<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ماڭىزدى حابارلار

زىڭ سۇن قۇلجا قالالىق پارتكوم تۇراقتى كوميتەتى باسشىلىق القاسىنىڭ ارناۋلى دەموكراتيالىق تۇرمىس جيىنىندا مىنانى تالاپ ەتتى: ءتىپتى دە جوعارى ولشەممەن، قاتاڭ شارالارمەن، شىنايى ستيلمەن ءتۇرلى قىزمەتتى تىڭعىلىقتى ىستەۋ كەرەك

وبلىستىق پارتكومنىڭ ءبىر تۇتاس ورنالاستىرۋىنا ساي، قۇلجا قالالىق پارتكوم تۇراقتى كوميتەتىنىڭ باسشىلىق القاسى قىركۇيەكتىڭ 24 – كۇنى ارناۋلى دەموكراتيالىق تۇرمىس جيىنىن اشتى.

وبلىستىق پارتكومنىڭ شۋجيى زىڭ سۇن جيىنعا قاتىناسىپ، جەتەكشىلىك ەتتى ءارى ءسوز سويلەدى. ول سوزىندە مىنانى تالاپ ەتتى: قۇلجا قالاسى اۆتونوميالى وبلىستىڭ ورتالىق قالاسى رەتىندە ءتىپتى دە جوعارى ولشەممەن، قاتاڭ تالاپپەن، بارلىق ىستە، بارلىق ورىندا الدىمەن باتىلدىقپەن ۇمتىلۋ رۋحىن ورناتىپ، ءتۇرلى قىزمەتتە بۇكىل وبلىس بويىنشا الدىڭعى لەكتە ءجۇرىپ، ورتالىق قالا ەكەندىگىن شىنايى ايگىلەپ، ۇلگىلىك، باستاماشىلىق رولىن ويداعىداي ساۋلەلەندىرۋ كەرەك. «نازاردى باس نىساناعا شوعىرلاندىرىپ، 50 كۇن قاۋىرت ىستەپ، <ءۇشتىڭ تۋىلماۋىنا> كۇش سالىپ، پارتيا 19 – قۇرىلتايىن قۋانا قارسى الۋ» مىندەتتەرىن قۇلشىنا ويداعىداي ورىنداپ، پارتيا 19 – قۇرىلتايىنىڭ تابىستى اشىلۋىن سۇبەلى ناتيجەمەن قارسى الۋ كەرەك.

جيىندا وبلىستىق پارتكومنىڭ تۇراقتى مۇشەسى، قۇلجا قالالىق پارتكومنىڭ شۋجيى لي شينجۇن باس بولعان قۇلجا قالالىق پارتكوم تۇراقتى كوميتەتىنىڭ باسشىلىق القاسىنداعىلار باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن ىشكەرىلەي ۇيرەنۋدى، دايەكتىلەندىرۋدى توڭىرەكتەپ، زاڭ – تارتىپكە قايشى دەلولاردى اينا ەتە وتىرىپ، قالالىق پارتكوم تۇراقتى كوميتەتىنىڭ «جەتىنى دارىپتەمەۋ» جاعىنداعى كورنەكتى ماسەلەلەرىن قاراستىرىپ، كادرلار قوسىنىنداعى «ەكىبەتكەيلەرمەن» باتىل كۇرەس جۇرگىزۋ ماڭىزدى ءتۇيىنىن كوزدە ۇستاپ، پارتيالىلىق تالداۋ جاساپ جانە ءوزىن ءوزى بورشالاپ، سىن جانە ءوز وزىنە سىن ورىستەتتى. باسشىلىق القاداعىلار ءوز وزىنە سىن ايتىپ، وي ءورىسىن كەڭەيتىپ، نەگىزگى تاقىرىپقا توقتالىپ، ماڭىزدى ءتۇيىندى كورنەكتىلەندىردى؛ ءوزارا سىن ورىستەتىپ، شىندىقتى ءىس جۇزىنەن ىزدەۋ تۇرعىسىنان ماسەلەلەردى كورسەتىپ، جولداستارعا شىن پەيىلمەن كومەكتەستى.

وبلىستىق پارتكومنىڭ «ەكى ارناۋلى» قىزمەتتى باعالاۋ 1 - گرۋپپاسىنىڭ باستىعى، وبلىستىق پارتكوم ۇيىمداستىرۋ ءبولىمىنىڭ ورىنباسار باستىعى لي گاڭ دەموكراتيالىق تۇرمىس جيىنىنا باعا بەرىپ مىنانى اتاپ كورسەتتى: قۇلجا قالالىق پارتكوم تۇراقتى كوميتەتىنىڭ وسى رەتكى ارناۋلى دەموكراتيالىق تۇرمىس جيىنىندا يدەيالىق تانىم تياناقتاندى، دايىندىق قىزمەت تولىق ىستەلگەن؛ تۇتاس جيىندا نەگىزگى تاقىرىپ كورنەكتىلەندى، جيىن رايى قاتاڭ، ناتيجە كورنەكتى بولدى؛ كوپشىلىك ماسەلەلەردى ىرىقتىلىقپەن تانىپ، كەمىستىكتى تۇزەتۋگە اشىق ۋادە بەردى؛ ناقتى ادام، ناقتى ءىس، شىنايى يدەيا بەينەلەنىپ، ساياسي جاۋاپكەرلىك پەن بورىشتى باتىلدىقپەن ارقالاۋ ايگىلەندى؛ ءوزارا سىن ايتۋدا، كوڭىلگە قاراماي، ۇرىمتال جەردى تىكەلەي بايقاپ، ماسەلەلەردى شىنايى اتاپ كورسەتتى، تۇزەتۋ باعىتىن قاراستىرىپ، شىمبايىنا باتىرا اشكەرە جايىپ سالۋ ونىمىنە جەتتى.

زىڭ سۇن سوزىندە مىنانى اتاپ كورسەتتى: وسى رەتكى دەموكراتيالىق تۇرمىس جيىنى جايشىلىقتاعىعا ۇقسامايدى، ول اۆتونوميالى رايوندىق پارتكومنىڭ پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جانە قوعام ورنىقتىلىعى مەن باياندى تىنىشتىق باس نىساناسىن دايەكتى تياناقتاندىرۋ تۇرعىسىنان شينجياڭنىڭ بولشەكتەۋشىلىككە قارسى تۇرۋ كۇرەسىنىڭ ءىس جۇزىندىك جاعدايىن تياناق ەتۋ، «ەكىبەتكەيلەردىڭ» زاردابىن الاستاۋدى كوزدە ۇستاپ، كىرشىكسىز ساياسي ەكولوگيا قۇرۋ ءۇشىن بەلگىلەگەن ماڭىزدى ساياسي ورنالاستىرۋى، جانە «ەكىنى ۇيرەنۋ، بىردە تولىمدى بولۋ» ۇيرەنۋ – تاربيەسىن ۇدايىلاندىرۋدى، تۇزىمدەندىرۋدى ىلگەرىلەتۋدىڭ ماڭىزدى شاراسى ءارى «ءۇش ءتۇرلى كۇشكە» قارسى باتىل ءۇن قاتىپ، ايقىن پوزيتسيا ءبىلدىرۋدى، كادرلار قوسىنىنداعى «ەكىبەتكەيلەرمەن» باتىل كۇرەس جۇرگىزۋدى ارناۋلى باعالاۋ قىزمەتىنىڭ ماڭىزدى ءتۇيىنى بولىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن ىشكەرىلەي ۇيرەنىپ، شي جينپيڭنىڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتى تياناقتاندىرىپ، ادال، كىرشىكسىز، جاۋاپكەرلىكتى باتىل ارقالايتىن كادرلار قوسىنىن باۋلىپ، بارشا پارتيالى كادرلاردى «ءۇش ءتۇرلى كۇشپەن»، «ەكىبەتكەيلەرمەن» ءتىپتى دە باتىلدىقپەن كۇرەس جۇرگىزۋگە جىگەرلەندىرىپ، ۇستىنەن ءارى تۇبىرىنەن وڭاۋ «كەشەندى شارالارىن» اناعۇرلىم ويداعىداي اتقارىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ساياسي نەگىزىن بەكەمدەۋ جونىنەن ايرىقشا ماڭىزدى مانگە يە.

زىڭ سۇن بىلاي دەپ قارادى: جالپى جاقتان العاندا، قۇلجا قالالىق پارتكوم باسشىلىق القاسى يدەيالىق جاقتان باسا ءمان بەرىپ، تولىق ازىرلەنىپ، قاتاڭ پوزيتسيا دا بولعان. كوپشىلىك باس نىسانانى تىعىز توڭىرەكتەپ، ءماجىلىس تاقىرىبىن نەگىز ەتىپ، ماسەلەنى نىشان ەتۋدى كورنەكتىلەندىرىپ، وزىندەگىنى جايىپ سالىپ، يدەيالىق قايناردى اشىپ، جەتەرسىزدىكتەردى مۇقيات تەكسەرىپ، ماسەلەنى ءبىرشاما تەرەڭ بورشالادى، رەتتەۋ – تۇزەتۋ شاراسى ناقتى، ءوزارا سىن ايتۋ ءبىرشاما مۇقيات بولىپ، ءماجىلىستىڭ ءونىمى ءبىرشاما جاقسى بولدى.

كەلەسى قادامداعى قىزمەت جونىندە زىڭ سۇن بىلاي دەپ اتاپ كورسەتتى: قۇلجا قالالىق پارتكومنىڭ باسشىلىق القاسى ساياسي ورنىن جوعارىلاتىپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن بەرىك ورناتىپ، باس شۋجي شي جينپيڭ سىندى ۇيتقىنى قورعاۋدى ەڭ ۇلكەن ساياسي، ەڭ ماڭىزدى ساياسي ءتارتىپ جانە ساياسي قاعيدا ەتۋدە تاباندى بولىپ، ونى كوكەيگە ۇيالاتىپ، جان جۇيەگە ءسىڭىرىپ، پارتيا ورتالىق كوميتەتىنە، باس شۋجي شي جينپيڭگە، پارتيانىڭ نازارياسى مەن لۋشيان – باعىت – ساياساتتارىنا، ورتالىقتىڭ شەشىم – ورنالاستىرۋلارىنا قاراپ ساپ تۇزەپ، يدەيا، ساياسي، ارەكەت جاقتارىندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، شي جينپيڭ جولداس باس شۋجي بولعان پارتيا ورتالىق كوميتەتىنىڭ بەدەلى مەن شوعىرلى ءبىر تۇتاس باسشلىعىن باتىل قورعاپ، يدەيادا شەكسىز سەنىم ارتىپ، ساياسيدا قالتقىسىز ادال بولىپ، ارەكەتتە باتىل قورعاپ، سۇيىسپەنشىلىك جاعىندا بارىنشا قاستەرلەۋ كەرەك. قىزمەت ورنىن شەپ رەتىندە قورعاپ، قىزمەتتى كاسىپ رەتىندە ىستەپ، ۇلەس قوسۋدى بورىش دەپ قاراپ، پارتيا ورتالىق كوميتەتىنىڭ، اۆتونوميالى رايوندىق پارتكومنىڭ شەشىم – ورنالاستىرۋلارىن جانە اۆتونوميالى وبلىستىق پارتكومنىڭ قىزمەت تالابىن ويداعىداي تياناقتاندىرۋ كەرەك.

زىڭ سۇن بىلاي دەپ باسا دارىپتەدى: قوعام ورنىقتىلىعى مەن باياندى تىنىشتىقتى قورعاۋ _ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ باعىتى جانە نىساناسى، سونداي – اق بۇكىل وبلىستاعى ءار دارەجەلى پارتكوم – ۇكىمەتتەردىڭ ساياسي جاۋاپكەرلىگى جانە ساياسي بورىشى.

قوعام ورنىقتىلىعى مەن باياندى تىنىشتىق باس نىساناسى تۋىن اسقاقتاتىپ، باس نىسانانى ءبىر تۇتاس جەتەكشىلىككە الۋعا تاباندى بولىپ، «باس نىسانا _ ەڭ ۇلكەن ساياسي، باس نىسانانى ويداعىداي يگەرمەۋ ساياسي تارتىپكە اۋىر قايشىلىق جاساعاندىق» دەيتىن يدەيانى بەرىك ورناتىپ، باس نىسانانى جالپى پروگرامما، وزەكتى مىندەت، كوزدەۋ ءتۇيىنى جانە كۇش الۋ ءتۇيىنى ەتىپ، بارلىق قىزمەتتە باس نىساناعا بويسۇنۋعا جانە وعان قىزمەت وتەۋگە تاباندى بولىپ، باس نىسانانى كوكەيدە بەرىك ساقتاپ، مىندەتتى شىنايى ارقالاپ، قولما – قول مىقتى يگەرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ، اۆتونوميالى رايوندىق پارتكومنىڭ ۇستىنەن ءارى تۇبىرىنەن وڭاۋ «كەشەندى شاراسىنىڭ»، وبلىستىق پارتكومنىڭ قىزمەت تالاپتارىنىڭ قۇلجا قالاسىندا دايەكتى تياناقتانىپ، ونىمدىلىك جاراتۋىنا كەپىلدىك ەتۋ كەرەك.

زىڭ سۇن مىنانى تالاپ ەتتى: ۇلتتار ىنتىماعى مەن ءدىننىڭ جاراسىمدىلىعى _ ەڭ ۇلكەن بۇقارالىق قىزمەت ءارى قوعامنىڭ جاراسىمدىلىعى مەن ورنىقتىلىعىنداعى ماڭىزدى ستراتەگيالىق، نەگىزدىك، بولاشاقتىق قىزمەت، مۇنى، ءسوزسىز، مىقتى يگەرۋ كەرەك. پارتيانىڭ ۇلت ساياساتىن جان – جاقتى ۇگىتتەپ جانە دايەكتىلەندىرىپ، ۇلتتار ىنتىماعى العاباسارلىعىندا ۇلگىلى ورىن قۇرۋ قيمىلىن بار كۇشپەن ورىستەتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ سىندى نەگىزدى مىقتى يگەرىپ، «ءۇشتىڭ ءبىر – بىرىنەن ايىرىلا الماۋى» يدەياسىن كۇشەيتىپ، «بەس ورتاق تانىمدى» جوعارىلاتىپ، سۇيىسپەنشىلىكتى تەرەڭدەتۋ، جۇرت كوڭىلىن ۇيىستىرۋ جاعىنا كۇش سالۋ كەرەك. تۇراقتى كوميتەت القاسىنىڭ مۇشەلەرى باستاماشىلىقپەن ۇلتتار ىنتىماعىندا ۇلگى كورسەتىپ، ۇلتتار ىنتىماعىنىڭ جەبەۋشىسى، قورعاۋشىسى بولۋى كەرەك. پارتيانىڭ ءدىن قىزمەتىنىڭ نەگىزگى باعىتىن جاپپاي دايەكتىلەندىرىپ، ءدىن قىزمەتىنىڭ قاعيداسىن مىقتى يگەرىپ، ءدىن ىستەرىن باسقارۋدى زاڭ بويىنشا كۇشەيتىپ، ءدىن سالاسىنداعى تاتۋلىققا كەپىلدىك ەتۋ كەرەك.

زىڭ سۇن بىلاي دەپ باسا دارىپتەدى: شينجياڭدا، ىلەدە يدەولوگيا قىزمەتىن كۇشەيتۋ جۇرت كوڭىلىنەن ورىن الۋدا، باياندى تىنىشتىقتى بەكەمدەۋدە شەشۋشى سيپاتتى رول اتقارادى. «بەس ورتاق تانىم» تاربيەسىن كۇشەيتىپ، «ءۇش ءتۇرلى كۇشتىڭ» زورلىقتى ارەكەتىن اشكەرەلەپ، «پارتياعا قالتقىسىز ادال بولۋ»، «ساياسيدا سەنىمدى بولۋ» تاربيەسىن ۇزدىكسىز تەرەڭدەتىپ، باتىل ءۇن قاتۋ، اشىق پوزيتسيا ءبىلدىرۋدى ىشكەرىلەي جەبەۋ، ءار دارەجەلى باسشى كادرلار الدىمەن وزىندەگىنى جايىپ سالۋ، وزدەرى، استە، «ەكىبەتكەي» بولماۋى، تۋىس – تۋعاندارىنا «ەكىبەتكەيلەردەن» بولماۋ جٶنىندە تاربيە بەرىپ، ولاردى ويداعىداي باسقارۋ، ماڭايىنداعى كادرلار مەن بۇقارانى «ەكىبەتكەيلەردەن» بولماۋعا تاربيەلەپ جانە باستاپ، ءار ۇلت كادرلارى مەن بۇقاراسى ءۇشىن ۇلگى كورسەتۋ كەرەك. يدەولوگيا سالاسىنداعى بولشەكتەۋشىلىككە قارسى كۇرەس جونىندەگى تاربيەنى بالالاردان، مەكتەپتەن باستاۋعا تاباندى بولىپ، ءار تۇردەگى مەكتەپتەردىڭ وقۋ، وقىتۋ جالپى بارىسىنا ءسىڭىرۋ كەرەك.

زىڭ سۇن مىنانى تالاپ ەتتى: ساياسي جاۋاپكەرلىكتى ادا ەتىپ، پارتيا قۇرىلىسى مىندەتىن ويداعىداي يگەرۋدى ەڭ زور ساياسي ناتيجە ەتۋگە تاباندى بولىپ، پارتيانى باسقارۋ، پارتيانى وڭاۋ ساياسي جاۋاپكەرلىگىن شىنايى ارقالاۋ، زەيىن – قۋاتتى شوعىرلاندىرا وتىرىپ باسشىلىق القانى مەڭگەرىپ، قوسىندى باستاپ، نەگىزدى كۇشەيتىپ، ستيلگە بۇرىلىس جاساپ، قوعام ورنىقتىلىعى مەن باياندى تىنىشتىقتى جۇزەگە اسىرۋ ءۇشىن پارمەندى كەپىل ازىرلەۋ كەرەك.

قۇلجا قالالىق پارتكومنىڭ باسشىلىق القاسى جاۋاپكەرلىكتى باتىلدىقپەن ارقالاپ، باتىلدىقپەن جاۋاپتى بولىپ، جاۋاپكەرلىك جۇيەسىن كەمەلدەندىرىپ، ساتى بويىنشا قىسىم ءتۇسىرىپ، جاۋاپكەرلىكتى قاتاڭ باعالاپ، قۋزاستىرىپ، پارتيانى جاپپاي قاتاڭ جونگە سالۋدى تەرەڭدەتۋدەن اۋىتقىماۋ كەرەك. پارتيا ىشىندەگى ساياسي تۇرمىستى قاتاڭداستىرىپ، قالالىق پارتكومنىڭ جالپى جاعدايدى مەڭگەرۋ، ءارقايسى جاقتى سايكەستىرۋ، باسشىلىق، ۇيىتقىلىق رولىن ساۋلەلەندىرۋ، تاماشا ساياسي ەكولوگيا ورتاسىن ۇزدىكسىز جاراتۋ كەرەك. كادرلار قوسىنى قۇرىلىسىن كۇشەيتىپ، ءتۇسىنۋ، اتقارۋ، تياناقتاندىرۋ قابىلەتىن شىنايى جوعارىلاتۋ، كادرلاردى كۇندەلىكتى باقىلاۋ – باسقارۋدى كۇشەيتىپ، نەگىزگى ساتىنى، نەگىزدى بەكەمدەۋ جونىندەگى «التى ءتۇرلى قىزمەتتى» تاباندىلىقپەن يگەرىپ، پارتياعا مۇشە قابىلداۋدى قاتاڭ ءتارتىپ جانە ولشەم بويىنشا ىستەپ، پارتيا ستيلى، پاكتىك قۇرىلىسىنداعى «ەكى جاۋاپكەرلىكتى» قاتاڭ اتقارۋى، ءار دارەجەلى باسشى كادرلار، اسىرەسە، ءارقايسى تۇراقتى مۇشە جولداستار ۇكىمەت ىسىندە پاك بولۋ ولشەمىنە قاتاڭ بويسۇنىپ، پارتيالىلىق تاربيەلەنۋدى كۇشەيتىپ، پاك تە كىرشىكسىز بولعان پارتيالىلىق ەرەكشەلىكتى ماڭگى ساقتاۋى كەرەك.

زىڭ سۇن مىنانى باسا دارىپتەدى: ماسەلەنى نىشان ەتۋدى كۇشەيتىپ، حاۋىپ – قاتەردى كۇش سالا الاستاپ، ولقىلىقتاردى تولىقتاۋ كەرەك. وزىمىزدە ورىن تەۋىپ وتىرعان ەڭ زور حاۋىپ پەن ەڭ ۇلكەن ولقىلىق جونىندە سەرگەك تانىمدا بولىپ، اۆتونوميالى رايوندىق پارتكومنىڭ ۇستىنەن ءارى تۇبىرىنەن وڭاۋ «كەشەندى شاراسىمەن» جانە وبلىستىق پارتكومنىڭ جەلىلەس ءتۇزىم، شارا، ادىستەرىمەن سالىستىرۋىمىز، ءبىر – بىرلەپ سالىستىرۋىمىز، ءبىر – بىردەن ءبىر جاقتى ەتۋىمىز، پارىقتاردى تابۋىمىز، قىزمەتتى تىڭعىلىقتى ىستەپ، پارىقتاردى جايىپ سالىپ، تەرەڭ تولعانۋىمىز، ماسەلە تىزىمدىگىن تۇرعىزىپ، ماسەنىڭ قاينارىن تاۋىپ، تۇزەتۋ جوباسىن جاساپ، تۇزەتۋ ۋاقىت كەستەسىن، جول كارتاسىن، جاۋاپتى ادام مەن ورىندى ايقىنداۋىمىز، جاۋاپكەرلىكتى ساتى بويىنشا ءتۇسىرىپ، تۇزەتۋدى جاپپاي يگەرىپ، قىزمەتتى ىلگەرىلەتۋدى، جاۋاپكەرلىكتى تياناقتاندىرۋدى، باقىلاۋ - جاۋاپكەرلىگىن قۋزاستىرۋدى باتىل ويداعىداي ىستەپ، اۆتونوميالى رايوندىق پارتكومنىڭ ۇستىنەن ءارى تۇبىرىنەن وڭاۋ «كەشەندى شاراسى» مەن وبلىستىق پارتكومنىڭ قىزمەت تالاپتارىن تياناقتاندىرۋعا، ونىمدىلىك جاراتۋعا كەپىلدىك ەتۋىمىز كەرەك.

زىڭ سۇن مىنانى باسا دارىپتەدى: پارتيا 19 – قۇرىلتايى اشىلۋ الدىندا تۇر، وبلىستىق پارتكوم «نازاردى باس نىساناعا شوعىرلاندىرىپ، 50 كۇن قاۋىرت ىستەپ، <ءۇشتىڭ تۋىلماۋىنا> كەپىلدىك ەتىپ، پارتيا 19 – قۇرىلتايىنىڭ اشىلۋىن قۋانا قارسى الۋ» جونىندە جاپپاي ورنالاستىرۋ جاسادى. قۇلجا قالاسى، ءسوزسىز، باستاماشىلىقپەن ويداعىداي دايەكتىلەندىرۋى، تياناقتاندىرۋى كەرەك. قالالىق پارتكوم باسشىلىق القاسى مەن تۇتاس قالاداعى ءار دارەجەلى باسشىلىق القالار، پارتيالى كادرلار ساياسي ورنىن شىنايى جوعارىلاتىپ، «نازاردى باس نىساناعا شوعىرلاندىرىپ، 50 كۇن قاۋىرت ىستەپ، <ءۇشتىڭ تۋىلماۋىنا> كەپىلدىك ەتىپ، پارتيا 19 – قۇرىلتايىنىڭ اشىلۋىن قۋانا قارسى الۋدى» كەزەكتەگى ەڭ زور ساياسي مىندەت رەتىندە قاراپ، اۆتونوميالى رايوندىق پارتكومنىڭ شەشىم – ورنالاستىرۋلارى مەن وبلىستىق پارتكومنىڭ قىزمەت تالابىن باستان – اياق دايەكتى تياناقتاندىرىپ، تاماشا رۋحاني كۇي مەن اسقاق جىگەردى باستان – اياق ساقتاپ، قايتپاس - قاجىماس جاۋاپكەرلىك، كوكەيتەستىلىك تانىممەن، وسكەلەڭ قىراعىلىقپەن دەرەۋ قيمىلداپ، ءتىپتى دە جوعارى ولشەم، ءتىپتى دە قاتاڭ شارا، ءتىپتى دە ناقتى ستيل ارقىلى ءتۇرلى قىزمەتتى تىڭعىلىقتى ويداعىداي ورىستەتۋ كەرەك.

لي شينجۇن قالالىق پارتكومنىڭ باسشىلىق القاسى اتىنان پوزيتسيا ءبىلدىرىپ سويلەگەن سوزىندە بىلاي دەدى: بۇدان كەيىن قۇلجا قالاسى ساياسيدا ءتىپتى دە بەكەم، ارەكەتتە ءتىپتى دە باتىل، ستيلدە ءتىپتى دە شىنايى بولۋدى، جاۋاپكەرلىگىن ادا ەتۋدى، جاۋاپتى بولۋدى ورىنداپ، شىنداپ ىسكە كىرىسىپ 50 كۇن قاۋىرت ىستەپ، ۇزدىك ناتيجەلەرىمىزدى پارتيا 19 – قۇرىلتايىنا ساۋعا ەتۋىمىز كەرەك.

·              كەلۋ قاينارى: ىلە گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn