<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ورتالىقتىڭ ءۇنى

ج ك پ ورتالىق كوميتەتىنىڭ مەملەكەتتىك كەڭەستىڭ مەملەكەتتىك حالىق قۇرىلتايى تۇراقتى كوميتەتىنە مەملەكەت مەنشىگىندەگى مال - مۇلىكتىڭ باسقارىلۋ جاعدايىنان مالىمەت بەرۋ ءتۇزىمىن ورناتۋ جونىندەگى پىكىرى

(2017 - جىلى 30 - جەلتوقسان)

    پارتيا 18 - كەزەكتى ورتالىق كوميتەتى ءۇشىنشى جالپى ءماجىلىسىنىڭ حالىق قۇرىلتايىنىڭ مەملەكەت مەنشىگىندەگى مال - مۇلىكتى باقىلاۋ فۋنكتسياسىن كۇشەيتۋ جونىندەگى ورنالاستىرۋى مەن تالابىن دايەكتىلەندىرۋ، تياناقتاندىرۋ، مەملەكەت مەنشىگىندەگى مال - مۇلىكتى باسقارۋ مەن جونگە سالۋدى كۇشەيتۋ ءۇشىن، نەگىزگى زاڭ مەن زاڭدارداعى قاتىستى بەلگىلەمەلەر بويىنشا، مەملەكەتتىك كەڭەستىڭ مەملەكەتتىك حالىق قۇرىلتايى تۇراقتى كوميتەتىنە مەملەكەت مەنشىگىندەگى مال - مۇلىكتىڭ باسقارىلۋ جاعدايىنان مالىمەت بەرۋ ءتۇزىمىن ورناتۋ جونىندە مىناداي پىكىر ورتاعا قويىلدى:

  ءبىرىنشى، كەلەلى ماڭىزى

  مەملەكەت مەنشىگىندەگى مال - مۇلىك مەملەكەت مەنشىگىنە، ياعني جالپى حالىق مەنشىگىنە جاتاتىن، جالپى حالىققا ورتاق قۇندى بايلىق. مەملەكەت مەنشىگىندەگى كاسىپورىندار جۇڭگوشا سوتسياليزمنىڭ ماڭىزدى ماتەريالدىق نەگىزى جانە ساياسي نەگىزى. ول ەكونوميكالىق، قوعامدىق دامۋدى ىلگەرىلەتۋ، حالىق تۇرمىسىن قامتاماسىز ەتۋ جانە جاقسارتۋ، ەكولوگيالىق ورتانى قورعاۋ سياقتى جاقتاردا ماڭىزدى رول اتقارادى. نەگىزگى زاڭ مەن زاڭدار بويىنشا، مەملەكەتتىك كەڭەس مەملەكەت اتىنان مەملەكەت مەنشىگىندەگى مال - مۇلىككە مەنشىكتەنۋ ۇقىعىن جۇرگىزەدى ءارى بۇل جونىندە باسقارۋ مىندەتىن ارقالايدى، مەملەكەتتىك حالىق قۇرىلتايى مەن ونىڭ تۇراقتى كوميتەتى مەملەكەت مەنشىگىندەگى مال - مۇلىكتى باقىلاۋ مىندەتىن ارقالايدى. مەملەكەتتىك حالىق قۇرىلتايى تۇراقتى كوميتەتىنە مەملەكەت مەنشىگىندەگى مال - مۇلىكتىڭ باسقارىلۋ جاعدايىنان مالىمەت بەرۋ − مەملەكەتتىك كەڭەستىڭ ماڭىزدى قىزمەتى، سونداي - اق مەملەكەتتىك حالىق قۇرىلتايى تۇراقتى كوميتەتىنىڭ زاڭ بويىنشا باقىلاۋ مىندەتىن اتقارۋداعى ماڭىزدى ءتاسىلى.

  پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، مەملەكەتتىك كەڭەستىڭ مەملەكەتتىك حالىق قۇرىلتايى تۇراقتى كوميتەتىنە مەملەكەت مەنشىگىندەگى مال - مۇلىكتىڭ باسقارىلۋ جاعدايىنان مالىمەت بەرۋ قىزمەتى بەلسەندى ىلگەرىلەۋشىلىككە قول جەتكىزدى. مەملەكەتتىك حالىق قۇرىلتايى تۇراقتى كوميتەتى مەملەكەت مەنشىگىندەگى مال - مۇلىك جونىندە زاڭ شىعارۋ مەن باقىلاۋدى كۇشەيتتى، كاسىپورىنداردىڭ مەملەكەت مەنشىگىندەگى مال - مۇلىك زاڭى جاريالانىپ، اتقارىلدى، مەملەكەت مەنشىگىندەگى كاپيتال تيجاراتى، مەجە ەسەپ ءتۇزىمى، مەملەكەت مەنشىگىندەگى تابيعي بايلىقتاردى قورعاۋ جانە پايدالانۋ ءتۇزىمى العاشقى قادامدا ورنادى، مەملەكەتتىك حالىق قۇرىلتايى تۇراقتى كوميتەتى مەملەكەت مەنشىگىندەگى مال - مۇلىكتىڭ باسقارىلۋى جونىندە مەملەكەتتىك كەڭەستىڭ ارناۋلى قىزمەت مالىمەتىن كوپ مارتە تىڭدادى، حالىق قۇرىلتايىنىڭ مەملەكەت مەنشىگىندەگى مال - مۇلىكتى باقىلاۋ فۋنكتسياسى ءبىرشاما كۇشەيدى. مەملەكەتتىك كەڭەس مەملەكەت مەنشىگىندەگى مال - مۇلىكتى باسقارۋدى ۇزدىكسىز كۇشەيتىپ، مەملەكەت مەنشىگىندەگى مال - مۇلىكتەردىڭ مال - مۇلىك ۇقىعى بارعان سايىن ايقىندالىپ، مەملەكەت مەنشىگىندەگى مال - مۇلىكتى باسقارۋ مەحانيزمى بىرتىندەپ رەتتەلىپ، بۇعالتىرلىق ساناق سياقتى نەگىزدىك قىزمەتتەر ايتارلىقتاي كۇشەيدى. ءبىراق، مىنانى دا كورە ءبىلۋ كەرەك: بۇل قىزمەتتىڭ ءتارتىبى ايتارلىقتاي جۇيەلى ەمەس، مازمۇن قامتۋى ايتارلىقتاي تولىق ەمەس، حالىق قۇرىلتايىنىڭ مەملەكەت مەنشىگىندەگى مال - مۇلىكتى باقىلاۋ فۋنكتسياسى تولىق ىسكە قوسىلماي وتىر، بۇل تۇزىمدىك جاقتان كەمەلدەندىرە ءتۇسۋدى قاجەت ەتەدى.

  مەملەكەتتىك كەڭەستىڭ مەملەكەتتىك حالىق قۇرىلتايى تۇراقتى كوميتەتىنە مەملەكەت مەنشىگىندەگى مال - مۇلىكتىڭ باسقارىلۋ جاعدايىنان مالىمەت بەرۋ ءتۇزىمىن ورناتۋ − پارتيا ورتالىق كوميتەتىنىڭ حالىق قۇرىلتايىنىڭ مەملەكەت مەنشىگىندەگى مال - مۇلىكتى باقىلاۋ فۋنكتسياسىن كۇشەيتۋدەگى ماڭىزدى شەشىمى جانە ورنالاستىرۋى، پارتيا مەن مەملەكەتتىڭ مەملەكەت مەنشىگىندەگى مال - مۇلىكتى باسقارۋدى جانە جونگە سالۋدى كۇشەيتۋدەگى ماڭىزدى نەگىزدىك قىزمەتى. بۇل نەگىزگى زاڭ مەن زاڭدارداعى قاتىستى بەلگىلەمەلەرگە ۇيلەسەدى، حالىق بۇقاراسىنىڭ تىلەگىنە ۇيلەسەدى. ول مەملەكەت مەنشىگىندەگى مال - مۇلىكتى باسقارۋدىڭ اشىقتىعىن - جاريالىلىعىن ارتتىرۋ، مەملەكەت مەنشىگىندەگى مال - مۇلىكتى باسقارۋدىڭ الەۋمەتتىك سەنىمدىلىگىن جوعارىلاتۋ جونىندە، جۇڭگوشا سوتسياليستىك نەگىزگى شارۋاشىلىق ءتۇزىمىن بەكەمدەۋ جانە دامىتۋ، حالىقتىڭ ورتاق بايلىعىن ويداعىداي باسقارۋ، حالىق قۇرىلتايىنىڭ قىزمەت مىندەتىن زاڭ بويىنشا اتقارۋىن كۇشەيتۋ جونىندە ماڭىزدى مانگە يە.

  ەكىنشى، جەتەكشى يدەيا جانە نەگىزگى پرينسيپ

  (1) جەتەكشى يدەيا. پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتۋ مەن «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدى تىعىز ارقاۋ ەتىپ، جاڭا دامۋ ۇستانىمدارىن بەرىك ورناتۋ جانە دايەكتىلەندىرۋ، تياناقتاندىرۋ، پارتيا باسشىلىعىنىڭ، حالىقتىڭ قوجا بولۋىنىڭ، مەملەكەتتى زاڭمەن جونگە سالۋدىڭ ورگانيكالىق بىرلىگىنە تاباندى بولۋ، مەملەكەتتىك كەڭەستىڭ مەملەكەت مەنشىگىندەگى مال - مۇلىكتىڭ باسقارىلۋ جاعدايىنان مالىمەت بەرۋى جونىندەگى جان - جاقتى، جۇيەلى ءتۇزىمىن ورناتۋ جانە كەمەلدەندىرۋ، حالىق قۇرىلتايىنىڭ جانە بۇكىل قوعامنىڭ مەملەكەت مەنشىگىندەگى مال - مۇلىكتى باقىلاۋىن كۇشەيتىپ، مەملەكەت مەنشىگىندەگى مال - مۇلىكتىڭ باسقارىلۋىنىڭ اشىق، جاريالى بولۋىن ىلگەرىلەتۋ، مەملەكەت مەنشىگىندەگى مال - مۇلىكتى باسقارۋ جانە جونگە سالۋ جۇيەسى قۇرىلىسىن كۇشەيتۋ ءۇشىن بەرىك نەگىز قالاپ، مەملەكەت مەنشىگىندەگى مال - مۇلىكتىڭ دامۋعا ءتىپتى دە جاقسى قىزمەت ەتىپ، حالىقتى باقىتقا كەنەلتۋىنە مۇمكىندىك جاساۋ.

  (2) نەگىزگى پرينسيپ

  − پارتيانىڭ باسشىلىعىنا تاباندى بولۋ. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ، بۇلجىماس، دۇرىس ساياسي بەتالىستان جازباي، پارتيا مەن مەملەكەت قىزمەتىنىڭ جالپى جاعدايىن تىعىز ارقاۋ ەتىپ، پارتيانىڭ نازاريالارى مەن لۋشياندارىن، باعىتتارىن، ساياساتتارىن جاپپاي دايەكتىلەندىرىپ، پارتيا ورتالىق كوميتەتىنىڭ مەملەكەت مەنشىگىندەگى مال - مۇلىك جونىندەگى ماڭىزدى شەشىمدەرى مەن ورنالاستىرۋلارىن مۇقيات تياناقتاندىرۋ.

  − مەملەكەتتى زاڭمەن جونگە سالۋعا تاباندى بولۋ. نەگىزگى زاڭ جانە باقىلاۋ زاڭى، مەجە ەسەپ زاڭى، كاسىپورىنداردىڭ مەملەكەتتىڭ مەنشىگىندەگى مال - مۇلىك زاڭى سياقتى زاڭ - ەرەجەلەردى دايەكتىلەندىرىپ، اتقارىپ، زاڭ بويىنشا مالىمەت بەرۋگە، زاڭ بويىنشا باقىلاۋعا تاباندى بولىپ، زاڭدا بەلگىلەنگەن بيلىك شەگىن قاتاڭ ساقتاي وتىرىپ، زاڭدا بەلگىلەنگەن تارتىپتەر بويىنشا دۇرىس باقىلاۋدى، ءونىمدى باقىلاۋدى جۇزەگە اسىرۋ.

  − ماسەلەنى نىشان ەتۋگە تاباندى بولۋ. ءتۇزىم قۇرىلىسى مەن تەحنيكالىق جاڭالىق اشۋدان ىسكە كىرىسىپ، مەملەكەت مەنشىگىندەگى مال - مۇلىكتەردىڭ جاي - جاپسارى انىق بولماۋ، باسقارۋى ايتارلىقتاي اشىق، جاريا بولماۋ، حالىق قۇرىلتايىنىڭ باقىلاۋىنا قاجەتتى ينفورماتسيالار ايتارلىقتاي تولىق بولماۋ جانە باقىلاۋ ايتارلىقتاي پارمەندى بولماۋ سياقتى كورنەكتى ماسەلەلەردى كۇش سالا شەشۋ.

  − ورنىقتى ىلگەرىلەتۋگە تاباندى بولۋ. جان - جاقتى، جۇيەلى، اشىق - جاريالى، باقىلاۋ پارمەندى بولۋدى نىسانا ەتىپ، ءىس جۇزىندىك جاعدايدى كوزدەۋگە تاباندى بولىپ، وڭايىنان قيىنىنا قاراي تۇرلەرگە ءبولىپ شارا قولدانىپ، مەملەكەت مەنشىگىندەگى ءتۇرلى مال - مۇلىكتەردى باسقارۋدىڭ تۇرلىشە جاعدايىن اجىراتىپ، مالىمەت بەرۋ كولەمىن بىرتىندەپ كەڭەيتىپ، مالىمەت مازمۇنىن تولىقتاپ، تۇتاس سالانى جاپپاي قامتۋدى جۇزەگە اسىرىپ، باقىلاۋدىڭ ناقتى ونىمدىلىگىن ۇزدىكسىز جوعارىلاتىپ، مەملەكەت مەنشىگىندەگى مال - مۇلىكتىڭ حاۋىپسىزدىگىنە كەپىلدىك ەتۋ.

  ءۇشىنشى، مالىمەت بەرۋ ءتاسىلى جانە ماڭىزدى ءتۇيىنى

  مەملەكەتتىك كەڭەس ءار جىلى مەملەكەتتىك حالىق قۇرىلتايى تۇراقتى كوميتەتىنە مەملەكەت مەنشىگىندەگى مال - مۇلىكتىڭ باسقارىلۋ جاعدايىنان مالىمەت بەرەدى، مەملەكەتتىك كەڭەستىڭ جاۋاپتىسى زاڭ بويىنشا مالىمەت بەرەدى، ونىڭ مالىمەت بەرۋدى قاتىستى تاراۋلاردىڭ جاۋاپتىسىنا تاپسىرۋىنا دا بولادى.

  (1) مالىمەت بەرۋ ءتاسىلىن ايقىنداۋ. مەملەكەتتىك كەڭەستىڭ مەملەكەت مەنشىگىندەگى مال - مۇلىكتىڭ باسقارىلۋ جاعدايى جونىندەگى جىلدىق مالىمەتتە جالپىلىق مالىمەت پەن ارناۋلى مالىمەت ءوزارا ۇشتاسقان ءتاسىل قولدانىلادى. جالپىلىق مالىمەت مەملەكەت مەنشىگىندەگى ءتۇرلى مال - مۇلىكتەردىڭ نەگىزگى جاعدايىن تولىق اڭىس ەتسە، ارناۋلى مالىمەت كاسىپورىنداردىڭ مەملەكەت مەنشىگىندەگى مال - مۇلكى (فينانس كاسپورىندارى قامتىلمايدى)، فينانس كاسىپورىندارىنىڭ مەملەكەت مەنشىگىندەگى مال - مۇلكى، اكىمشىلىك، ءىسورىنداردىڭ مەملەكەت مەنشىگىندەگى مال - مۇلكى، مەملەكەت مەنشىگىندەگى تابيعي بايلىقتار سياقتى مەملەكەت مەنشىگىندەگى مال - مۇلىكتەردىڭ باسقارىلۋ جاعدايىن جەكە - جەكە اڭىس ەتەدى. مەملەكەت مەنشىگىندەگى ءتۇرلى مال - مۇلىكتەر جونىندەگى مالىمەتتە بۇكىل مەملەكەتتىڭ جاعدايى جيناقتالىپ، قورىتىندىلانىپ اڭىس ەتىلۋى كەرەك. كاسىپورىنداردىڭ مەملەكەت مەنشىگىندەگى مال - مۇلكى (فينانس كاسىپورىندارى قامتىلمايدى)، فينانس كاسىپورىندارىنىڭ مەملەكەت مەنشىگىندەگى مال - مۇلكى جونىندەگى مالىمەتتە ورتالىقتىڭ ءوز دارەجەسىندەگى جاعداي ماڭىزى ءتۇيىن ەتىلەدى. ءار رەتكى مەملەكەتتىك حالىق قۇرىلتايىنىڭ مىندەت وتەۋ كەزەگىندە، كەزەكتىڭ سوڭعى جىلىندا مەملەكەتتىك كەڭەس مەملەكەتتىك حالىق قۇرىلتايىنىڭ تۇراقتى كوميتەتىنە جازباشا جالپىلىق مالىمەت تاپسىرىپ، اۋىزشا مالىمەت بەرەدى؛ باسقا جىلداردا جازباشا جالپىلىق مالىمەت تاپسىرۋمەن بىرگە، ارناۋلى جاعداي جونىندە ءبىر رەت اۋىزشا مالىمەت بەرەدى.

  (2) مالىمەتتىڭ ءتۇيىنىن كورنەكتىلەندىرۋ. مەملەكەت مەنشىگىندەگى ءتۇرلى مال - مۇلىكتىڭ سيپاتى مەن باسقارىلۋ نىساناسىنا ساي، مەملەكەت مەنشىگىندەگى ءتۇرلى مال - مۇلىكتىڭ باسقارىلۋ جاعدايى مالىمەتىنىڭ ءتۇيىنى تۇراقتاندىرىلادى. كاسىپورىنداردىڭ مەملەكەت مەنشىگىندەگى مال - مۇلكى (فينانس كاسىپورىندارىن قامتىمايدى)، فينانس كاسىپورىندارىنىڭ مەملەكەت مەنشىگىندەگى مال - مۇلكى مالىمەتىنىڭ ءتۇيىنى مىنالار: جالپى تۇلعالىق مال - مۇلكىنىڭ بەرەشەگى، مەملەكەت مەنشىگىندەگى كاپيتالدىڭ ۇسىنىلىم بەتالىسى، ورنالاسۋى جانە حاۋىپ - قاتەردى مەڭگەرۋ، مەملەكەت مەنشىگىندەگى كاسىپورىندار رەفورماسى، مەملەكەت مەنشىگىندەگى مال - مۇلىكتى باقىلاۋ - باسقارۋ، مەملەكەت مەنشىگىندەگى مال - مۇلىكتى ءبىر جاقتى ەتۋ جانە پايداسىن بولىسكە سالۋ، شەتەلدە قارجى قوسۋدا قۇرالعان مال - مۇلىك، كاسىپورىننىڭ جوعارى دارەجەلى باسقارۋشىلارىنىڭ ەڭبەكاقىسى سياقتى جاعدايلار. اكىمشىلىك، ءىسورىنداردىڭ مەملەكەت مەنشىگىندەگى مال - مۇلىك مالىمەتىنىڭ ءتۇيىنى مىنالار: مال - مۇلىك بەرەشەك جالپى مولشەرى، قاتىستى باسقارۋ ءتۇزىمىن ورناتۋ جانە اتقارۋ، مال - مۇلىكتى ورنالاستىرۋ، پايدالانۋ، ءبىر جاقتى ەتۋ جانە ونىمدىلىگى، باسقارۋ ءتۇزىلىسى، مەحانيزمى رەفورماسىن ىلگەرىلەتۋ سياقتى جاعدايلار. مەملەكەت مەنشىگىندەگى تابيعي بايلىق مالىمەتىنىڭ ءتۇيىنى مىنالار: تابيعي بايلىقتىڭ جالپى مولشەرى، مەملەكەت جەرى كەڭىستىگىن اشۋ جاعدايىن جاقسارتۋ، ەكولوگيالىق قورشاعان ورتانىڭ ساپاسىن جاقسارتۋ، ەكولوگيالىق وركەنيەت قۇرىلىسىن ىلگەرىلەتۋ سياقتى قاتىستى ماڭىزدى تۇزىمدەر قۇرىلىسىن ىلگەرىلەتۋ، تابيعي بايلىقتى قورعاۋ جانە پايدالانۋ سياقتى جاعدايلار.

  (3) مالىمەتتىڭ ساپاسىن جوعارىلاتۋ. مەملەكەتتىك كەڭەس پارمەندى شارا قولدانىپ، شەكارا ءىشى - سىرتىنداعى مەملەكەت مەنشىگىندەگى مال - مۇلىكتىڭ نەگىزگى جاعدايىن عىلمي، ءدال، دەر كەزىندە يگەرىپ، جاي - جاپسارىن شىن مانىندە انىقتاۋ كەرەك. بۇكىل ەلدەگى مەملەكەت مەنشىگىندەگى ءتۇرلى مال - مۇلىكتىڭ باسقارىلۋ مالىمەتى ءتۇزىمىن ورناتىپ جانە كەمەلدەندىرىپ، مالىمەت كولەمىن، ءتۇرىن، ولشەمىن زاڭ بويىنشا ايقىنداۋ جانە ولشەمدەندىرۋ كەرەك. ولكەلىك، اۆتونوميالى رايوندىق، توتە قاراستى قالالىق ۇكىمەتتەر مەملەكەتتىك كەڭەس بەلگىلەگەن ۋاقىت، تالاپ بويىنشا، ءوز وڭىرىندەگى مەملەكەت مەنشىگىندەگى مال - مۇلىكتىڭ باسقارىلۋ جاعدايىن مەملەكەتتىك كەڭەستىڭ جيناقتاۋىنا جولداۋى، مەملەكەتتىك كەڭەس ورتالىقتاعى جانە جەرگىلىكتى ورىندارداعى مەملەكەت مەنشىگىندەگى مال - مۇلىكتىڭ باسقارىلۋ جاعدايى مالىمەتىن قۇراستىرۋى جانە مەملەكەتتىك حالىق قۇرىلتايىنىڭ تۇراقتى كوميتەتىنە مالىمدەۋى كەرەك. مەملەكەت مەنشىگىندەگى مال - مۇلىكتى بۇعالتىرلىق ءبىر جاقتى ەتۋدى مەملەكەتتەگى ءبىر تۇتاس بۇعالتىرلىق ءتۇزىمى بويىنشا ولشەمدەندىرىپ، قاتىستى ساناق ءتۇزىمىن ورناتىپ جانە كەمەلدەندىرىپ، ءار دارەجەلى ۇكىمەتتەردىڭ، ءارقايسى تاراۋلاردىڭ، ورىنداردىڭ مەملەكەت مەنشىگىندەگى مال - مۇلىك مالىمەتى ناتيجەسىنىڭ تولىق، شىنايى، سەنىمدى، تەكسەرۋگە يكەمدى بولۋىنا كەپىلدىك ەتۋ كەرەك. ۇكىمەتتىڭ ۋنيۆەرسال قازىنا ىستەرى مالىمەتىن جانە تابيعي بايلىق مال - مۇلىك بەرەشەك كەستەسىن جاساۋدى جەدەلدەتۋ كەرەك. مەملەكەت مەنشىگىندەگى مال - مۇلىكتى اداقتاۋدى، انىقتاۋدى جانە باعالاۋدى، تۇراقتاندىرۋدى ورىستەتىپ، ءادىس - امالداردى، تالاپتاردى بىرلىككە كەلتىرىپ، مەملەكەت مەنشىگىندەگى مال - مۇلىكتىڭ تۇتاس سالالىق ساندى مالىمەتىن ورناتۋ كەرەك. مەملەكەت مەنشىگىندەگى مال - مۇلىكتىڭ تۇتاس سالالىق ينفورماتسياسىن ورتاقتاسۋ تەكشەسىن قۇرىپ، قاتىستى ورىندار، تاراۋلار اراسىندا ءوزارا تۇتاسۋدى جۇزەگە اسىرىپ، مەملەكەت مەنشىگىندەگى ءتۇرلى مال - مۇلىكتىڭ ورنالاسۋى، پايدالانىلۋى، ءبىر جاقتى ەتىلۋى جانە ونىمدىلىگى سياقتى نەگىزگى جاعدايلارىن جان - جاقتى، تولىق اڭىس ەتۋ كەرەك.

  ءتورتىنشى، قاراۋ ءتارتىبى جانە ءتۇيىنى

  مەملەكەتتىك حالىق قۇرىلتايىنىڭ تۇراقتى كوميتەتى باقىلاۋ زاڭى، مەجە ەسەپ زاڭى، كاسىپورىندار مەملەكەت مەنشىگىندەگى مال - مۇلىك زاڭى سياقتى قاتىستى زاڭداردىڭ بەلگىلەمەلەرىنە ساي، مەملەكەتتىك كەڭەستىڭ مەملەكەت مەنشىگىندەگى مال - مۇلىكتىڭ باسقارىلۋ جاعدايى جونىندەگى مالىمەتىن جىلدىق باقىلاۋ قىزمەتىنىڭ جوسپارىنا ەنگىزىپ، قاراپ شىعۋدى زەر سالا ۇيىمداستىرىپ، اشىق، جاريا بولۋدى ىلگەرىلەتىپ، جان - جاقتى باقىلاۋ جۇرگىزۋ كەرەك.

  (1) قاراۋ ءتارتىبى. مەملەكەتتىك حالىق قۇرىلتايىنىڭ تۇراقتى كوميتەتى مالىمەتتى قاراۋدان بۇرىن، تەكسەرۋ نەمەسە ارناۋلى تاقىرىپتىق تەكسەرۋ - زەرتتەۋ ۇيىمداستىرادى ءارى مەملەكەتتىك حالىق قۇرىلتايىنىڭ قاتىستى ارناۋلى كوميتەتى نەمەسە مەملەكەتتىك حالىق قۇرىلتايى تۇراقتى كوميتەتىنىڭ قاتىستى قىزمەت قۇرىلىمدارى ءار جاقتاردىڭ پىكىرى مەن ۇسىنىسىن جيناقتاپ جانە رەتتەپ، مەملەكەتتىك كەڭەستىڭ زەرتتەۋ جۇرگىزۋىنە ءارى مالىمەتتە قاتىستى جاۋاپ بەرۋىنە تاپسىرادى. مەملەكەتتىك كەڭەستىڭ مالىمەتىن بەلگىلەمە بويىنشا مەملەكەتتىك حالىق قۇرىلتايى تۇراقتى كوميتەتىنىڭ ءماجىلىسى اشىلۋدان 20 كۇن ىلگەرى مەملەكەتتىك حالىق قۇرىلتايىنىڭ قاتىستى ارناۋلى كوميتەتتەرىنە نەمەسە مەملەكەتتىك حالىق قۇرىلتايى تۇراقتى كوميتەتىنىڭ قاتىستى قىزمەت قۇرىلىمدارىنا تاپسىرىپ، پىكىر الادى، ءماجىلىس اشىلۋدان 10 كۇن ىلگەرى وزگەرىس ەنگىزىلگەننەن كەيىنگى مالىمەتتى مەملەكەتتىك حالىق قۇرىلتايىنىڭ تۇراقتى كوميتەتىنە تاپسىرادى. مالىمەتتى قاراعان كەزدە، مەملەكەتتىك كەڭەستىڭ قاتىستى تاراۋىنىڭ جاۋاپتىسى ماجىلىسكە قاتىناسىپ پىكىر تىڭدايدى، قاتىستى سۇراۋلارعا جاۋاپ بەرەدى. مالىمەتتى قاراعاننان كەيىن، مەملەكەتتىك حالىق قۇرىلتايىنىڭ تۇراقتى كوميتەتى قاراۋ پىكىرىن مەملەكەتتىك كەڭەستىڭ زەرتتەۋ جۇرگىزىپ، ءبىر جاقتى ەتۋىنە ۇسىنادى. مەملەكەتتىك كەڭەس ماسەلەنى نىشان ەتۋدەن جازباي، قاراۋ پىكىرىن اشالاپ، ناقتىلاندىرىپ، قاتىستى تاراۋلاردىڭ زەرتتەۋ جۇرگىزىپ ءبىر جاقتى ەتۋىنە جانە وزگەرتۋىنە تاپسىرادى، جاۋاپقا تارتۋ مەحانيزمىن كەمەلدەندىرىپ، جاۋاپقا تارتۋ تەبىنىن كۇشەيتىپ، تارتىپكە، زاڭعا قايشىلىق جاسادى دەپ كۇمان تاعىلعانداردى زاڭ جانە بەلگىلەمە بويىنشا قاتاڭ ءبىر جاقتى ەتەدى ءارى 6 اي ىشىندە مەملەكەتتىك حالىق قۇرىلتايىنىڭ تۇراقتى كوميتەتىنە زەرتتەۋ جۇرگىزىپ ءبىر جاقتى ەتۋ جاعدايىن جانە ساقتالعان ماسەلەلەردى رەتتەۋ، جاۋاپقا تارتۋ جاعدايىن مالىمدەيدى. مەملەكەتتىك حالىق قۇرىلتايىنىڭ تۇراقتى كوميتەتى جاعدايدىڭ قاجەتىنە قاراي ارناۋلى تاقىرىپتىق جاۋاپ الۋ، تەكتەۋ جانە ەرەكشە ماسەلەگە تەكسەرۋ جۇرگىزۋ سياقتى فورمالاردى جالپى بەتتىك قولدانۋىنا بولادى، قاجەتتى كەزدە زاڭ بويىنشا قاۋلى شىعارۋىنا بولادى. مەملەكەتتىك كەڭەس قاۋلىدا بەلگىلەنگەن مەرزىم ىشىندە قاۋلىنىڭ اتقارىلۋ جاعدايىن مەملەكەتتىك حالىق قۇرىلتايىنىڭ تۇراقتى كوميتەتىنە مالىمدەيدى.

  (2) قاراۋ ءتۇيىنى. مەملەكەتتىك حالىق قۇرىلتايىنىڭ تۇراقتى كوميتەتى مەملەكەتتىك كەڭەستىڭ مەملەكەت مەنشىگىندەگى مال - مۇلىكتىڭ باسقارىلۋ جاعدايى جونىندەگى مالىمەتىن قاراپ، مەملەكەت مەنشىگىندەگى مال - مۇلىككە باقىلاۋ جۇرگىزگەن كەزدە، تومەندەگى جاقتارعا باسا ءمان بەرۋى كەرەك:(1) پارتيا ورتالىق كوميتەتىنىڭ مەملەكەت مەنشىگىندەگى مال - مۇلىككە قاتىستى ماڭىزدى شەشىمدەرىنىڭ، ورنالاستىرۋلارىنىڭ جانە باعىت - ساياساتتارىنىڭ دايەكتىلەنۋ، تياناقتانۋ جاعدايى؛ (2) قاتىستى زاڭداردىڭ اتقارىلۋ جاعدايى؛ (3) مەملەكەتتىك حالىق قۇرىلتايى تۇراقتى كوميتەتىنىڭ قاتىستى قاراۋ پىكىرى مەن قاۋلىلارىنىڭ تياناقتانۋ جاعدايى؛ (4) مەملەكەت مەنشىگىندەگى مال - مۇلىكتى باسقارۋ ءتۇزىلىسىن كەمەلدەندىرۋ، پارتيا ورتالىق كوميتەتىنىڭ مەملەكەت مەنشىگىندەگى مال - مۇلىككە جانە مەملەكەت مەنشىگىندەگى كاسىپورىندارعا قاتىستى رەفورما جوباسىنىڭ تياناقتانۋ جاعدايى؛ (5) مەملەكەتتىك كاپيتالدىڭ مەملەكەتتىڭ ستراتەگيالىق نىساناسىنا قىزمەت ەتۋى، الەۋمەتتىك قىزمەت ەتۋمەن قامتاماسىز ەتۋى، ماڭىزدى بولجامدىق، ستراتەگيالىق كاسىپتەردى دامىتۋ، ەكولوگيالىق قورشاعان ورتانى قورعاۋ، عىلىم - تەحنيكالىق العاباسارلىقتى دەمەۋ، مەملەكەت حاۋىپسىزدىگىن قامتاماسىز ەتۋ سياقتى جاعدايلار؛ (6) مەملەكەت مەنشىگىندەگى كاپيتالدىڭ قۇنىن ساقتاۋ، قۇنىن ارتتىرۋ، مەملەكەت مەنشىگىندەگى مال - مۇلىكتىڭ زايا بولۋىنان ساقتانۋ ءتۇزىمىن ورناتۋ جانە كەمەلدەندىرۋ، مەملەكەت مەنشىگىندەگى كاسىپورىنداردى بىرىكتىرۋ جانە قايتا قۇرۋ، كۇيرەۋدى اداقتاۋ سياقتى مەملەكەت مەنشىگىندەگى مال - مۇلىكتى ءبىر جاقتى ەتۋ جانە مەملەكەت مەنشىگىندەگى مال - مۇلىكتىڭ پايداسىن بولىسكە سالۋ جاعدايلارى؛ (7) جاسىل دامۋدى جانە ەكولوگيالىق وركەنيەت قۇرىلىسىن ىلگەرىلەتۋ جاعدايى؛ (8) قازىنالىق باقىلاۋدا بايقالعان ماسەلەلەردى رەتتەۋ، وزگەرتۋگە قاتىستى جاعدايلار؛ (9) مەملەكەت مەنشىگىندەگى مال - مۇلىكتى باسقارۋعا قاتىستى باسقا دا ماڭىزدى جاعدايلار.

  (3) اشىق، جاريا بولۋدى جەبەۋ. مەملەكەتتىك حالىق قۇرىلتايى تۇراقتى كوميتەتى باقىلاۋ زاڭى سياقتى زاڭدارداعى بەلگىلەمەلەرگە ساي، مەملەكەت مەنشىگىندەگى مال - مۇلىكتىڭ باسقارىلۋ جاعدايى جونىندەگى مالىمەت پەن قاراۋ پىكىرىن، مەملەكەتتىك كەڭەستىڭ قاراۋ پىكىرىن اقىلداسىپ ءبىر جايلى ەتۋ جاعدايىن نەمەسە قاۋلىنىڭ اتقارىلۋ جاعدايى جونىندەگى مالىمەتتى مەملەكەتتىك حالىق قۇرىلتايى ۋاكىلدەرىنە حابارلاندىرادى جانە قوعامعا جاريالايدى (قۇپيالىقتى ساقتاۋ زاڭىندا، زاڭ - ەرەجەلەردە اشىق جاريالاۋعا بولمايدى دەگەن مازمۇنداردان سىرت). مەملەكەتتىك حالىق قۇرىلتايىنىڭ ءبىر ءبولىم ۋاكىلدەرىن مالىمەتتى قاراۋعا جانە كوزدەن كەشىرۋ، قىزمەت تەكسەرۋ سياقتى قيمىلدارعا قاتىناسۋعا ۇسىنىس ەتەدى، سونداي - اق ءار جاقتىڭ پىكىرىن كەڭ كولەمدە تىڭداپ، قوعام نازار اۋدارعان ماسەلەلەرگە جاۋاپ بەرەدى.

  (4) مەملەكەتتىك حالىق قۇرىلتايىنىڭ مەملەكەت مەنشىگىندەگى مال - مۇلىكتىڭ باسقارىلۋ جاعدايى جونىندەگى مالىمەتىن باقىلاۋ مەحانيزمىن ورناتۋ جانە اقاۋسىزداندىرۋ. مەملەكەتتىك حالىق قۇرىلتايى تۇراقتى كوميتەتى مەملەكەت مەنشىگىندەگى مال - مۇلىكتى باقىلاۋدى كۇشەيتىپ، مەملەكەتتىك كەڭەستىڭ مەملەكەت مەنشىگىندەگى مال - مۇلىكتىڭ باسقارىلۋ جاعدايى جونىندەگى مالىمەتىن تىڭداۋ جانە قاراۋ قىزمەتىن مەجە ەسەپ پەن سوڭعى ەسەپتى تەكسەرۋمەن، باقىلاۋمەن تىعىز سايكەستىرۋى، اسىرەسە، مەملەكەت مەنشىگىندەگى كاپيتال تيجارات مەجە ەسەبىن، سوڭعى ەسەبىن، تاراۋلاردىڭ مەجە ەسەبىن، سوڭعى ەسەبىن تەكسەرۋمەن، باقىلاۋمەن ۇشتاستىرۋى، شارت - جاعداي ازىرلەنگەندە، ۇكىمەتتىڭ جالپىلىق قازىنالىق مالىمەتىن باقىلاۋ قىزمەتىمەن ۇشتاستىرىپ، كوپ ساتىلى، كوپ تۇرعىلى، جۇمىس ءبولىسى ايقىن ءارى ۇتىمدى سايكەستىرىلگەن حالىق قۇرىلتايىنا مەملەكەت مەنشىگىندەگى مال - مۇلىكتىڭ باسقارىلۋ جاعدايىنان مالىمەت بەرۋ جانە ونى باقىلاۋ مەحانيزمىن ورناتۋ كەرەك. مەملەكەتتىك حالىق قۇرىلتايى تۇراقتى كوميتەتى جەرگىلىكتى حالىق قۇرىلتايلارىنىڭ مەملەكەت مەنشىگىندەگى مال - مۇلىكتى باقىلاۋ قىزمەتىنە جەتەكشىلىك ەتۋىن كۇشەيتەدى. اۋدان دارەجەلىدەن جوعارى جەرگىلىكتى ورىندار ءوز ءىس جۇزىندىك جاعدايلارىنا نەگىزدەلىپ، ۇكىمەت ءوز دارەجەسىندەگى حالىق قۇرىلتايى تۇراقتى كوميتەتىنە مەملەكەت مەنشىگىندەگى مال - مۇلىكتىڭ باسقارىلۋ جاعدايىنان مالىمەت بەرۋ ءتۇزىمىن ورناتادى.

  بەسىنشى، ۇيىمدىق قامتاماسىزداندىرۋ

  مەملەكەتتىك حالىق قۇرىلتايى تۇراقتى كوميتەتى مەن مەملەكەتتىك كەڭەس جۇمىس ءبولىسىن ايقىنداپ، قىزمەت مەحانيزمىن ورناتىپ، اقاۋسىزداندىرىپ، مەملەكەت مەنشىگىندەگى مال - مۇلىكتىڭ باسقارىلۋ جاعدايىنان مالىمەت بەرۋدى ارناعا، تارتىپكە ءتۇسىرۋدى ۇزدىكسىز جەبەيدى.

  (1) جۇمىس ءبولىسىن ايقىنداپ، جاۋاپكەرشىلىكتى تياناقتاندىرۋ. مەملەكەتتىك كەڭەس مالىمەت قاجەتىنە ساي جىلدىق جالپىلىق مالىمەت پەن ارناۋلى مالىمەت جازۋعا جاۋاپتى تاراۋدى تۇراقتاندىرادى. باسقا قاتىستى تاراۋلار مەن ورىندار قاتىستى تالاپتارعا ساي، وزدەرىنىڭ باسقارۋىنداعى مەملەكەت مەنشىگىندەگى مال - مۇلىكتىڭ قازىرگى جاعدايىنان، سونداي - اق باسقارىلۋ جاعدايىنان دەر كەزىندە، ءدال، تولىق مالىمەت بەرۋ كەرەك. مەملەكەتتىك حالىق قۇرىلتايى تۇراقتى كوميتەتى ۇيىمدىق ءتۇزىم مەن قىزمەت ءتۇزىمىن اقاۋسىزداندىرىپ، قوسىننىڭ قابىلەت قۇرىلىسىن كۇشەيتىپ، زاڭدا بەلگىلەنگەن ءتارتىپ بويىنشا مەملەكەتتىك حالىق قۇرىلتايىنىڭ قاتىستى ارناۋلى كوميتەتتەرى مەن مەملەكەتتىك حالىق قۇرىلتايى تۇراقتى كوميتەتىنىڭ قاتىستى قىزمەت قۇرىلىمدارىنا قاتىستى قىزمەتتەردى ويداعىداي ىستەۋگە ۇيىمداستىرادى.

  (2) بايلانىس جاساۋ، سايكەستىرۋ مەحانيزمىن ورناتۋ. مەملەكەتتىك حالىق قۇرىلتايىنىڭ قاتىستى ارناۋلى كوميتەتتەرى مەن مەملەكەتتىك حالىق قۇرىلتايى تۇراقتى كوميتەتىنىڭ قاتىستى قىزمەت قۇرىلىمدارى مىندەت كولەمىندەگى جۇمىس ءبولىسى بويىنشا، مەملەكەتتىك كەڭەستىڭ قاتىستى تاراۋلارىمەن مەملەكەت مەنشىگىندەگى مال - مۇلىكتىڭ باسقارىلۋ جاعدايىنان مالىمەت بەرۋدىڭ ناقتى قىزمەتتەرى جونىندە بايلانىس جاساۋعا، سايكەستىرۋگە جاۋاپتى بولىپ، مەملەكەتتىك حالىق قۇرىلتايى تۇراقتى كوميتەتىنىڭ مەملەكەت مەنشىگىندەگى مال - مۇلىكتى باقىلاۋدى كۇشەيتۋىنە قىزمەت ەتۋدى قامتاماسىزداندىرادى. مەملەكەتتىك كەڭەستىڭ قاتىستى تاراۋلارى مەملەكەتتىك حالىق قۇرىلتايى تۇراقتى كوميتەتىنىڭ قاتىستى قىزمەت قۇرىلىمدارىن قاتىستى حۇجاتتارمەن، ماتەريالدارمەن دەر كەزىندە قامدايدى.

  (3) دەر كەزىندە قورىتىندىلاۋ، كەمەلدەندىرۋ. ءىس جۇزىندىك تاجىريبەلەردى مۇقيات قورىتىندىلاۋ نەگىزىندە، مەملەكەت مەنشىگىندەگى مال - مۇلىكتى باسقارۋ ءتۇزىلىسى رەفورماسىنىڭ ىلگەرىلەۋ جاعدايىمەن ۇشتاستىرىپ، مەملەكەتتىك كەڭەستىڭ مەملەكەتتىك حالىق قۇرىلتايى تۇراقتى كوميتەتىنە مەملەكەت مەنشىگىندەگى مال - مۇلىكتىڭ باسقارىلۋ جاعدايىنان مالىمەت بەرۋ ءتۇزىمىن ۇزدىكسىز اقاۋسىزداندىرۋ كەرەك.

  (شينحۋا اگەنتتىگىنىڭ 14 - قاڭتاردا بەيجيڭنەن بەرگەن حابارى)

  كەلۋ قاينارى: شينجياڭ گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn