<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>شينجياڭ حابارلارى

شينجياڭ بيىل كاسىپورىنداردىڭ جالپى ءبىر ميلليارد 102 ميلليون يۋان اۋىرتپالىعىن جەڭىلدەتتى

اۆتونوميالى رايوندىق دامۋ - رەفورما كوميتەتىنەن  ۇعىسۋىمىزشا، بيىل جىل باسىنان بەرى، رايونىمىز مەملەكەتتىڭ كاسىپورىنداردان اقى الۋدى ىشكەرىلەي رەتكە سالىپ جانە جۇيەگە ءتۇسىرىپ، كاسىپورىنداردىڭ اۋىرتپالىعىن جەڭىلدەتۋ جونىندەگى شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، كاسىپورىنداردىڭ جالپى ءبىر ميلليارد 102 ميلليون يۋانعا جۋىق اۋىرتپالىعىن جەڭىلدەتكەن. تۇتاس رايونىمىزدا ۇكىمەتتىڭ تۇراقتى باعاسى نەمەسە جەتەكشى باعاسى اتقارىلعان، كاسىپورىندارعا تيجاراتتىق قىزمەت كورسەتۋ سيپاتىنداعى اقى الۋ نىسانى 2014 - جىلعى 111 تۇردەن 2017 - جىلى 42 تۇرگە كەمەيگەن.

بيىل ماۋسىم ايىندا، اۆتونوميالى رايون «كاسىپورىندارعا قىزمەت كورسەتۋ سيپاتىنداعى اقى الۋدى رەتكە سالۋ جانە جۇيەگە ءتۇسىرۋ جونىندەگى قۇلاقتاندىرۋدى» باسىپ تاراتىپ، جەر - جەردەن، تاراۋلاردان كاسىپورىنداردان اقى الۋدى رەتكە سالۋ جانە جۇيەگە تۇسىرۋگە قاتىستى قىزمەتكە وسكەلەڭ ءمان بەرىپ، مەملەكەتتىك كەڭەس ورنالاستىرعان ءتۇيىندى قىزمەت مىندەتىنە ساي، اۆتونوميالى رايوننىڭ ءىس جۇزىندىك جاعدايىنا بىرلەستىرە وتىرىپ، رەتكە سالۋ جانە جۇيەگە ءتۇسىرۋ ساياساتىن، شارالارىن تياناقتاندىرۋدى مىقتى يگەرۋدى تالاپ ەتتى. كاسىپورىنداردان اقى الۋدى رەتكە سالۋ جانە جۇيەگە ءتۇسىرۋ قىزمەتى ورىستەتىلگەننەن بەرى، اۆتونوميالى رايون ۇكىمەت باعا بەلگىلەيتىن نىسانداردى بارىنشا ەركىن ۇستاپ، جوعارىلاعان اقى الۋ ولشەمىن تومەندەتىپ، ۇكىمەت باعا بەلگىلەپ اقى الاتىن تۇرلەردى اداقتاپ، وزىندىك قۇنىن قاتاڭ تەكسەرىپ تۇراقتاندىرىپ، كاسىپورىنداردان تيجاراتتىق قىزمەت كورسەتۋ سيپاتىنداعى اقى الۋدى اناعۇرلىم تومەندەتتى؛ ەرەجەگە قايشى اقى الۋدى باتىل كۇشىنەن قالدىرىپ، كاسىپورىنداردان اقى الۋدى تەكسەرۋدى ەتەك الدىرىپ، اقى الۋدى باسقارۋ ءتۇزىمى رەفورماسى قاتارلىلاردى ىلگەرىلەتتى. تامىزدىڭ سوڭىنا دەيىن، اۆتونوميالى رايون جيىنى 34 ءتۇرلى ءتيىمدى ساياساتتى تياناقتاندىردى.

ءتۇيىندى سالالار مەن بۋىنداردىڭ كاسىپورىنداردان تيجاراتتىق قىزمەت كورسەتۋ اقىسىن الۋى رەتكە سالىندى. مۇندا فينانس سالاسىندا ساۋدا بانكەلەرىنىڭ جەكەلەردىڭ سىرت جەردەگى بانكەدەن اقشا شىعارىپ العانداعى راسميات اقىسىن الۋى كۇشىنەن قالدىرىلدى؛ اقشاسىن ءوزى تولەيتىن قولحات الۋ، اقشا چەگى راسميات اقىسى، جوعالعانىن مالىمدەۋ اقىسى، جۇمىس اقىسى ۋاقىتشا توقتاتىلدى. تەمىر جول جۇك تاسىمالى قاتارلى قاتىناس سالاسىندا، جەرگىلىكتى اكىمشىلىك تاراۋلاردىڭ نەمەسە ءىسورىنداردىڭ تەمىر جول جۇك تاسىمالى، ارناۋلى لەنيا تيجاراتىندا ەرەجەگە قايشى اقى الۋى ءتۇيىندى تۇردە رەتكە سالىنىپ، تەمىر جول تاسىمالى كاسىپورىندارىنىڭ، ارناۋلى لەنيا مۇلىك ۇقىعى نەمەسە تيجارات ورىندارىنىڭ اقى الۋ ارەكەتى قاتارلى 10 ءتۇرلى اقى الۋ نىسانى جۇيەگە ءتۇسىرىلىپ، 84 ميلليون 390 مىڭ يۋان اۋىرتپالىق جەڭىلدەتىلدى. ينجەنەريالىق قۇرىلىس سالاسىندا اۋە قورعانىسى سالاسى الاتىن قۇرىلىس كارتاسىن تەكسەرۋ اقىسى كۇشىنەن قالدىرىلىپ، 2 ميلليون 700 مىڭ يۋان اۋىرتپالىق جەڭىلدەتىلدى؛ تۇرعىن ءۇي قۇرىلىس سالاسى الاتىن جوسپارلاۋ - جوبالاۋعا اقىل - كەڭەس بەرۋگە قىزمەت كورسەتۋ اقىسى، وركەنيەتتى جۇمىس ورنى اقىل - كەڭەس اقىسى كۇشىنەن قالدىرىلىپ، 4 ميلليون 440 مىڭ يۋان اۋىرتپالىق جەڭىلدەتىلدى.

اۆتونوميالى رايون ءادىل باسەكەنى تەكسەرۋ ءتۇزىمىن ورناتىپ، اقى الۋ ءتىزىمىن يكەمدى رەتتەۋ ءتۇزىمىن كەمەلدەندىرىپ، كاسىپورىنداردان اقى الۋدى اشىق جاريالاۋ ءتۇزىمىن جالپىلاستىرىپ، ۇكىمەتتىڭ اقى الۋ ارەكەتىن جۇيەلىلەندىرەتىن ءتۇزىلىس پەن مەحانيزمدى كەمەلدەندىرىپ، تۇتاس شينجياڭدا اقى الۋ كورسەتكىشى تىزىمدىگىن جەلىلەندىرۋ، بەتالدى اقى الۋدى تۋدىراتىن مۇمكىندىكتەردى تۋ باستان الاستادى.

·     كەلۋ قاينارى: شينجياڭ گازەتى تورابى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn