<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ۇكىمەت ءىسىن جاريا ۇستاۋ>>ۇكىمەتىڭ ۇنەمىلىك ىستەر ءماجىلىسى

اۆتونوميالى وبلىستىق 14 – كەزەكتى حالىق ۇكىمەتى 5 – رەتكى ۇنەمىلىك ىستەر ءماجىلىسىن اشتى

شىلدەنىڭ 30 – كۇنى اۆتونوميالى وبلىستىق 14 – كەزەكتى حالىق ۇكىمەتى 5 – رەتكى ۇنەمىلىك ىستەر ءماجىلىسىن اشتى. وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى ءماجىلىستى باسقاردى ءارى ءسوز سويلەدى، وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى ليۋ جيانگو، وبلىستىڭ ورىنباسار باستىقتارى مەي يۇي، جاڭ جۇي، ەلشات تۇرسىنباي ۇلى، جاڭ ميڭحۋا، ابليكىم نۇرانبەك جانە وبلىسقا توتە قاراستى قاتىستى تاراۋلاردىڭ جاۋاپتىلارى ماجىلىسكە قاتىناستى.

ماجىلىستە الدىمەن باس شۋجي شي جينپيڭنىڭ جۇڭگو حالىق ازاتتىق ارمياسى قۇرىلعاندىعىنىڭ 90 – جىلدىعىن قۇتتىقتاۋعا ارنالعان اسكەري پاراتتا سويلەگەن ماڭىزدى ءسوزى ۇيرەنىلدى. وبلىستىق حالىق ۇكىمەتى پارتگرۋپپاسى باسشىلىق القاسىنىڭ مۇشەلەرى اسكەري پاراتتى كورگەندەگى اسەرلەرىن ايتىپ، قىزۋ بەينەدە پىكىر اۋىستىردى.

وسىدان كەيىن ماجىلىستە «وبلىسقا توتە قاراستى قالالارداعى ۇكىمەت باسقاراتىن شيپاحانالاردا ۋنيۆەرسالدى رەفورما جۇرگىزۋ جونىندەگى اتقارۋ پىكىرى» قارالدى. مەملەكەتتىك كەڭەستىڭ، اۆتونوميالى رايوننىڭ ورنالاستىرۋى مەن تالابىنا ساي، ءدارى – دارمەك ارقىلى شيپاحانالارعا تولىقتاما قاراجات بەرۋ مەحانيزمى، ءدارى – دارمەكتەردىڭ وزىندىك قۇنىن جوعارىلاتۋ كۇشىنەن قالدىرىلىپ، ۇكىمەت باسقاراتىن شيپاحانالاردا باعانى، قازىنانى، ەمدەۋ قامسىزداندىرۋدى بىرلەستىرىپ جۇرگىزىپ تولەم بەرۋ مەحانيزمى كەمەلدەندىرىلىپ، وسى زامانعى شيپاحانا باسقارۋ ءتۇزىمى مەن شيپاحانالاردىڭ كاسىپتىك ەرەكشەلىگىنە ۇيلەسەتىن كادرلار ءبولىس ءتۇزىمى ورناتىلىپ، حالىق بۇقاراسى تيىمدىلىكتەن يگىلىكتەنەتىن، ەمدەۋ قىزمەتكەرلەرى ىنتالاندىرىلاتىن، قارجىمەن قامتاماسىزداندىرۋ باياندى جالعاساتىن نىسانا جۇزەگە اسىرىلادى.

ماجىلىستە «وبلىسقا توتە قاراستى ورىندارداعى قالا – اۋىل تۇرعىندارىنىڭ نەگىزگى ەمدەلۋىن قامسىزداندىرۋ جونىندەگى اتقارۋ ءادىسى (سىناق رەتىندە اتقارىلادى) ماقۇلداندى. وبلىسقا توتە قاراستى ورىندار كولەمىندە 2018 – جىلى قاڭتاردىڭ 1 – كۇنىنەن باستاپ قالا – اۋىل تۇرعىندارىنىڭ نەگىزگى ەمدەلۋىن قامسىزداندىرۋدى توعىستىرۋ جاپپاي اتقارىلادى. بىرىكتىرىلگەننەن كەيىنگى ساياساتتىق مامىلە جوعارى بولادى، تومەن بولمايدى، وبلىسقا توتە قاراستى ورىنداردىڭ جاڭاشا اۋىل – قىستاق سەلبەسىپ ەمدەلۋى مەن قالا – قالاشىق تۇرعىندارىنىڭ ەمدەلۋ قامسىزداندىرۋىنىڭ اينالىم جاعدايىنان قاراعاندا، جاڭاشا اۋىل – قىستاق سەلبەسىپ ەمدەلۋىن قولداۋ مامىلەسى تۇلعالىق جاقتان قالا – قالاشىق تۇرعىندارىنىڭ ەمدەلۋ مامىلەسىنەن جوعارى بولادى. جاڭاشا اۋىل – قىستاق سەلبەسىپ ەمدەلۋ ساياساتى ساقتاپ قالىنادى، وزگەرمەيدى، قالا – قالاشىق تۇرعىندارىنىڭ ەمدەلۋىن قامسىزداندىرۋ مامىلەسى جوعارىلاتىلىپ، ناۋقاس تەكسەرۋ ءبىرتۇتاس جۇزگىزىلىپ، 22 تۇردەگى 64 ءتۇرلى ەرەكشە سالماقتى اۋرۋعا تولىقتاما قاراجات بەرۋ ساياساتى اتقارىلادى. جاڭاشا اۋىل – قىستاق سەلبەسىپ ەمدەلۋدى قامسىزداندىرۋ ساياساتى ساقتاپ قالىنادى، وزگەرمەيدى. جاڭاشا اۋىل – قىستاق سەلبەسىپ ەمدەلۋىندەگى سالماقتى اۋرۋدى قامسىزداندىرۋ سوماسى جوعارى شەك ەسەپتەلەتىن 100 مىڭ يۋاننان جوعارى بولادى ءارى ەندىگارى جوعارى شەك بەلگىلەنبەيدى، سوزىلمالى اۋرۋ ءتۇرى 14 تەن 18 گە كوبەيتىلىپ، جۇكتى ايەلدەردىڭ شيپاحانادا جاتىپ بوسانۋ شىعىمىن كوتەرۋ مامىلەسى جوعارىلاتىلادى.

ماجىلىستە «ساپا ارقىلى وبلىستى الۋەتتەندىرۋ ستراتەگياسىن اتقارۋ جوباسى»، «ىلە وبلىسىنا توتە قاراستى ورىنداردىڭ توپىراقتىڭ بىلعانۋىنان ساقتانۋ جانە ونى وڭاۋ قىزمەتى جوباسى» ماقۇلداندى. ىلە وبلىسىنىڭ ساپا ارقىلى وبلىستى الۋەتتەندىرۋ ستراتەگياسىنىڭ اتقارىلۋدى جەبەۋ ءۇشىن ساپا جاۋاپكەرلىگى جۇيەسى اناعۇرلىم كەمەلدەندىرىلىپ، ساپا ارقىلى ايگىلى ماركا جاراتۋ، ينجەنەريالاردىڭ دارەجەسىن جوعارىلاتۋ، ساپا باقىلاۋ – باسقارۋ جۇيەسىن كەمەلدەندىرۋ، ساپانىڭ تەحنيكالىق نەگىزدىك قۇرىلىسىن كۇشەيتۋ سياقتىلار ورىستەتىلىپ، ساپا ارقىلى وبلىستى الۋەتتەندىرۋ قىزمەتىن جوسپارلى، ءتۇيىندى، عىلمي، ۇيلەسىمدى ورىستەتۋ جەبەلەدى. وبلىسقا توتە قاراستى ورىنداردىڭ ورتانى قورعاۋ قۇرىلىسىن شىنايى كۇشەيتىپ، ىلەنىڭ كوك اسپانى مەن تۇنىق سۋىن قورعاۋ ءۇشىن، وبلىسقا توتە قاراستى ورىنداردا توپىراقتىڭ بىلعانۋىن قاداعالاي تەكسەرۋ قىزمەتى جاپپاي ورىستەتىلىپ، اۋىل شارۋاشىلىعىنا پايدالانىلاتىن جەردى تۇرگە ءبولىپ باسقارۋ، قۇرىلىسقا پايدالانىلاتىن جەردى رۇقساتپەن باسقارۋ جولعا قويىلىپ، بىلعانۋدى قاينارىنان باقىلاۋ، باسقارۋ جانە وڭاۋ، قالپىنا كەلتىرۋ ىستەرى كۇشەيتىلىپ، 2020 – جىلعا بارعاندا وبلىسقا توتە قاراستى ورىنداردىڭ توپىراق ورتاسى ساپاسىنىڭ تۇلعالىق جاقتان تۇراقتى بولۋى ساقتالىپ، اۋىل شارۋاشىلىعىنا پايدالانىلاتىن جەر مەن قۇرىلىسقا پايدالانىلاتىن جەردىڭ توپىراق ورتاسىنىڭ حاۋىپسىزدىگىنە نەگىزىنەن كەپىلدىك ەتىلىپ، توپىراق ورتاسىنىڭ حاۋىپ – قاتەرى نەگىزىنەن تىزگىندەلەدى.

ماجىلىستە «ىلە وبلىستىق حالىق ۇكىمەتىنىڭ جالپى مۇشەلەر ءماجىلىسى ءتۇزىمى» (وزگەرىس ەنگىزۋ نۇسقاسى) مەن «ىلە وبلىستىق حالىق ۇكىمەتىنىڭ ۇنەمىلىك ىستەر ءماجىلىسى ءتۇزىمى» (وزگەرىس ەنگىزۋ نۇسقاسى) كەڭەسىلەدى. اۆتونوميالى وبلىستىق حالىق ۇكىمەتىنىڭ جالپى مۇشەلەر ءماجىلىسىن جايشىلىقتا جارىم جىلدا ءبىر رەت، ۇنەمىلىك ىستەر ءماجىلىسىن پرينسيپتىك جاقتان ايىنا ەكى رەت اشۋ ءارى قىزمەت قاجەتىنە قاراي اشۋ بەلگىلەنىپ، ۇكىمەت فۋنكتسياسىنا شىنايى بۇرىلىس جاساپ، اۆتونوميالى وبلىستىق ۇكىمەتتىڭ شەشىم جاساۋىن عىلميلاستىرىپ، جۇيەلىلەندىرىپ، ۇكىمەت قىزمەت ونىمدىلىگىن جوعارىلاتۋ كەرەكتىگى دارىپتەلدى.

قۇرماش سىرجان ۇلى بىلاي دەدى: ورتالىقتىڭ ەمدەۋ ىستەرىنە رەفورما جۇرگىزۋىنىڭ رۋحاني ءمانىن مۇقيات ۇيرەنىپ، شىنايى يگەرىپ، اۆتونوميالى وبلىستىڭ ءىس جۇزىندە بىرلەستىرە وتىرىپ ەمدەۋ رەفورماسى جوباسىن ويداعىداي جاساۋ كەرەك. ەمدەۋ رەفورماسى ارقىلى حالىق تۇرمىسىن قامتاماسىزداندىرىپ ءارى جاقسارتىپ، ەمدەۋ جاعىنان حالىققا تيىمدىلىك جاساۋدى جەدەلدەتۋ كەرەك. اۋدان – قالالار، قاتىستى تاراۋلار قىزمەتتى تىڭعىلىقتى ىلگەرىلەتىپ، تىعىز سايكەسىپ، ساياساتتىق قامتاماسىزداندىرۋدى كۇشەيتىپ، ەمدەۋ رەفورماسى قىزمەتىنىڭ ءساتتى جۇرگىزىلۋىنە ءارى ناقتى ونىمدىلىك جاراتۋعا كەپىلدىك ەتۋ كەرەك. قۇرماش سىرجان ۇلى مىنانى باسا دارىپتەدى: قالا – اۋىل تۇرعىندارىنىڭ نەگىزگى ەمدەلۋ قامسىزداندىرۋىنىڭ ساياساتتىق سيپاتى ءبىرشاما كۇشتى، بارشا كادرلار مەن بۇقاراعا ساياتىندىقتان قوعامعا جاريا ۇستاپ، مۇقيات باعالاۋ جۇرگىزۋ، ۇگىت تەبىنىن ارتتىرىپ، ءتۇرلى قىزمەتتى ورنىقتى ىلگەرىلەتىپ، حالىقتى يگىلىككە كەنەلتۋ كەرەك.

ماجىلىستە تاعى باسقا دا ىستەر كەڭەسىلدى.

كەلۋ قاينارى: ىلە گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn