<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ەل ءىشى حابارلارى

شينجياڭ ۋاكىلدەر ۇيىرمەسى جالپى جيىن اشتى، جيىندى ەل ءىشى - سىرتىنداعى اقپارات قۇرالدارىنا اشىق ۇستادى

ەلىمىزدىڭ ءىشى - سىرتىنان كەلگەن 100دەن استام ءتىلشى شينجياڭنىڭ
ورنىقتىلىق جاعدايى، ەكونوميكالىق دامۋى، كەدەيلىكتەن قۇتىلدىرۋدان
قامال الۋ، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا
قىستاقتاردا تۇرۋ قىزمەتى، «
ءبىر بەلدەۋ، ءبىر جول» قۇرىلىسى
سياقتى ماسەلەلەرگە نازار اۋداردى

تىلشىلەرىمىز ياۋ تۇڭ، لي ياڭ، لي چۇنشيا، شى شين، يۋان لەي 12 - ناۋرىزدا بەيجيڭنەن حابارلايدى. 12 - ناۋرىز تۇستەن كەيىن مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىنە قاتىناسىپ جاتقان شينجياڭ ۋاكىلدەر ۇيىرمەسى حالىق سارايىنىڭ شينجياڭ زالىندا جالپى جيىن اشىپ، قاتىستى باياندامالاردى قارادى جانە تەكسەردى، سونداي - اق وسى رەتكى جالپى جيىندى ەل ءىشى - سىرتىنان كەلگەن اقپارت قۇرالدارىنا اشىق ۇستادى.
  وڭتايلى جەر يەلەۋ ءۇشىن تىلشىلەر جيىن باستالاردان ءبىر ساعات بۇرىن جيىن اشىلاتىن جەرگە كەلىپ، اپپاراتتارىن قۇرىپ، كەرەك - جاراقتارىن دايىنداپ ساقاداي سايلاندى. حالىق گازەتى، شينحۋا اگەنتتىگى، ورتالىق تەلەۆيزياسى، ورتالىق حالىق راديو ستانسياسى، جۇڭگو حالىقارالىق راديو ستانسياسى، جۇڭگو گازەتى، پىڭپاي حابارلارى، شياڭگاڭ داگۇڭ ۋىنحۇي اقپارات قۇرالدار توبى، سامۇرىق جاساندى سەرىك تەلەۆيزياسى، رەيتەر اگەنتتىگى، فرانسيا اقپارات اگەنتتىگى، قازاقپارات حالىقارالىق اقپاراتتىق اگەنتتىگى، جاپونيا تەلەۆيزيا سايتى سياقتى ەل ءىشى - سىرتىنداعى 79 اقپارات قۇرالىنىڭ 100دەن استام ءتىلشىسى نازارلارىن شينجياڭعا بۇردى.
  باياندامانى قاراۋ بارىسىندا شوكىرات زاكىر شينجياڭنىڭ ەكونوميكالىق، قوعامدىق دامۋ احۋالىن تانىستىردى، ارتىنان ۋاكىلدەر توپتىق تۇردە اقپارات قۇرالدارىنىڭ تىلشىلىگىن قابىلدادى. ۋاكىل نايىم ياسىن جيىندى باسقاردى.
  شوكىرات زاكىر جۇڭگو گازەتى ءتىلشىسىنىڭ شينجياڭ «ءبىر بەلدەۋ، ءبىر جول» ورايىن قايتكەندە مىقتى يگەرىپ، وزىندىك دامۋىن جەدەلدەتەدى دەگەن سۇراۋىنا جاۋاپ بەرىپ بىلاي دەدى: جىبەك جولى ەكونوميكالىق بەلدەۋىنىڭ وزەكتى رايونىن قۇرۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بىزگە جۇكتەگەن اۋىر مىندەتى، سونداي - اق ول ەكونوميكالىق، قوعامدىق دامۋدىڭ ماڭىزدى تىرەگى. ءبىز جالپى جاقتان بىلاي دەپ ويلاپ وتىرمىز: «بەستەندىرۋ» تالابى بويىنشا، حالىقارا مەن ەل ءىشى سىندى ەكى جاقتىڭ بايلىعىنان، ەكى ءتۇرلى بازاردان تولىق پايدالانىپ، كوپ جاقتى ساۋدا مەن ءوندىرىس فاكتورلارىن ساپالىلاندىرۋدى قوزعاۋشى كۇش ەتىپ، جىبەك جولىنىڭ بويىنداعى ورتالىق قالالاردىڭ قۇرىلىسىن جەدەلدەتۋدى ارقاۋ، توڭىرەكتەگى ەلدەردى كۇش سالۋ ءتۇيىنى ەتىپ، سەلبەستىك ورناتۋ ۇلگىسىن بەلسەندىلىكپەن جاڭالاپ، اشىق ۇستاۋ اياق الىسىن جەدەلدەتىپ، شىعىسپەن بايلانىس ورناتىپ، باتىسقا شىعارۋ، شىعىستان ەنگىزۋ، باتىسقا كىرۋ سىندى ستراتەگيالىق تۇعىرعا تىرەك بولىپ، ءۇش بازا قۇرىلىسىن، ءبىر ءدالىز قۇرىلىسىن، بەس ءىرى ورتالىق قۇرىلىسىن، ون ءتۇرلى كاسىپ بويىنشا يمپورت - ەكسپورت بازاسى قۇرىلىسىن ءتۇيىندى ىلگەرىلەتىپ، شينجياڭدى جىبەك جولى ەكونوميكالىق بەلدەۋىندەگى باتىسقا ەسىك اشۋداعى اتويشى قوسىن، نەگىزگى كۇش ەتىپ قۇرىپ شىعامىز.
  سۇن جينلۇڭ «پىڭپاي حابارلارى» ءتىلشىسىنىڭ شينجياڭعا باعىتتامالى كومەكتەسۋ قىزمەتىنىڭ ونىمدىلىگى جونىندەگى سۇراۋىنا جاۋاپ بەرگەندە بىلاي دەدى: تاياۋ جىلداردان بەرى، شينجياڭعا باعىتتامالى كومەكتەسكەن ولكە، قالالاردىڭ جانە ورتالىق پەن مەملەكەت ورگاندارىنىڭ باعىتتامالى كومەكتەسۋ قىزمەتىن ۇقساماعان ساتىلار بويىنشا، تۇرلىشە فورمادا بەلسەندىلىكپەن ورىستەتۋىنىڭ ارقاسىندا، شينجياڭعا جان - جاقتىلى كومەكتەسۋ جۇلگەسى ۇزدىكسىز كەمەلدەنىپ، شينجياڭنىڭ ەكونوميكالىق، قوعامدىق دامۋىن جەبەۋ، ۇلتتار ىنتىماعىن نىعايتۋ، قوعام ورنىقتىلىعىن قورعاۋدا ەرەكشە رول اتقاردى. بىلتىر 19 ولكە، قالا 1900دان استام باعىتتامالى كومەكتەسۋ نىسانىن اتقارىپ، 14 ميلليارد يۋاننان استام كومەك قارجىسى تياناقتاندى، 2200دەن استام ەكونوميكالىق كومەك نىسانىن اتقارىپ، بۇعان 220 ميلليارد يۋانعا جۋىق قارجى قوسىلدى، %80تەن استام قارجى حالىق تۇرمىسى سالاسىنا جانە نەگىزگى ساتىعا جۇمسالىپ، شينجياڭداعى ءار ۇلت جۇرتشىلىعىنىڭ جاپپاي القاۋىنا يە بولدى.
  شاۋكەت يمىن شينحۋا اگەنتتىگى ءتىلشىسىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتاردا تۇرۋ قىزمەتى جونىندەگى سۇراۋىنا جاۋاپ بەرگەندە بىلاي دەدى: «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتاردا تۇرۋ قىزمەتىن ورىستەتۋدەگى ماقسات − كادرلاردىڭ نەگىزگى ساتىعا بارۋىن ىلگەرىلەتۋ، پارتيا مەن حالىقتىڭ ەتەنە قاتىناسىن نىعايتۋ. تولىق ەمەس ساناققا نەگىزدەلگەندە، قىستاقتاردا تۇراتىن قىزمەت اترەتتەرى ءار ۇلت حالقى ءۇشىن 283 مىڭنان استام ناقتى يگى ىستەر ىستەگەن، 7600دەن استام حالىققا تيىمدىلىك جاساۋ ينجەنەرياسىن اتقارىپ، 390 مىڭنان استام ادامدى اۋىل شارۋاشىلىعىنان باسقا كاسىپكە ويىستىرىپ كاسىپتەندىرگەن، ءال - اۋقاتى تومەن 300 مىڭنان استام وتباسىنىڭ كىرىس مولشەرىن ارتتىرۋىنا كومەكتەسكەن. قىستاقتاردا تۇرۋ قىزمەتىندە ناقتى ونىمدىلىككە قول جەتكىزۋگە كەپىلدىك ەتۋ ءۇشىن، اۆتونوميالى رايون «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتاردا تۇراتىن قىزمەت اترەتتەرىنىڭ حالىق ءۇشىن ناقتى ءىس بىتىرۋگە قاجەتتى قاراجاتىن اۆتونوميالى رايوننىڭ قازىنالىق مەجە ەسەبىنە ەنگىزىپ، ءارقايسى قىزمەت اترەتتەرىنە نىسان قارجى ءبولىپ، قىزمەت اترەتتەرى تۇرعان قىستاقتاردىڭ بارىندە حالىق تۇرمىسىنا، اۋىل شارۋاشىلىعىنا ءتيىمدى نىسانداردىڭ اتقارىلۋىنا كەپىلدىك ەتەدى.

 سارقىت اقان ۇلى شياڭگاڭ ۋىنحۇي گازەتى، داگۇڭ گازەتى تىلشىلەرىنىڭ شينجياڭنىڭ ورنىقتىلىق جاعدايى جونىندەگى سۇراۋىنا جاۋاپ بەرگەندە بىلاي دەدى: قازىر شينجياڭنىڭ قوعامدىق جالپى جاعدايى جالپىلىق ورنىقتىلىق بەتالىسىمەن دامۋدا. دەسەدە حالىقارالىق لاڭكەستىككە قارسى تۇرۋ جاعدايى جانە ءدىني ۇشقارى يدەيالاردىڭ جالبىزبالاپ كىرۋى سياقتى فاكتورلاردىڭ ىقپالىنان شينجياڭنىڭ لاڭكەستىككە قارسى تۇرىپ، ورنىقتىلىقتى قورعاۋىندا «ءۇش مەزگىلدىڭ قاباتتاسۋ» جاعدايى تۇبىرىنەن وزگەرگەن جوق. زورلىقتى كۇش لاڭكەستەرىنە زاڭ بويىنشا قاتاڭ سوققى بەرۋ − ءار ۇلت حالقىنىڭ كۇشتى تىلەگى. اۆتونوميالى رايونىمىزداعى ءار ۇلت كادرلارى مەن بۇقاراسىنىڭ تالابىنا ساي كەلۋ ءۇشىن بۇكىل شينجياڭنىڭ جەر - جەرىندە لاڭكەستىككە قارسى تۇرىپ، ورنىقتىلىقتى قورعاۋ بويىنشا سەرت بەرۋ جينالىسىن وتكىزىپ، زورلىقتى كۇش لاڭكەستەرىنە سوعىس جاريالاپ، پارتيا مەن مەملەكەتتىڭ زورلىقتى كۇش، لاڭكەستىك ارەكەتتەرىنە قاتاڭ سوققى بەرىپ، حالىقتىڭ باس اماندىعىن قورعاۋداي باتىل بەكىمىن، لاڭكەستىككە قارسى تۇرىپ، ورنىقتىلىقتى قورعاۋشى كۇشتەردىڭ قۇدىرەتتى جاۋىنگەرلىك قۋاتىن ايگىلەپ، شينجياڭداعى ءار ۇلت، ءار سالانىڭ جاۋعا بىردەي كەكتەنىپ، زورلىقتى كۇش لاڭكەستەرىن باتىل جەڭۋدەي ورتاق تىلەگىن اشىق اڭعارتتىق. سەرت بەرۋ جينالىسى قوعامداعى ءار سالانىڭ، ءار ۇلت بۇقاراسىنىڭ قىزۋ قولداۋىنا يە بولىپ، كەڭ كولەمدە جاقسى باعاسىن الدى.
  جاروللا يسامدين حالىق گازەتى ءتىلشىسىنىڭ شينجياڭنىڭ كەدەيلىكتەن قۇتىلدىرۋدان قامال الۋ قىزمەتىنە قاتىستى سۇراۋىنا جاۋاپ بەرگەندە بىلاي دەدى: شينجياڭنىڭ كەدەيلىكتەن قۇتىلدىرۋدان قامال الۋ قىزمەتى تىڭعىلىقتى، تارتىپپەن ىلگەرىلەۋدە. بىلتىر 7600دەن استام وتباسى، 26 مىڭ ادام كەدەيلەردى سۇيەمەلدەۋ بويىنشا باسقا جەرگە كوشىرىلدى، 5 كەدەي اۋدان، 810 كەدەي قىستاق كەدەيلىك تىزىمىنەن شىعارىلدى، 600 مىڭ ادام كەدەيلىكتەن قۇتىلدى. دالمە - ءدال بولۋ جاعىنا ءتۇيىندى تۇردە كۇش سالىپ، ارحيۆ تۇرعىزىپ، كارتچكالاستىرۋدا «قايىرىلا قاراۋ» جۇمىسىن ىشكەرىلەي، دەن قويا جۇرگىزىپ، باسقا جەرگە كوشىرۋ ارقىلى كەدەيلەردى سۇيەمەلدەۋ، وڭتۇستىك شينجياڭنىڭ 3 ايماق، ءبىر وبلىسىندا كەدەيلىكتەن قۇتىلدىرۋدان قامال الۋ سياقتى ءتۇيىندى قىزمەتتەردى كورنەكتى مىقتى يگەرىپ، كەدەيلىكتەن قۇتىلدىرۋعا قاتىستى ساياساتتاردان ءبىر تۇتاس ويداعىداي پايدالانىپ، كەدەيلىكتەن قۇتىلدىرۋ ۇلگىسىن جاڭالاپ، اۆتونوميالى رايون، ايماق، اۋدان، اۋىل، قىستاق 5 دارەجەلى شۋجيلەردىڭ كەدەيلىكتەن قۇتىلدىرۋدان قامال الۋ قىزمەتىن يگەرۋ جاۋاپكەرشىلىك ءتۇزىمىن كەمەلدەندىرىپ، 2020 - جىلى شينجياڭنىڭ بۇكىل ەلىمىزبەن بىرگە جاپپاي دوڭگەلەك داۋلەتتى قوعام قۇرۋىنا كەپىلدىك ەتەمىز.
  جاروللا يسامدين قازاقپارات حالىقارالىق اگەنتتىگى ءتىلشىسىنىڭ جۇڭگونىڭ شينجياڭى مەن قازاقستاننىڭ ساۋدا - ەكونوميكا ىستەرىنىڭ دامۋ بولاشاعى جونىندەگى سۇراۋىنا جاۋاپ بەرگەندە بىلاي دەدى: سوڭعى جىلدارى جۇڭگو مەن قازاقستاننىڭ جوعارى جىكتەگىلەرىنىڭ بارىس - كەلىسى جيىلەپ، ساياسي سەنىمدىلىگى كۇن سايىن ارتتى. جۇڭگو مەن قازاقستاننىڭ «ءبىر بەلدەۋ، ءبىر جول» قۇرىلىسىن جاپپاي ىلگەرىلەتۋىنە، «جۇڭگو مەن قازاقستاننىڭ <جىبەك جولى ەكونوميكالىق بەلدەۋى> قۇرىلىسى مەن <نۇرلى جول> جاڭا ەكونوميكالىق ساياساتىن توعىستىرۋ جوباسىن» بىرگە تياناقتاندىرۋىنا، ەكى جاقتى ساۋدا سوماسىن 40 ميلليارد دوللارعا جەتكىزۋ نىساناسىن بەلگىلەۋىنە بايلانىستى جۇڭگونىڭ شينجياڭى مەن قازاقستاننىڭ سەلبەستىك اياسىنىڭ شەكسىز بولاتىنى داۋسىز.
  شى جيانيۇڭ ورتالىق تەلەۆيزياسى ءتىلشىسىنىڭ بيىل وڭتۇستىك شينجياڭداعى رايونداردىڭ حالىق تۇرمىسىن جاقسارتۋعا قاتىستى ناقتى شارالارى جونىندەگى سۇراۋىنا جاۋاپ بەرگەندە بىلاي دەدى: اۆتونوميالى رايون كاسىپتەندىرۋ، وقۋ - اعارتۋ، كەدەيلىكتەن قۇتىلدىرۋ جۇمىسىن ءتۇيىندى مىقتى يگەرىپ، وڭتۇستىك شينجياڭنىڭ 3 ايماق، ءبىر وبلىسىنىڭ قالا - قالاشىقتارىندا جاڭادان 110 مىڭ ادامدى كاسىپتەندىرىپ، اۋىل - قىستاقتارداعى ارتىق ەڭبەككۇشتەن ءبىر ميلليون 500 مىڭ ادامدى (رەت) باسقا سالاعا ويىستىرىپ كاسىپتەندىرەدى؛ اۋىل - قىستاقتارداعى مىندەتتى ەڭبەكتى كۇشىنەن قالدىرۋ تالابىن جاپپاي تياناقتاندىرادى؛ «قوس ءتىلدى» وقىتۋدى كورنەكتى مىقتى يگەرىپ، وڭتۇستىك شينجياڭداعى 15 جىلدىق تەگىن وقىتۋدى تياناقتاندىرىپ، اۋىل - قىستاقتارداعى مەكتەپكە دەيىنگى 3 جىلدىق «قوس ءتىلدى» ءتالىم - تاربيەنى مىقتى يگەرىپ، وڭتۇستىك شينجياڭنىڭ 3 ايماق، ءبىر وبلىسىندا بالا باقشادان 3223ىن جاڭادان سالىپ جانە كەڭەيتىپ سالىپ، پەداگوگيكا وقۋشىسىنان 2200 ادامدى باعىتتامالى، تەگىن تاربيەلەيدى؛ وڭىرلىك دامۋ مەن كەدەيلىكتەن قۇتىلدىرۋ جوباسىن جاپپاي اتقارىپ، وڭتۇستىك شينجياڭنىڭ كەدەيلىكتەن وڭىرلىك جالپىلىق قۇتىلۋ اياق الىسىن جەدەلدەتەدى.
  ۋاكىلدەر جۇڭگولىق - شەتەلدىك تىلشىلەردىڭ شينجياڭنىڭ بيىلعى ەكونوميكالىق دامۋىنىڭ كوزەۋلى نىساناسى، ەكونوميكانىڭ ورنىقتى، اقاۋسىز دامۋىن ىسكە اسىرۋدىڭ باستى شارالارى، ت. ب جونىندەگى سۇراۋلارىنا دا جاۋاپ قايتاردى.

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn