<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ىلە حابارلارى

قۇلجا قالاسى ورتالىقتىڭ ورتانى قورعاۋدى باقىلاۋ – تەكسەرۋ 8 – گرۋپپاسىنىڭ 5 – توپتا تۇزەتۋگە تابىستاعان ماسەلەلەرىن قابىلداپ ءبىر جاقتى ەتتى

ورتانى لاستاۋ ماسەلەسى دەركەزىندە ءبىر جاقتى ەتىلىپ، بۇقارانىڭ كوڭىلى ورنىقتى

تامىزدىڭ 18 – كۇنى قۇلجا قالاسى ورتالىقتىڭ ورتانى قورعاۋدى باقىلاۋ – تەكسەرۋ 8 – گرۋپپاسى 5 – توپتا تۇزەتۋگە تاپسىرعان «قۇلجا قالاسى يشۇي داڭعىلى بوجۋەۋان تۇرعىندار رايونىنىڭ باتىس ىرگەسىندەگى شوشقا باعىمشىلىق الاڭىنان ساسىق ءيىس اڭقۋ، تۇرعىندار جۋىندى سۋدى جول شەتىنە توگۋ؛ اسحانالار جۋىندى سۋدى تۇرعىندار رايونىنىڭ وڭتۇستىك جاعىنداعى توعانعا توگۋى» سياقتى اتقارىلۋى باقىلانعان ماسەلەلەر جونىندە دەرەۋ اداقتاۋ جۇرگىزىپ، تۇزەتۋگە كىرىستى.

تامىزدىڭ 22 – كۇنى ءتىلشى ىلە وزەنىنىڭ وڭتۇستىك جاعالاۋىنداعى جاڭا تۇرعىندار رايونىنداعىلار ارىزدانعان ناق مايداننان باعىمشىلىق الاڭىنداعى 120 تۇياق شوشقانىڭ باسقا جاققا جوتكەپ اكەتىلىپ، جۇمىسشىلاردىڭ شوشقا قورانى بۇزىپ، لاستاۋشى قوقىر - قوقسىقتاردى تاسىپ جاتقانىن كوردى.

ىلە وزەنىنىڭ وڭتۇستىك جاعالاۋىنداعى جاڭا رايون قىزمەت كوميتەتىنىڭ ورىنباسار شۋجيى، باسقارۋ كوميتەتىنىڭ مەڭگەرۋشىسى باردىن شاعانبايىر بىلاي دەدى: وسى ەكى كۇندە جۇمىسشىلار شوشقا قورانى بۇزىپ، ورنىن تەگىستەپ، باعىمشىلىق الاڭىنىڭ لاستاۋ قاينارى ماسەلەسىن تۇبەگەيلى شەشتى. تامىزدىڭ 18 - كۇنى ورتالىقتىڭ ورتانى قورعاۋدى باقىلاۋ – تەكسەرۋ گرۋپپاسىنىڭ 5 – توپتا تۇزەتۋگە تابىستاعان باقىلاۋ _ جەتەكشىلىك ەتۋ حاتىن تاپسىرىپ العاننان كەيىن ءبىز بۇعان دەرەۋ زەرتتەۋ جۇرگىزىپ، سول كۇنى - اق باعىمشىلىق الاڭىنا قىزمەت ىستەپ، 120 تۇياق شوشقانى تۇنىمەن باسقا جەرگە جوتكەتكىزىپ، قورانى تازالاتىپ، ماڭايىن رەتكە سالدىق. كەلەسى قادامدا ءبىز باعىمشىلىق وتباسىلارىن تۇتاسىمەن باسقا جاققا كوشىرىپ، جەرگىلىكتى ورىنداعى تۇرعىندارعا تاماشا قىزمەت، تۇرمىس ورتاسىن جاراتامىز.

لاستاۋ قاينارىنىڭ وڭالعاندىعىن كورگەن بوجۋەۋان رايونىنىڭ تۇرعىندارى توتەنشە قۋاندى ءارى ۇكىمەت تاراۋلارىنىڭ جۇمىس ءبىتىرۋ ونىمدىلىگىن بارىنشا القادى. تۇرعىن لياڭ ايمين بىلاي دەدى: وسى جەرگە كوشىپ كەلگەننەن بەرى ساسىق يىستەن مەزى بولىپ جۇرگەن ەدىك، ماسا، شىبىن دا كوبەيگەن، جازدا تەرەزەنى اشا المايتىنبىز. ۇيگە كەلگەن قوناقتار ۇيلەرىڭنىڭ اۋاسى تازا ەمەس ەكەن دەپ سۇراعاندا، مەن ماڭىمىزدا شوشقا باعىمشىلىق الاڭى بار دەپ جاۋاپ بەرەتىنمىن. ءبىز ءتۇرلى جولدارمەن ارىزداندىق، ۇكىمەت مۇنى جەدەل ءبىر جاقتى ەتتى، تامىزدىڭ 18 – كۇنى كەشتە شوشقالاردى جوتكەپ اكەتىپ، شوشقا قورانى تازالادى. ۇكىمەتكە توتەنشە العىس ايتامىز.

ليۋ شينليڭ وسى شاعىن رايونعا جاڭادان كوشىپ كەلگەن تۇرعىن. ول تاياۋدان بەرى ءۇيىن اشەكەيلەۋمەن قاربالاستاندى. ساسىق يىسكە شىداماعان ءبىرتالاي تۇرعىننىڭ بىرلىكتە بەرگەن ارىزىن ۇكىمەت تەز ارادا شەشىم ەتتى. «شوشقا باعىمشىلىق الاڭى ءبىرجاقتى ەتىلگەننەن كەيىن ساسىق ءيىس ازايىپ، ورتا دا جاقساردى. ءبىز ايرىقشا قۋاندىق، ۇكىمەتكە العىس ايتامىز»، - دەدى ول.

سونىمەن بىرگە، تۇرعىندار اڭىس ەتكەن «تۇرعىنداردىڭ لاس سۋدى جول بويىنا توگۋ جانە كوپتەگەن اسحانالاردىڭ لاس سۋدى شاعىن رايوننىڭ وڭتۇستىگىندەگى توعانعا توگۋ» ماسەلەسىن باردىن شاعانبايىر ءتۇسىندىرىپ بىلاي دەدى: بۇل رايون قالانىڭ شەتىنە ورنالاسقان، قالانىڭ لاس سۋ ىعىستىرۋ قۇرىلعىلارى كەمەلدى ەمەس. بۇقارانىڭ تۇرمىستىق لاس سۋى جانە اسحانالاردىڭ لاس سۋى ۇزاقتان بەرى شۇڭقىرعا توگۋ جانە توعانعا اعىزۋ جولىمەن ءبىرجاقتى ەتىلىپ كەلەدى. تامىزدىڭ 18 - كۇنى قاتىستى تاراۋلار كولشىك جاساۋ ارقىلى لاس سۋدىڭ سىرتقا توگىلۋ مولشەرىن ازايتتى. باردىن شاعانبايىر بىلاي دەدى: 2017 - جىلى وڭتۇستىك جاعالاۋ جاڭا رايونىنداعى وبلىستىق ساۋىن سيىر فەرماسى سۋ ىعىستىرۋ ppp نىسانى قۇرىلىسىن جاڭادان سالدى، قازىر بۇل نىساننىڭ الدىڭعى مەرزىمدىك دايىندىق قىزمەتى اياقتالىپ، قۇبىر تورابى قۇرىلىسى جۇرگىزىلۋ ۇستىندە. نىساننىڭ اتقارىلۋ قارقىنىنان قاراعاندا 2018 - جىلى قازاندا پايدالانۋعا بەرىلەتىنى مەجەلەنۋدە. نىسان سالىنىپ بولىپ پايدالانۋعا بەرىلگەننەن كەيىن جوعارىداعى ماسەلەلەردىڭ بارلىعى تۇبەگەيلى شەشىلەدى.

كەلۋ قاينارى: ىلە گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn