<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ارناۋلى تاقىرىپ>>باتىل ءۇن قاتىپ، ايقىن پوزيتسيا ءبىلدىرۋ

باس شۋجيدىڭ ماڭىزدى ءسوزىنىڭ رۋحىن ىشكەرىلەي يگەرىپ، ويداعىداي تياناقتاندىرىپ، ىلەنىڭ قوعام ورنىقتىلىعى مەن باياندى تىنىشتىعى ءۇشىن ۇلەس قوسامىز

باس شۋجي شي جينپيڭنىڭ جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ جينالىسىندا  سويلەگەن ماڭىزدى ءسوزى ىلەدەگى ءار ۇلت كادر – جۇرتشىلىعىنا زور شابىت سيلادى، كوپشىلىك ءبىر اۋىزدان مىنانى ءبىلدىردى

90 جىلدىق جاۋىن – شاشىندى باستان وتكەرگەن جۇڭگو حالىق ازاتتىق ارمياسى جۇڭگو كوممۋنيستىك پارتياسىنىڭ باسشىلىعىندا كىشكەنەدەن زورايىپ، السىزدەن كۇشەيىپ، جەڭىستەن جەڭىسكە جەتىپ، جۇڭحۋا ۇلتىنىڭ دەربەستىگى، كوركەيۋى ءۇشىن وشپەس تاريحي ەڭبەك ءسىڭىردى. تامىزدىڭ 1 – كۇنى جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ جينالىسى حالىق سارايىندا وتكىزىلدى، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى.

سول كۇنى وبلىستىق پارتكوم، حالىق قۇرىلتايى، ۇكىمەت، ساياسي كەڭەس سىندى ءتورت باسشىلىق القاسىنىڭ باسشىلارى جانە ورگاندارداعى پارتيالى كادرلار، وبلىسقا توتە قاراستى ورىندارداعى، اۋدان – قالالارداعى كادر – جۇرتشىلىق ءبىر تۇتاس ۇيىمداسىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ جينالىسىن تەلەۆيزوردان كوردى.

باس شۋجي شي جينپيڭ ماجىلىستە ايبىندى تۇردە بىلاي دەدى: ءبىز ءارقانداي ادامنىڭ، ءارقانداي ۇيىمنىڭ، ءارقانداي ساياسي پارتيانىڭ، ءارقانداي ۋاقىتتا، ءارقانداي فورمادا جۇڭگونىڭ ءبىر سۇيەم جەرىن جۇڭگودان ءبولىپ اكەتۋىنە، مۇلدە، جول قويمايمىز، حالىق ارمياسى - جۇڭگو كوممۋنيستىك پارتياسىنىڭ باسشىلىعىن جانە ەلىمىزدىڭ سوتسياليستىك ءتۇزىمىن، مەملەكەتتىڭ بيلىگىن، حاۋىپسىزدىگىن، دامۋ مۇددەسىن، رايوندار مەن دۇنيەنىڭ بەيبىتشىلىگىن باتىل قورعاۋى كەرەك. بۇل ءسوز وبلىسقا توتە قاراستى ورىندارداعى ءار ۇلت كادر – جۇرتشىلىعىنا زور شابىت سيلادى.

وبلىستىق پارتكوم بىرلىكساپ ءبولىمىنىڭ ورىنباسار باستىعى، سوتسياليزم شۋەيۋانى پارتگرۋپپاسىنىڭ شۋجيى مەدەتقان ءماۋلىقان ۇلى بىلاي دەدى: باس شۋجي شي جينپيڭنىڭ ءسوزى جۇڭگو حالىق ازاتتىق ارمياسىنىڭ شۇعىلالى بارىسىن باياندادى، اسىرەسە، مەملەكەت قورعانىسى _ جالپى حالىقتىڭ مەملەكەت قورعانىسى ەكەنىن، مەملەكەت قورعانىسى مەن ارميانى وسىزامانداندىرۋدى ىلگەرىلەتۋ _ بۇكىل پارتيانىڭ، بۇكىل ەلىمىز حالقىنىڭ ورتاق ءىسى ەكەنىن العا قويدى. بىرلىكساپ ءبولىمىنىڭ ۇلت قىزمەتىمەن شۇعىلداناتىن كادرى بولۋ سالاۋاتىممەن قىزمەتىمدى، ءسوزسىز، مۇقيات ىستەپ، ىلەنىڭ قوعام ورنىقتىلىعى مەن باياندى تىنىشتىعى ءۇشىن ۇلەس قوسامىن.

وبلىستىق پارتكوم كەڭسە مەڭگەرمەسى حاتشىلار 3 - باسقارماسىنىڭ كادرى ران شياۋفىڭ بىلاي دەدى: باس شۋجي شي جينپيڭنىڭ ءسوزىن تىڭداپ، زور شابىت الدىم جانە اسەرلەندىم، جۇڭحۋانىڭ پەرزەنتى، جۇڭگو كوممۋنيستىك پارتياسىنىڭ مۇشەسى بولعانىمدى ماقتانىش سەزىندىم. سونىمەن بىرگە وبلىستىق پارتكوم كەڭسە مەڭگەرمەسىنىڭ كادرى بولۋ سالاۋاتىممەن باس شۋجي شي جينپيڭنىڭ ماڭىزدى ءسوزىنىڭ رۋحىن اناعۇرلىم مۇقيات ۇيرەنىپ، يگەرىپ، ويداعىداي تياناقتاندىرامىن. قوعام ورنىقتىلىعى مەن باياندى تىنىشتىقتى جۇزەگە اسىرۋدى، كەدەيلىكتەن قۇتىلدىرۋدان قامال الۋ شايقاسىندا جاپپاي جەڭىسكە جەتۋدى جۇزەگە اسىرۋ بارىسىندا باتىلدىقپەن كۇرەس جۇرگىزەتىن، قالتقىسىز ۇلەس قوساتىن رۋحتى ساۋلەلەندىرىپ، ىنتىماقتى دا جاراسىمدى، گۇلدەنىپ - كوركەيگەن، مادەنيەتتى، العاباسقان، حالىق الاڭسىز تىرشىلىك ەتەتىن جۇڭگوشا ەرەكشەلىككە يە ىلە قۇرۋ ءۇشىن ۇلەس قوسامىن.

وبلىستىق حالىق قۇرىلتايى تۇراقتى كوميتەتى پارتگرۋپپاسىنىڭ مۇشەسى، باس حاتشىسى مۇراتبەك نۇرعالي ۇلى بىلاي دەدى: باس شۋجي شي جينپيڭ قۇتتىقتاۋ جينالىسىندا جۇڭگو كوممۋنيستىك پارتياسىنىڭ باسشىلىعىنداعى شۇعىلالى تاريحتى ەسكە ءتۇسىرىپ، مەملەكەت قورعانىسى مەن ارميانى وسىزامانداندىرۋ قۇرىلىسىنىڭ جارقىن بولاشاعىن ايگىلەپ، بۇكىل پارتيانى، بۇكىل ارميانى، بۇكىل ەلىمىزدەگى ءار ۇلت حالقىن ۇزدىكسىز كۇرەس جۇرگىزۋگە جۇمىلدىردى، پارتيانىڭ پارمەندى باسشىلىعىندا جۇڭگو حالىق ازاتتىق ارمياسىنىڭ الۋەتتەنگەنىن، مەملەكەتتىڭ قۇدىرەتتەنگەنىن تاعى دا سەزىندىم. ءبىزدىڭ «ءۇش ءتۇرلى كۇشپەن»، «ەكى بەتكەيلەرمەن» كۇرەس سەنىمىمدى بەكەمدەي ءتۇستى. پارتيالى كادر بولۋ سالاۋاتىممەن باتىلدىقپەن جاۋاپكەرلىك ارقالاپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن ۇلەس قوسامىن.

«بۇگىن – جۇڭگو حالىق ازاتتىق ارمياسى قۇرىلعاندىعىنا 90 جىل تولعان كۇن. حالىقتىڭ پەرزەنت اسكەرلەرىنىڭ مەرەكەسىنىڭ مەرەيلى بولۋىن شىن جۇرەكتەن تىلەيمىن»، - دەپ وبلىستىق حالىق قۇرىلتايى تۇراقتى كوميتەتى كەڭسە مەڭگەرمەسىنىڭ ورىنباسار مەڭگەرۋشىسى ءاليما ايىپ قىزى ءماجىلىستىڭ تىكە تاراتىلىمىن كورگەننەن كەيىن ايرىقشا اسەرلەنىپ، ءوزىنىڭ وتان سىندى ۇلى وتباسىنىڭ ءبىر مۇشەسى بولعانىن ماقتانىش سەزىنەتىندىگىن ءبىلدىردى. ول بىلاي دەدى: باس شۋجي شي جينپيڭنىڭ قۇتتىقتاۋ ماجىلىسىندە سويلەگەن ءسوزى – ءبىزدىڭ پارتياعا ىلەسۋ سەنىمىمىز بەن بەكىمىمىزدى بەكەمدەي ءتۇستى. بۇدان كەيىن داڭىقتى ءداستۇردى ونان ارى جالعاستىرىپ جانە ساۋلەلەندىرىپ، ىرىقتىلىقپەن ىسكە كىرىسىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن ۇلەس قوسامىن.

وبلىستىق ۇكىمەت ورگاندار پارتكومىنىڭ ارناۋلى ورىنباسار شۋجيى جي فىڭجيە مىنانى ءبىلدىردى: ءماجىلىستىڭ ناقتى جاعدايىن كورىپ، وتاننىڭ قۇدىرەتتەنگەنىن ايرىقشا ماقتانىش ءارى داڭىق سەزىندىم. اۋەلگى ماقساتتى ەستە بەرىك ساقتاپ، ۇدىرە العا ىلگەرىلەۋ سەنىمىم مەن ۇستانىمىم بەكەمدەلە ءتۇستى. اسىرەسە، باس شۋجي شي جينپيڭنىڭ ماڭىزدى ءسوزىن تىڭداعاننان كەيىن تەرەڭ اسەرلەندىم.

جۇڭگو حالىق ازاتتىق ارمياسى كىشكەنەدەن زورايىپ، السىزدەن كۇشەيىپ، الماعايىپ كۇندەردى، جەر توڭكەرىسى، جاپونعا قارسى سوعىس، ازاتتىق سوعىسىن باسىنان وتكەرىپ، جاڭا جۇڭگونىڭ قۇرىلۋى ءۇشىن وشپەس ۇلەس قوستى. ءبىز جۇڭگونىڭ قۇرىلىس ىستەرى ءۇشىن ءومىرىن ارناعان توڭكەرىسشىل قۇربانداردى، ولاردىڭ جاڭا جۇڭگونى قۇرۋ ءۇشىن قوسقان ۇلەسىن ەستە ماڭگى بەرىك ساقتاۋىمىز، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ باسشىلعىندا نازاردى باس نساناعا شوعىرلاندىرىپ، باس نىسانانى تياناقتاندىرىپ جانە دايەكتىلەندىرىپ، ىلەنىڭ گٷلدەنىپ دامۋى، قوعام ورنىقتىلىعى جانە باياندى تىنىشتىعى ءۇشىن ءتيىستى ۇلەس قوسۋىمىز كەرەك.

وبلىستىق ۇكىمەت كەڭسە مەڭگەرمەسى باس كەزەكشىلىك كەڭسەسىنىڭ مەڭگەرۋشىسى جۇمابەك تۇراباي ۇلى بىلاي دەدى: جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ جينالىسىنىڭ تىكە تاراتىلىمىن كورىپ، باس شۋجي شي جينپيڭنىڭ ماڭىزدى ءسوزىن تىڭداعاننان كەيىن، وتانىمىزدىڭ كۇننەن كۇنگە قۇدىرەتتەنگەنىن شەكسىز ماقتانىش سەزىندىم. نەگىزگى ساتىداعى پارتيالى كادر بولۋ سالاۋاتىممەن بۇدان كەيىنگى قىزمەت بارىسىندا، ءسوزسىز، قوعام ورنىقتىلىعىن باتىل قورعاپ، ۇلتتار ىنتىماعىن جەبەپ، ءوز قىزمەتىمدى مۇقيات ىستەپ، ىلەنىڭ قوعام ورنىقتىلىعى مەن باياندى تىنىشتىعى ءۇشىن بار كۇش – قۋاتىمدى ارنايمىن.

وبلىستىق ساياسي كەڭەستىڭ ورىنباسار باس حاتشىسى تولقىن ماناپ ۇلى بىلاي دەدى: باس شۋجي شي جينپيڭ جينالىستا اسكەري قوسىننىڭ 90 جىلدان بەرگى شۇعىلالى بەلەستەرىن ەسكە الىپ، پارتيامىزدىڭ بۇدان كەيىنگى ارميانى قۇدىرەتتەندىرۋ، دامىتۋ جولىن كورسەتىپ بەردى. وسىنشاما قۋاتتى مەملەكەت قورعانىس كۇشى مەن قاھارمان اسكەري قوسىن تۇرعاندا، مەملەكەتىمىزدىڭ جانە حالىقتىڭ حاۋىپسىزدىگىن، ءسوزسىز، قورعايتىندىعىنا سەنىمىمىز كامىل. وسىنداي پارتيانىڭ ۇنىنە قۇلاق اساتىن، جەڭىستى شايقاس جۇرگىزە الاتىن، تاماشا ستيلگە يە حالىق ارمياسى بولعانىن توتەنشە ماقتانىش جانە داڭىق سەزىنەمىن.

وبلىستىق ساياسي كەڭەس ەكونوميكا، عىلىم – تەحنيكا كوميتەتىنىڭ ارناۋلى ورىنباسار مەڭگەرۋشىسى حى يان بىلاي دەدى: پارتيالى كادر بولۋ سالاۋاتىممەن، ءسوزسىز، پارتيانىڭ ۇنىنە قۇلاق اسىپ، ءتۇرلى قىزمەتتى تىڭعىلىقتى، ويداعىداي ىستەپ، ءىس جۇزىندىك ارەكەتىم ارقىلى كوممۋنيستەردىڭ مۇرات - سەنىمىن امالياتتا ايگىلەپ، پارتيا جۇكتەگەن ءتۇرلى قىزمەت مىندەتىن تىڭعىلىقتى ورىندايمىن.

وسى كۇنى تۇستەن بۇرىن ساعات 10 دا جۇڭگو بانكە باقىلاۋ – باسقارۋ كوميتەتى ىلە باقىلاۋ – باسقارۋ بولىمشە مەكەمەسىنىڭ بارلىق جۇمىسشى – قىزمەتشىلەرى كوكىرەك تولى اسەرلى كوڭىل كۇيمەن بانكە باقىلاۋ – باسقارۋ بولىمشە مەكەمەسىنىڭ 6 – قاباتىنداعى جيىن زالىندا ءماجىلىستىڭ ناقتى جاعدايىن كورىپ، باس شۋجي شي جينپيڭنىڭ ماڭىزدى ءسوزىن مۇقيات تىڭداعاننان كەيىن، وتانىمىزدىڭ گۇلدەنىپ – كوركەيگەنىن، حالىق ارمياسىنىڭ دامىپ قۇدىرەتتەنگەنىن ماقتانىش ەتىپ، ءبي بيلەپ شاتتىققا شومدى.

بانكە باقىلاۋ بولىمشە مەكەمەسى پارتكومىنىڭ شۋجيى، مەكەمە باستىعى جوۋ گاڭ بىلاي دەدى: 90 جىل قاندى بوداۋعا، داڭققا تولى ءارى قىزىل تۋ جەلبىرەگەن 90 جىل، جۇڭگو حالىق ازاتتىق ارمياسى جۇڭحۋا ۇلتتارىنىڭ تاۋەلسىزدىگى مەن مەملەكەتتىڭ گۇلدەنىپ، قۇدىرەتتەنۋى ءۇشىن كورنەكتى ۇلەس قوستى، بارلىق جۇمىسشى - قىزمەتشىلەر ارميا قۇرىلعاندىعىنىڭ 90 جىلدىعىن قۇتتىقتاۋ ماجىلىسىندە باس شۋجي شي جينپيڭنىڭ حالىق ارمياسىنىڭ شۇعىلالى بارىسى مەن ۇلى تاريحي ۇلەسى جونىندەگى تەرەڭ قورىتىندىسىن شىنايى ۇعىنىپ، اسكەرلەردىڭ جاپا – ماشاقاتتان، قۇربان بەرۋدەن تايسالماۋ، باتىلدىقپەن كۇرەس جاساۋ رۋحىنان ۇيرەنىپ، بانكە كاسىبىن باقىلاۋ – باسقارۋ قىزمەتىن ويداعىداي ىستەپ، بۇكىل ىنتا – پەيىلىمەن حالىق ءۇشىن قىزمەت ىستەپ، قاراستى رايونداعى بانكە كاسىبىنىڭ اقاۋسىز دامۋى ءۇشىن ۇلەس قوسىپ، ۇزدىك ناتيجە ارقىلى پارتيا 19 – قۇرىلتايىنىڭ جەڭىسپەن اشىلۋىن قارسى الادى.

وسى كۇنى قورعاس قالاسى يشيا گاشان سىبە ۇلتتىق اۋىلىنىڭ ورگان كادرلارى مەن ءارقايسى قىستاق پارتيا ياچەيكالارىنىڭ شۋجيلەرى، 1 – شۋجيلەرى، قىزمەت اترەتىنىڭ باستىقتارى، قىستاقتا تۇراتىن پۋنكت، بولىمشەلەردىڭ كادرلارى، سونداي – اق ءار ۇلت حالىق بۇقاراسى ءبىر اراعا جينالىپ ءماجىلىستىڭ ناقتى جاعدايىن كوردى. اۋىلدىق پارتكومنىڭ شۋجيى لي زىشين بىلاي دەدى: باس شۋجي شي جينپيڭنىڭ ماڭىزدى ءسوزى جۇرت تىلەگىن ءتىپتى دە ۇيىستىرىپ، نەگىزگى ساتى كادرلارىنىڭ جۇمىس ىستەۋ، كاسىپ اشۋ سەنىمى مەن بەكىمىن شىڭداي ءتۇستى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باسشىلىعىندا، وتانىمىزدىڭ اناعۇرلىم گۇلدەنىپ – كوركەيىپ، مەملەكەت قورعانىسى كۇشتەرىنىڭ اناعۇرلىم نىعايتىپ، حالىق بۇقاراسى تۇرمىسىنىڭ اناعۇرلىم باقىتتى بولاتىنىنا سەنەمىن. اۋىلدىق شەكارا قورعانىس ساقشى بولىمشەسىنىڭ باستىعى جاڭ ليۋىن مىنانى ءبىلدىردى: حالىق ارمياسى پارتيانىڭ اپسوليۋتتى باسشىلىعى مەن تەمىردەي قاتاڭ ءتارتىپ ارقىلى جەڭىستەن جەڭىسكە قول جەتكىزدى. اسكەر بولۋ تۇرعىسىنان، ءسوزسىز، جوعارى ورىننىڭ تالابىنا ساي بۇيرىققا بويسۇنىپ، قولباسشىلىقتى قابىلداپ، شاقىرعان زامان دەرەۋ دايىن بولىپ، سوعىسقا ساقاداي سايلانىپ، سوعىس سايىن جەڭىسكە قول جەتكىزىپ، جۇڭحۋا ۇلتتارىنىڭ ۇلى كوركەيۋى سىندى جۇڭگو ارمانىنىڭ جۇزەگە اسۋى ءۇشىن ءومىرىمنىڭ سوڭىنا دەيىن كۇرەس جاسايمىن.

نىلقى اۋدانى كىلەڭ اۋىلدىق پارتكومنىڭ شۋجيى شىن ليليڭ بىلاي دەدى: جالپى جينالىستىڭ ناقتى جاعدايىن كورگەننەن كەيىن جىگەر - قايراتىم تاسقىنداپ، تەرەڭ اسەرلەندىم، اسىرەسە، باس شۋجي شي جينپيڭنىڭ سويلەگەن ءسوزىن تىڭداعاننان كەيىن ءتىپتى دە شابىتتاندىم ءارى نەگىزگى ساتى قىزمەتكەرى بولۋ سالاۋاتىممەن جاۋاپكەرلىگىمنىڭ اۋىر ەكەنىن سەزىندىم. الداعى جەردە پارتياعا قالتقىسىز ادال بولۋ، بۇكىل ىنتا - پەيىلىمەن حالىق ءۇشىن قىزمەت ىستەۋ سىندى ءتۇبىرلى ماقساتتا، باس نىسانانى كوزدە ۇستاۋ، باس نىسانانى مىقتى يگەرۋ، باس نىسانانى تياناقتاندىرۋدا بۇلجىماي تاباندى بولىپ، قوعام ورنىقتىلىعى مەن باياندى تىنىشتىقتى، «قوس ءجۇز جىلدىق» كۇرەس نىساناسى مەن جۇڭحۋا ۇلتتارىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن ءوز ۇلەسىمدى قوسامىن.

سول كۇنى تۇستەن بۇرىن ساعات 10 دا، قۇلجا قالاسى ءدوڭمالى ءىس باسقارماسى ورگانىنىڭ، ءارقايسى الەۋمەتتىك اۋماقتاردىڭ كادرلارى مەن تۇرعىندارى ءبىر اراعا باس قوسىپ، جينالىستىڭ ناقتى جاعدايىن بىرگە كورىپ، باس شۋجي شي جينپيڭنىڭ ماڭىزدى ءسوزىن تىڭدادى.

ءمالى ءىس باسقارماسى قارۋلى ءبولىمىنىڭ قىزمەتكەرى بايىر بىلاي دەدى: مەن قوسىننان شەگىنگەن اسكەري اداممىن، قوسىندا بولعان كەزىم باستان - اياق قىزمەتتەگى قوزعاۋشى كۇش بولىپ كەلەدى. بۇگىن – ارميا قۇرىلعاندىعىنىڭ 90 جىلدىعىن ەسكە ءتۇسىرۋ كۇنى. باس شۋجي شي جينپيڭنىڭ ءسوزى تەرەڭ اسەرلەندىردى، حالىق ارمياسى باسىپ وتكەن داڭىقتى جىلداردى، جەڭىستەن جەڭىسكە جەتىپ، ۇزدىكسىز كەرەمەتتەر جاراتقانىن بىرگە ەسكە الدىق. الداعى جەردە مەن اسكەري قوسىننىڭ تاڭداۋلى ستيلىن ۇزدىكسىز ساۋلەلەندىرىپ، حالىققا باستان - اياق كوڭىل تورىنەن ورىن بەرىپ، پارتياعا تاباندىلىقپەن ىلەسەمىن. ارميامىزدىڭ جەڭىمپاز بولا بەرەتىنىنە، بارعان سايىن قۇدىرەتتەنە تۇسەتىنىنە سەنىمىم كامىل. سونىمەن بىرگە، ءوز قىزمەت ورنىمدا تاباندى بولىپ، اسكەر قابىلداۋ قىزمەتىن ويداعىداي ىستەپ، قوسىنعا جاڭا اسكەر قابىلداۋداعى ءبىرىنشى وتكەلدى مىقتى ۇستاپ، جاڭا اسكەر قاينارىمەن قامداپ، تىڭ قوزعاۋشى كۇش باعىشتايمىن.

الەۋمەتتىك اۋماقتىڭ تۇرعىنى ليۋ حۇڭ - ىن قىزۋ ىنتامەن بىلاي دەدى: حالىق ارمياسىنىڭ تاريحى شۇعىلالى، ول قان توگىپ، قۇربان بەرۋدىڭ بوداۋى ماڭگى ەستە ساقتاۋىمىزعا تاتيدى؛ حالىق ارمياسىنىڭ تاريحي تاجىريبەلەرى جاپا - ماشاقاتتى ىزدەنىستەن كەلگەن؛ حالىق ارمياسىنىڭ تاريحي دامۋى جاۋاپكەرلىكتى ادالدىقپەن ارقالاۋ ارقىلى ىلگەرىلەپ، ماڭگى ءبىزدى العا باسۋعا شابىتتاندىرادى. ءبىز بۇگىنگى وڭايلىقپەن قولعا كەلمەگەن تاماشا تۇرمىستى ءتىپتى دە قاستەرلەۋىمىز كەرەك. ارميامىزدىڭ اناعۇرلىم قۇدىرەتتەنۋىن، مەملەكەتىمىزدىڭ ءتىپتى دە گۇلدەنىپ - كوركەيۋىن، حالقىمىزدىڭ الاڭسىز تىرشىلىك ەتۋىن ءۇمىت ەتەمىن.

كەلۋ قاينارى: ىلە گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ