<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>سۋرەتتى حابار

اۆتونوميالى وبلىستىق 14 – كەزەكتى حالىق ۇكىمەتى 9 – رەتكى ۇنەمىلىك ىستەر ءماجىلىسىن اشتى

 

اۆتونوميالى وبلىستىق 14 – كەزەكتى حالىق ۇكىمەتى 9 – رەتكى ۇنەمىلىك ىستەر ءماجىلىسىن اشتى

ءتىلشىمىز سۇن ۋيشيا حابارلايدى. اۆتونوميالى وبلىستىق 14 – كەزەكتى حالىق ۇكىمەتى جەلتوقساننىڭ 1 - كۇنى 9 – رەتكى ۇنەمىلىك ىستەر ءماجىلىسىن اشىپ، قاتىستى ءتۇزىم - ادىستەر مەن بەلگىلەمەلەردى اقىلداسىپ ايقىندادى. وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى ءماجىلىستى باسقاردى ءارى ناقتى تالاپتاردى العا قويدى.

وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى ليۋ جيانگو، وبلىستىڭ ورىنباسار باستىقتارى مەي يۇي، جاڭ جۇي، ەلشات تۇرسىنباي ۇلى، جاڭ ميڭحۋا، ابليكىم نۇرانبەك ماجىلىسكە قاتىناستى.

ماجىلىستە «ىلە وبلىسىنىڭ اكىمشىلىك ۇقىقتى جانە جاۋاپكەرلىكتى اداقتاۋ، باقىلاۋ – باسقارۋ ءادىسى» قارالىپ ماقۇلداندى. وتكەن جىلدان بەرى اۆتونوميالى وبلىستىق حالىق ۇكىمەتى قىزمەت تاراۋلارىنىڭ ۇقىق تىزىمدىگى مەن جاۋاپكەرلىك تىزىمدىگىن جاساپ ءارى جاريالاپ، ۇكىمەتتىڭ زاڭ بويىنشا اكىمشىلىك جۇرگىزۋىن جەبەدى. بۇل ءادىس اكىمشىلىك ۇقىقتىڭ جۇرگىزىلۋىن اناعۇرلىم جۇيەلىلەندىرىپ، ۇقىقتىڭ جۇرگىزىلۋىن باقىلاۋ – باسقارۋدى كۇشەيتىپ، «ۇكىمەت قۇرىلىمدارىن ىقشامداۋ، ۇقىقتى تومەنگە بەرۋ، ەركىنە جىبەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ» رەفورماسىن تەرەڭدەتىپ، ۇقىق، جاۋاپكەرلىك تىزىمدىگىنىڭ ولشەمدەنۋىن جەبەپ، ۇكىمەت تاراۋلارىنىڭ زاڭ ۇقىق بەرمەگەندى ىستەمەۋگە، زاڭدا بەلگىلەنگەن جاۋاپكەرلىكتى، ءسوزسىز، قۋزاستىرۋعا كەپىلدىك ەتۋى ءۇشىن بەلگىلەنگەن بولاتىن.

ماجىلىستە «اۆتونوميالى وبلىستىڭ وبلىس دارەجەلى اكىمشىلىك تەكسەرىپ – بەكىتۋگە قاتىستى دانەكەرلىك قىزمەت وتەۋ ىستەرىنىڭ تىزىمدىگى» قارالىپ ماقۇلداندى. مەملەكەتتىك كەڭەستىڭ، اۆتونوميالى رايوندىق ۇكىمەتتىڭ قاتىستى قۇجاتتارىنىڭ تالابى جانە وبلىسىمىزدىڭ ناقتى ىرىكتەپ شىعارعان اكىمشىلىك تەكسەرىپ – بەكىتۋگە قاتىستى دانەكەرلىك قىزمەت وتەۋ ىستەرىنىڭ تىزىمدىگى بويىنشا 20 تاراۋدىڭ اكىمشىلىك تەكسەرىپ – بەكىتۋگە قاتىستى 65 دانەكەرلىك قىزمەت وتەۋ ءتۇرى ساقتالىپ قالدى.

ماجىلىستە «ىلە وبلىستىق ۇكىمەتتىڭ ساتىپ الۋعا قاتىستى ىستەرگە دانەكەرلىك قىزمەت وتەۋدى اتقارۋ ءادىسى» قارالىپ ماقۇلداندى. بۇل اكىمشىلىك تەكسەرىپ – بەكىتۋگە قاتىستى دانەكەرلىك قىزمەت وتەۋ ۇكىمەتتىڭ ساتىپ الۋعا قىزمەت وتەۋىنە جەتەكشىلىك ەتۋ مازمۇنىنا ەنگىزىلىپ، ساتىپ الۋعا قىزمەت وتەۋ تاراۋلارىنىڭ جاۋاپكەرلىگى، قارجى قاينارى، ساتىپ الۋ ءتارتىبى سياقتىلارعا قاتىستى سايكەستى بەلگىلەمەلەر شىعارىلماق.

ماجىلىستە «ىلە وبلىسىنا توتە قاراستى ورىنداردىڭ <13 – بەس جىلدىق> مەزگىلىندەگى داقىل ساباعىنان ۋنيۆەرسال پايدالانۋ جونىندەگى اتقارۋ جوباسى» جانە «ىلە وبلىسىنا توتە قاراستى ورىندارداعى داقىل ساباعىن ورتەۋگە تيىم سالۋ جانە ۋنيۆەرسال پايدالانۋدى باسقارۋ ءادىسى»، سونداي – اق «ىلە وبلىسىنىڭ تۇز شارۋاشىلىعىن باقىلاۋ – باسقارۋ ءتۇزىلىس رەفورماسى جوباسى»، «اۆتونوميالى وبلىستىق پارتكوم مەن حالىق ۇكىمەتىنىڭ ءوندىرىس حاۋىپسىزدىگى سالاسى رەفورماسىن دامىتۋدى ىلگەرىلەتۋ جونىندەگى اتقارۋ پىكىرى» قارالىپ ماقۇلداندى، اۆتونوميالى وبلىستىق ازىق – تۇلىك حاۋىپسىزدىگى قىزمەتى جونىندەگى دوكلاد ارنايى تىڭدالدى.

قۇرماش سىرجان ۇلى مىنانى تالاپ ەتتى: پارتيا 19 – قۇرىلتايىنىڭ رۋحىن ۇزدىكسىز ىشكەرىلەي ۇيرەنىپ، شىنايى يگەرىپ، وعان شىنايى سەنىم بايلاپ، ونى شىنايى قولدانىپ، قىزمەت ىسجۇزىندىگىمەن، «شي جينپيڭ ەل باسقارۋ جونىندە» اتتى كىتاپتىڭ 2 – تومىمەن ۇشتاستىرىپ، ەل باسقارىپ، اكىمشىلىك جۇرگىزۋ ورەسى مەن ۇكىمەتتىڭ اكىمشىلىك اتقارۋ قابىلەتىن جوعارىلاتۋ كەرەك.

ۇكىمەتتىڭ پارتگرۋپپاسى مەن كەڭسە مەڭگەرمەسى پارتگرۋپپاسىنىڭ مۇشەلەرى باستاماشىلدىقپەن ۇيرەنۋى، ۇلگىلىك رولدى تولىق ساۋلەلەندىرۋى، پارتيا 19 – قۇرىلتايىنىڭ رۋحى جانە شي جينپيڭنىڭ جاڭا داۋىردەگى جۇڭگوشا سوتسياليزم يدەياسىمەن وي – سانانى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتۋدە تاباندى بولۋى كەرەك.

قوعامدىق جالپى جاعدايدىڭ جاراسىمدى ورنىقتىلىعىن قورعاۋدا تاباندى بولۋ كەرەك. وبلىستىق پارتكومنىڭ شۋجيى جاۋ تيانجيە ىلەگە كەلگەننەن بەرى قوعام ورنىقتىلىعى مەن باياندى تىنىشتىقتى باستان – اياق ماڭداي الدى ساياسي مىندەت ەتىپ، ورنىقتىلىق قىزمەتىن تياناقتاندىرۋعا كۇن سايىن باقىلاۋ جۇرگىزىپ، جەتەكشىلىك ەتۋدە، وبلىستىق پارتكوم دا ءتورت باسشىلىق القانىڭ باس نىسانانى تياناقتاندىرۋى جونىندە ايقىن تالابىن العا قويدى. ۇكىمەت باسشىلىق القاسىنىڭ مۇشەلەرى اۆتونوميالى رايوندىق پارتكومنىڭ شۋجيى چىن چۋانگونىڭ «ءتورت سويلەم» تالابىنا ساي، «1+4» قىزمەت شاراسىن مىقتى ۇستاپ، شەكارانى باقىلاۋ – باسقارۋدى كۇشەيتىپ، قاراستى باسقارۋ وڭىرلەرىن، كوتەرىپ العان اۋدان – قالالاردىڭ ورنىقتىلىق قىزمەتىن شەگەلىك رۋحپەن مىقتى ۇستاپ، بۇقارالىق قىزمەتتى ويداعىداي ىستەپ، ىلەنىڭ قوعامدىق جالپى جاعدايىنىڭ ءۇرتىس، باياندى، جاپپاي ورنىقتى بولۋىنا كەپىلدىك ەتۋ كەرەك.

ءوندىرىس حاۋىپسىزدىگى قىزمەتىن مىقتى يگەرىپ، ەرەكشە اۋىر ءوندىرىس حاۋىپسىزدىگى شىرعالاڭدارى تۋىلۋىنان قاتاڭ ساقتانۋ كەرەك. ازىق - تۇلىك حاۋىپسىزدىگى، زات قاينارىمەن قامداۋ جانە زات باعاسىن ورنىقتىرۋ قىزمەتتەرىن مىقتى يگەرىپ، حالىق بۇقاراسىنىڭ دەنساۋلىق اقاۋسىزدىعى مەن باس اماندىعىنا بار كۇشپەن كەپىلدىك ەتۋ كەرەك.

قۇرماش سىرجان ۇلى بىلاي دەپ باسا دارىپتەدى: اۆتونوميالى رايون كەدەيلىكتەن قۇتىلدىرۋدان قامال الۋ، ءوندىرىس حاۋىپسىزدىگى سياقتى قىزمەتتەردى تەكسەرىپ - وتكىزىپ الۋ الدىندا تۇر. ءارقايسى سالالارعا جاۋاپتى باسشىلار اۆتونوميالى وبلىستىڭ جىل باسىندا بەلگىلەگەن نىسانا - تالاپتارىنا ساي جاۋاپتى سالاسىنداعى قىزمەتتەردى مۇقيات ناقتىلاندىرىپ جانە ويداعىداي قورىتىندىلاپ، وبلىستىق پارتكومنىڭ ءتۇرلى ورنالاستىرۋلارىنىڭ ناتيجەلى بولۋىنا، ءتۇرلى تەكسەرۋ نىسانا - مىندەتتەرىن ورىنداۋعا كەپىلدىك ەتۋ كەرەك. ءارقايسى سالالار بويىنشا جاۋاپتى باسشىلار ءوز سالاسىنىڭ اپاتتان ساقتانۋ، اپات زيانىن ازايتۋ جانە ءوندىرىس حاۋىپسىزدىگى قىزمەتتەرىن قايتالاي قۋزاپ، قايتالاي باسا دارىپتەپ، جاڭبىرلى، قارلى اۋا رايى كۇندەرى ەرەكشە اۋىر شىرعالاڭنىڭ جانە ادام، مال - مۇلىك زيانىنىڭ تۋىلۋىنان ساقتانىپ، حاۋىپسىزدىك جاۋاپكەرلىگىن، حاۋىپسىزدىك شارالارىن ناقتى تياناقتاندىرۋ كەرەك. سونىمەن بىرگە، پارتيا 19 - قۇرىلتايىنىڭ رۋحىن مۇقيات ۇيرەنۋ، ءتۇسىنۋ نەگىزىندە، ونى ورتالىقتىڭ جانە اۆتونوميالى رايوننىڭ شەشىم - ورنالاستىرۋلارىمەن، جاۋاپتى سالاسىنداعى قىزمەتتىڭ ءىس جۇزىندىگىمەن بىرلەستىرىپ، كەزەكتەگى ءدوپ كەلىپ وتىرعان جاعدايعا ىشكەرىلەي تالداۋ جاساپ، 2018 - جىلعى قىزمەتتەردى عىلمي جوسپارلاپ، كەلەر جىلعى ءتۇرلى قىزمەتتەردى ويداعىداي ىستەۋ ءۇشىن تولىق ازىرلىك كورۋ كەرەك. ءارقايسى تاراۋلار ساياسي ءتارتىپ پەن ساياسي قاعيدانى كۇشەيتىپ، رۇقسات سۇراۋ، رۇقسات ۋاقىتى بىتكەنىن مالىمدەۋ ءتۇزىمىن قاتاڭداستىرىپ، جوعارىنىڭ بەكىتۋىنە قاتىستى ماڭىزدى ىستەردى ءتارتىپ بويىنشا قاتاڭ اتقارىپ، ءتارتىپتى باستان - اياق ماڭداي الدى ورىنعا قويىپ، قاتاڭ ءتارتىپ پەن تاڭداۋلى ستيل ارقىلى ءتۇرلى قىزمەتتى جوعارى ونىمدىلىكپەن تياناقتاندىرۋدى ىلگەرىلەتۋ كەرەك.

·   كەلۋ قاينارى: ىلە گازەتى

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ