<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ىلە حابارلارى

قۇلجا قالاسى وتباسى قيىنشىلىعى بار جوعارى مەكتەپ وقۋشىلارىنا وقۋ كومەك قاراجاتىن تاراتتى

 

قۇلجا قالاسىنىڭ «ۇرپاقتارعا مەيىر باعىشتاپ، بولاشاققا تالپىنۋ» اتىنداعى وتباسى قيىنشىلىعى بار جوعارى مەكتەپ وقۋشىلارىنا وقۋ كومەك قاراجاتىن تاراتۋ سالتى 2017 – جىلى تامىزدىڭ 31 – كۇنى تۇستەن بۇرىن قالالىق پارتكومنىڭ جيىن زالىندا وتكىزىلدى. بۇل قۇلجا قالالىق پارتكوم مەن حالىق ۇكىمەتىنىڭ اۆتونوميالى رايوننىڭ 9 – كەزەكتى پارتيا قۇرىلتايى رۋحىن مۇقيات دايەكتىلەندىرىپ، «وقۋ – اعارتۋ ارقىلى حالىققا تيىمدىلىك جاراتۋ» ينجەنەرياسىن زور كۇشپەن ىلگەرىلەتۋدەگى ماڭىزدى شارالارىنىڭ ءبىرى ەكەن.

جاقىنعى 3 جىلدان بەرى قۇلجا قالاسى وقىتۋ قاينارىن ساپالىلاندىرىپ، مەكتەپ قۇرۋ شارت – جاعدايىن جاقسارتىپ، وقۋ – اعارتۋدىڭ دامۋىن ىلگەرىلەتتى. مۇندا جوعارى ورىنداردان قارجى الۋ، جەرگىلىكتى قازىنادان شىعارۋ فورمالارىمەن ءبىر ميلليارد 550 ميلليون يۋان قارجى دايىنداپ 13 مەكتەپتى جاڭادان سالدىردى، 108 مەكتەپتى كەڭەيتىپ سالدىردى، وسى ارقىلى وقىتۋ قاينارىن ءبىر كەلكى ورنالاستىرىپ، وقۋشىلاردىڭ مەكتەپكە ءتۇسىپ وقۋىنا قولايلىلىق جاراتتى. 2013 – جىلدان باستاپ قالالىق قازىنا ىلگەرىندى – كەيىندى 17 ميلليون يۋان قارجى ءبولىپ، اۋىل – قالاشىقتارداعى ەڭ تومەنگى تۇرمىسى قامتاماسىزداندىرىلاتىن وتباسى، ەگىنشى وتباسى مەن كەدەي وتباسىلارىنىڭ بالالارىن قامتىعان 18 مىڭ ادەتتەگى ورتا مەكتەپ وقۋشىسىنىڭ وقۋ قاراجاتىن كەشىرىم ەتتى. سونىمەن بىرگە، وتكەن جىلدان بەرى 15 جىلدىق اقىسىز وقىتۋدى جالپىلاستىرىپ، اۋىل – قىستاقتار وقۋ الدىنداعى ءۇش جىلدىق اقىسىز قوس ءتىل وقىتۋىن اتقاردى، بيىل قىركۇيەكتەن باستاپ ورتا مەكتەپ ساتىسىنداعى اقىسىز وقىتۋدى جولعا قويىپ، بۇعان قالالىق قازىنادان ءار جىلى 25 ميلليون يۋان قارجى بوساتۋدى مەجەلەدى.

قۇلجا قالالىق پارتكوم كەڭسەسىنەن ۇعىسۋىمىزشا، قۇلجا قالاسى 2014 –جىلدان باستاپ «ۇرپاقتارعا مەيىر باعىشتاپ، بولاشاققا تالپىنۋ» اتىنداعى وقۋ كومەك قاراجاتى ينجەنەرياسىن اتقارعان 3 جىلدان بەرى جالپى 4 ميلليون 600 مىڭ يۋان وقۋ كومەك قاراجاتىن تاراتىپ، وتباسى قيىنشىلىعى بار ءبىر مىڭ 534 جوعارى مەكتەپ وقۋشىسىنىڭ وقۋىن ءساتتى بىتىرۋىنە كومەكتەسكەن. قۇلجا قالالىق پارتكوم مەن حالىق ۇكىمەتى جوعارى مەكتەپكە قابىلدانعان وقۋشىلاردىڭ مەكتەپكە ءتۇسىپ وقۋ قىزمەتىن جاقسى ىستەپ، وتباسى قيىنشىلىعى بار وقۋشىلاردىڭ الاڭسىز وقۋىنا كومەكتەسۋ ءۇشىن، بيىل دا 2 ميلليون 80 مىڭ يۋان وقۋ كومەك قاراجاتىن ورنالاستىرىپ، ونى تامىزدىڭ سوڭىندا وتباسى قيىنشىلىعى بار 695 ستۋدەنتتىڭ ءارقايسىسىنا 3 مىڭ يۋاننان تاراتتى. بۇل اقشا نەگىزىنەن ءبىرىنشى جانە ەكىنشى توپتا قابىلدانعان اۋىل – قالاشىقتارداعى ەڭ تومەنگى تۇرمىسى قامسىزداندىرىلاتىن وتباسىنداعى بالالار مەن جۇمىس ورنىنان بوساعان جۇمىسشى – قىزمەتشىلەردىڭ بالالارىنا، مۇگەدەك وقۋشىلار مەن كاسىپتىك – تەحنيكالىق جاقتان تاربيەلەنگەن وتباسىنداعى بالالارعا بەرىلدى. مۇنان تىس، شينجياڭعا كومەك قارجىسىنان پايدالانىپ ىشكى ولكەلەردەگى جوعارى مەكتەپتەردە وقىپ جاتقان وتباسى قيىنشىلىعى بار 600 دەن استام وقۋشىنىڭ ءار قايسىنا 6 مىڭ يۋاننان وقۋ قاراجات جانە جول قاراجات بەرىپ سۇيەمەلدەدى.

 

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ