<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ماڭىزدى حابارلار

جاۋ تيانجيە قورعاس ەكونوميكالىق اشۋ رايونىندا تەكسەرۋ – زەرتتەۋ جۇرگىزگەندە مىنانى باسا دارىپتەدى: مەحانيزمى ىركىلىسسىز، اينالىم ونىمدىلىگى جوعارى، ومىرشەڭدىك قۋاتقا تولى ەكونوميكالىق اشۋ رايونىن قۇرۋ كەرەك

سۋرەتتە: جاۋ تيانجيە (الدىدا وڭنان ەكىنشى ادام) قاتارلى باسشىلار كاسىپورىندا تەكسەرۋ – زەرتتەۋ جۇرگىزۋدە. لي شين – ان فوتوسى

   

    ءتىلشىمىز لي شين – ان حابارلايدى. وبلىستىق پارتكومنىڭ شۋجيى، قورعاس ەكونوميكالىق اشۋ رايونى پارتيا قىزمەتى كوميتەتىنىڭ شۋجيى جاۋ تيانجيە، وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى ليۋ جيانگو اقپاننىڭ 3 – كۇنى قورعاس ەكونوميكالىق اشۋ رايونى چيڭشۇيحى باقشا رايونى مەن بيڭتۋان باقشا رايونىنىڭ ءتۇزىلىس مەحانيزمى قۇرىلىسى، باقشا رايونىن جوبالاۋ، دامىتۋ سياقتى قىزمەتتەرىنە تەكسەرۋ – زەرتتەۋ جۇرگىزدى.

جاۋ تيانجيە تەكسەرۋ – زەرتتەۋ بارىسىندا بىلاي دەپ باسا دارىپتەدى: قورعاس ەكونوميكالىق اشۋ رايونى مەن ونىڭ ءارقايسى باقشا رايوندارى ورتالىقتىڭ، اۆتونوميالى رايوننىڭ تالاپتارىنا، پارتيا 19 – قۇرىلتايىندا العا قويىلعان دامۋ ستراتەگياسىنا ساي، ساياساتتىق ىقپالىن بارىنشا ساۋلەلەندىرىپ، دامۋ ۇستانىمىندا جاڭالىق اشىپ، ءارقايسى ورىن ءوز مىندەت – جاۋاپكەرلىكتەرىن ويداعىداي ادا ەتىپ، قورعاس ەكونوميكالىق اشۋ رايونى مەن ونىڭ باقشا رايوندارىنىڭ سايكەستى دامۋىن ىلگەرىلەتىپ، مەحانيزمى ىركىلىسسىز، اينالىم ونىمدىلىگى جوعارى، ومىرشەڭدىك قۋاتقا تولى ەكونوميكالىق اشۋ رايونىن قۇرۋ كەرەك.

    جاۋ تيانجيە قاتارلىلار قورعاس ەكونوميكالىق اشۋ رايونىنىڭ چيڭشۇيحى باقشا رايونىنداعى شينجياڭ جۇڭچاۋ جاڭا ەنەرگيا ەلەكتروندىق عىلىم – تەحنيكا شەكتى سەرىكتىگىندە، ىلە نۇڭفۋ شانچۋان جەمىس – جيدەك كاسىبى شەكتى سەرىكتىگىندە، قورعاس ەكونوميكالىق اشۋ رايونى بيڭتۋان بولىمشە رايونىنىڭ ىشىندەگى قورعاس حاۋيۇن ەلەكتروندىق عىلىم – تەحنيكا شەكتى سەرىكتىگىندە تەكسەرۋ – زەرتتەۋ جۇرگىزدى.

    تەكسەرۋ – زەرتتەۋ بارىسىندا جاۋ تيانجيە ءارقايسى باقشا رايوندارىنىڭ دامۋ جاعدايىنان جانە كاسىپورىنداردى ەنگىزۋ جاعدايىنان دوكلاد تىڭدادى، سونداي – اق كاسىپورىنداردىڭ دامۋى جونىندە ءجون سىلتەدى. ول بىلاي دەپ باسا دارىپتەدى: قورعاس ەكونوميكالىق اشۋ رايونىنداعى كاسىپورىندار كاسىپ جاعىنان مىعىم كاسىپورىندارمەن ءوزىن سالىستىرىپ، تەحنيكادا جاڭالىق اشۋ تەبىنىن ۇزدىكسىز ارتتىرىپ، وزەكتى باسەكەلىك قۋاتتى جوعارىلاتىپ، كەمەلدى باسقارۋ، كاپيتالدى اينالىمعا سالۋ ارقىلى باقشا رايونى ەكونوميكاسىنىڭ جوعارى ساپالى دامۋىن جۇزەگە اسىرۋ كەرەك. اۋىل شارۋاشىلىعىنا قاتىستى كاسىپورىنداردىڭ دامۋىندا كاسىپورىندار اۋىل – قىستاقتى كوركەيتۋ ستراتەگياسىن توڭىرەكتەپ، ونەركاسىپتەندىرۋ وي جەلىسى ارقىلى اۋىل شارۋاشىلىعىن جوبالاپ، كاسىپ سالالاندىرۋ ءادىسى ارقىلى اۋىل شارۋاشىلىعىمەن اينالىسىپ، بازارلاندىرۋ ءتاسىلى ارقىلى اۋىل شارۋاشىلىعىن اينالىمعا سالىپ، جوعارى، جاڭا تەحنيكا ارقىلى اۋىل شارۋاشىلىعىن جابدىقتاپ، اۋىل شارۋاشىلىعىنا جاتپايتىن كاسىپتەر ارقىلى شارۋالاردى اۋقاتتاندىرىپ، قالا – قالاشىقتاندىرۋ ارقىلى اۋىل – قىستاقتاردى كوركەيتىپ، جەتەكشى كاسىپورىندار ارقىلى اۋىل شارۋاشىلىق قوسىمشا ونىمدەرىنىڭ ىشكى ولكە بازارلارىنا كوپتەپ ەنگىزىلۋىن جەبەپ، اۆتونوميالى وبلىستىڭ اۋىل شارۋاشىلىعى، اۋىل – قىستاق، شارۋالار قىزمەتىنىڭ اقاۋسىز دامۋىن جەبەۋ كەرەك.

    ناق مايداندا تەكسەرۋ – زەرتتەۋ جۇرگىزگەننەن كەيىن جاۋ تيانجيە، ليۋ جيانگو بيڭتۋان 4 – ديۆيزياسى كوكدالا قالالىق پارتكومنىڭ ورىنباسار شۋجيى، ديۆيزيا باستىعى، كوكدالا قالالىق حالىق ۇكىمەتى پارتگرۋپپاسىنىڭ ورىنباسار شۋجيى، قالا باستىعى ديڭ جيڭمەن، قورعاس ەكونوميكالىق اشۋ رايونىن باسقارۋ كوميتەتىنىڭ، قورعاس قالاسىنىڭ، قورعاس اۋدانىنىڭ جانە قورعاس ەكونوميكالىق اشۋ رايونى چيڭشۇيحى باقشا رايونىنىڭ، بيڭتۋان بولىمشە رايونىنىڭ قاتىستى جاۋاپتىلارىمەن اڭگىمە ءماجىلىسىن وتكىزىپ، باقشا رايوندارىندا ورىن تەۋىپ وتىرعان ماسەلەلەردى اقىلداسىپ، شەشۋ شارالارىن تالقىلاپ، يدەيالىق تانىمدى بىرلىككە كەلتىرىپ، ءتۇزىلىس مەحانيزمىن سايكەستىردى.

ماجىلىسكە قاتىناسقانداردىڭ پىكىر – ۇسىنىسىن تىڭداعاننان كەيىن جاۋ تيانجيە مىنانى باسا دارىپتەدى: قورعاس ەكونوميكالىق اشۋ رايونى مەن ءارقايسى باقشا رايونى – تاعدىرلاس، توعىسقان ورتاق تۇلعا، ءسوز جوق، ءتۇزىلىستى، مەحانيزمدى، قارىم – قاتىناستى سايكەستىرۋدى العى شارت ەتىپ، «بىرلىككە كەلتىرۋ مەن ءبولۋدى ۇشتاستىرۋ» نەگىزگى پرينسيبىندە تاباندى بولىپ، «نەنى بىرلىككە كەلتىرۋ، نەنى ءبولۋ، قالاي بىرلىككە كەلتىرۋ، قالاي ءبولۋ» ماسەلەلەرىن ىشكەرىلەي اقىلداسۋ كەرەك. قازىرگى ءىس جۇزىندىك جاعداي مەن ورىن تەۋىپ وتىرعان ماسەلەلەرگە ساي، قورعاس ەكونوميكالىق اشۋ رايونىن جانە قاراستى بيڭتۋان بولىمشە رايونىن، قۇلجا باقشا رايونىن، چيڭشۇيحى باقشا رايونىن باسقارۋ شاراسىنا جاڭادان وزگەرىس ەنگىزىپ جانە بەلگىلەپ، قورعاس ەكونوميكالىق اشۋ رايونى پارتيا قىزمەتى كوميتەتىنىڭ بىرلەسكەن ءماجىلىسى ءتۇزىمىن كەمەلدەندىرىپ، قورعاس ەكونوميكالىق اشۋ رايونىنىڭ جانە ءارقايسى باقشا رايونىنىڭ، قاتىستى اۋدان – قالالاردىڭ قىزمەت جاۋاپكەرلىگىن ايقىنداۋ كەرەك. ساياساتتى بىرلىككە كەلتىرىپ، سەلبەسە دامىپ، ساياساتتان ويداعىداي پايدالانۋمەن بىرگە، تۇلعالى كاسىپورىنداردى ەنگىزۋگە كۇش سالىپ، تىزىمگە الىنعان كاسىپورىنداردىڭ تۇلعالى دامۋعا ويىسۋىنا جەتەكشىلىك ەتۋ كەرەك.

    جاۋ تيانجيە مىنانى تالاپ ەتتى: جالپى جاعداي جانە قورعاس ەكونوميكالىق اشۋ رايونىنىڭ دامۋىنا ءتيىمدى بولۋ تۇرعىسىنان سىرتقا شىعىپ كوز جىبەرۋگە، بەل شەشە ىستەۋگە تاباندى بولىپ، ەكونوميكالىق ونىمدىلىكتى جەبەۋمەن بىرگە، قوعامدىق ونىمدىلىكپەن، ەكولوگيالىق ونىمدىلىكپەن ورگانيالى ۇشتاستىرىپ، ونىمدىلىكتى بارىنشا جوعارىلاتۋ كەرەك. باقشا رايوندارىنداعى قۇلجا قالاسىنىڭ، قورعاس اۋدانىنىڭ، كوكدالا قالاسىنىڭ بەلسەندىلىگىن ارتتىرۋعا ءمان بەرىپ، قورعاس ەكونوميكالىق اشۋ رايونى سىندى ءوڭىردى بىرگە الۋەتتەندىرىپ، قورعاس ەكونوميكالىق اشۋ رايونىنىڭ اۆتونوميالى وبلىستىڭ ەكونوميكانى دامىتۋىندا باستاماشى بولۋىنا مۇمكىندىك جاراتۋ كەرەك. بيڭتۋان مەن جەرگىلىكتى ورىندارداعى باقشا رايوندارىن ۇشتاستىرۋ تەبىنىن ارتتىرىپ، بيڭتۋان مەن جەرگىلىكتى ورىننىڭ توعىسا دامۋىن جەبەپ، بيڭتۋان مەن جەرگىلىكتى ورىننىڭ توعىسۋىنان ۇلگى كورسەتۋ رايونىن قۇرۋدى اقىلداسۋ جانە جوسپارلاۋ كەرەك.

    اۆتونوميالى وبلىستاعى قاتىستى تاراۋلاردىڭ جاۋاپتىلارى تەكسەرۋ – زەرتتەۋدە بىرگە بولدى.

كەلۋ قاينارى: ىلە گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ