<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ۇكىمەت ءىسىن جاريا ۇستاۋ>>ۇكىمەتىڭ ۇنەمىلىك ىستەر ءماجىلىسى

اۆتونوميالى وبلىستىق 14 – كەزەكتى حالىق ۇكىمەتى 4 – رەتكى ۇنەمىلىك ىستەر ءماجىلىسىن اشتى

سوڭعى جارتى جىلداعى قىزمەتتى بار كۇشپەن ويداعىداي ىستەيىك

اۆتونوميالى وبلىستىق 14 – كەزەكتى حالىق ۇكىمەتى شىلدەنىڭ 23 – كۇنى 4 – رەتكى ۇنەمىلىك ىستەر ءماجىلىسىن اشتى. ءماجىلىس جۋىقتا اشىلعان مەملەكەتتىك، اۆتونوميالى رايوندىق، اۆتونوميالى وبلىستىق جەلىلەس ماجىلىستەردىڭ رۋحىن دايەكتى تياناقتاندىرۋ، قىزمەت مىندەتتەرىن ءبولۋ، جاۋاپكەرلىك نىساناسىن ايقىنداۋ، ءتۇرلى ورنالاستىرۋلاردى تۇبەگەيلى تياناقتاندىرۋ، ناتيجە جاراتۋعا كەپىلدىك ەتۋ ماقساتىندا اشىلدى. وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى ءماجىلىستى باسقاردى ءارى ءسوز سويلەدى. وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى ليۋ جيانگو، وبلىستىڭ ورىنباسار باستىقتارىنان مەي يۇي، جاڭ جۇي، ەلشات تۇرسىنباي ۇلى، حى پيڭ قاتارلىلار ماجىلىسكە قاتىناستى.

ماجىلىستە اۆتونوميالى رايوننىڭ اۋىر كەدەي وڭىرلەردى كەدەيلىكتەن ارىلتۋدان قامال الۋ قىزمەتى جونىندەگى ءماجىلىسىنىڭ رۋحى حابارلاندىرىلىپ، مەملەكەتتىك 3 – كەزەكتى ۇلتتىق اۆتونوميالى وبلىستاردىڭ جاپپاي دوڭگەلەك داۋلەتتى قوعام قۇرۋ جونىندەگى تاجىريبە الماستىرۋ ءماجىلىسىنىڭ، اۆتونوميالى وبلىستىڭ 2017 – جىلعى ەكىنشى توقساندىق قىزمەت ءماجىلىسىنىڭ رۋحى جەتكىزىلدى ءارى ەكىنشى توقساندىق قىزمەت ءماجىلىسىنىڭ مىندەت ءبولىسى جاعدايى جانە اۆتونوميالى وبلىستىق 14 – كەزەكتى حالىق ۇكىمەتىنىڭ 2 – رەتكى جالپى مۇشەلەر ءماجىلىسىنىڭ ورنالاستىرۋى جونىندە تۇسىنىك جاسالدى.

قۇرماش سىرجان ۇلى ءارقايسى جەتەكشى باسشىلاردان جاۋاپكەرلىك مىندەت ءبولىسى بويىنشا ستيلگە اناعۇرلىم بۇرىلىس جاساپ، جاۋاپكەرلىكتى شىنايى تياناقتاندىرىپ، ءماجىلىس رۋحىنىڭ جانە مىندەت ءبولىسىنىڭ ىلگەرىلەۋى مەن تياناقتانۋىن شىنايى مىقتى يگەرىپ، جىلدىق بەلگىلەنگەن نىسانا – مىندەتتەردىڭ تابىسپەن ورىندالۋىنا كەپىلدىك ەتۋدى ءۇمىت ەتتى. ول مىنانى تالاپ ەتتى: يدەيالىق تانىمدى ونان ارى بىرلىككە كەلتىرۋ كەرەك. ءارقايسى سالالار بويىنشا جاۋاپتى باسشىلار جاۋاپتى تاراۋلاردىڭ قىزمەتكەرلەرىن ۇيىمداستىرىپ، جۋىقتاعى جەلىلەس ماجىلىستەردىڭ رۋحىن مۇقيات ۇيرەنۋ، ويداعىداي دايەكتىلەندىرۋ، مەملەكەتتىڭ، اۆتونوميالى رايوننىڭ، اۆتونوميالى وبلىستىڭ ءتۇرلى مىندەت – تالاپتارىن ويداعىداي تياناقتاندىرۋ، جاۋاپكەرلىكتى، بورىشتىلىقتى، كوكەيتەستىلىكتى اناعۇرلىم كۇشەيتىپ، يدەيا مەن ارەكەتتى ورتالىقتىڭ، اۆتونوميالى رايوندىق پارتكومنىڭ شەشىم – ورنالاستىرۋلارىمەن، وبلىستىق پارتكومنىڭ كەزەكتەگى جاعداي جونىندەگى عىلمي تۇجىرىمىمەن، وبلىستىق پارتكومنىڭ شۋجيى زىڭ سۇننىڭ ماڭىزدى سوزدەرىنىڭ تالاپتارىمەن بىرلىككە كەلتىرىپ، زەيىن – قۋاتتى شوعىرلاندىرىپ، شىنايى يگەرىپ، ناقتى ىستەپ، ورتالىقتىڭ، اۆتونوميالى رايوننىڭ، اۆتونوميالى وبلىستىڭ ورنالاستىرۋلارى مەن تالاپتارىن ءتۇرلى قىزمەت بارىسىندا ءبىر – بىرلەپ تياناقتاندىرىپ، اۆتونوميالى وبلىستىڭ ءتۇرلى ىستەرىنىڭ تىڭ ساتىعا كوتەرىلۋىن قۇلشىنا جەبەپ، ءتۇرلى قىزمەتتەردى كۇش سالا ىلگەرىلەتۋ كەرەك. سالالار بويىنشا جاۋاپتى باسشىلار اۆتونوميالى وبلىستىق پارتكومنىڭ ورنالاستىرۋلارىن تىعىز توڭىرەكتەپ، وتە - موتە، زىڭ سۇن شۋجي 2 - توقساندىق قىزمەت ماجىلىسىندە العا قويعان 7 جاقتاعى 39 ءتۇرلى ناقتى تالاپ بويىنشا جاۋاپكەرلىكتى اناعۇرلىم قاتايتىپ، مىندەت - شارالاردى اشالاپ، تياناقتاندىرۋدى ىلگەرىلەتۋدى مىقتى يگەرىپ، كەزەڭدىك ونىمدىلىككە قول جەتكىزۋ كەرەك.

ورنىقتىلىق جاعىندا ورنىقتىلىق بارلىعىن باسىپ تۇسەدى يدەياسىن بەرىك ورناتىپ، ۇلكەن ىستەردىڭ، ادەتتەگى ىستەردىڭ، ءتىپتى، ۇساق ىستەردىڭ دە تۋىلماۋىنا كەپىلدىك ەتىپ، ىلەنىڭ قوعام ورنىقتىلىعى مەن باياندى تىنىشتىعىنىڭ جاڭا جاعدايىن كۇش سالا جاراتۋ كەرەك. ەكونوميكانى دامىتۋ جاعىندا، جاۋاپكەرلىك تانىمىن بەرىك ورناتىپ، وبلىستىق پارتكومنىڭ ۋاقىت ورنالاستىرۋىنا ساي جەدەل ىلگەرىلەتىپ، ناقتى ونىمدىلىككە قول جەتكىزۋگە كەپىلدىك ەتۋ كەرەك. حالىق تۇرمىسى قۇرىلىسى جاعىندا، «حالىققا تيمدىلىك جاساۋ جونىندەگى 9 ءىرى ينجەنەريانى» كۇش سالا ىلگەرىلەتىپ، ءاربىر ينجەنەريانىڭ تۇبەگەيلى تياناقتانۋىنا، جىل سوڭىندا تولىق ورىندالۋىنا كەپىلدىك ەتۋ، ءوندىرىس حاۋىپسىزدىگى قىزمەتىندە جاۋاپكەرلىكتى قاتايتىپ، كومەسكى حاۋىپ - قاتەردى اداقتاۋ تەبىنىن ارتتىرىپ، «اۆتونوميالى وبلىستىڭ ءوندىرىس حاۋىپسىزدىگى شىرعالاڭى جاۋاپكەرلىگىن قۋزاۋ ءادىسى» بويىنشا جاۋاپكەرلىكتى قاتاڭ قۋزاپ، دۇرىس قىزمەت بەتالىسىن قالىپتاستىرىپ، ءتۇرلى شىرعالاڭنىڭ ءجيى تۋىلۋ جاعدايىن باتىل تەجەۋ، ەكولوگيالىق قۇرىلىستى كۇشەيتىپ، مەملەكەت بويىنشا ەكولوگيالىق وركەنيەتتەن ۇلگى كورسەتۋ رايونىن قۇرۋ ءىسىن جوعارى دەڭگەيدە ىلگەرىلەتىپ، بەلسەنە ازىرلەنىپ، مۇقيات مامىلە جاساپ، مەملەكەتتىڭ ورتانى قورعاۋدى كولەمدى باقىلاۋ - تەكسەرۋىن سانالىلىقپەن قابىلداۋ؛ ستيلدە اناعۇرلىم بۇرىلىس جاساپ، مىندەتتى اتقارىپ، جاۋاپكەرلىكتى ادا ەتۋ كەرەك. تاراۋلاردىڭ پاكتىك قۇرىلىسىن كۇشەيتىپ، «ءبىر جۇمىس ورنىندا كوپ جاۋاپكەرلىك ارقالاۋدى» ويداعىداي ورىنداۋ، وتە - موتە، «ۇقىقتى تومەنگە بەرۋ، باسقارۋ، قىزمەت وتەۋ» رەفورماسىن مىقتى يگەرىپ، «ۇيرەنۋ، بۇرىلىس جاساۋ، جەبەۋ» ارناۋلى قيمىلىنا تىعىز ۇشتاستىرىپ، قىزمەت ستيلىن شىنايى جاقسارتۋ، قىزمەت ءتارتىبىن قاتاڭداستىرۋ كەرەك.

قۇرماش سىرجان ۇلى مىنانى ءبىلدىردى: سوڭعى جارتى جىلداعى ءتۇرلى قىزمەتتى ويداعىداي ىستەپ، تۇتاس جىلدىق نىسانا - مىندەتتى ورىنداۋدا ۇكىمەتتىڭ باسشىلىق القاسىنداعىلاردىڭ جاۋاپكەرلىگى اۋىر. بەلگىلەنگەن ورنالاستىرۋلارعا ساي ءتۇرلى قىزمەتتى تىڭعىلىقتى ىستەپ، ورنىقتىلىقتى قورعاۋ، دامۋدى جوسپارلاۋ، حالىق تۇرمىسىنا تيىمدىلىك جاساۋ، جاراسىمدىلىقتى جەبەۋ امالياتىنا بەل شەشە كىرىسىپ، پارتيا 19 - قۇرىلتايىنىڭ جەڭىسپەن اشىلۋىن سۇبەلى ناتيجەلەرمەن قارسى الۋ كەرەك.

كەلۋ قاينارى: ىلە گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn