<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ماڭىزدى حابارلار

ساياسي كەڭەس اۆتونوميالى رايوندىق 11 - كەزەكتى كوميتەتى تۇراقتى كوميتەتىنىڭ 20 - ءماجىلىسى ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 1 - ءماجىلىسىن 21 - قاڭتاردا اشۋدى ۇيعاردى

 ءتىلشىمىز لي ياڭ 15 - قاڭتاردا ۇرىمجىدەن حابارلايدى. 15 - قاڭتار تۇستەن بۇرىن ساياسي كەڭەس اۆتونوميالى رايوندىق 11 - كەزەكتى كوميتەتى تۇراقتى كوميتەتىنىڭ 20 - ءماجىلىسى ۇرىمجىدە اشىلدى. ءماجىلىس ساياسي كەڭەس اۆتونوميالى رايوندىق 122 - كەزەكتى كوميتەتىنىڭ 1 - ءماجىلىسىن 21 - قاڭتاردا ۇرىمجىدە اشۋدى ۇيعاردى.

    اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى ماجىلىسكە قاتىناستى جانە ءسوز سويلەدى.

    ءماجىلىس اۆتونوميالى رايوننىڭ ورىنباسار ءتوراعاسى جاڭ چۇنليڭنىڭ ساياسي كەڭەس اۆتونوميالى رايوندىق 11 - كەزەكتى كوميتەتى 5 - ءماجىلىسىنىڭ ۇسىنىس جوبالاردى ءبىر جايلى ەتۋ جاعدايى جونىندەگى حابارلاندىرۋىن تىڭدادى، ساياسي كەڭەس 12 - كەزەكتى كوميتەتىنىڭ 1 - ماجىلىسىندە قاراۋعا ۇسىنىلاتىن ساياسي كەڭەس 11 - كەزەكتى كوميتەتى تۇراقتى كوميتەتىنىڭ قىزمەتىنەن باياندامانى جانە ۇسىنىس جوبا قىزمەتى جاعدايى جونىندەگى باياندامانى پرينسيپتىك جاقتان ماقۇلدادى، ساياسي كەڭەس اۆتونوميالى رايوندىق 12 - كەزەكتى كوميتەتىنە قاتىناساتىن ورىنداردى، سالالىق ورنالاستىرۋدى جانە مۇشە كانديداتتاردىڭ ەسىمدىگىن اقىلداسىپ ماقۇلدادى، ساياسي كەڭەس اۆتونوميالى رايوندىق 11 - كەزەكتى كوميتەتى 8 ارناۋلى كوميتەتىنىڭ قىزمەت جاعدايىنان بەرگەن مالىمەتتى تىڭدادى، ءتوراعالار ماجىلىسىنە ساياسي كەڭەس اۆتونوميالى رايوندىق 11 - كەزەكتى كوميتەتى تۇراقتى كوميتەتىنىڭ 20 - ماجىلىسىندە قارالىپ بولماعان ىستەردى قاراۋ ۇقىعىن بەرۋ جونىندەگى قاراردى قاراپ ماقۇلدادى، كادرلارعا قاتىستى ىستەردى قاراپ ماقۇلدادى.

    نۇرلان ءابىلماجىن ۇلى بىلاي دەدى: ساياسي كەڭەس اۆتونوميالى رايوندىق 11 - كەزەكتى كوميتەتى قۇرىلعاننان بەرى، اسىرەسە، ج ك پ اۆتونوميالى رايوندىق 9 - قۇرىلتايىنان بەرى، مەملەكەتتىك ساياسي كەڭەستىڭ كوڭىل بولۋى مەن جەتەكشىلىك ەتۋىندە، اۆتونوميالى رايوندىق پارتكومنىڭ باسشىلىعىندا، ساياسي كەڭەس تۇراقتى كوميتەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، وتانشىلدىق، سوتسياليزم تۋىن بيىك ۇستاپ، ىنتىماق جانە دەموكراتيا سىندى 2 ۇلكەن نەگىزگى تاقىرىپقا تاباندى بولىپ، نەگىزگى زاڭعا، ساياسي كەڭەس ۋستاۆىنا جانە قاتىستى ساياساتتارعا نەگىزدەلۋدەن جازباي، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەسۋ ءتۇزىمىن تىرەك ەتىپ، كەڭەستىك دەموكراتيانى ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ءىسىن كەڭەسۋ جالپى بارىسىنا ساباقتاستىرىپ، شينجياڭنىڭ سان سالالى ىستەرىنىڭ دامۋىنا شىنايى كەڭەس بەرىپ، اقىل قوسىپ، ناقتى شارالار كورسەتىپ، ءبىرسىپىرا ورەلى، ءماندى، قۇندى پىكىرلەر مەن ۇسىنىستار بەرىپ، اۆتونوميالى رايوندىق پارتكوم مەن حالىق ۇكىمەتىنىڭ شەشىم جاساۋىن ماڭىزدى پايدالانۋ ماتەريالدارىمەن قامداپ، شينجياڭنىڭ ورنىقتىلىعى مەن دامۋىنا جۇرت تىلەگىن توعىستىرىپ، كۇش ۇيىستىرىپ، قوعام ورنىقتىلىعى مەن باياندى تىنىشتىقتى جەبەۋدە ماڭىزدى رول اتقاردى. ورىنباسار ءتوراعالار جۇدىرىقتاي جۇمىلىپ، تىعىز سەلبەسىپ، پارتيا - توپتارمەن، ۇيىمدارمەن، ءار ۇلت، ءار سالاداعى مۇشەلەرمەن جانە نەگىزگى ساتىداعى ساياسي كەڭەس ورىندارىمەن بايلانىستى كۇشەيتىپ، ساياسي كەڭەس 11 - كەزەكتى كوميتەتىنىڭ قىزمەتتە جاڭالىق اشا دامۋىن جەبەۋ، باس نىسانانى تياناقتاندىرۋعا قىزمەت ەتۋ جونىنەن قىرۋار قىزمەتتەر ىستەدى.

تۇراقتى مۇشەلەر مەن مۇشەلەر بورىشتى ەستە بەرىك ساقتاپ، جاۋاپكەرشىلىكتەرىن ادالدىقپەن وتەپ، شينجياڭدى كوكەيىندە ساقتاپ، حالىق تۇرمىسىن ويلاپ، ىنتىماقتاسا بىرگە جۇمىس تىندىرىپ، دەموكراتيالى كەڭەسىپ، ناقتى باقىلاۋ جۇرگىزىپ، ۇكىمەت ءىسىن ىشكەرىلەي كەڭەسىپ، شينجياڭنىڭ ورنىقتىلىعى مەن دامۋىنا اقىل - پاراسات جانە كۇش قوسىپ، شينجياڭنىڭ ساياسي كەڭەس ىستەرىنىڭ دامۋىن ىلگەرىلەتۋگە قۇندى ۇلەس قوستى.

    نۇرلان ءابىلماجىن ۇلى بىلاي دەدى: حالىقتىق ساياسي كەڭەس ىستەرى ماڭگى الاۋلاپ وشپەيتىن، تىنباي داميتىن ءىس، ءار كەزەكتەگى مۇشەلەردىڭ بۇرىنعىعا مۇراگەر، كەيىنگىگە بۇيداگەر بولىپ، تالىقپاي تالپىنۋىنا مۇقتاج. ەندىگارى مۇشەلىك مىندەت وتەمەيتىن جولداستاردىڭ اۆتونوميالى رايوننىڭ ساياسي كەڭەس ىستەرىنە ۇزدىكسىز نازار سالىپ جانە قولداپ، اۆتونوميالى رايوننىڭ ورنىقتىلىق، دامۋ ىستەرىنە ۇزدىكسىز كوڭىل ءبولىپ، اقىل - كەڭەس بەرۋىن ءۇمىت ەتەمىن. مىندەتىن وتەي بەرەتىن مۇشەلەردىڭ داڭقتارىن قاستەرلەپ، جاۋاپكەرشىلىك سەزىم مەن بورىشتىلىق سەزىمدى شىن مانىندە كۇشەيتىپ، قىزمەت مىندەتىن وتەۋ قابىلەتتەرىن ۇزدىكسىز ارتتىرىپ، جاڭا داۋىردە جاڭا بەينە، جاڭا تەبىن بايقاتىپ، جاڭا داۋىردەگى شينجياڭنىڭ ساياسي كەڭەس قىزمەتىن ىلگەرىلەتۋگە مۇنان دا زور ۇلەس قوسۋىن ءۇمىت ەتەمىن.

    نۇرلان ءابىلماجىن ۇلى مىنانى باسا دارىپتەدى: ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 1 - ءماجىلىسى 5 جىلدا ءبىر رەت اشىلاتىن كەزەك اۋىستىرۋ ءماجىلىسى، اۆتونوميالى رايوندىق پارتكوم وسى رەتكى ءماجىلىستىڭ ويداعىداي اشىلۋىنا باسا ءمان بەرىپ وتىر. وسى رەتكى ءماجىلىستىڭ ماڭىزدىلىعىن جەتە تانىپ، «4 تانىمدى» كۇشەيتىپ، پارتيا ورتالىق كوميتەتىنىڭ تالابى بويىنشا، اۆتونوميالى رايوندىق پارتكومنىڭ ورنالاستىرۋى بويىنشا وسى رەتكى ءماجىلىستى جاقسى اشىپ، ءاربىر قىزمەتتى ناقتى، ەگجەي - تەگجەيلى، تياناقتى يگەرۋ كەرەك.

    اۆتونوميالى رايوندىق ساياسي كەڭەستىڭ ورىنباسار ءتوراعالارىنان باي جىجيە، ليۋ يانلياڭ، رىزۋان ابەي، لي شياڭلين، ءجۇرات يمىن، ليۋ جىيۇڭ، ماعاۋ سەيىتقامزا ۇلى، ليۋ جيانشين، ۋان حايچۋان، چىڭ جىنشان، باداي، گۇلشات ابدۇقادىر، يۇي شيۋليان، ابدىليتىپ ابدىرەيىم، باس حاتشى حان جۇن ماجىلىسكە قاتىناستى.

    اۆتونوميالى رايوندىق ساياسي كەڭەستىڭ ورىنباسار باس حاتشىلارى جانە ورگانداعى باسقا دا جاۋاپتى جولداستار، ءارقايسى ارناۋلى كوميتەتتەردىڭ مەڭگەرۋشىلەرى، ارناۋلى ورىنباسار مەڭگەرۋشىلەر ماجىلىسكە سىرتتاي قاتىناستى.

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn