<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>شينجياڭ حابارلارى

ساياحات وڭىرىندەگى دارەتحانالاردى قالانىڭ ەرەكشە كورىنىسىنە اينالدىردى

 قارامايلى قالاسى تۇتاس ساياحات وڭىرىندەگى دارەتحانا قۇرىلىسىن جاپپاي ىلگەرىلەتتى

ەرىكتى تىلشىلەر جاۋ مين، حۋاڭ رۇي

 كەلۋ قاينارى : شينجياڭ گازەتىنەن

 كورىنىسى ەرەكشە قۇرىلىس، تازا دا كوركەم ورتا، ادامدى نەگىز ەتكەن قىزمەت كورسەتۋ... قارامايلى قالاسىنىڭ ساياحات وڭىرىندەگى دارەتحانالار ەلىمىزدەن جانە شەتەلدەن كەلگەن ساياحاتشىلارعا ايرىقشا اسەر بەرىپ، قارامايلى سىندى وسى ءبىر مەملەكەتتىك وركەنيەتتى قالانىڭ، جىبەك جولىنىڭ قۇدىرەتىن ايگىلەيتىن ساياحات قالاسىنىڭ ەرەكشە كورىنىسىنە اينالدى.
  دارەتحانا بارلىق جەرگە سالىندى
  2015 - جىلى ساۋىردە باس شۋجي شي جينپيڭ «<دارەتحانا توڭكەرىسىن> يگەرۋ − ساياحات كاسىبىنىڭ ساپاسىن جوعارىلاتۋداعى ناقتى شارا، باعىتتامالى شارا قولدانىپ، ءبىر - بىردەن يگەرىپ، ءبىر - بىردەن ورىنداپ، كىشى - گىرىم ناتيجەلەردەن ۇلكەن جەڭىسكە جەتۋ كەرەك» دەپ باسا دارىپتەگەن بولاتىن. 
  2015 - جىلدان باستاپ، مەملەكەتتىك ساياحات مەكەمەسى بۇكىل ەل كولەمىندە 3 جىلدا ساياحات وڭىرلەرىندە دارەتحانا سالۋ جانە باسقارۋ قيمىلىن باستاعان ەدى.
  3 جىلدان بەرى، قارامايلى قالاسى «دارەتحانا توڭكەرىسىن» ساياحات كاسىبىنىڭ قۇرىلىمىن جاڭالاپ، دامۋىن ىلگەرىلەتەتىن نەگىزدىك ينجەنەريا، وركەنيەتتى قالا قۇرۋدىڭ وبراز ينجەنەرياسى ەتىپ، «سانى جەتكىلىكتى، تازا دا ءيىسسىز بولۋ، تەگىن پايدالانۋ، باسقارۋى ءونىمدى بولۋ» نىساناسى بويىنشا، بۇكىل ءوڭىر بويىنشا ورنالاستىرىپ، جوعارى ولشەممەن سالىپ، «دارەتحانا توڭكەرىسىن» كۇش سالا ىلگەرىلەتىپ، باتىس ءوڭىر بويىنشا، اۋەلى، بۇكىل ەل بويىنشا الدىڭعى قاتارعا ءوتتى.
  2015 - جىلى قارامايلى قالاسى بۇكىل قالاداعى بارلىق الەۋمەتتىك ورىندارداعى دارەتحانالاردى تۇگەلدەي ساياحاتشىلار مەن قالا تۇرعىندارىنا تەگىن اشۋدى، سونداي - اق 50 ميلليون يۋاننان استام قارجى قوسىپ، 239 الەۋمەتتىك دارەتحانانىڭ يقۋاتىن جاڭالاپ، جۇلدىز دارەجەلى ساياحات دارەتحاناسى ەتۋدى ۇيعاردى. 
  2015 - جىلدان 2017 - جىلعا دەيىن قارامايلى قالاسى كوپ ءتۇرلى ۇسىنىلىم تاسىلىمەن 60 ميلليون يۋاننان استام قارجى قوسىپ، كورىنىس وڭىرلەرىنە، قالا رايونىنىڭ كورىنىس اۋماقتارىنا باراتىن جولدارعا جاڭادان 135 ساياحات دارەتحاناسىن سالدى. 
  كولەمدى قيمىلدار مەن سۋمەن قامداۋى ءبىرشاما قيىن ءىشىنارا كورىنىس وڭىرلەرىنىڭ قاجەتىنە سايكەسۋ ءۇشىن 3 جىلدان بەرى قارامايلى قالاسى تاعى ەكولوگيالىق ورتانى قورعايتىن 106 جىلجىمالى دارەتحانا ساتىپ الدى. 
  3 جىل قۇلشىنۋ ارقىلى قارامايلى قالاسىنىڭ ساياحات دارەتحاناسى 480گە جەتىپ، قالا رايونى ىشىندە، قالا رايونىنان كورىنىس وڭىرلەرىنە باراتىن جولداردا، كورىنىس اۋماقتارىندا دارەتحانا سانى جەتكىلىكتى بولۋىن جۇزەگە اسىردى.
  جاڭادان سالىنعان دارەتحانا قالاعا كورىك قوستى
  دۇنيەگە ايگىلى سايتان كەرىش سەرۋەن وڭىرىنە كىرسەڭىز، ياردان جەر بەدەرى ەرەكشەلىگىنە يە، سونداي - اق تابيعي ەكولوگيالىق لەپ ەسكەن ساياحات دارەتحانالارى كوز تارتىپ، سونى لەپ اڭعارتادى. كورىنىس اۋماقتارىنداعى ساياحات قۇرىلىسىنىڭ ستيلى وزگەشە بولىپ، قابىرعاسى ياردان رەڭىمەن بويالىپ، كورىنىس اۋماقتارىمەن تۇتاس تۇلعاعا اينالىپ، جاراسىمدىلىق تاپقان. 
  دۇنيەگە ايگىلى سايتان كەرىش سەرۋەن ءوڭىرىن باسقارۋشى حۇڭچىڭ ساياحات توبى سەرىكتەستىگىنىڭ باس ديرەكتورى جاۋ شين بىلاي دەپ تانىستىردى: وسى سياقتى ساياحات دارەتحانالارىنان كورىنىس وڭىرىندە سەگىزى بار، ءبىز ياردان جەر بەدەرى ەرەكشەلىگىنە ساي ساياحات دارەتحانالارىن جوبالاپ، سالىپ، ساياحاتشىلار ورتالىعى، ايالداما سياقتى ماڭىزدى بۋىندارعا ورنالاستىرىپ، ساياحاتشىلاردىڭ قاجەتىن تولىق قاناعاتتاندىردىق.
  ولشەمدى باسقارىپ، تازالىعىن ۇدايىلاندىردى
  «كوپ جەرلەرگە بارىپ كوردىم، قارامايلى شىنىمەن تازا ەكەن، اسىرەسە، دارەتحانالارى رەتتى دە تازا، قىزمەت كورسەتۋى دە جاقسى، مۇنداي دارەتحانالار دۇنيە ءجۇزى بويىنشا دا كوپ كەزدەسپەيدى، سىزدەر قالاي ىستەي الدىڭىزدار؟»، - دەدى قارامايلى قالاسىندا ساياحاتتاپ جۇرگەن فرانسيالىق ساياحاتشى اسەرلەنە.
  دارەتحانالاردى ولشەمدەندىرۋ، حالىقارالاندىرۋ تالابىنا ساي، قارامايلى قالاسى ءبىر تۇتاس اتقارىلاتىن «ساياحات دارەتحانالارىن باسقارۋ ءتۇزىمى»، «تازالىق ولشەمى»، «تازالىقشىلاردىڭ قىزمەت مىندەتى»، «تازالاۋداعى تۇيىندەر»، «قۇرىلعىلاردى قورعاۋ ولشەمى» سياقتى ساياحات دارەتحانالارىن باسقارۋدىڭ ءبىر قىدىرۋ ءتۇزىمىن، ولشەمىن بەلگىلەدى. 
  «ارنايى دارەتحانا تازالىق كەڭسەسىن قۇرىپ، ءاربىر دارەتحانانىڭ اۋماعىنا قاراي ءبىر دە 3 ارناۋلى باسقارۋشى ورنالاستىرىپ، تۇتاس كۇندىك تازالىعىنا جاۋاپتى ەتتىك؛ قورشاعان ورتا تازالىعى تاراۋلارى ارناۋلى ادام ورنالاستىرىپ، كۇن سايىن كەز كەلگەن ۋاقىتتا دارەتحانانىڭ اۋاسى، ەدەنى، دارەت شەلەگى، اسپابى، تاقتايى، قابىرعاسى سياقتىلاردى باعالايدى، تەكسەرەدى، تازا بولماسا، دارەتحانا باسقارۋشىنى جازالايدى؛ مۇنان تىس، تەكسەرۋ گرۋپپاسى ءار كۇنى قالاعان ۋاقىتتا ساياحات دارەتحانالارىن تەكسەرىپ، ماسەلە بايقالسا دەر كەزىندە مالىمدەيدى ءارى قاتىستى تاراۋلاردى شەكتى ۋاقىتتا تۇزەتۋگە قۋزايدى»، - دەدى قارامايلى رايونى ساياحات مەكەمەسىنىڭ ورىنباسار باستىعى ۋاڭ رۇي. 
  ادامدى نەگىز ەتىپ، جانعا جايلى قىزمەت كورسەتتى
  كىشكەنتاي دارەتحانادان ۇلكەن مادەنيەتتى اڭعارۋعا بولادى. ءبىر قالانىڭ جالپىلىق وبرازىن سانسىزداعان ۇساق بۋىندار بەلگىلەيدى، ساپالى ساياحات دارەتحانالارى مەن قىزمەت كورسەتۋ ءدال وسى قالا وركەنيەتىنىڭ ۇساق بۋىنى. قارامايلىعا بارعان كوپتەگەن ساياحاتشى وسى قالانىڭ تازالىعىن القايدى، سونداي - اق قارامايلىداعى ساياحات دارەتحانالارىنان تەرەڭ اسەر الادى، تازا، جايلى، كوڭىلدەگىلدەي بولۋى كوپتەگەن ساياحاتشىنىڭ العان ورتاق اسەرى. 
  قارامايلى قالاسى «دارەتحانا توڭكەرىسىنىڭ» ناتيجەسى ارقىلى شەتەلدەن جانە ەلىمىزدەن كەلگەن ساياحاتشىلارعا، سونداي - اق جالپى حالىق بۇقاراسىنا يگىلىك جەتكىزدى. 
  ساياحات دارەتحاناسىنا تۇگەلدەي سوقىرلار جولىن، مۇمكىندىگى شەكتەۋلى جاندارعا ارنالعان بوگەتسىز جول ورنالاستىرىپ، بوگەتسىز تازالىق ءۇيى، دەمالۋ بولمەسى، قۇرعاتقىش، قول ءسۇرتۋ قاعازى سياقتى قۇرىلعىلارمەن قامداپ، جاسىل وسىمدىك قويۋمەن قاتار، اسپا تەلەۆيزور، اۋىز سۋ ماشيناسى سياقتىلاردى ورناتتى. ايەلدەر دارەتحاناسىنا بەزەنۋ بولمەسى مەن جانعا جايلى انالار مەن بوبەكتەر بولمەسىن ورنالاستىردى. «3 - تۇردەگى دارەتحانادان» التاۋىن سالىپ، بۇل دارەتحانادان بالالاردىڭ حاۋىپسىز ورىندىعى، بالالاردىڭ قول جۋۋ تۇعىرى، بالالار كاراچوگى، حاۋىپسىز ۇستاعىش، بۇكتەمەلى كوپ فۋنكتسيالى تۇعىر سياقتى ەرەكشە قۇرىلعىلاردىڭ ءبارى تابىلادى... ساياحات دارەتحانالارى ساياحاتشىلارعا اناعۇرلىم ىڭعايلى قىزمەت كورسەتتى.
  جالپى حالىق اتتانىسقا كەلدى
  ساياحات دارەتحاناسىن سالۋ جانە باسقارۋ ارەكەتى − حالىق تىلەگىندىك ينجەنەريا، سونداي - اق ۇلكەن قوعامدىق ينجەنەريا، جالپى حالىقتىڭ ات سالىسۋىن قاجەت ەتەدى. قارامايلى قالاسى دارەتحانا مادەنيەتى قۇرىلىسىنا ءمان بەرىپ، ەڭ ادەمى ساياحات دارەتحاناسى، ەڭ سۇيىكتى قورشاعان ورتا تازالىقشىسى سىندى باعالاۋ قيمىلدارىن جىل سايىن ورىستەتىپ، بۇكىل قوعامدا «دارەتحانا توڭكەرىسىنە» ءمان بەرۋ، ىلگەرىلەتۋ قىزۋ ورلەۋىن كوتەردى. تۇرعىنداردى، ساياحاتشىلاردى بەلسەنە باقىلاۋعا ىنتالاندىرىپ، دارەتحاناداعى مادەنيەتسىز ارەكەتتەردى تەجەدى. 
  باسىمدىقتى ايگىلەپ، تانىسقى ازىرلەدى 
  2017 - جىلى 21 - قاراشادا باس شۋجي شي جينپيڭ «بۇقارانىڭ تۇرمىس ساپاسىنا ىقپال جاسايتىن وسى كەمىستىكتى قۇلشىنا تولىقتاۋ كەرەك» دەپ ماڭىزدى نۇسقاۋ بەرىپ، جاڭا كەزەكتى «دارەتحانا توڭكەرىسىنە» العا باسۋ ۇرانىن تاستادى. مەملەكەتتىك ساياحات مەكەمەسى دە «مەملەكەتتىك ساياحات دارەتحانالارىن سالۋدىڭ، باسقارۋدىڭ جاڭا 3 جىلدىق ارەكەت جوسپارىن» (2018 − 2020) جاريالادى.
  قارامايلى قالالىق ساياحات مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى ۋاڭ حۋا بىلاي دەدى: بۇكىل قالاداعى ساياحات سالالارىندا باس شۋجي شي جينپيڭنىڭ «دارەتحانا توڭكەرىسى» قىزمەتى جونىندەگى ماڭىزدى نۇسقاۋىنىڭ رۋحىن ۇيرەنۋ، دايەكتىلەندىرۋ، تياناقتاندىرۋ ورلەۋىن جەدەل كوتەرىپ، «دارەتحانا توڭكەرىسىن» ىلگەرىلەتۋدى پارتيا 19 - قۇرىلتايىنىڭ رۋحىن دايەكتىلەندىرۋدىڭ، تياناقتاندىرۋدىڭ ناقتى ارەكەتى ەتۋ كەرەك. حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن ساياحاتتىڭ دامۋى بىركەلكى، تولىق بولماۋى اراسىنداعى قايشىلىقتى شەشۋدى مىقتاپ ارقاۋ ەتىپ، «دارەتحانا توڭكەرىسىن» ۇزبەي ىلگەرىلەتۋدى تۇعىر ەتىپ، ساياحاتتىڭ الەۋمەتتىك قىزمەت كورسەتۋ جۇيەسىن ۇزبەي كەمەلدەندىرىپ، ساياحاتتىڭ قامداۋ جاعىنداعى قۇرىلىمدىق رەفورماسىن جەدەلدەتىپ، ساياحات كاسىبىن قارامايلى سىندى بايلىق سيپاتتى قالانىڭ عىلمي تۇردە قۇرىلىمىن جاڭالاپ دامۋىن جەبەيتىن جاڭا قوزعاۋشى كۇشىنە جانە اتى زاتىنا ساي باقىت كاسىبىنە اينالدىرۋعا قۇلشىنۋ كەرەك. 
  ساياحات دارەتحانالارىن بارلىق جەرگە كورىنىستىك قۇرىلىس ەتىپ سالۋ، ولشەمدى باسقارۋ، ىڭعايلى قىزمەت كورسەتۋ، وعان جالپى حالىق ات سالىسۋ − قارامايلى قالاسىنىڭ كورىنىس پەن قالانى ءبىر تۇلعالاندىرۋىنداعى، وڭىرلىك ساياحاتتى جۇزەگە اسىرۋىنداعى ناقتى امالياتى. 
  «دارەتحانا توڭكەرىسى» قارامايلى قالاسىنىڭ وبرازىنا جاڭادان ءسان قوساتىندىعى داۋسىز.

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ