<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ۇكىمەت ءىسىن جاريا ۇستاۋ>>سۋرەتتى حابار

ساياسي كەڭەس ىلە قازاق اۆتونوميالى وبلىستىق 13 – كەزەكتى كوميتەتىنىڭ 2 – ءماجىلىسى اشىلدى

 


    سۋرەتتە: ءماجىلىس الاڭىنان كورىنىس. ليۋ چىڭگاڭ فوتوسى

    

    ءوز ءتىلشىمىز قايىربەك قاسيران ۇلى حابارلايدى. ساياسي كەڭەس ىلە قازاق اۆتونوميالى وبلىستىق 13 - كەزەكتى كوميتەتىنىڭ 2 - ءماجىلىسى قاڭتاردىڭ 133 - كۇنى تۇستەن بۇرىن ىلە قوناق سارايىنىڭ جيىن زالىندا اشىلدى. ءماجىلىس اشىلاتىن ءۇش جارىم كۇندە اۆتونوميالى وبلىسىمىزداعى ءار ۇلت، ءار سالادان كەلگەن ساياسي كەڭەس مۇشەلەرى ساياسي جاقتان كەڭەسۋ، دەموكراتيالىق جولمەن باقىلاۋ، ۇكىمەت ىسىنە ارالاسۋ، كەڭەس بەرۋ فۋنكتسياسىن مۇقيات اتقارىپ، قوعام ورنىقتىلىعى مەن باياندى تىنىشتىق باس نىساناسىنىڭ جاڭا جاعدايىنا ءورىس اشىپ، «جەر ۇيىعى» - جاڭا ىلە قۇرۋ ءۇشىن تىڭ ۇلەس قوسادى.

    ساياسي كەڭەس ىلە قازاق اۆتونوميالى وبلىستىق 13 - كەزەكتى كوميتەتى 2 – ءماجىلىسى ءتوراعالار القاسىنىڭ تۇراقتى ءتوراعالارى يان گوسان، سەرجان ۇعىباي ۇلى، ليۋ كىحۋا، پان شيڭكى، گۇلبارشىن سەرىكباي قىزى، جالەلدىن كامال، لاگۋا سايبۇگجاپ، داۋكىش ءدۇزباي ۇلى ءتوراعالار مىنبەسىنىڭ الدىڭعى قاتارىنان ورىن الدى.

  وبلىستىق پارتكومنىڭ شۋجيى جاۋ تيانجيە، وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى، وبلىستىق حالىق قۇرىلتايى تۇراقتى كوميتەتى پارتگرۋپپاسىنىڭ شۋجيى، ورىنباسار مەڭگەرۋشىسى لي جيانگو، وبلىستىق حالىق قۇرىلتايى تۇراقتى كوميتەتىنىڭ مەڭگەرۋشىسى ابدۇسالام سادىق، سونداي – اق لي ميڭحۇي، ءانۋار ابدۇشكۇر، شى گاڭ، پان داۋجين، پارحات ءسايدي، ليۋ جيانگو، رازبەك قامزا ۇلى، لي شينجۇن، گاۋ تيانشان قاتارلى وبلىستىق پارتكومنىڭ تۇراقتى مۇشەلەرى، اۆتونوميالى وبلىستىق حالىق قۇرىلتايى تۇراقتى كوميتەتىنىڭ، ۇكىمەتتىڭ باسشىلىق القاسىنداعىلار، سوت، پروكۋراتۋرا مەكەمەلەرىنىڭ نەگىزگى باسشىلارى ءتوراعالار مىنبەسىنەن ورىن الىپ، ءماجىلىستىڭ اشىلعاندىعىن قۇتتىقتادى.

    ساياسي كەڭەس وبلىستىق 13 – كەزەكتى كوميتەتىنىڭ 2 – ماجىلىسىنە قاتىناسۋعا ءتيىستى مۇشە 307 ادام، قاتىناسقانى 259 ادام، بۇل زاڭدا بەلگىلەنگەن ادام سانىنا ۇيلەسەدى.

    بەيجيڭ ۋاقىتى ساعات 10 نان 30 مينۋت وتكەندە ءتوراعالار القاسىنىڭ تۇراقتى ءتوراعاسى، وبلىستىق ساياسي كەڭەس پارتگرۋپپاسىنىڭ شۋجيى، ورىنباسار ءتوراعا يان گوسان ءماجىلىستىڭ اشىلعانىن جاريالادى، بارلىق ادام ورىندارىنان تۇردى، ايبىندى مەملەكەت گيمنى ورىندالدى.

    وبلىستىق ساياسي كەڭەستىڭ ءتوراعاسى سەرجان ۇعىباي ۇلى ساياسي كەڭەس ىلە قازاق اۆتونوميالى وبلىستىق 13 – كەزەكتى كوميتەتىنىڭ تۇراقتى كوميتەتى اتىنان ماجىلىسكە قىزمەتتەن بايانداما جاسادى.

    سەرجان ۇعىباي ۇلى بىلاي دەدى: 2017 – جىل __ پارتيا 19 – قۇرىلتايى جەڭىسپەن اشىلعان مەرەيلى جىل، ءبىر جىلدان بەرى وبلىستىق پارتكومنىڭ پارمەندى باسشىلىعىندا، وبلىستىق ساياسي كەڭەستىڭ تۇراقتى كوميتەتى باس نىسانانى تىعىز توڭىرەكتەپ، پارتيا 19 – قۇرىلتايىنىڭ، ج ك پ اۆتونوميالى رايوندىق 9- كەزەكتى كوميتەتى ءتورتىنشى جالپى ءماجىلىسىنىڭ، وبلىستىق پارتكوم قىزمەت ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، قالىڭ ساياسي كەڭەس مۇشەلەرى مەن ءار دارەجەلى ساياسي كەڭەس ۇيىمدارىن ىنتىماقتاستىرا باستاپ، قىزمەتتى جاڭا ۇستانىممەن جوسپارلاپ، ماسەلەنى جاڭا وي جەلىسىمەن شەشىپ، قىزمەتتى جاڭا مەحانيزممەن ىلگەرىلەتىپ، كەڭەستىك دەموكراتيانىڭ جاڭا اۋقىمىن قالىپتاستىرىپ، دەموكراتيالىق باقىلاۋدىڭ جاڭا جاعدايىن اشىپ، ۇكىمەت ىستەرىنە ارالاسۋ، ۇكىمەت ىستەرىنە كەڭەس بەرۋ جاعىندا تىڭ تابىستارعا قول جەتكىزىپ، قىزمەت ءتۇزىمىنىڭ جاڭا جۇيەسىن قۇرىپ، ساياسي كەڭەس قوسىنىنىڭ جاڭا بەت – بەينەسىن ايگىلەپ، ساياسي كەڭەس وبلىستىق 13 – كەزەكتى كوميتەتىنىڭ قىزمەتىن جاقسى باستاپ، اۆتونوميالى وبلىستىڭ قوعام ورنىقتىلىعى مەن باياندى تىنىشتىعىن جەبەۋگە بەلسەندى ۇلەس قوستى.

   ساياسي كەڭەستىڭ الداعى ءبىر جىلداعى قىزمەتتەرىنە توقتالعاندا سەرجان ۇعىباي ۇلى بىلاي دەدى: جۇڭگوشا سوتسياليزمنىڭ جاڭا داۋىرگە قادام تاستاۋى __ ەلىمىز دامۋىنىڭ جاڭا تاريحي باعدارى مەن داۋىرلىك بەلگىسى بولىپ تابىلادى. جالپى جاعدايعا كوز جىبەرگەندە، ىلە تاريحي دامۋدىڭ تىڭ بەلەسىندە تۇرىپ، تىڭ جورىققا قادام تاستادى. بۇل ءار دارەجەلى ساياسي كەڭەس ۇيىمدارى مەن ساياسي كەڭەس مۇشەلەرىنە تىڭ مىندەت، تىڭ تالاپتار قويدى. جاڭا جىلدا، اۆتونوميالى وبلىستىق ساياسي كەڭەس تۇراقتى كوميتەتى وبلىستىق پارتكومنىڭ قىزمەت ءماجىلىسىنىڭ رۋحىن تىعىز توڭىرەكتەپ، ساياسي جاقتان كەڭەسۋ، دەموكراتيالىق جولمەن باقىلاۋ، ۇكىمەت ىسىنە ارالاسۋ، ۇكىمەت ىسىنە كەڭەس بەرۋ فۋنكتسياسىن بەلسەنە اتقارادى. مۇنداعى جالپى تالاپ: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 – قۇرىلتايىنىڭ رۋحىن، ج ك پ اۆتونوميالى رايوندىق 9- كەزەكتى كوميتەتى ءتورتىنشى جالپى (كەڭەيتىلگەن) ءماجىلىسىنىڭ رۋحىن، اۆتونوميالى وبلىستىق پارتكومنىڭ قىزمەت ماجىلىسىندە العا قويىلعان تىڭ يدەيا، تىڭ نىسانا، تىڭ تالاپتار مەن تىڭ شارالاردى ىشكەرىلەي دايەكتى تياناقتاندىرىپ، وزەكتى توڭىرەكتەپ، جالپى جاعدايعا قىزمەت وتەپ، قوعام ورنىقتىلىعى مەن باياندى تىنىشتىقتى قورعاۋدىڭ جاڭا جاعدايىن جاراتىپ، «جەر ۇيىعى» __ جاڭا ىلە قۇرۋ جولىندا بەلسەنە ۇلەس قوسۋ. تارباعاتاي، التاي ايماقتىق ساياسي كەڭەس قىزمەت كوميتەتتەرى اۆتونوميالى وبلىستىق ساياسي كەڭەستىڭ ورنالاستىرۋى مەن ايماقتىق پارتكومنىڭ تالابى بويىنشا، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ەكولوگيالىق وركەنيەت قۇرىلىسىن، حالىق تۇرمىسى قۇرىلىسىن جانە ىرگەلى ىلە قۇرۋ جەلىسىن توڭىرەكتەي وتىرىپ، كەڭ كولەمدى تەكسەرىپ – زەرتتەۋ جۇرگىزىپ، بەلسەنە اقىل – كەڭەس بەرىپ، اۆتونوميالى وبلىستىڭ ورنىقتىلىعى مەن دامۋىن جەبەۋ رولىن ساۋلەلەندىرۋ.

    سەرجان ۇعىباي ۇلى مىنانى باسا دارىپتەدى: ءار دارەجەلى ساياسي كەڭەس ۇيىمدارى مەن ساياسي كەڭەس مۇشەلەرى وي – سانانى پارتيا 19 – قۇرىلتايىنىڭ رۋحىمەن قارۋلاندىرۋدا تاباندى بولىپ، ج ك پ اۆتونوميالى رايوندىق 9 – كەزەكتى كوميتەتى ءتورتىنشى جالپى ءماجىلىسىنىڭ، اۆتونوميالى وبلىستىق پارتكوم قىزمەت ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، «جەر ۇيىعى» - جاڭا ىلە قۇرۋ ۇلى نىساناسىن جەتە ءتۇسىنىپ، تىنىش، ىركىلىسسىز، كورىكتى، ينتەللەكتتى، اقاۋسىز، ىرىستى ىلە قۇرۋ سىندى بولاشاق كوركەم جوبانى جەتە ۇعىنۋى؛ قوعام ورنىقتىلىعىندا ونەگە رايون، ەكولوگيالىق قۇرىلىستا جەتەكشى رايون، ۇلتتار ىنتىماعىنداعى ۇلگى رايون، سىرتقا ەسىك اشۋدا كوشباسشى رايون، ەكونوميكانى دامىتۋدا تىرەكتى رايون، حالىق تۇرمىسىن جاقسارتۋدا اتويشى رايون ەتىپ قۇرۋ سىندى دامۋ باعىتىن جەتە مەڭگەرۋى كەرەك. ورنىقتىلىق بارىنەن ماڭىزدى دەۋدە تاباندى بولىپ، باياندى تىنىشتىققا كەپىلدىك ەتۋ؛ جاڭا دامۋ تانىمىندا تاباندى بولىپ، وسىزاماندانعان ەكونوميكالىق جۇيە قۇرۋ؛ حالىقتى وزەك ەتۋدە تاباندى بولىپ، بۇقارانىڭ باقىت كورسەتكىشىن بار كۇشپەن جوعارىلاتۋ؛ ادام مەن تابيعاتتىڭ جاراسىمدى تەڭ دامۋىندا تاباندى بولىپ، ەكولوگيالىق وركەنيەت قۇرىلىسىن ۇزدىكسىز كۇشەيتۋ؛ پارتيانىڭ ۇلت – ءدىن ساياساتىندا تاباندى بولىپ، ۇلتتار ىنتىماعىن، ءدىننىڭ جاراسىمدىلىعىن جەبەۋ؛ سوتسياليستىك وزەكتى قۇن كوزقاراسىندا تاباندى بولىپ، يدەولوگيا سالاسى قىزمەتىن شىنايى كۇشەيتۋ؛ جاڭا داۋىردەگى پارتيا قۇرىلىسىنىڭ باستى تالابىندا تاباندى بولىپ، «جەر ۇيىعى» _ جاڭا ىلە قۇرۋ ءۇشىن پارمەندى كەپىلمەن قامداۋ سىندى جەتى جاقتا تاباندى بولۋدى ىشكەرىلەي ىلگەرىلەتۋى؛

«قاۋىرت ۇيرەنۋ، كەڭ كولەمدە تالقى ورىستەتۋ، جاپپاي قورىتىندىلاۋ، تەرەڭ تولعانۋ، جۇيەلى جوسپار جاساۋ، بارىنشا امالياتتا ايگىلەۋ» قيمىلىن ىشكەرىلەي ورىستەتىپ، ساياسي كەڭەستىڭ فۋنكتسياسىن اتقارۋدى بۇكىل وبلىستىڭ قىزمەتىمەن ۇشتاستىرۋ، كۇش سالۋ ءتۇيىنىن اناعۇرلىم ءدال تاۋىپ، ساياسي كەڭەستىڭ فۋنكتسياسىن اتقارۋ قىزمەتىن وبلىستىق پارتكوم قىزمەت ءماجىلىسىنىڭ شەشىم – ورنالاستىرۋلارىمەن ىرىقتى تۇردە بىرلەستىرىپ، «ءۇش كەزەڭدىك» جوبا نىساناسىن، «ىلەنى التى جاقتان كوركەيتۋ» سىندى بولاشاق كوركەم جوبانى جانە «التى رايوندى» دامىتۋ بەتالىسىن، سونداي – اق 2018- جىلعى قىزمەت تالاپتارىن تىعىز توڭىرەكتەپ، مىندەت اتقارۋ ءتۇيىنىن جوسپارلاپ، ساياسي كەڭەستىڭ قىزمەت جاۋاپكەرلىگىن اتقارىپ، وبلىستىق پارتكومنىڭ شەشىم – ورنالاستىرۋلاردى تياناقتاندىرۋىنا دەم بەرىپ، «جەر ۇيىعى» -- جاڭا ىلە قۇرۋ ۇلى نىساناسىن جۇزەگە اسىرۋ ءۇشىن ارشىندى قاداممەن العا باسۋ جولىندا كۇش ۇيىستىرۋ كەرەك.

    ساياسي كەڭەس ىلە قازاق اۆتونوميالى وبلىستىق 13 – كەزەكتى كوميتەتى تۇراقتى كوميتەتىنىڭ تاپسىرۋىمەن، وبلىستىق ساياسي كەڭەستىڭ ورىنباسار ءتوراعاسى پان شيڭكى ماجىلىسكە ساياسي كەڭەس اۆتونوميالى وبلىستىق 13 – كەزەكتى كوميتەتىنىڭ 1 – ماجىلىسىنەن بەرگى ۇسىنىس جوبا قىزمەتى احۋالىنان بايانداما جاسادى. 1 – ماجىلىستەن بەرى، ءار ۇلت، ءار سالا ساياسي كەڭەس مۇشەلەرى، ساياسي كەڭەس قۇرامىنداعى ورىندار جانە ارناۋلى كوميتەتتەر جيىنى 297 ۇسىنىس جوبا تاپسىرىپ، تەكسەرۋ ارقىلى ودان 280 ۇسىنىس جوبا ارحيۆكە الىندى. شارپۋ كولەمى كەڭ، باعىتتامالىلىعى كۇشتى بۇل ۇسىنىس جوبالار وبلىستىق پارتكومنىڭ، حالىق ۇكىمەتىنىڭ وسكەلەڭ ءمان بەرۋىنە يە بولدى ءارى ولار جاعىنان پايدالانىلدى. 2017 – جىلى جەلتوقسانعا دەيىن، ءبىر جاقتى ەتۋگە تاپسىرىلعان ۇسىنىس جوبالارعا تۇگەل جاۋاپ قايتارىلىپ، جاۋاپ قايتارۋ مولشەرى %100 كە جەتىپ، وبلىستىق ساياسي كەڭەستىڭ ۇسىنىس جوبالارىنىڭ ەرەكشەلىگى مەن ابزالدىلىعى تولىق ساۋلەلەنىپ، اۆتونوميالى وبلىستىڭ قوعام ورنىقتىلىعى مەن باياندى تىنىشتىعى ءۇشىن ۇلەس بولىپ قوسىلدى. بۇدان كەيىن وبلىستىق ساياسي كەڭەس ۇسىنىس جوبا قىزمەتىن ىستەۋ، اقىلداسۋ بارىسىندا سانعا ءمان بەرۋدەن ساپاعا ءمان بەرۋگە قاراي ويىسىپ، ءبىر جاقتى ەتۋ، جاۋاپ قايتارۋعا ءمان بەرۋدەن ۇسىنىس جوبانى ماقۇلداۋ، تياناقتاندىرۋعا ءمان بەرۋگە قاراي ويىسىپ، ۇسىنىس جوبا قىزمەتىنىڭ ورەسىن جاپپاي جوعارىلاتادى.

    ماجىلىسكە وبلىستىق ساياسي كەڭەستىڭ دەمالىسقا، زەينەتكە شىققان ءىشىنارا ساقا باسشىلارى ۇسىنىسپەن قاتىناستى ءارى ءتوراعالار مىنبەسىنەن ورىن الدى.

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn