى رايوندىق پارتكومنىڭ ۇندەۋىنە ءۇن قوسۋدى، شەسىمدەرىنە باتىل بويسۇنۋدى، ءتيىم سالعاندارىن باتىل ىستەمەۋدى سانالىلىقپەن ورىنداۋ؛

پارتيانىڭ ىشكى ساياسي تۇرمىسىن قاتاڭداستىرىپ، جاڭا جاعدايداعى پارتيانىڭ ىشكى ساياسي تۇرمىسىنداعى ءبىر قانشا ولشەمگە قاتاڭ بويسۇنىپ، دەموكراتيالىق ورتالىقتاندىرۋ تۇزىمىنە تاباندى بولىپ، پارتيانىڭ ۇيىمدىق تۇرمىس ءتۇزىمىن قاتاڭداستىرىپ، پارتيالىق شىنعۋدى سانالىلىقپەن كۇشەيتىپ، پارتيا ۋستاۆىن ءتىپتى دە سانالىلىقپەن ۇيرەنىپ، پارتيا ۋستاۆىنا بويسۇنىپ، پارتيا ۋستاۆىن دايەكتىلەندىرىپ جانە ونى قورعاپ، ءسوز – ارەكەتتى پارتيا ۋستاۆى بويىنشا ولشەمدەندىرىپ، پارتيا ۋستاۆى تالابى بويىنشا ءىستى قاعيدامەن ءبىتىرۋ كەرەك؛ تاماشا ساياسي ەكولوگيا جاراتۋ ءتيىس. تابيعي ەكولوگيا قانداي بولسا سونداي وسىمدىك ونەدى؛ قوعامدىق ەكولوگيا قانداي بولسا ازاماتتاردا سونداي بولادى، سونداي سالت قالىپتاسادى؛ ساياسي ەكولوگيا قانداي بولسا سونداي كادىر جەتىلەدى، كادر قانداي بولسا ىستەن دە سونداي ناتيجە شىعادى. باس نىسانانى جۇزەگە اسىرۋ، جاڭا ىلە قۇرۋ ءۇشىن، ءسوزسىز، تاباندىلىقپەن تاماشا ساياسي ەكولوگيا قالىپتاستىرۋىمىز كەرەك.

    جاۋ تيانجيە مىنانى تالاپ ەتتى: ساياسي جاۋاپكەرلىكتى كۇشەيتىپ، دۇرىس ستيل، قاتاڭ تارتىپكە تاباندى بولىپ، جەمقورلىققا، سۇرقيا ارەكەتتەرگە قارسى تۇرۋ كەرەك. بولشەكتەۋشىلىككە، جەمقورلىققا قارسى تۇرۋ كۇرەسى ءالى دە قاتاڭ، كۇردەلى بولىپ وتىرعان جاعدايدا ءبىز، ءسوزسىز، «قانشالىق قيىنشىلىق بولسا سونشالىق ورشەلەنىپ العا ىلگەرىلەيتىن» ەرلىك جىگەرمەن، «تار جول، تايعاق كەشۋدەن وتەتىن» كۇرەسكەرلىك رۋحپەن پارتيانى جاپپاي قاتاڭ جونگە سالۋدى تەرەڭدەتۋدەن اۋىتقىماۋىمىز كەرەك.

    ءبىرىنشى، ستيلدى ۇزبەي جاقسارتۋ جاعىندا ءبىز، ءسوزسىز، بولاتتاي ەرىك، قايتپاس قايسارلىق، مىزعىماس قايرات، تەمىردەي تەگەۋرىن ارقىلى «ءتورت بۇرىس ستيل» مەن «ءتورت بۇرىس نىسايدى» وڭاپ، بۇل قىزمەتتى ۇدايى مىقتى يگەرىپ، ۇزدىكسىز ۇلەس قوسۋىمىز كەرەك. ورتالىقتىڭ سەگىز تارماقتى بەلگىلەمەسىنىڭ رۋحى مەن بۇل جاعىنداعى جەتىستىكتى بەكەمدەپ، «ۇيرەنۋ، بۇرىلىس جاساۋ، جەبەۋ» ارناۋلى قيمىلىن تىنباي تەرەڭدەتىپ، حالىق بۇقاراسىمەن ەتەنە بايلانىستى باستان – اياق ساقتاپ، «ۇلتتار ىنتىماعىنىڭ بەرەكەلى شاڭىراعى» مەن ۇلتتار ىنتىماعىنىڭ ەتەنە دوستىق قيمىلىن ىشكەرىلەي جۇرگىزىپ، نازاردى باس نىساناعا شوعىرلاندىرىپ، بۇقارالىق قىزمەتتى باقىلاۋدى كۇشەيتۋ كەرەك.

    ەكىنشى، ءتارتىپ قۇرىلىسىن، ءتارتىپ تاربيەسىن جاپپاي كۇشەيتىپ، ءتارتىپتى قاتاڭ اتقارىپ، ءتارتىپ اتقارۋداعى «ءتورت جاعدايدى» ويداعىداي باقىلاپ، پارتيا ءتارتىبىن «جوعارى كەرنەۋلى توك لەنياسىنا»، پارتيالى كادرلاردىڭ كۇندەلىكتى داعدىسى مەن سانالى بويسۇناتىن ولشەمىنە اينالدىرۋىمىز كەرەك.

    ءۇشىنشى، جەمقورلىققا قارسى تۇرۋدان، سۇرقيا كۇشتەردى جازالاۋدان اۋىتقىماي، جەمقورلىقتى جازالاۋ تەگەۋرىنىن باستان – اياق كۇشەيتىپ، ودان قاعىس رايون قالدىرماۋعا، جاپپاي قامتۋعا، مۇلدە جول بەرمەۋگە، جەمقورلىقتى قاتاڭ، پارمەندى قىسىم تۇسىرۋگە، ۇزبەي سەسكەندىرۋگە تاباندى بولىپ، پارا الۋ مەن پارا بەرۋدى بىرگە تەكسەرۋ، «جولبارىس» پەن «شىبىندى» بىرگە سوعۋ كەرەك. بۇقارا ماڭىنداعى جەمقورلىق ماسەلەسى مەن بۇرىس ستيلدى قاتاڭ تەكسەرىپ ءبىرجاقتى ەتىپ، كەدەيلەردى سۇيەمەلدەۋ، قيىنشىلىعى بارلارعا كومەكتەسۋ، اپاتتان قۇتقارۋ قاراجاتى مەن بۇيىمدارىنا شمىرىكپەستەن قول سۇققانداردى؛ حالىقتى يگىلىككە كەنەلتەتىن ءتۇرلى ساياساتتى تياناقتاندىرۋ بارىسىندا «جىلىكتىڭ مايلى باسىن سورعانداردى»؛ قىستاقتارداعى زورەكەر، سۇرقيا كۇشتەر مەن ونى قانات استىنا الۋشىلاردى اياۋسىز جازالاۋ كەرەك. تۇبىرىنەن وڭاۋ مەن ۇستىنەن وڭاۋدى تەرەڭدەتىپ، قىزمەتتەگى ساڭلاۋلاردى تەكسەرىپ، ەرەجە – ءتۇزىمدى كەمەلدەندىرىپ، ۇقىق جۇرگىزۋدى، تەجەۋ، باقىلاۋدى كۇشەيتىپ، مۇددە جەتكىزۋ قاتىناسىن ءۇزىپ، جەمقورلىققا قارسى تۇرۋ كۇرەسىنىڭ ءبارىن باسىپ تۇسەتىن جەڭىسىنە قول جەتكىزۋ كەرەك.

ءتورتىنشى، باقىلاۋ جۇيەسىن بار كۇشپەن كەمەلدەندىرۋ كەرەك. ورتالىقتىڭ، اۆتونوميالى رايوننىڭ ورنالاستىرۋلارىن مۇقيات تياناقتاندىرىپ، پارتيا ءبىرتۇتاس باسشىلىق ەتەتىن، جاپپاي قامتىلعان، جوعارى بەدەلگە يە باقىلاۋ جۇيەسىن قۇرۋدى جەدەلدەتىپ، پارتيا ىشىندەگى باقىلاۋدى مەملەكەت ورگانىنىڭ باقىلاۋىمەن، دەموكراتيالىق باقىلاۋمەن، ءادىليالىق باقىلاۋمەن، بۇقارالىق باقىلاۋمەن، جاماعات پىكىرىندىك باقىلاۋمەن توعىستىرىپ، ءوزىن ءوزى تازارتۋ قۋاتىن ارتتىرۋ؛ ساياسي شارلاۋدى تەرەڭدەتىپ، رەتتەۋ – تۇزەتۋ جاۋاپكەرلىگى تياناقتانباعانداردى، قىزمەتى پارمەندى بولماعانداردى قاتاڭ جاۋاپقا تارتۋ؛ ورىندارعا قىزمەت گرۋپپالارىن تۇرعىزىپ باقىلاۋدى ىشكەرىلەي جۇرگىزىپ، وبلىستىڭ، اۋدانداردىڭ بۇل جاعىنداعى قىزمەتىنىڭ تۇگەل قامتۋىن جۇزەگە اسىرۋ؛ مەملەكەتتىڭ باقىلاۋ قۇرىلىمى رەفورماسىن تەرەڭدەتۋ كەرەك.

    جاۋ تيانجيە مىنانى تالاپ ەتتى: پارتيانى جاپپاي قاتاڭ وڭاۋ _ ءار دارەجەلى پارتيا ۇيىمى مەن ءتارتىپ تەكسەرۋ – باقىلاۋ ورگانىنىڭ مىندەتى، بورىشى. بۇكىل وبلىستاعى ءار دارەجەلى پارتكومدار (پارتگرۋپپا) «پارتيانى باسقارماۋ، جونگە سالماۋ _ اۋىر جاۋاپكەرسىزدىك» دەگەن تانىمدى بەرىك ورناتىپ، «جاۋاپكەرلىكتەن» جازباي، «جاۋاپقا تارتۋ» سىندى ءتۇيىندى مىقتى ۇستاپ، ساتىلار بويىنشا قىسىم ءتۇسىرىپ، پارتيانى جاپپاي قاتاڭ جونگە سالۋ جاۋاپكەرلىگىن شىنايى تياناقتاندىرۋ كەرەك. بارشا ءتارتىپ تەكسەرۋ، باقىلاۋ كادرلارى «تەمىر سوعۋ ءۇشىن قۇرىشتاي قۋات بولۋ كەرەك» دەگەن ءسوزدى ەستە بەرىك ساقتاپ، «ءتارتىپتى اتقارۋشى الدىمەن ءوزى تارتىپكە بويسۇناتىن، زاڭگەر الدىمەن ءوزى زاڭ اتقاراتىن» بولۋى، العان بەتىنەن قايتپايتىن ادال - بەرىك، باتىلدىقپەن جاۋاپكەرلىك ارقالايتىن، زاڭ – تارتىپكە بويسۇناتىن، ءادىل، پاك بولىپ، پارتيا ءتارتىبى مەن اكىمشىلىك ءتارتىپتى ادال قورعاۋشى، جەمقورلىققا قارسى تۇرىپ، سۇرقيا كۇشتەرگە اياۋسىز سوققى بەرەتىن تەمىر تەگەۋرىن بولۋى كەرەك.

    جاۋ تيانجيە مىنانى باسا دارىپتەدى: كوكتەم مەرەكەسى تايادى، ءار دارەجەلى پارتيالى كادرلار پارتيا ورتالىق كوميتەتىنىڭ، اۆتونوميالى رايوندىق پارتكومنىڭ جانە وبلىستىق پارتكومنىڭ ءتۇرلى بەلگىلەمەلەرىنە قاتاڭ بويسۇنۋى، تومەنگى شەكتى ساقتاۋى، قىزىل سىزىققا سوقتىقپاۋى، ساقتىق سىزىعىن بەكەمدەۋى، ءوزىن قاتاڭ تەجەۋى، مەرەكەنى پاك وتكىزۋى كەرەك. ءار دارەجەلى ءتارتىپ تەكسەرۋ - باقىلاۋ ورگانى باقىلاۋ - ءتارتىپ اتقارۋ، جاۋاپقا تارتۋ تەبىنىن كۇشەيتىپ، «مەرەكەلىك جەمقورلىق» پەن بەلگىلەمەگە، تارتىپكە قايشى كومەسكى، ءتۇرى وزگەرتىلگەن ماسەلەلەردى باتىل تەكسەرىپ - انىقتاپ، تارتىپكە قايشى ارەكەتتەردى قاتاڭ تەكسەرىپ، ءتارتىپتىڭ قاتاڭدىعىن باتىل قورعاۋ كەرەك.

    ءانۋار ابدۇشكۇر وبلىستىق ءتارتىپ تەكسەرۋ كوميتەتى، باقىلاۋ – تەكسەرۋ كوميتەتى اتىنان «جاڭا يدەيانى دايەكتىلەندىرىپ، باس نىسانانى تياناقتاندىرىپ، ىلەنىڭ پارتيانى قاتاڭ جونگە سالۋ ساياسي جاۋاپكەرلىگىن تاباندىلىقپەن جاپپاي ىلگەرىلەتۋ كەرەك» دەگەن تاقىرىپتا قىزمەت دوكلادىن جاسادى.

ماجىلىسكە تاعى تۇڭ رۇيچيڭ، ءرازيا ابليز، تالعات ءتالىم ۇلى، جۇمان بارشابەك ۇلى، سۇن پىڭ، مەي يۇي، جاڭ جۇي، گاۋ چي، ەلشات تۇرسىنباي ۇلى، ليۋ كىحۋا، فان شيڭكى، گۇلبارشىن سەرىكباي قىزى، جالەلدىن كامال، لاگۋا سايبۇگجاپ، ليۋ چيڭحۋا قاتارلى وبلىس باسشىلارى قاتىناستى.

    ءماجىلىس كەسكىن فورماسىمەن وبلىسقا توتە قاراستى ءارقايسى اۋدان – قالالاردا دا اشىلدى. وبلىستىق سوتتىڭ، پروكۋراتۋرانىڭ نەگىزگى جاۋاپتى جولداستارى، وبلىستىق ءتارتىپ تەكسەرۋ كوميتەتىنىڭ، باقىلاۋ – تەكسەرۋ كوميتەتىنىڭ باسشىلىق القا مۇشەلەرى، ىلە پەداگوگيكا ينيستيتۋدىنىڭ، شينجياڭ مەتاللۋرگيا مەكەمەسىنىڭ، ءتاڭىر تاۋىنىڭ باتىس بولەگى ورمانىن باسقارۋ مەكەمەسىنىڭ جاۋاپتى جولداستارى، اۆتونوميالى وبلىستىڭ ءارقايسى كوميتەت، كەڭسە، مەكەمەلەرىنىڭ، حالىقتىق توپتاردىڭ، كاسىپورىن، ءىسورىندارىنىڭ نەگىزگى جاۋاپتىلارى نەگىزگى ءماجىلىس زالىنداعى ماجىلىسكە قاتىناستى.

كەلۋ قاينارى: ىلە گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn