<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>شينجياڭ حابارلارى

نيە اۋدانى كەدەيلىكتەن قۇتىلۋدىڭ جاڭا جولىن تاپتى

ءتىلشىمىز لۋ يان

كەلۋ قاينارى : شينجياڭ گازەتىنەن

 26 - قاراشا كۇنى ءتىلشى نيە اۋدانى روقيا اۋىلى تەكەدوڭ قىستاعىنىڭ تۇرعىنى گۇلنيساحان مامەتيمىننىڭ وتباسىنا بارعاندا، 140 شارشى مەترلىك بەيقۇت ءۇيىنىڭ جارىق، ءۇيدىڭ بەزەندىرىلۋى زامانعا ساي جاراسىم تاپقانىن كوردى.
  تاياۋداعى 2 جىلدان بەرگى تۇرمىستاعى وزگەرىستەر ءسوز بولعاندا، گۇلنيساحاننىڭ جۇزىنەن شاتتىق كۇلكىسى ەستى. 2016 - جىلى گۇلنيساحان مەن قىستاقتاعى 17 كەدەي وتباسى جاڭا ۇيگە كوشىپ كىرگەن - دى. بيىل كاسىپ ارقىلى كەدەيلەردى سۇيەمەلدەۋ نىسانىنا سۇيەنىپ، گۇلنيساحان وتباسى قوي، تاۋىق باعىپ، ءجۇزىم ءوسىرىپ، جىلدىق كىرىسىن 10 مىڭ 42 يۋانعا جەتكىزىپ، ءبىر جولدا - اق كەدەيلىكتەن قۇتىلدى.
  كاسىپ ارقىلى كەدەيلىكتەن قۇتىلدىرۋ − نيە اۋدانىنىڭ كەدەيلەردى دالمە - ءدال سۇيەمەلدەۋدەگى ۇلكەن ءبىر ەرەكشەلىك. اۋدان قالاشىعىنان ەڭ شالعاي ءاندىر اۋىلى بولسىن، الدە جول قاتىناسى قولايلى روقيا اۋىلى بولسىن، كاسىپ ارقىلى كەدەيلەردى سۇيەمەلدەۋدىڭ ءونىمى وتە كورنەكتى بولدى.
  ءاندىر اۋىلىنىڭ ورىنباسار اۋىل باستىعى نۇرجامال ءابىليميت تىلشىگە تانىستىرىپ: شىلان مەن قاۋىن ەگىمشىلىگى − اۋىلىمىزدىڭ تىرەكتى كاسىبى. ءاربىر قىستاق تۇرعىنى ورتا ەسەپپەن 10 مۋ جەرگە شىلان ەگەدى، ەڭ كوبى 200 مۋدان استام جەرگە ەگەدى؛ ءاربىر وتباسى 20 مۋدان استامنان 200 مۋدان استامعا دەيىن جەرگە قاۋىن ەگەدى. بۇدان سىرت، اۋىل تاعى باعىمشى ءىرى وتباسىلارىن كۇش سالا سۇيەمەلدەيدى. بيىل اۋىل بويىنشا جان باسىندىق ورتاشا كىرىس 11 مىڭ 100 يۋانعا جەتىپ، اۋدان بويىنشا الدىڭعى قاتارعا ءوتتى، - دەدى. 
  تاياۋ كۇندەردەن بەرى، ءاندىر اۋىلى لايەتكەن قىستاعىنىڭ تۇرعىنى ابدوللا نۇر جاڭا ءۇيىن اشەكەيلەۋمەن ابىگەر بولدى، تەك ءۇيىن اشەكەيلەۋدىڭ وزىنە ول 90 مىڭ يۋان جۇمسادى. ابدوللا بيىل 140 مۋ جەرگە قاۋىن، 6 مۋ جەرگە شىلان ەگىپ، كىرىسىن 290 مىڭ يۋانعا جەتكىزدى. ابدوللا تاعى 2 كيىم - كەشەك دۇكەنىن اشىپ وتىر. ابدوللا سياقتى قاربالاس جۇرگەن روقيا اۋىلى قاتارءدوڭ قىستاعىنىڭ تۇرعىنى ءامينا ياقۇپ ەدى. بيىل ءامينا 2000 نيە قارا تاۋىعىن باعىپ، ناق كىرىسىن 8000 يۋاننان استامعا جەتكىزدى. مۇنىڭ پايدالى ەكەنىن بىلگەن ءامينا كەلەر جىلى 3000 نيە قارا تاۋىعىن باعۋعا بەكىندى، 2 كۇننەن بەرى، ول وتباسىمەن تاۋىق ۇياسىن كەڭەيتىپ سالۋمەن ابىگەر بولدى. وسى اۋىلدىڭ تاۋىق باعۋعا تەحنيكالىق جاقتان جەتەكشىلىك ەتۋگە جاۋاپتى مال شارۋاشىلىق - مال شيپاگەرلىك پۋنكتىنىڭ باستىعى تۇرسىنجان ۇسەن: اۋىل - قىستاق تۇرعىندارىنا تاۋىق شوجەسىن، قاز بالاپانىن اقىسىز تاراتىپ بەرىپ، باعۋدان ساتۋعا دەيىن بارلىعىنا كومەك كورسەتەمىز، - دەيدى.
  تاياۋ جىلدان بەرى، نيە اۋدانى ەلەكتروندىق ساۋدانى كۇش سالا دامىتىپ، توراپتا ساتۋ مەن بازاردا ساتۋ فورماسىمەن شينجياڭنىڭ ءىشى - سىرتىنا ەلەكتروندى ساۋدا تۇعىرى مەن اۋىل شارۋاشىلىق ونىمدەرىن ساتاتىن كاسىپورىندارعا جەرگىلىكتى اۋىل شارۋاشىلىق ونىمدەرىن تولايىم ساتتى.
  نيە اۋداندىق ەلەكتروندى ساۋداعا جاۋاپتى ماۋ ۋييۇن تانىستىرىپ بىلاي دەدى: ەلەكتروندى ساۋدا كاسىپورىندارى كوپ ءتۇرلى جولدارمەن شينجياڭنىڭ ءىشى - سىرتىنان اۋىل شارۋاشىلىق ونىمدەرىنەن زاكاز قابىلداعاننان كەيىن، قىستاق تۇرعىندارىمەن قايتالاي ەگىمشىلىك، باعىمشىلىق توقتامىن جاسايدى. بيىل بۇل اۋدان ەلەكتروندى ساۋدا كاسىپورىندارىمەن، شينجياڭنىڭ ءىشى - سىرتىنداعى اۋىل شارۋاشىلىق ونىمدەرىن ساتاتىن كاسىپورىندارىمەن جانە ەلەكتروندى ساۋدا تۇعىرىمەن 6000 توننادان استام شىلان ساتۋ توقتامىن جاسادى.
  كەدەي وتباسىلارىنا ارحيۆ تۇرعىزىپ، كارتچكا ىلۋگە باعىتتالا وتىرىپ، بۇل اۋدان جاعدايعا قاراي دالمە - ءدال شارا قولدانىپ، كەدەيلەردى جۇپ قۇراپ سۇيەمەلدەۋ، پارىقتى سۇيەمەلدەۋ، قان جاساۋ سيپاتتى سۇيەمەلدەۋ، بازارلاندىرۋ ارقىلى سۇيەمەلدەۋ جانە نەگىزدى بەكەمدەۋ سيپاتتى سۇيەمەلدەۋ سياقتى شارالاردى جاپپاي اتقارىپ، اۋىز سۋ، ەلەكتر، جول، وتىندىق گاز، تۇرعىن ءۇي قۇرىلىسى مەن ورتانى جاقسارتۋدى ورنىقتى قاداممەن ىلگەرىلەتتى. ءار ۇلت بۇقاراسى قۇرىلعىسى كەمەلدى بەيقۇت ۇيلەرگە كوشىپ كىردى، وتباسى سايىن قوي، تاۋىق، قاز باعاتىن بولدى. جىلىجايلاردا كوكونىستەر جايقالا ءوسىپ، تۇرمىس ورەسى كورنەكتى جاقسارىپ، بارلىق جەردەن جالىنداعان تىرشىلىك لەبى ەستى.
  بيىل نيە اۋدانىن ارناۋلى باعالاۋ - تەكسەرۋ ناتيجەسى بۇل اۋداننىڭ ۋنيۆەرسال كەدەيلىك سالىستىرماسى %31.1كە تۇسكەندىگىن دالەلدەدى. تاياۋدا مەملەكەتتىك كەڭەستىڭ كەدەيلەردى سۇيەمەلدەۋ كەڭسەسى نيە اۋدانىنىڭ كەدەيلىك قالپاعىن الىپ تاستاعاندىعىن جاريالادى.
  نيە اۋدانى كەدەيلىكتەن قۇتىلۋدىڭ جاڭا جولىن تاپتى.

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn