<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ىلە حابارلارى

وبلىستىق ۇكىمەت كەڭسە مەڭگەرمەسىنىڭ «ۇعىسۋ، تيىمدىلىك جاساۋ، توعىستىرۋ» قىزمەت اترەتى جۇمىسقا اتتاندى

   ءتىلشىمىز شى شۋەحۇڭ، ەرىكتى تىلشىلەر جياڭ جياحان، يان يۇيسۇڭ حابارلايدى. قاڭتاردىڭ 31 – كۇنى وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى وبلىستىق ۇكىمەت كەڭسە مەڭگەرمەسىنىڭ «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ 26 مۇشەسىن اتتاندىرا باردى. اتتاندىرۋ سالتىنا تاعى وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى ليۋ جيانگو، وبلىستىڭ ورىنباسار باستىقتارىنان مەي يۇي، جاڭ جۇي، ەلشات تۇرسىنباي ۇلى، حى پيڭ، جاڭ ميڭحۋا، ابليكىم نۇرانبەك قاتىناستى.

    سالتتا قۇرماش سىرجان ۇلى قىزمەت اترەتىندەگىءار ۇلت كادرلارىمەن ءبىر – بىرلەپ قول الىسىپ ۇزاتىپ سالدى ءارى ءوز ءۇمىتىن ايتتى. ول بىلاي دەپ اتاپ كورسەتتى: «ۇعىسۋ، تيىمدىلىك جاساۋ، توعىستىرۋ» قىزمەت اترەتى مۇشەلەرىنىڭ مىندەتى اۋىر، جاۋاپكەرلىگى كۇشتى. ولار بورىشتى اتقارىپ، قىزمەتكە قىزۋ ىنتامەن كىرىسۋ كەرەك. بورىشتى ەستە بەرىك ساقتاپ، يدەيانى اۆتونوميالى رايوندىق پارتكوم مەن وبلىستىق پارتكومنىڭ قىزمەت تالاپتارىمەن بىرلىككە كەلتىرىپ، قوعام ورنىقتىلىعىن قورعاۋدى ارقاۋ ەتۋ؛ نەگىزگى ساتى ۇيىمىن كۇشەيتۋ؛ بۇقارالىق قىزمەتتى ويداعىداي ىستەۋ؛ حالىق تۇرمىسىنا تيىمدىلىك جاساۋ ساياساتىن تياناقتاندىرۋ؛ اۋقاتتانۋ جولىن كەڭەيتۋ؛ كەدەيلەردى سۇيەمەلدەۋدەن قامال الۋ شايقاسىن ويداعىداي جۇرگىزۋ؛ ناقتى، شىنايى ىستەۋ، پارتيا مۇشەلەرى قوسىنىن نىعايتۋ سىندى 8 ءتۇرلى مىندەتتى ويداعىداي اتقارىپ، «ۇعىسۋ، تيىمدىلىك جاساۋ، توعىستىرۋ» قىزمەتىن ويداعىداي ورىستەتۋ كەرەك.

    قۇرماش سىرجان ۇلى بىلاي دەدى: «ۇعىسۋ، تيىمدىلىك جاساۋ، توعىستىرۋ» قىزمەتى _ ورگان قىزمەتىنىڭ نەگىزگى ساتىعا ويىسۋى، قىستاققا تۇسكەن ءارقايسى قىزمەت اترەتتەرى بۇقارا ءۇشىن كوپتەپ ناقتى قىزمەتتەر ىستەپ، ولارعا اۋقاتتانۋ جولىن اشىپ، نەگىزگى ساتىنىڭ پارتيا مۇشەلەرى قوسىن قۇرىلىسىن كۇشەيتىپ، قىزمەت جونىندە سەنىم مەن بەكىمدى نىعايتىپ، نەگىزگى ساتىداعى اماليات بارىسىندا ءمورالدى، ەرىكتى شىڭداپ، ءار دارەجەلى كۇشتەردى قىزمەت اترەتىنىڭ ءتۇرلى مىندەتىنە ۇيىستىرىپ، قىستاقتا تۇرۋ قىزمەتىن ادامدى باۋليتىن، دارىن كۇشىن ساۋلەلەندىرەتىن قىزمەتكە اينالدىرۋ كەرەك. ءار ادام ۇگىتشى، تۇقىم ءسىڭىرۋشى بولىپ، بۇقارامەن بىرگە تاماقتانۋ، قونالقىدا بىرگە بولۋ، بىرگە ەڭبەك ىستەۋ بارىسىندا پارتيانىڭ حالىققا تيىمدىلىك جاساۋ ساياساتتارىن ويداعىداي ۇگىتتەپ، نەگىزگى ساتىداعى ءاربىر ادامعا جەتكىزۋ كەرەك. بۇرىنعى تاماشا تاجىريبەلەر مەن ادىستەردى قورىتىندىلاۋ نەگىزىندە جاڭا جاعدايعا، جاڭا تالاپتارعا سايكەسىپ، ءتۇيىندى كورنەكتىلەندىرىپ، ءادىس – شارا جاعىنان جاڭالىق اشىپ، بيىلعى قىزمەتتى ىلگەرىلەتىپ، تاڭداۋلى ناتيجە ارقىلىءار ۇلت بۇقاراسىن رازى ەتىپ، وبلىستىق پارتكوم مەن ۇكىمەتتىڭ ءۇمىتىن اقتاۋ كەرەك.

وبلىستىق ۇكىمەتتىڭ كەڭسە مەڭگەرمەسى دە بۇرىنعىسىنشا قىزمەت اترەتى مۇشەلەرىنىڭ ارتقى ساپ تىرەگى بولىپ، قىستاقتا تۇرۋ قىزمەتىن بار كۇشپەن قولداۋ كەرەك.

كەلۋ قاينارى: ىلە گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn