<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ەل ءىشى حابارلارى

مەملەكەتتىك كەڭەس كەڭسەسى «شەكارانى گۇلدەندىرىپ، حالىقتى اۋقاتتاندىرۋ قيمىلىنىڭ −13 >بەسجىلدىق<جوباسىن» باسىپ تاراتتى

 كەلۋ قاينارى : شينجياڭ گازەتىنەن

 شينحۋا اگەنتتىگىنىڭ 6 - ماۋسىمدا بەيجيڭنەن بەرگەن حابارى. جۋىقتا مەملەكەتتىك كەڭەس كەڭسەسى «شەكارانى گۇلدەندىرىپ، حالىقتى اۋقاتتاندىرۋ قيمىلىنىڭ <13 − بەسجىلدىق> جوباسىن» (تومەندە قىسقاشا «جوبا» دەلىنەدى) باسىپ تاراتىپ، «13 - بەسجىلدىق» جوبا كەزىندە شەكارانى گۇلدەندىرىپ، حالىقتى اۋقاتتاندىرۋ قيمىلىن تەرەڭدەي ىلگەرىلەتىپ، شەكارا رايونداردىڭ جەدەل دامۋىن قولداۋ جونىندە جاپپاي ورنالاستىرۋ جاسادى.

«جوبادا»: شەكارا رايوندار ەلىمىزدىڭ سىرتقا ەسىك اشۋىنىڭ الدىڭعى شەبىنە ورنالاسقان، مەملەكەت تەرريتورياسى حاۋىپسىزدىگى مەن ەكولوگيالىق حاۋىپسىزدىككە كەپىلدىك ەتۋدەگى ماڭىزدى قالتقى، ەلىمىزدىڭ رەفورما، دامۋ، ورنىقتىلىق جالپى جاعدايىندا ماڭىزدى ستراتەگيالىق ورىنعا يە. شەكارانى گۇلدەندىرىپ، حالىقتى اۋقاتتاندىرۋ قيمىلى شەكارا رايونداردىڭ ەكونوميكاسى مەن قوعامىنىڭ تەز دامۋىن ىلگەرىلەتىپ، ءار ۇلت بۇقاراسىنىڭ تۇرمىس ورەسىن جوعارىلاتىپ، ۇلتتار ىنتىماعىن كۇشەيتىپ، وتاننىڭ شەكارا قورعانىسىن بەكەمدەپ، وتان تۇتاستىعىن قورعاپ، جۇڭگو مەن كورشىلەس ەلدەر ارا دوستىقتى نىعايتۋدا ەرەكشە ماڭىزدى مانگە يە. ەلىمىزدە جاپپاي دوڭگەلەك داۋلەتتى قوعام قۇرۋ شەشۋشى جەڭىس كەزەڭىنە ءوتىپ، «ءبىر بەلدەۋ، ءبىر جول» قۇرىلىسى تەز ىلگەرىلەتىلىپ، وڭىرلەردىڭ سايكەستى دامۋى ۇزدىكسىز تەرەڭدەپ، كەدەيلىكتەن قۇتىلدىرۋدان قامال الۋدىڭ جاپپاي ورىستەتىلۋىنە ساي، مەملەكەتتىڭ شەكارا رايونداردى جالپى بەتتىك سۇيەمەلدەۋ تەبىنى ۇزدىكسىز ارتىپ، ەلىمىزدىڭ توڭىرەكتەگى مەملەكەتتەرمەن ارا قاتىناسى دامۋدىڭ جاڭا كەزەڭىنە ءوتىپ، شەكارانى گۇلدەندىرىپ، حالىقتى اۋقاتتاندىرۋ قيمىلى تاپتىرماس ورايعا ءدوپ كەلدى، − دەپ كورسەتىلدى.

«جوبادا» مىنالار اتاپ كورسەتىلدى: «شەكارا حالقىن نەگىز ەتىپ، حالىق تۇرمىسىن جاقسارتۋ؛ جەرگىلىكتى شارت - جاعدايعا ساي ادىستەر بەلگىلەپ، تۇرگە ايىرىپ جەتەكشىلىك ەتۋ؛ ءبىر تۇتاس جوسپارلاپ، تەڭ ءمان بەرىپ، ءتۇيىندى كورنەكتىلەندىرۋ؛ رەفورما جاساپ، جاڭالىق اشىپ، شەكارانى بەكەمدەپ، كورشىلەرمەن جاراسىمدى بولۋ» پرينسيبىنەن جازباي، 2020 - جىلعا بارعاندا شەكارا رايونداردى تەڭ قاداممەن جاپپاي دوڭگەلەك داۋلەتتى قوعام ورەسىنە جەتكىزۋ، نەگىزدىك قۇرىلعىلار قۇرىلىسىن اناعۇرلىم كەمەلدەندىرىپ، دامۋعا قىزمەت وتەۋ مەن شەكارا قورعانىسىن قامتاماسىزداندىرۋ قابىلەتىن جاپپاي جوعارىلاتۋ؛ حالىق تۇرمىسىن قامتاماسىزداندىرۋ ورەسىن اناعۇرلىم ءوسىرىپ، شەكارا رايوندارداعى حالىقتىڭ الاڭسىز تىرشىلىك ەتۋ، شەكارانى قورعاۋ شارت - جاعدايىن جاپپاي جاقسارتۋ؛ ەرەكشە ابزال كاسىپتەردى تەز دامىتىپ، شەكارا تۇرعىندارىن اۋقاتتاندىرۋداعى تىرەكتىك رولىن جاپپاي كۇشەيتۋ، «ءبىر بەلدەۋ، ءبىر جول» قۇرىلىسىنا كەڭ كولەمدە ات سالىسىپ، شەكارا بويلارىن اشۋ، سىرتقا ەسىك اشۋ ورەسىن كورنەكتى جوعارىلاتۋ؛ ەكولوگيالىق ورتانى قورعاۋدا كورنەكتى ناتيجە جاراتىپ، ەكونوميكا مەن قوعامنىڭ ەكولوگيالىق ورتامەن سايكەسە دامۋىن جۇزەگە اسىرۋ؛ ۇلتتار ىنتىماعى نەگىزىن اناعۇرلىم بەكەمدەپ، شەكارا رايونداردىڭ تىنىش، ورنىقتى، جاراسىمدى جاعدايىن اناعۇرلىم بەكەمدەۋ كەرەك .

«جوبادا» شەكارا رايونداردىڭ ناقتى جاعدايىن شىعار ءتۇيىن ەتىپ، مىنا 6 جاقتاعى ماڭىزدى مىندەت ورتاعا قويىلدى: ءبىرىنشى، نەگىزگى ساتىنى كۇشەيتىپ، شەكارانى بەكەمدەۋدى ارقاۋ ەتىپ، شەكارا رايونداردىڭ نەگىزدىك قۇرىلعى قۇرىلىستارىن كەمەلدەندىرۋ. مۇندا ۋنيۆەرسال قاتىناس - تاسىمال جۇيەسىن، سۋ ىستەرى، بايلىق قاينارى نەگىزگى قۇرىلعى قۇرىلىستارىن، ينفورماتسيا نەگىزگى قۇرىلعى قۇرىلىستارىن كۇشەيتۋ سياقتى جاقتارداعى قۇرىلىستار قامتىلادى. ەكىنشى، حالىق تۇرمىسىن، شەكارا حاۋىپسىزدىگىن توڭىرەكتەي شەكارا رايوندارداعى حالىق تۇرمىسىن بار كۇشپەن قامتاماسىزداندىرىپ جانە كەمەلدەندىرىپ، شەكاراداعى كەدەي حالىقتىڭ كەدەيلىكتەن ارىلۋىن دالمە - ءدال ىلگەرىلەتىپ، شەكاراداعى بۇقارانىڭ تۇرمىس ورتاسى شارت - جاعدايى سياقتىلاردى جاپپاي جاقسارتۋ. ءۇشىنىشى، اۋىل شارۋاشىلىعى ارقىلى شەكارانى گۇلدەندىرۋدى توڭىرەكتەي وتىرىپ شەكارا رايونداردىڭ ەرەكشە ابزال كاسىپتەرىن بار كۇشپەن دامىتىپ، ەرەكشە، ابزال اۋىل شارۋاشىلىعى، ەرەكشە مانەرلەۋ، جاساۋ كاسىبى، ەرەكشە قىزمەت وتەۋ كاسىبى سياقتىلاردىڭ دامۋىن ىلگەرىلەتىپ، شەكارا رايوندارداعى ونەركاسىپ باقشاسى رايوندارىن دامىتۋدى جەدەلدەتۋ. ءتورتىنشى، اشىق، جاراسىمدى شەكارانى توڭىرەكتەي شەكارا جاعالاۋىن اشۋ، اشىق ۇستاۋ ورەسىن كۇش سالا جوعارىلاتىپ، «ءبىر بەلدەۋ، ءبىر جول» قۇرىلىسىنا ىشكەرىلەي ات سالىسىپ، سىرتقى ساۋدانى دامىتۋ ادىسىندە بۇرىلىس جاساۋ سياقتىلاردى بار كۇشپەن ىلگەرىلەتۋ. بەسىنشى، شەكارا رايوننىڭ ەكولوگياسىن قورعاۋدى توڭىرەكتەي وتىرىپ، شەكارا رايونداردىڭ ەكولوگيالىق وركەنيەت قۇرىلىسىن كۇشەيتىپ، مەملەكەتتىك ەكولوگيالىق حاۋىپسىزدىك قالتقىسىن بەكەمدەۋ. التىنشى، شەكارانى ىنتىماقتاسا وتىرىپ ورنىقتىرۋدى توڭىرەكتەي وتىرىپ ۇلتتار ىنتىماعىن قورعاپ، شەكارا قورعانىسىن بەكەمدەپ، جاراسىمدى شەكارانى ورتاق قۇرۋ كەرەك.

«جوبادا» مىنالار باسا دارىپتەلدى: مەملەكەت شەكارا رايونداردىڭ رەفورما جاساپ، جاڭالىق اشۋىن، دامۋىن ەڭ الدىمەن قولدايدى، پارىقتى ساياساتتار ارقىلى قولداۋ كورسەتىپ، قاتىستى ءتيىمدى ساياساتتاردىڭ شەكارا رايوندارعا بەيىمدەلۋ تەبىنىن بارىنشا ارتتىرادى. مەملەكەت رەفورما سىناق رايوندارىن جالپى بەتتىك سايكەستىرىپ، شەكاراداعى ءبىر ءبولىم اۋدان، قالالاردى الدىمەن دامىتادى. شەكارا رايوندارداعى بۇقارانى سۇيەمەلدەۋ، قازىنا، فينانس، جەر، قوعامدىق قامتاماسىزداندىرۋ، بايلىق قاينارىن اشۋ جانە ەكولوگيالىق ورتانى قورعاۋ تولىقتاما قاراجاتى، شينجياڭعا باعىتتامالى كومەكتەسۋ سياقتى 7 جاقتا ساياساتتىق سۇيەمەلدەۋدى كۇشەيتەدى. «مەملەكەت سۇيەمەلدەۋ، ولكە جالپىلىق جاۋاپتى بولۋ، قالا دارەجەلى ورىندار بىرلەسىپ ارەكەتكە كەلۋ، اۋدان دارەجەلى ورىندار تياناقتاندىرۋ» باعىتىنا ساي، ۇيىمدىق باسشىلىقتى كۇشەيتىپ، مىندەت جاۋاپكەرشىلىگىن تياناقتاندىرىپ، تىعىز سەلبەسىپ، دامۋ نىساناسىن، ماڭىزدى مىندەتتەر مەن ءتۇيىندى ينجەنەريالاردى مەرزىم بويىنشا ورىنداۋعا كەپىلدىك ەتۋ كەرەك .

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ