<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>شينجياڭ حابارلارى

قىسقى كۇنگى توعىسقان وزگەشە سۇيىسپەنشىلىك

 ەرىكتى تىلشىلەر گو چىڭ، فىڭ جىڭجۇن

كەلۋ قاينارى : شينجياڭ گازەتىنەن

 كىم مەملەكەت تىلىندە 19 - قۇرىلتاي پايانداماسىنىڭ نەگىزگى تاقىرىبىن ايتا الادى، قول كوتەرىڭىزدەر.
  نەدەگەن كوپ قول، ال اتىكام، كوپشىلىككە ءسىز ايتىپ بەرىڭىز.
  اۋەلگى ماقساتتى ۇمىتپاي، بورىشتى ەستە بەرىك ساقتاپ، جۇڭگوشا سوتسياليزم ۇلى تۋىن بيىك كوتەرىپ...
  14 - جەلتوقسان كۇنى ساعات 11دە، چەرچەن اۋدانى اچچان قالاشىعى يسەنگەن قىستاعى تۇرعىندار مادەني قيمىل ورتالىعىندا، بايىنعولين موڭعۇل اۆتونوميالى وبلىستىق قاتىناس - تاسىمال مەكەمەسى مەن بايىنعولين جول - تەڭىز ىستەرى مەكەمەسى ۇلتتار ىنتىماعى «تۋىستاۋ اپتالىعىن» وراي ەتىپ، جۇپ قۇراپ، تۋىس بولعان وتباسىلارعا تۋىسشىلاي كەلىپ جاتقان ورگان كادرلارى مەن ولاردىڭ تۋىستارىن قامتىعان 90نان استام ادامدى ۇيىمداستىرىپ، پارتيا 19 - قۇرىلتايىنىڭ رۋحى جونىندە ۇگىت - لەكسيا جاسادى ءارى «قىسقى كۇنگى توعىسقان سۇيىسپەنشىلىك» اتىندا ۇلتتار ىنتىماعى بىرلەسكەن دوستىق ساۋىق قيمىلىن وتكىزدى.
  19 - قۇرىلتاي رۋحىن ۇگىتتەپ، جۇرەكتەردى توعىستىردى
  روزى، ءسىز جاڭا قول كوتەردىڭىز، قانە، ايتىڭىزشى، اتىكامنىڭ ايتقانى دۇرىس پا؟
  دۇرىس، بۇگىن تاڭەرتەڭ ماحمۇت شۋجي بىزگە لەكسيا جاساعاندا وسىلاي ايتقان...
  سول كۇنى ساعات 10 مولشەرىندە، بايىنعولين موڭعۇل اۆتونوميالى وبلىستىق جول - قاتىناس مەكەمەسى پارتگرۋپپاسىنىڭ شۋجيى، ورىنباسار مەكەمە باستىعى ماحمۇت توحتى قاتارلى كادرلار ىلگەرىندى - كەيىندى 19 - قۇرىلتاي بايانداماسىنداعى اۋىل - قىستاقتى كوركەيتۋ ستراتەگياسى، اۋىل - قىستاق مىندەتتى وقۋ - اعارتۋى جانە قالا، اۋىل تۇرعىندارىنىڭ نەگىزگى ەمدەلۋىن قامسىزداندىرۋ ءتۇزىمى سياقتىلارعا قاتىستى قىستاق تۇرعىندارى جاپپاي كوڭىل ءبولىپ وتىرعان مازمۇنداردى ءتۇسىندىردى.
  يسەنگەن قىستاعىنىڭ تۇرعىنى ماحتۇمحان ءادىل: بۇرىن 19 - قۇرىلتاي رۋحى ايتىلسا بولعانى مۇنى كادرلار ۇيرەنۋگە ءتيىستى دەپ ويلايتىنبىز؛ قىستاقتان، قالاشىقتان جانە اۋداننان، اسىرەسە، ءبىزدىڭ 700 كيلومەتردەن استام شالعاي كورلادان كەلگەن مىنا تۋىستارىمىز لەكسيا جاساعاننان كەيىن، ءبىز ءاربىر ادام جاقسى ۇيرەنۋىمىز كەرەكتىگىن، بۇل باياندامانىڭ ءبىزدىڭ اربىرىمىزگە قاتىستى ەكەندىگىن سەزىندىك، - دەدى.
  «جارايدى، ءبىزدىڭ قىزمەتكەرلەر اتىكام مەن روزىعا بىردەن سيلىق بەرسىن...» سۇراۋعا تالاسا جاۋاپ بەرۋ كەزڭىندە، جۇرگىزۋشى سۇراۋ تاستاسىمەن قىستاق تۇرعىندارى جاپا - تارماعاي قول كوتەرىپ، بەلسەنە جاۋاپ بەرىپ، قولدارىن بارعان سايىن كوتەرە ءتۇستى، كەيبىرەۋلەرى ورىندارىنان تۇرىپ، جۇرگىزۋشىنىڭ نازارىن اۋداردى. 
  كوپشىلىكتىڭ بەلسەندىلگىن كورگەندە، جۇرگىزۋشى، قىستاق پارتيا ياچەيكاسىنىڭ شۋجيى تۇرسىن سوپى بارلىعىنا كەزەكپەن ميكروفون ۇسىندى...
  ءبىر الاڭدا توعىسىپ، جاراسىمدىلىق جىرىن شىرقادى
  ليۋ ۋيشۋان، قايراتتان، ليۋ ۋيشۋان، قايراتتان...
  تەمىر، سەن وزىپ باراسىڭ، ليۋ ۋيشۋان ىلەسە المايتىن بولدى!
  ساعات 12 بولعاندا، قىستاق تۇرعىندار كوميتەتىنىڭ اۋلاسىندا «جۇرەكتەرىمىز توعىسقان ءبىر ءۇيلى جاندارمىز» اتتى قىزىقتى مادەني كوڭىل اشۋ قيمىلى قىزۋ ورلەۋگە كوتەرىلدى، قىستاق تۇرعىنى ءماريام تۇردى «2 ادام ءۇش اياقتاپ جۇگىرۋ» قىزىقتى ويىنىنا قاتىناسىپ جاتقان تۋىسى ليۋ ۋيشۋان مەن جۇبايى تەمىر مامەتتى شابىتتاندىرىپ «قايراتتان» دەپ ايعاي سالدى.
  سول كۇنگى قىزىقتى دەنە تاربيە قيمىلى ارقان تارتۋ، جىپتەن سەكىرۋ، قالاقشاعا جۇمىرتقا قويىپ جۇگىرۋ، «2 ادام ءۇش اياقتاپ جۇگىرۋ» سياقتى تۇرلەر بويىنشا ءوتتى، اسىرەسە، «2 ادام ءۇش اياقتاپ جۇگىرۋ» ويىنىندا، ءسوز جوق، تۋىستارىمەن بىرىگىپ جۇگىرۋ تالاپ ەتىلدى. تورەشى ماحمۇت توحتى: ماقسات − كوپشىلىكتىڭ ىشتەي ءتۇسىنىسۋ ورەسىن سىناپ، كوپشىلىكتىڭ ارالاسۋىن، ىشتەسۋىن، توعىسۋىن ونان ارا ىلگەرىلەتۋ، - دەدى.
  ۋاڭ چۇن مەن تۋىسى ءابدىروسۇل ياحۇپ بىرلەسىپ دۇتتارمەن ورىنداعان «ءبىزدىڭ شينجياڭ جاقسى جەر» ءانى كوپشىلىكتى جاسىل جايلاۋ مەن جايقالعان ەگىس اتىزىنا باستاي جونەلگەندەي بولدى، ءان اياقتالماي جاتىپ، شاتىرلاعان شاپالاق ءۇنى كوتەرىلدى.
  اسەم دۇتتار ءۇنى مەن ناعىرا ءۇنى كوتەرىلگەن كەزدە، كوپشىلىك وزدەرىن باسا الماي اۋلانىڭ ورتاسىنا شىعىپ، شاتتانا بيگە باستى. وسى ساتتە، كادرلار مەن بۇقارا، ەر مەن ايەل، كارى - جاس دەمەي تۇگەلدەي ءبىر ىرعاققا ىلەسە بيلەي جونەلدى.
  بۇقارامەن بىرگە تاماقتانىپ، ىنتىماق سەزىمىن توعىستىردى
  ءتۇس الەتى بولعاندا، قىستاق تۇرعىندار مادەني قيمىل ورتالىعىنا داستارقان دايىندالىپ، كادرلار مەن تۋىستارى بىرلەسىپ جاساعان تاعامدار قويىلدى. داستارقان قۋىرىلعان تاۋىق ەتى، بالىق، قوي ەتى سورپاسى، ءمانتى سياقتى ءتۇرلى - ءتۇستى ءدامدى تاعامعا تولدى... كوپشىلىك تاماق جەي وتىرىپ اڭگىمە دۇكەن قۇردى، ادامدار قول تەلەفوندارىن اشىپ، وسى ءبىر مەرەيلى ءساتتى سۋرەتكە ءتۇسىرىپ جاتتى.
  «مىنا كومەشتىڭ (بايىرعى ادىسپەن ەتتى نانعا وراپ پىسىرىلاتىن شەلپەك) ءدامى تاماشا ەكەن، وسىنشاما كوپ تاعامنان مەن جەگەن ەڭ ءدامدى تاعام وسى بولدى...»
  وسى ءدامدى كومەشتى ازىرلەۋ ءۇشىن، بايىنعولين موڭعۇل اۆتونوميالى وبلىستىق جول - قاتىناس مەكەمەسىنىڭ كادرى تاۋ جۇن ءوزىنىڭ تۋىسى تۇنيساگۇلدىڭ جۇبايىمەن بىرگە 2 كۇننىڭ الدىندا وسى كومەشتى پىسىرۋعا دايىندالىپ، بۇگىن تاڭەرتەڭ ەرتە تۇرىپ، وتىن جاعىپ، ۇنىن يلەپ، ەتىن تۋراپ، كومەش پىسىرۋمەن ابىگەر بولعان - دى.
  ماحمۇت توحتى كومەشتىڭ ءدامىن تاتىپ جاتىپ: كومەشتىڭ «ءمانتىنىڭ اتاسى» نەمەسە «قۇمدى دالانىڭ پيساسى» دەگەن اتى بار، كومەشتەن جەگەننەن كەيىن، قۇمدى دالادا كورپە جامىلماي - اق ۇيىقتاساڭ دا تۇماۋ تيمەيدى دەسەدى، كومەش ناننىڭ جوعارى ەنەرگيالى جانە قورەكتىگى جوعارى ەكەندىگىن وسىدان - اق بىلۋگە بولادى، - دەدى.
  «قانە، بارلىعىمىز اۋىز تيەيىك!» كوپشىلىك جاپا - تارماعاي كومەشكە ۇمتىلدى، ساسقالاقتاعان تۇنيساگۇل روزى: اسىقپاڭىزدار، اسىقپاڭىزدار، بارلىقتارىڭىزعا جەتەدى، بۇگىن تويماي قالساڭىزدار، ەرتەڭ تۇستە مەنىڭ ۇيىمە بارىپ جەڭىزدەر...، - دەدى.

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ