<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ىلە حابارلارى

قۇلجا قالاسى ەكولوگيالىق ورتانى ويداعىداي قورعاپ كەلەدى

ءتىلشىمىز باقىتالى سەيىتحان ۇلى حابارلايدى. ىلە وزەنى كورىنىس رايونىن بويلاپ، باتىسقا قاراي جۇرسەڭىز توپ – توپ جابايى ۇيرەكتەردىڭ وزەندە ەركىن ءجۇزىپ، سازدا قىرعاۋىلداردىڭ ۇشىپ – قونىپ جۇرگەنىن كورەسىز، ءتىپتى اققۋدىڭ قيقۋلاعان اسەم ءۇنىن ەستيسىز.

    قۇلجا قالالىق جابايى حايۋانات – وسىمدىكتەردى قورعاۋ كەڭسەسى جاۋاپتىسىنىڭ ايتۋىنشا، قۇلجا قالاسى تاياۋ جىلداردان بەرى ەكولوگيالىق ورتانى قالپىنا كەلتىرۋ جانە قورعاۋ تەبىنىن نىعايتىپ كەلەدى، اسىرەسە، ىلە وزەنى ەكولوگياسىن قالپىنا كەلتىرۋ جانە قورعاۋ سياقتى ءتۇيىندى ورمانشىلىق قۇرىلىستارىن بارىنشا كەمەلدەندىردى. ەكولوگيا قۇرىلىس نىسانىنىڭ ارت – ارتىنان اتقارىلۋىنا ساي، ساز ەكولوگياسى ايتارلىقتاي جاقسارىپ، كوپتەگەن جابايى حايۋانات وسى جەردە مەكەندەۋدە ەكەن.

    ۇعىسۋىمىزشا، ىلە ءوڭىرى اۆتونوميالى رايونىمىز بويىنشا حايۋاناتتاردىڭ ءتۇرى ەڭ كوپ ءوڭىر ەسەپتەلەدى ەكەن. 2006 – جىلى قۇرىلعان ىلە وزەنى ساز باقشاسىنىڭ جەر اۋماعى 15 مىڭ 945 مۋ بولىپ، ساز باقشاسىنىڭ قۇرىلۋى قوعامداعى ءار سالانىڭ نازارىن اۋدارىپ، قورعاۋ بەلسەندىلىكتەرىن ارتتىرىپ قانا قويماي، ىلەنىڭ جوعارى ساپالى ورمان گەن بايلىعىن قورعاۋ مەن ىلە ءوڭىرىنىڭ ەكولوگيا جۇيەسىن قالپىنا كەلتىرۋدە زور رول اتقارعان.

    قۇلجا قالالىق جابايى حايۋانات – وسىمدىكتەردى قورعاۋ كەڭسەسى 2017 – جىلى جابايى حايۋاناتتاردى ىندەتتەن، وسىمدىكتەردى دەرت – دەربەزدەن ساقتاۋ، تەكسەرۋ، قۇتقارۋ، حايۋانات – وسىمدىك بايلىعىن قورعاۋ زاڭىنا قيعاشتىق جاساعاندارعا سوققى بەرۋ تەبىنىن نىعايتىپ، 31 جابايى حايۋاناتتى قۇتقارعان. مۇنىڭ ىشىندە مەملەكەتتىك 2 – دارەجەلى قورعالاتىن 18 حايۋانات، اۆتونوميالى رايوندىق 1 – دارەجەلى قورعالاتىن 5 جابايى حايۋانات، اۆتونوميالى رايوندىق 2 –دارەجەلى قورعالاتىن 8 حايۋانات بار ەكەن.

    سۋ بايلىعىن قورعاۋ تەبىنىن ارتتىرۋمەن بىرگە ىلە وزەنى رايونىنىڭ سازدى قورعاۋ قىزمەتى ويداعىداي ىستەلىپ، كوپتەگەن جابايى قۇستار جانە جىل قۇستارى وسى جەردە مەكەندەۋدە ەكەن. 2015 – جىلدان بەرى جابايى ۇيرەكتىڭ سانى 3 مىڭنان 8 مىڭعا جەتكەن. ساندى مالىمەتكە نەگىزدەلگەندە، ىلە وڭىرىندە قۇرلىقتا جاسايتىن 116 ءتۇرلى ومىرتقالى جابايى حايۋان، مۇنىڭ ىشىندە مەملەكەتتىك 1 – دارەجەلى قورعالاتىن 3 ءتۇرلى حايۋانات، مەملەكەتتىك 2 – دارەجەلى قورعالاتىن 15 ءتۇرلى حايۋانات، 3 ءتۇرلى مەملەكەتتىك 1 – دارەجەلى قورعالاتىن قۇس، 14 ءتۇرلى مەملەكەتتىك 2 – دارەجەلى قورعالاتىن قۇس بار ەكەن. ءبىر ءتۇرلى ورمەلەيتىن جابايى حايۋانات، 4 ءتۇرلى ءسۇت قورەكتى جابايى حايۋانات، بۇدان باسقا از ۇشىرايتىن بالىقتار دا بار ەكەن.

    قازىر قۇلجا قالاسىنىڭ ىلە وزەنى باقشاسىنىڭ كولەمى 10 مىڭ مۋدان اسىپ، مۇندا اق بۇركىت، جابايى ۇيرەك، اق قۇيرىق تەڭىز بۇركىتى، ۇلكەن اققۋ جانە سۇيەل مۇرىن اققۋ سياقتى 169 قۇس ءتۇرى مەكەندەيدى ەكەن.

كەلۋ قاينارى: ىلە كەشى گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ