<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ەل ءىشى حابارلارى

ەلىمىز قورا – جايلىق جەرگە قاتىستى «ءۇش ۇقىقتى بولۋدە» ىزدەنىس جاساماق

 

 

قۇرىلىسقا پايدالانىلاتىن جەر جونىندەگى جاڭا جوسپار بويىنشا بيىل تاعى 200 مىڭ مۋ جەر ازايتىلادى

«حالىق گازەتى»، 15 – قاڭتار، بەيجيڭ (ءتىلشى جۋ جۇن). ءتىلشىنىڭ مەملەكەت جەر بايلىعى قىزمەتى جونىندەگى مەملەكەتتىك ماجىلىستەن ۇعىسۋىنشا، ەگىستىك جەردى قورعاۋداعى جاڭا مەحانيزم 2018 – جىلى جەدەل تياناقتانادى ەكەن. مەڭگەرمەلى قورعاۋ جاعىندا «يەلەپ الماۋ، از يەلەۋ» تالابىن ورىنداۋعا قۇلشىنىس جاسالماق. قۇرىلىسقا پايدالانىلاتىن جەر جونىندەگى جاڭا جوسپار بويىنشا ءۇرتىس 4 جىل ازايتۋ نەگىزىندە بيىل تاعى 200 مىڭ مۋ ازايتىلماق، مۇنىڭ ىشىندە ەگىستىك جەردى يەلەۋ اۋماعى دا سايكەستى ازايتىلماق. قۇرمالى قورعاۋ جاعىندا «تولىقتاۋ، ساپالىلاندىرۋ» تالابىن شىنايى ورىنداۋ كەرەك. اۋىل – قىستاق جەرىن رەتتەۋ جانە جوعارى ولشەمدى ەگىنجاي قۇرىلىسىن زور كولەمدە جۇرگىزىپ، بيىل 80 ميلليون مۋدان استام جوعارى ولشەمدى ەگىنجاي قۇرۋعا كەپىلدىك ەتۋ كەرەك. شابىتتاندىرىپ قورعاۋ جاعىندا «مۇددەمەن سايكەستىرۋدىڭ» رولىن ويداعىداي ساۋلەلەندىرۋ كەرەك. جەرگىلىكتى ۇكىمەتتىڭ ەگىستىك جەردى قورعاۋداعى تۇلعالىق جاۋاپكەرلىگىن كۇشەيتىپ، جەر – جەردى ەگىستىك جەردى قورعاۋ تولەمىن بەرۋ مەحانيزمىن ورناتۋعا شابىتتاندىرىپ، ەگىستىك جەردى قورعاۋ جاۋاپكەرلىگىن اتقارعان ەگىنشىلەر مەن قىستاق ۇيىمىنا سيلىق بەرۋ كەرەك.

  ماڭگىلىك نەگىزدىك ەگىنجايلاردى ەرەكشە قورعاۋ كەرەك. جياڭ داميڭ بىلاي دەدى: ماڭگىلىك نەگىزدىك ەگىنجاي دەپ ايىرىلعان بولسا، ونى ادەتتەگى قۇرىلىس نىسانىمەن يەلەپ الۋعا بولمايدى، ماڭىزدى قۇرىلىس نىسانىمەن شىنىندا امالسىز يەلەۋگە تۋرا كەلگەندە قاتاڭ دالەلدەۋ، زاڭدا بەلگىلەنگەن ءتارتىپ بويىنشا جوعارىعا جولداپ بەكىتتىرۋ كەرەك، ماڭگىلىك نەگىزدىك ەگىنجايدى ءوز بەتىمەن يەلەپ الۋ ارەكەتىن قاتاڭ ءبىر جاقتى ەتۋ كەرەك.

  اۋىل – قىستاقتاعى قورا – جايلىق جەر ماسەلەسىنە قاراتا جياڭ داميڭ بىلاي دەدى: ەلىمىز قورا – جايلىق جەردىڭ مەنشىك ۇقىعى، تولىمدىلىق ۇقىعى، پايدالانىلۋ ۇقىعى سىندى «ءۇش ۇقىعىن ءبولۋ» جاعىندا ىزدەنىس جاساپ، قورا – جايلىق جەردىڭ كوللەكتيۆ مەنشىك ۇقىعىن تياناقتاندىرىپ، قورا – جايلىق جەردەگى ەگىنشىلەردىڭ تولىمدىلىق ۇقىعىن قامتاماسىزداندىرىپ، قورا – جايلىق جەردىڭ پايدالانىلۋ ۇقىعىن لايىقتى جانداندىرادى. ول مىنانى دارىپتەدى: بۇل ــ نازاريادا جانە امالياتتا جاراتىلعان كەلەلى جاڭالىق. الايدا قالاداعىلار اۋىل – قىستاققا بارىپ قورا – جايلىق جەر ساتىپ الۋىنا رۇقسات ەتپەۋ كەرەك، اۋىل – قىستاققا ءتۇسىپ قورا – جايلىق جەردە ساۋلەتتى تۇراق سالۋعا قاتاڭ تيىم سالۋ كەرەك.

  كەلۋ قاينارى: حالىق تورابى

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn