<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>سۋرەتتى حابار

جاۋ تيانجيە قۇلجا قالاسىندا تەكسەرۋ – زەرتتەۋ جۇرگىزگەندە بىلاي دەپ باسا دارىپتەدى: ءتۇزىلىس مەحانيزمىن رەتتەۋدى العى شارت ەتىپ، ورنىقتىلىققا كۇش سالا كەپىلدىك ەتىپ، دامۋدى جەبەۋ كەرەك

سۋرەتتە: جاۋ تيانجيە نۇرلى كوشە الەۋمەتتىك اۋماعىندا اۋىلىنا قايتقان ستۋدەنتتەرمەن ىستىق ىقىلاستى اڭگىمەلەسۋدە.

لي شين–ان فوتوسى

 

   ءتىلشىمىز لي شين – ان حابارلايدى. اقپاننىڭ 1 – كۇنى وبلىستىق پارتكومنىڭ شۋجيى، قورعاس ەكونوميكالىق اشۋ رايونى پارتيا قىزمەتى كوميتەتىنىڭ شۋجيى جاۋ تيانجيە، وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى قاتارلىلار قۇلجا قالاسىنداعى ءىشىنارا ونەركاسىپ باقشا رايوندارى، (قىستاق) الەۋمەتتىك اۋماق سياقتى جەرلەرگە بارىپ، ءتۇزىلىس مەحانيزمىن رەتتەۋ رەفورماسى، ورنىقتىلىقتى قورعاۋ سياقتى قىزمەتتەرگە ناقتى تەكسەرۋ – زەرتتەۋ جۇرگىزدى.

وسى كۇنى تۇستەن بۇرىن جاۋ تيانجيە، قۇرماش سىرجان ۇلى جانە وبلىس باسشىلارىنان ليۋ جيانگو، جاڭ جۇي قۇلجا قالاسىنىڭ وڭتۇستىك جاعا جاڭا رايونى، قورعاس ەكونوميكالىق اشۋ رايونىنىڭ قۇلجا باقشا رايونى، قۇلجا شەكارالىق ەكونوميكالىق سەلبەستىك رايونى سياقتى جەرلەرگە بارىپ، باقشا رايونى قۇرىلىسىنا تەكسەرۋ – زەرتتەۋ جۇرگىزىپ، دامۋ وي جەلىسىن تىڭداپ، ساقتالعان ماسەلەلەردى تاۋىپ، شەشۋ شارالارىن اقىلداستى.

    تەكسەرۋ – زەرتتەۋ بارىسىندا، جاۋ تيانجيە ىلە وزەنىنىڭ ەكى جاعالاۋ قۇرىلىسى، ونەركاسىپ باقشا رايونىن جوسپارلاۋ سياقتى ماڭىزدى تۇيىندەر جونىندە ناق مايداندا كادرلارمەن ىشكەرىلەي پىكىر اۋىستىردى. ول بىلاي دەپ باسا دارىپتەدى: ىلە وزەنىنىڭ ەكى جاعالاۋىن جوبالاپ دامىتۋ جاعىندا قىزىل سىزىق تانىمى بولۋى، ىلە وزەنىن قورعاۋ قىزمەتىن ويداعىداي ىستەۋ كەرەك. ءارقايسى ونەركاسىپ باقشا رايوندارىنىڭ جوباسىن باسىپ وزۋ تالابىمەن جاساپ، جوبا مازمۇنىن كەمەلدەندىرىپ، قۇرىلىسقا دالمە – ءدال قارجى قوسىپ، دامۋدا ءىس جۇزىندىككە كوڭىل ءبولىپ، قارجىنىڭ ەڭ جوعارى ونىمدىلىگىن ساۋلەلەندىرىپ، قولداعى بايلىقتى ەڭ جوعارى دەڭگەيدە كادەگە جاراتۋ كەرەك.

    ناقتى تەكسەرۋ – زەرتتەۋ جۇرگىزگەننەن كەيىن جاۋ تيانجيە، قۇرماش سىرجان ۇلى قاتارلى باسشىلار قۇلجا قالاسىنىڭ، سونداي – اق ءۇش رايوننىڭ جاۋاپتىلارىمەن اڭگىمە ءماجىلىسىن وتكىزىپ، قۇلجا قالاسى وڭتۇستىك جاعا جاڭا رايونىنىڭ، قورعاس ەكونوميكالىق اشۋ رايونى قۇلجا باقشا رايونىنىڭ، قۇلجا شەكارالىق ەكونوميكالىق سەلبەستىك رايونىنىڭ قىزمەتى، دامۋ جاعدايى جونىندەگى دوكلادتى تىڭداپ، باقشا رايونىنىڭ دامۋىنا كەدەرگى بولىپ وتىرعان ءتۇزىلىس مەحانيزمى ماسەلەلەرى جونىندە زەرتتەۋ جۇرگىزدى.

    جاۋ تيانجيە بىلاي دەپ باسا دارىپتەدى: باقشا رايونىن دامىتۋدا، ءسوزسىز، باعىت ايقىن، وي جەلىسى اشىق بولۋى ءتيىس. ءسوزسىز، بايلانىستى، مەحانيزمدى، ءتۇزىمدى رەتتەۋدەن باستاپ ىسكە كىرىسىپ، جوبانىڭ عىلميلىق ورەسىن جوعارىلاتىپ، الدىن الا جوسپار جاساۋ قاجەت، ياعني دامۋ بىركەلكى بولماۋ، دامۋ باياۋ بولۋ قۇبىلىستارى كورىلمەۋى، الباتى قۇرىلىس سالۋ، الباتى دامىتۋ احۋالدارى ءتىپتى دە تۋىلماۋى ءتيىس. ءتۇزىلىس مەحانيزمىن رەتتەۋ ارقىلى تاماشا اۋان قالىپتاستىرىپ، كادرلار، جۇمىسشى – قىزمەتشىلەر بەلسەندىلىكتى ارتتىرىپ، جوسپاردى ورىنداپ، جاۋاپكەرشىلىكتى ادا ەتىپ، قابىلەتتى ساۋلەلەندىرىپ، تاماشا ونىمدىلىك جاراتۋى كەرەك. «ءتورت ونىمدىلىك تانىمىنىڭ» تالابى بويىنشا، باقشا رايونىنىڭ جوعارى ساپامەن دامۋىن جەبەۋ ءتيىس.

    جاۋ تيانجيە مىنالاردى تالاپ ەتتى: قۇلجا شەكارالىق ەكونوميكالىق سەلبەستىك رايونى اۋقىم وزگەرىسىنە ساي داۋىرمەن بىرگە العا ىلگەرىلەپ، رەفورما، باسقارۋ ءتۇزىلىسى، مەحانيزم جاقتارىنداعى ماسەلەلەر جونىندە باتىلدىقپەن ىزدەنىس جاساپ، وڭىرلىك ەكونوميكانىڭ، قوعامنىڭ دامۋىن جەبەۋ؛ وڭتۇستىك جاعا جاڭا رايونى ءتۇرلى نەگىزدىك قىزمەتتەردى ىلگەرىلەتۋدىڭ اياق الىسىن جەدەلدەتىپ، تۇزىمدىك كەپىلدى جەدەل قالىپتاستىرۋ؛ قورعاس ەكونوميكالىق اشۋ رايونىنىڭ قۇلجا باقشا رايونى رەفورمانى ۇزدىكسىز تەرەڭدەتىپ، ءبىرتۇتاستىق پەن ءىشىنارالىقتى ۇشتاستىرۋ تالابى بويىنشا قىزمەت ۇقىقتارىن ايقىنداپ، باقشا رايونىنىڭ اقاۋسىز دامۋىن ىلگەرىلەتۋ كەرەك.

سول كۇنى تۇستەن كەيىن جاۋ تيانجيە جانە وبلىس باسشىلارىنان لي ميڭحۇي، گاۋ چي قۇلجا شەكارالىق ەكونوميكالىق سەلبەستىك رايونىنىڭ نيڭيۋان الەۋمەتتىك اۋماعى مەن قۇلجا قالالىق سايبويى كوشە ءىس باسقارماسىنىڭ تۇلپار الەۋمەتتىك اۋماعىنا، بايتوللا مەشىتىنە، قازانشى كوشە ءىس باسقارماسىنىڭ نۇرلى جول الەۋمەتتىك اۋماعىنا، تاشكورىك اۋىلىنىڭ جيدەلى قىستاعىنا بارىپ، نەگىزگى ساتىنىڭ ورنىقتىلىق قىزمەتتەرىنە تەكسەرۋ-زەرتتەۋ جۇرگىزدى.

    ءدال سول ساتتە نۇرلى جول الەۋمەتتىك اۋماعىندا وسى اۋماق قاراستىلىعىنداعى 50 دەن استام اۋىلعا قايتقان ستۋدەنتتەر «جەر ۇيىعى» ـ جاڭا ىلە قۇرۋ جونىندە تالقى ورىستەتىپ جاتقان ەدى، جاۋ تيانجەنىڭ بۇل اراعا كەلۋى اڭگىمە ماجىلىسىنىڭ مەرەيىن ونان ارى اسىرا ءتۇستى.

    شينجياڭ قازىنا-ەكونوميكا ۋنيۆەرسيتەتىنىڭ 4 ـ جىلدىق وقۋشىسى راميلا ءانۋار جاۋ تيانجەنىڭ قاسىنا كەلىپ تەبىرەنە: «شۋجي سالەمەتسىزبە، ءسىز بىزگە ءوز كوڭىلىڭىزدەگى «جەر ۇيىعى» ـ جاڭا ىلەنىڭ قانداي ەكەنىن ايتىپ بەرسەڭىز بولاما؟»،- دەدى.

    جاۋ تيانجيە ستۋدەنتتەرگە: وبلىستىق پارتكومنىڭ قىزمەت ماجىلىسىندە «جەر ۇيىعى» ـ جاڭا ىلە قۇرۋ نىساناسى العا قويىلىپ، «تىنىش ىلە، ىركىلىسسىز ىلە، كورىكتى ىلە، ينتەلەكتتى ىلە، اقاۋسىز ىلە، ىرىستى ىلە» قۇرۋ العا قويىلدى، بۇل وبلىستىق پارتكومنىڭ پارتيا 19-قۇرىلتايىنىڭ رۋحىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن دايەكتى تياناقتاندىرىپ، قوعام ورنىقتىلىعى مەن باياندى تىنىشتىق جاڭا جاعدايىن اشۋدىڭ ناقتى بەينەسى. جۇڭگوشا سوتسياليزمنىڭ جاڭا داۋىرگە قادام تاستاۋىنا ساي ەلىمىز قوعامىنىڭ باستى قايشىلىعى حالىقتىڭ كۇن ساناپ ارتىپ وتىرعان تاماشا تۇرمىسقا تالپىنىسى مەن دامۋدىڭ بىركەلكىسىزدىگى، تولىق بولماۋى اراسىنداعى قايشىلىققا وزگەردى، وبلىستىق پارتكوم ىلەنىڭ دامۋىنداعى بىركەلكىسىزدىك، تولىق بولماۋ جاعىنداعى ماسەلەلەردى شەشۋ ءۇشىن «قوعام ورنىقتىلىعىندا ۇلگىلى ءوڭىر، ەكولوگيالىق قۇرىلىستا جەتەكشى ءوڭىر، ۇلتتار ىنتىماعىندا ۇلگى كورسەتەتىن ءوڭىر، سىرتقا ەسىك اشۋدا جەتەكشى ءوڭىر، ەكونوميكالىق دامۋدا بەلدى ءوڭىر، حالىق تۇرمىسىن جاقسارتۋدا وزىق ءوڭىر» قۇرۋدى العا قويدى،-دەدى.

    جاۋ تيانجيە بىلاي دەپ اتاپ كورسەتتى: «جەر ۇيىعى»–جاڭا ىلە قۇرۋدىڭ ناقتى مازمۇنى – «التى جاقتان ىلە قۇرۋ». بۇل ءار ۇلت بۇقاراسىنىڭ ءۇمىتى ءارى ىلەلىكتەردىڭ ارمانى. وبلىستىق پارتكومنىڭ قىزمەت بايانداماسى «جەر ۇيىعى»–جاڭا ىلە قۇرۋ وبرازدى بەينەلەندى، ياعني ىلەدە تۇرمىس كەشىرىپ جاتقاندارعا ىلەنىڭ جاسىل تاۋلى، ءمولدىر وزەندى، قۇستارى جارىسا سايراعان، بالىعى اتشا تۋلاعان جەر ءجانناتى ەكەنىن سەزىندىرۋ دارىپتەلدى. «جەر ۇيىعى»–جاڭا ىلەنى ىلەلىكتەردىڭ ماقتانىشىنا اينالدىرۋ تالاپ ەتىلدى.

    جاۋ تيانجيە بىلاي دەدى: جاسىلدىق – ىلەنىڭ ەڭ ماڭىزدى ەرەكشەلىگى، تاماشا ەكولوگيا – ىلەنىڭ ەڭ ۇلكەن ابزالدىعى. ءبىز ورتاق قۇلشىنىس جاساپ ىلەنىڭ اسپانىنىڭ اناعۇرلىم اشىق، سۋىنىڭ اناعۇرلىم تۇنىق، جەرىنىڭ اناعۇرلىم جاسىل بولۋىن جۇزەگە اسىرۋىمىز كەرەك. مەنىڭ ىلەگە كەلىپ قىزمەت ىستەۋىمنىڭ ءوزى ىلەلىك بولعاندىعىم، كوپشىلىكپەن بىرگە بولىپ، بىرگە ىستەۋ ارمانىم. كوپشىلىكتىڭ ەڭ اۋەلى دەنساۋلىقتارىنا كوڭىل ءبولىپ، ۇيرەنۋدە تىڭ ىزدەنىستەر جاساپ، كەلەشەكتە مەملەكەتتىڭ تىرەكتى كۇشىنە اينالۋىن ءارى كوپشىلىكتىڭ دەمالىس كەزىنەن ۇتىمدى پايدالانىپ، الەۋمەتتىك اۋماقتىڭ قىزمەتىنە بەلسەنە قاتىناسىپ، قاراستى رايوندارداعى حالىق بۇقاراسىنا ءتيىمدى ىستەردى كوبىرەك ىستەپ بەرۋىن ءۇمىت ەتەمىن.

ورنىقتىلىقتى قورعاۋ قىزمەتىنە تەكسەرۋ–زەرتتەۋ جۇرگىزگەندە جاۋ تيانجيە نەگىزگى ساتىنىڭ الدىڭعى شەبىندە قىزمەت ىستەپ جاتقانداردان حال سۇرادى. ول بىلاي دەپ اتاپ كورسەتتى: ورنىقتىلىق قىزمەتى – بارلىق قىزمەتتىڭ العى شارتى ءارى نەگىزى. تىنىش ىلە قۇرۋ – بارلىعىمىزدىڭ ورتاق قۇلشىنىس جاساۋىمىزدى قاجەت ەتەدى. جاۋ تيانجيە تاعى مىنانى باسا دارىپتەدى: ءىرى ساندىق مالىمەتتەن ويداعىداي پايدالانىپ، جوعارى تەحنيكانى ۇتىمدى قولدانىپ، ءىس جۇزىندىك قىزمەت بارىسىندا قاجىرلىلىقپەن ۇيرەنىپ، كوبىرەك شىڭدالىپ، ماسەلەنى بايقاۋ مەن شەشۋ قابىلەتىن ۇزدىكسىز جوعارىلاتىپ، ورنىقتىلىق قىزمەتىن بارىنشا شىنايى ىستەۋ كەرەك.

وبلىستىق پارتكومنىڭ تۇراقتى مۇشەسى، قۇلجا قالالىق پارتكومنىڭ شۋجيى لي شينجۇن تەكسەرۋ–زەرتتەۋدە بىرگە بولدى.

كەلۋ قاينارى: ىلە گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ