<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ماڭىزدى حابارلار

جياڭسۋ ولكەسى ىلە اڭعارىندا شينجياڭعا كومەكتەسۋ جاعىنان ايشىقتى داستان جازدى

سۇن ۋەيشيا (ءوز ءتىلشىمىز)

 

    2016 – جىلى جەلتوقساندا جياڭسۋ ولكەسىنەن 9 - توپتا ىلەگە كومەككە كەلگەن 350 كادر – دارىندى ولكەلىك پارتكوم مەن ۇكىمەتتىڭ كەلەلى تاپسىرماسىن ارقالاپ، ىلەگە كومەك بەرۋ قىزمەتىن جالعاستى ورىستەتتى. ءبىر جىلدان بەرى ولار بورىشتى ەستە بەرىك ساقتاپ، كۇش – قۋاتتى شوعىرلاندىرىپ، ناقتى ىستەپ، كورىكتى ىلە اڭعارىندا شينجياڭعا كومەكتەسۋدىڭ ايشىقتى داستانىن جازدى.

    كەدەيلەردى سۇيەمەلدەۋ جاعىنداعى شينجياڭعا كومەك بەرۋ قىزمەتى كەدەيلىكتەن ارىلتىپ، دوڭگەلەك داۋلەتتى ورەگە ۇمتىلۋدى جەبەدى

    «بىلتىر وتباسىمنىڭ جالپى كىرىسى 50 مىڭ يۋانعا جەتتى»، - دەدى نىلقى اۋدانى سۇپتاي اۋىلى بوربوسىن قىستاعىنىڭ تۇرعىنى وماربەك ءماتقۇرمان ۇلى ايرىقشا قۋانىشتى بەينەمەن. ول - ۋجين شينجياڭعا كومەك بەرۋ قىزمەت گرۋپپاسى باعىتتامالى سۇيەمەلدەيتىن كەدەي وتباسى. شينجياڭعا كومەك بەرۋ قارجىسىنىڭ سۇيەمەلدەۋىندە جانە قىزمەت گرۋپپاسىنىڭ جەتەكشىلىگىندە ول ءوز اۋلاسىندا 11 ءتۇرلى كوكونىس ەگىپ، 5 مىڭ يۋاننان استام كىرىس كىرگىزدى، حالىقتى اۋقاتتاندىرۋ بەيقۇت ءۇيىن جانە قورا سالىپ، باعىمشىلىق كاسىبىن دامىتىپ، كىرىسىن ارتتىرۋ قامىنا كىرىستى.

    نانتۇڭنىڭ 9 - توپتا شينجياڭعا كومەك بەرۋشى قىزمەت گرۋپپاسىنىڭ كومەگىندە تۇتاس اۋداننىڭ گۇل ەگۋ جۇمىسىنا جاۋاپتى بولعان قۇلجا اۋدانى سادىقجۇزى اۋىلىنداعى «گۇل ەگۋ ارقىلى شارۋالارعا تيىمدىلىك جاساۋ» گۇل ەگۋ سەلبەستىك كووپەراتيۆىنىڭ تۇرعىنى گۇل مايساسىن جەتكىزۋدە ەندىگارى ۋايىمدامايتىن بولدى. شينجياڭعا كومەك بەرۋ قىزمەت گرۋپپاسى وعان فۋتيان ماركالى جەڭىل جۇك اۆتوموبيلىن جاڭادان ساتىپ الىپ بەردى، ول اۋىلداستارىنا گۇل مايساسىن جەتكىزۋ جانە ولاردىڭ كىرىسىن ارتتىرۋ ءۇشىن جۇك اۆتوموبيلمەن اۋىل مەن اۋدان قالاشىعى اراسىنا قاتىناۋدا.

    جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق شتابىنىڭ باس جەتەكشىسى، وبلىستىق پارتكومنىڭ ورىنباسار شۋجيى پان داۋجين بىلاي دەدى: «ءبىز باس شۋجي شي جينپيڭنىڭ >دوڭگەلەك داۋلەتتى ورەگە جەتۋ جولىندا بىردە – بىرەۋدىڭ قاتاردان قالۋىنا بولمايدى< دەگەن ماڭىزدى نۇسقاۋى بويىنشا كومەككە يە بولعان جەرلەردىڭ كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋىنە قولداۋ كورسەتۋدى شينجياڭعا كومەك بەرۋ قىزمەتىنىڭ ماڭداي الدى مىندەتى ەتۋدە تاباندى بولامىز». جياڭسۋ ولكەسى كومەك قارجىسىن الدىمەن ورنالاستىرىپ، كومەكتەسىپ سالاتىن نىسانداردى كۇش سالا اتقارىپ، كومەكتەسۋ قيمىلدارىن بەلسەنە جوسپارلاپ، كەدەي بۇقارانىڭ كەدەيلىكتەن قۇتىلىپ، كىرىستەرىن ارتتىرۋىنا مۇمكىندىكتىڭ بارىنشا كومەكتەسۋدە.

وسىعان بايلانىستى جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق شتابى «ىلە وبلىسىنىڭ كەدەيلىكتەن قۇتىلدىرۋدان قامال الۋىندا ىلەنىڭ كەدەيلەردى سۇيەمەلدەۋىنە كومەكتەسۋ ارناۋلى قيمىلىن اتقارۋ جوباسىن» بەلگىلەپ، نىسان قۇرىلىسى، كاسىپتەر بويىنشا شينجياڭعا كومەك بەرۋ، دارىندىلاردى تاربيەلەۋ، سەرىكتەسىپ بىرگە قۇرۋ جانە قوعامدىق كومەك بەرۋ جاعىندا ءتۇرلى شارانى بىرگە اتقارىپ، شينجياڭعا كومەك بەرۋ نىسان قارجىسىن كەدەي اۋىل – قىستاقتارعا، كەدەيلەرگە ويىستىرۋدى جەبەدى. شينجياڭعا كومەك بەرىپ، كەدەيلەردى سۇيەمەلدەيتىن 96 نىساندى اتقاردى، 825 ميلليون يۋان شينجياڭعا كومەك بەرۋ قارجىسىن ورنالاستىردى، جالپى مولشەردىڭ %45 تەن استامىن يەلەيتىن، جالپى كومەك بەرۋ ارحيۆى تۇرعىزىلعان 17 مىڭ 873 وتباسىنداعى 63 مىڭ 404 ادام كەدەيلىكتەن قۇتىلدى.

    جاڭجياگاڭنىڭ شينجياڭعا كومەك بەرۋ قىزمەت گرۋپپاسى «جاڭجياگاڭ قالاسى مەن توعىزتاراۋ اۋدانى ءبىر وتباسىنىڭ ادامدارىنداي بولىپ، دوڭگەلەك داۋلەتتى ورەگە بىرگە ۇمتىلۋدا تىلەكتەس بولۋ» قيمىلىن ورىستەتتى، جاڭجياگاڭداعى 800 مەيىر باعىشتاۋ قايراتكەرى توعىزتاراۋ اۋدانىنداعى 800 پارتيالى كادرمەن سەلبەسىپ، 800 كەدەي وتباسىنا شىنايى كومەكتەستى؛ جاڭجياگاڭنىڭ شينجياڭعا كومەك بەرۋ قىزمەت گرۋپپاسى 3 ميلليون يۋاندىق «جۇدىرىقتاي جۇمىلىپ، دوڭگەلەك داۋلەتتى ورەگە ۇمتىلۋدى» سۇيەمەلدەۋ قورىن ارناۋلى قۇرىپ، ەرەكشە قيىنشىلىعى بار بۇقارانىڭ كەدەيلىكتەن قۇتىلۋىنا كومەكتەستى.

    ءبىر جىلدان بەرى جياڭسۋداعى 475 مەيىر باعىشتاۋ كاسىپورنى، ءىسورنى، 6 مىڭ 68 مەيىر باعىشتاۋ قايراتكەرى جالپى 40 ميلليون 880 مىڭ يۋان كومەك قارجىنى، قۇنى 8 ميلليون 580 مىڭ يۋاندىق زاتتى جىلۋعا اتاپ، 5 مىڭ 921 كەدەي وتباسىنا كومەكتەستى. شينجياڭعا كومەك بەرەتىن 350 كادر – دارىندى كەدەي بۇقارامەن تۋىستىق قاتىناس ورناتىپ، 639 جۇپ قۇراپ، جالپى قۇنى 2 ميلليون 563 مىڭ يۋاندىق اقشالاي، زاتتاي جىلۋ اتادى.

    حالىق تۇرمىسى جاعىندا شينجياڭعا كومەك بەرۋ قىزمەتى ءار ۇلت جۇرتشىلىعىنا باقىت باعىشتادى

    قاڭتاردىڭ 12 – كۇنى قورعاس قالاسى مۇقىر مال فەرماسىنىڭ قىستاق تۇرعىنى تىلشىگە بىلاي دەدى: «بالالار باقشاسىنان ۇيىمە دەيىن 10 مينۋت قانا جۇرەمىن، ءار كۇنى بالامدى بالالار باقشاسىنا جەتكىزگەننەن كەيىن دۇكەنىمە بارامىن، وتە قولايلى بولدى»! مەن شاعىن دۇكەن اشۋدى ويلاعانمىن، ءبىراق بالامدى قارايمىن دەپ دۇكەن اشا الماعان بولاتىنمىن، قىستاقتا بالالار باقشاسى سالىنعاننان كەيىن بۇل ارمانىم جۇزەگە استى.

    قورعاس قالاسى موقىر مال فەرماسى سەنترلى قوس ءتىل بالالار باقشاسى - ليانيۇنگاڭنىڭ شينجياڭعا كومەك بەرۋ نىسانى. كولەمى ءبىر مىڭ 600 شارشى مەتر كەلەتىن وسى بالالار باقشاسىنىڭ سالىنىپ، پايدالانۋعا بەرىلۋى قورعاستىڭ شالعاي مال شارۋاشىلىق اۋىل – قىستاقتارىنداعى بالالاردىڭ جاقىن ماڭايدان تەگىن وقۋ ارمانىنىڭ جۇزەگە اسۋىنا مۇمكىندىك جاراتتى. بىلتىر تامىزدا پايدالانۋعا بەرىلگەن قۇلجا قالالىق الەۋمەتتىك قىزمەت وتەۋ ورتالىعىنىڭ جالپى قۇرىلىس اۋماعى 5 مىڭ 53 شارشى مەترگە جەتەدى. وعان جالپى 36 ميلليون 450 مىڭ يۋان (مۇندا شينجياڭعا كومەك قارجىسى 30 ميلليون 780 مىڭ يۋان) قارجى قوسىلدى، بۇل نانجيڭنىڭ شينجياڭعا كومەك بەرۋ قىزمەت اترەتى كومەكتەسىپ سالعان ءتۇيىندى نىسان. جەرگىلىكتى ورىنداعى 21 اكىمشىلىك ورىن وسى ورتالىققا ىرگە تەپتى، مۇندا 196 اكىمشىلىك تەكسەرىپ – بەكىتۋ ءىسى ءبىر جاقتى ەتىلىپ، جەرگىلىكتى ۇكىمەتتىڭ «ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، ساپالى قىزمەت وتەۋ» رەفورما قىزمەتى جەبەلدى.

بىلتىر جياڭسۋ ولكەسى ءبىر ميلليارد 812 ميلليون يۋان شينجياڭعا كومەك بەرۋ قارجىسىن ورنالاستىرىپ، ىلە مەن بيڭتۋان 4 -، 7 – ديۆيزيالارىندا شينجياڭعا كومەك بەرۋ نىسانىنان جالپى 8 ۇلكەن ءتۇر بويىنشا 304 ىن اتقارعان. مۇنىڭ ىشىندە حالىق تۇرمىسى سالاسىنا ءبىر ميلليارد 462 ميلليون يۋان قارجى جۇمسالىپ، %81 تى ۇستادى. بەيقۇت ءۇي ارقىلى حالىقتى اۋقاتتاندىرۋ، وتىرىقتاندىرۋ ارقىلى مال شارۋاشىلىعىن كوركەيتۋ «ەكى وتىرىقتاندىرۋ ينجەنەرياسى» نىسانىنان 26 مىڭ 200 وتباسى يگىلىكتەندى؛ 59 قوس ءتىل بالالار باقشاسىن، 8 قوس ءتىل ورتا مەكتەبىن، وقۋ – اعارتۋعا سايكەستى قۇرىلعى نىسانىنان 16 سىن سالعان؛ 7 – ديۆيزيانىڭ حۋياڭحى قالالىق حالىق شيپاحاناسى سياقتى اۋدان، اۋىل، قىستاق سىندى ءۇش دارەجەلى ەمدەۋ – دەنساۋلىق ساقتاۋ نەگىزدىك قۇرىلعىلار قۇرىلىسىن ولشەمدەندىرۋ قۇرىلىسى مەن ەمدەۋگە، جوسپارلى تۋۋعا قىزمەت وتەۋ جۇيەسىن جوعارىلاتۋ نىسانىنان 44 ىن اتقارىپ، ءار ۇلت جۇرتشىلىعىنا پارتيانىڭ قامقورلىعى مەن وتان سىندى ۇلى وتباسىنىڭ مەيىرىن شىنايى سەزىندىردى.

    قىستاق تۇرعىندارىنىڭ اۋىل ىرگەسىنەن كاسىپتەنۋىنە كومەكتەستى

    قۇلجا اۋدانىنىڭ تۇرعىنى گۇلبان نياز ءار كۇنى يتۇڭ جىبەك جولى كيىم – كەشەك سەرىكتىگىنە كەلىپ 8 ساعات جۇمىس ىستەيدى، ونىڭ قولىنان شىققان كيىمدەر جارىم ايدان سوڭ ورتا شىعىس ەلدەرى بازارىنا جەتىپ بولادى. گۇلبان نياز وتباسىنىڭ 7 مۋ جەرى بار، ولار ەگىنشىلىككە سۇيەنىپ كۇن كورەتىن. تۇرمىس كۇيلەرى ناشار ەدى. يتۇڭ سەرىكتىگىنىڭ جەرگىلىكتى ورىنداعى تۇرعىنداردان توقىماشى قابىلداپ جاتقانىن ەستىپ، ول دا تىزىمدەلەدى، 3 ايلىق كۋرس ارقىلى كاسىپورىننىڭ ءبىر جۇمىسكەرىنە اينالادى. بۇگىنگى كۇنى ايىنا 2 مىڭ يۋاننان استام ەڭبەكاقى الادى، وتباسىنىڭ شارت – جاعدايى دا جاقساردى.

    ءبىر جىلدان بەرى جياڭسۋ ولكەسىنىڭ ىلەگە باعىتتامالى كومەك بەرۋ الدىڭعى شەپ قولباسشىلىق شتابى كاسىپتەندىرۋدى جەبەۋدى ماڭداي الدى ورىنعا قويۋدا تاباندى بولىپ، كومەك قابىلدايتىن ورىننىڭ بايلىق ابزالدىعى مەن جياڭسۋدىڭ كاسىپ ابزالدىعىن تولىق ساۋلەلەندىرىپ، كاسىپ جاقتان شينجياڭعا كومەك بەرۋ تەبىنىن ءۇرتىس ارتتىرىپ، كوپ ارنا، ءتۇرلى فورمالار ارقىلى ءار ۇلت جۇرتشىلىعىنىڭ ءوز تۇرعان جەرلەرىنەن كاسىپتەنۋىنە، كاسىپ جاراتۋىنا كومەكتەستى. «جياڭسۋ ولكەسىنىڭ ىلەگە كاسىپ جاقتان كومەكتەسۋگە جەتەكشىلىك ەتۋ قارجىسىن باسقارۋ جونىندەگى ۋاقىتشا اتقارۋ ءادىسىن» بەلگىلەپ، 60 ميلليون يۋان جەتەكشى قارجى توپتاپ، ءتۇرلى تاسىلدەردەن پايدالانىپ، ءجۇز ميلليون يۋاننان استام قارجى قوسىلعان، جۇزدەن استام ادام كاسىپتەنەتىن ءىرى نىساندى ىرگە تەپتىردى.

    نانتۇڭ شينجياڭعا كومەك بەرۋ قىزمەت گرۋپپاسى قۇلجا اۋدانىنان توقىما كيىم – كەشەك كاسىپ باقشاسىن قۇرىپ، 1 – مەزگىلدە 15 ولشەمدى زاۆود ءۇيىن تۇرعىزىپ، 11 كاسىپورىندى ەنگىزىپ، 2 مىڭنان استام ءار ۇلت جۇرتشىلىعىن ورنىقتى كاسىپتەندىردى؛ يانچىڭ شينجياڭعا كومەك بەرۋ قىزمەت گرۋپپاسى چاپچال سىبە اۆتونوميالى اۋدانىنان 62 از ۇلت بوس ەڭبەككۇشىن فۋنيڭ رۇڭۋەي سەرىكتىگىندە كاسىپتەنۋگە جونەلتىپ، كىرىستەرىن ارتتىردى؛

جىنجياڭ شينجياڭعا كومەك بەرۋ قىزمەت گرۋپپاسى اۋىل شارۋاشىلىق بانكەسىنىڭ ىلەدەگى بيڭتۋان بولىمشە بانكەسىمەن سەلبەسىپ، جىنجياڭدا 4 – ديۆيزيا كاسىپورىنىن ىرگە تەپتىرىپ، 2 ميلليارد يۋان ءوتىنىش ەتۋ سيپاتتى امانات قارىز بەرىپ، كاسىپورىننىڭ دامۋىن قارجى جاقتان قولداعان؛ شۇيجوۋ شينجياڭعا كومەك بەرۋ قىزمەت گرۋپپاسى جياڭسۋدىڭ جينشىڭ، تيانحۇڭ جانە شاندۇڭ بايجىڭ سياقتى كاسىپورىندارىن قولداپ، كۇيتۇن قالاسىنىڭ كاسىپ باقشاسىنىڭ تەحنيكاسىن جاڭالاپ، قۋاتىن ارتتىرىپ، جىلىنا 890 مىڭ ۇرشىق ءجىپ ءيىرۋدى جۇزەگە اسىرۋعا، 3 مىڭ 300 دەن استام ادامنىڭ كاسىپتەنۋىنە كومەكتەسكەن.

    اقىل – پاراسات جاعىنان كومەكتەسۋدى نىعايتتى

    شينجياڭعا كومەك بەرۋگە كەلگەن شيپاگەر فان جيلۇڭ بىلتىر قازاننىڭ 27 – كۇنى ساعات 13 تەن 22 مينۋت وتكەندە وپەراتسيا بولمەسىنەن شىعىسىمەن قورعاس قالاسى يشىگاشان سىبە ۇلتتىق اۋىلى چىرشىگاشان قىستاعىنىڭ ناۋقاسقا شالدىققان تۇرعىنى ءامينا يكىمجاننىڭ جۇبايى ونىڭ قولىن قاتتى قىسىپ تۇرىپ: فان شيپاگەر، راقىمەت سىزگە، شينجياڭعا كومەك بەرۋشى كادرلار ايەلىمدى قۇتقارىپ قالدى، - دەدى.

    وتكەن جىلى جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق شتابى «گرۋپپا قۇرۋ ۇلگىسىندەگى» ەمدەۋ جاعىنان شينجياڭعا كومەك بەرۋ قىزمەتىن كۇشەيتىپ، 52 ەمدەۋ، دەنساۋلىق ساقتاۋ قۇرىلىمىنىڭ 80 شيپاگەر – مامانىن دارىندىلاردى تاربيەلەۋ، ارناۋلى ءبولىم قۇرىلىسى، شيپاحانا باسقارۋ سياقتى جاقتارداعى قىزمەتكە ۇيىمداستىرىپ، كاسىپتىك اۋىس – كۇيىس جاساۋ، ساباق ءوتۋ جانە تەحنيكالىق جەتەكشىلىك ەتۋ سىندى «ۇيرەتۋ، كومەكتەسۋ، جەتەكتەۋ» قيمىلىن ورىستەتتى. ولار ءبىر جىلدا 45 مىڭ 600 ادام – رەت ناۋقاس كورىپ، 15 مىڭ 100 ادامعا دياگنوز قويىپ، 4 مىڭ 29 رەتكى وپەراتسياعا جەتەكشىلىك ەتىپ جانە وعان قاتىناسىپ، رەت سانى بويىنشا ءبىر مىڭ 450 حاۋىپتى، سالماقتى ناۋقاستى قۇتقاردى، 132 تۇردەگى جاڭا تەحنيكا، جاڭا نىسان ەنگىزىپ، 67 تۇردەگى تەحنيكالىق بوستىقتى تولتىردى؛ 98 كەزەك كۋرس اشىپ، رەت سانى بويىنشا 11 مىڭ 100 شيپاگەر – سەسترا تاربيەلەپ، 164 شيپاگەر – سەسترانى باۋلىدى؛ ىلە وبلىستىق انا – بالالاردىڭ دەنساۋلىعىن قورعاۋ شيپاحاناسىنىڭ 3A دارەجەلى شيپاحانانى تەكسەرىپ – باعالاۋىنان وتۋىنە كومەكتەستى؛ ىلە وبلىستىق دوستىق شيپاحاناسىندا شينجياڭ بويىنشا تۇڭعىش رەت كوپ ۇلتتى قامتىعان تۋما جۇرەك اۋرۋىنىڭ ءتۇيىندى ۇلگى قامباسى، كۇنەس اۋداندىق حالىق شيپاحاناسىنىڭ جۇرەك اۋرۋلار ءبولىمى، قۇلجا اۋداندىق حالىق شيپاحاناسىنىڭ نەسەپ سىرتقى اۋرۋلار ءبولىمى، چاپچال اۋداندىق حالىق شيپاحاناسىنىڭ سۇيەك اۋرۋلار ءبولىمى سياقتى اتى ايگىلى كاسىپتىك بولىمدەردى قۇرۋعا كومەكتەسىپ، سول ورىنداردىڭ الەۋمەتتىك ەمدەۋ، دەنساۋلىق ساقتاۋ ۋنيۆەرسالدى قىزمەت وتەۋ قۋاتىن جوعارىلاتتى.

    «بارلىق وقۋشى تولىق كۋرستىڭ 1 – توپتاعى شەگىنە ءىلىندى، 5 وقۋشى شينجياڭ بويىنشا الدىڭعى 200 وقۋشىنىڭ قاتارىنا كىردى، بۇيىنتانا ساباقتاس شينجياڭ بويىنشا 29 – بولدى». بۇل قورعاس اۋداندىق جياڭسۋ ورتا مەكتەبىنىڭ ۋ – شي جياڭيىن كلاسىنىڭ وتكەن جىلعى جوعارى مەكتەپ ەمتيحان ناتيجەسى. بۇل ناتيجەلەرگە جياڭيىننىڭ شينجياڭعا كومەككە كەلگەن وقىتۋشىلارىنىڭ قان – تەرى سىڭگەن. وسى مەكتەپتىڭ جاۋاپتىسى بىلاي دەپ تانىستىردى: شينجياڭعا كومەككە كەلگەن وقىتۋشىلار وقىتۋ مىندەتىنەن تىس، تاعى «ۇيرەتۋ، كومەكتەسۋ، جەتەكتەۋ» مىندەتىن ۇستىنە الىپ، مەكتەپتىڭ وقىتۋ دەڭگەيىنىڭ ءبىر تۇتاس جوعارىلاۋىن جۇزەگە اسىردى.

«گرۋپپا قۇرۋ ۇلگىسىمەن» وقۋ – اعارتۋ جاعىنان شينجياڭعا كومەك بەرۋدى كۇشەيتتى. جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق شتابى نانجيڭ ۋنيۆەرسيتەتىن، نانجيڭ پەداگوگيكا ۋنيۆەرسيتەتىن، يانچىڭ پەداگوگيكا ۋنيۆەرسيتەتىن ىلە پەداگوگيكا ينستيتۋتىمەن سەلبەسىپ، ورتاق كوركەيۋدى جەبەپ، كومەككە يە بولعان جەردەگى وقىتۋشىلاردىڭ مەملەكەتتىڭ ورتاق ءتىل – جازۋىن قولدانۋ قابىلەتىن، قوس ءتىل وقىتۋ ورەسىن جوعارىلاتۋىنا كومەكتەستى؛ جاڭادان دوستاسىپ سەلبەسكەن مەكتەپ سانى 162 گە، ەكى جەردىڭ «سەرىكتەسكەن مەكتەپ سانى 608 گە جەتىپ، كومەككە يە بولعان جەرلەردەگى جالپى مەكتەپ سانىنىڭ %56.6 ىن يەلەدى؛ 80 ۇزدىك تىرەكتى وقىتۋشىنى ىلەدە وقىتۋشىلىق مىندەتىن وتەۋگە تاڭداپ جىبەرىپ، جياڭسۋدىڭ وقىتۋ تاجىريبەسىن ۇيرەتىپ، جەرگىلىكتى ورىننىڭ كۇندەلىكتى وقىتۋ، باسقارۋ ورەسىن جوعارىلاتتى.

    2017 – جىلى جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق شتابى 112 ميلليون يۋان كومەك قارجىسىن ورنالاستىرىپ، رەت سانى بويىنشا 90 مىڭ كادر - دارىندى تاربيەلەدى. جياڭسۋدىڭ پارتيا – ۇكىمەت كادرلارى، كاسىپورىن باسقارۋشى دارىندىلارى، تەحنيكالىق دارىندىلارى سياقتىلاردان 766 ادامدى ەنگىزىپ، جياڭسۋدىڭ رەفورما، جاڭالىق اشۋ تانىمى مەن تاجىريبەلەرى ارقىلى ىلەنىڭ ورنىقتىلىق، دامۋ ىستەرىن جەبەدى.

    جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق شتابى كوپ ساتىلى، كوپ سالالى، الۋان فورمالى ارالاسۋ، ىشتەسۋ، توعىسۋ قيمىلىن ورىستەتىپ، ونى ۇلتتار ىنتىماعىن كۇشەيتەتىن، جياڭسۋ مەن ىلەنىڭ توعىسپالى دامۋىن جەبەيتىن ماڭىزدى دانەكەر ەتىپ، جياڭسۋ مەن ىلە حالقىنىڭ ءبىر ءۇيلى جانداي ەتەنە دوستىعىن قالىپتاستىردى.

    9 – توپتاعى ىلەگە كومەككە كەلگەن كادر – دارىندىلار از ۇلت بۇقاراسىمەن تۋىستاسىپ، دوستاسىپ، 2 مىڭ 600 ادام – رەت امانداسا بارۋ قيمىلىن ورىستەتىپ، جياڭسۋدىڭ پارتيا – ۇكىمەت ورگانى، كاسىپورىن – ءىسورىن، قوعامدىق توپتارىنان 233 ورىندى ىلەنى كوزدەن كەشىرۋگە، اۋىس – كۇيىس جاساۋعا، جۇپ قۇراپ تۋىستاسۋعا ۇيىمداستىردى، ۇلتتار ىنتىماعى العاباسارلىعىنداعى ۇلگى ۋاكىلدەرىنەن، وتانشىل ءدىني قايراتكەرلەردەن، ۇزدىك جاستاردىڭ ۋاكىلدەرىنەن، قىستاق دارەجەلى از ۇلت كادرلارىنىڭ ۋاكىلدەرىنەن 125 ادامدى «جياڭسۋعا ساپار» قيمىلىنا ۇيىمداستىرىپ، ولكەلىك وداق كوميتەتىمەن بىرگە جياڭسۋ – ىلە جاس وسپىرىمدەرىنىڭ «تىلەكتەس، تۋىستاسۋ، قول ۇستاسۋ، تەڭ قادام باسۋ» تاقىرىپتىق قيمىلىن ورىستەتتى.

    «قالاشىق - قىستاقتار جۇپ قۇراعان» شينجياڭعا شاعىن كومەك بەرۋدى تەرەڭدەتتى. جياڭسۋدىڭ 212 قىستاعى (الەۋمەتتىك اۋماق) مەن 114 ۇزدىك اۋىل – قالاشىعى (ءمالى ءىس باسقارماسى) ىلەدەگى 145 ءالسىز قىستاقپەن (الەۋمەتتىك اۋماق، روتا – اترەت)، 111 اۋىل - قالاشىقپەن (الاڭ) جۇپ قۇرادى. تۇتاس جىلدا 40 ميلليون يۋاننان استام قارجى شىعارىپ، «شاعىن مەيىر باعىشتاۋ» ارقىلى «زور ىنتىماقتى» جەبەپ، «شينجياڭعا شاعىن كومەك بەرۋ» ارقىلى «جياڭسۋ مەن ىلەنىڭ سۇيىسپەنشىلىگىن» تەرەڭدەتتى.

كەلۋ قاينارى: ىلە گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ