<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>سۋرەتتى حابار

«ءۇش ءتۇرلى كۇشكە» باتىل سايىس جاريالاپ، پارتيا مەن حالىقتىڭ ماڭگى ادال قورعاۋشىلارىنان بولايىق

- اۆتونوميالى وبلىستىڭ قوعامدىق ىستەر سالاسىنداعى 10 مىڭ پارتيالى كادردىڭ توپتىق باتىل ءۇن قاتىپ، اشىق پوزيتسيا ءبىلدىرۋ قيمىلى جونىندە

«‹ءۇش ءتۇرلى كۇشكە›باتىل سايىس جاريالاپ، پارتيا مەن حالىقتىڭ ماڭگى ادال قورعاۋشىلارىنان بولايىق». مىنە بۇل ايبىندى ۋادە، ادىلدىكتى جاقتاعان سەرت.

شىلدەنىڭ 20 – كۇنى اۆتونوميالى وبلىستىڭ قوعامدىق ىستەر سالاسىنداعى 10 مىڭ پارتيالى كادردىڭ توپتىق باتىل ءۇن قاتىپ، اشىق پوزيتسيا ءبىلدىرۋى - كەۋدە كەرە العا شىعىپ، سەمسەردى سەرت ۇستاپ، لاڭكەستىككە قارسى تۇرىپ، ورنىقتىلىقتى قورعاۋ كۇرەسىندە ايقىن تۋ ۇستاي وتىرىپ رولدى تولىق ساۋلەلەندىرىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن پارمەندى كەپىل ازىرلەگەندىگىنىڭ ايعاعى.

اسەت ابدۇرەشىت وبلىستىق ادەبيەت – كوركەمونەرشىلەر بىرلەستىگى «ىلە ايدىنى» جۋرنالى ۇيعۇر رەداكسياسىنىڭ ورىنباسار باس رەداكتورى. ول بىلاي دەدى: ادەبيەت – كوركەمونەر قىزمەتىمەن شۇعىلدانعان ۇيعۇر زيالىسى، جازۋشى رەتىندە الدىمەن «ءۇش ءتۇرلى كۇشتىڭ» ۇيعۇر ۇلتىنا جابىسقان «ۋلى وسپە» ەكەنىن، ونى سىلىپ تاستاماساق، ۇلتتا ءۇمىت، بۇقارادا تىنىشتىق بولمايتىندىعىن ايقىن تانىپ جەتۋىمىز كەرەك. وسى رەتكى باتىل ءۇن قاتىپ، ايقىن پوزيتسيا ءبىلدىرۋ قيمىلىنا قاتىناسۋىم ايقىن پوزيتسيا ءبىلدىرۋىم ەسەپتەلەدى، مەن شىعارمانى قارۋ ەتىپ، «ءۇش ءتۇرلى كۇشپەن» كۇرەستى باتىل جالعاستىرىپ، تەمىردەي فاكت ارقىلى «ءۇش ءتۇرلى كۇشتىڭ» ءتۇرلى ساندىراعى مەن قىلمىستى ارەكەتىن ءپاش ەتەمىن.

وبلىستىق ايەلدەر مەن بالالار دەنساۋلىعىن ساقتاۋ شيپاحاناسى ءتارتىپ تەكسەرۋ كوميتەتىنىڭ شۋجيى جاڭ جىشين دەنساۋلىق ساقتاۋ جۇيەسىنىڭ ءبىر مۇشەسى رەتىندە «ءۇش ءتۇرلى كۇشپەن» باتىل كۇرەس جۇرگىزەتىندىگىن ءبىلدىردى. ول بىلاي دەدى: ەمدەۋ قىزمەتكەرلەرى ءار ۇلت ناۋقاستارىن قابىلدايدى، ءبىز باستاماشىلىقپەن پارتيانىڭ ۇلت ساياساتىن، حالىققا ءتيىمدى ساياساتتاردى ۇگىتتەۋگە، ناۋقاستار مەن وتباسىنداعىلاردى پارتياعا العىس ايتىپ، پارتيانىڭ ءۇنىن تىڭداپ، پارتياعا ىلەسۋگە باستاۋعا مىندەتتىمىز.

ۇيعۇر ۇلتىندا مىناداي ءبىر ءتامسىل بار: «جولدان اداسساڭ دا، وتانعا وپاسىزدىق ەتۋىڭە بولمايدى». قۇلجا قالالىق 14 – ورتا مەكتەپتىڭ مەڭگەرۋشىسى ءدىلمۇرات ابدۇرەيىم ساباقحانادا ۇدايى وسى ءسوزدى ايتىپ وتىرادى. ول بىلاي دەدى: وقىتۋشى بولۋ سالاۋاتىممەن تانىمدى، ءسوزسىز، بەكەمدەپ، باتىل ءۇن قاتىپ، ايقىن پوزيتسيا ءبىلدىرىپ، اق پەن قارانى ايىرامىن.

ءبىر ءبولىم جات نيەتتەگى ادامداردىڭ ادەبي تۋىندىلاردان، عىلمي ماقالالاردان جانە وقۋلىقتاردان پايدالانىپ، تاريحتى جالعاننان جاساپ، شىندىقتى بۇرمالاپ، بۇرىس ۇلتتىق كوزقاراس، تاريح كوزقاراس تاراتۋ ارەكەتتەرىنە، ءسوزسىز، باتىل قارسى تۇرامىن. كوپشىلىك سەرگەك ويدا بولىپ بۇقارا اراسىنداعى «ەكى بەتكەيلەردى» سۇيرەپ شىعۋى كەرەك.

قۇلجا قالالىق بازار باقىلاۋ – باسقارۋ مەكەمەسىنىڭ پارتيا قۇرىلىسى كادرى ليۋ لي بىلاي دەدى: مەن بازار باقىلاۋشى كادر بولۋمەن بىرگە، جەكە ونەركاسىپ – ساۋداگەرشىلەردى، جەكە تيجاراتشىلار قوعامىن باسقارۋشىمىن جانە ولارعا قىزمەت وتەۋشىمىن. سوندىقتانءوزىم ۇلگى بولىپ، سەنىمدى بەكەمدەپ، قالىڭ جەكە ونەركاسىپ، ساۋداگەرلەردى ۇلتتار ىنتىماعىن قورعاۋعا ۇلەس جانە كۇش – قۋات قوسۋعا باستايمىن.

وبلىستىق وقۋ – اعارتۋ مەكەمەسى ءتارتىپ تەكسەرۋ گرۋپپاسىنىڭ ورىنباسار باستىعى ەركىن حاميتبەك ۇلى بىلاي دەدى: لاڭكەستىككە قارسى كۇرەستىڭ الدىڭعى شەبىندە تۇرىپ، «ءۇش ءتۇرلى كۇشپەن» باتىل كۇرەس جۇرگىزىپ، ءۇش ءتۇرلى كۇشتىڭ مەكتەپ اۋلاسىنا جالبىزبالاپ كىرۋىن تۇبىرىنەن تەجەپ، وقىتۋشىلار قوسىنىنداعى «ەكى بەتكەيلەردى» باتىل الاستاۋ كەرەك.

وبلىستىق تەحنيك تاربيەلەۋ شۋەيۋانى ينفورماتسيا ينجەنەرياسى جانە حيميا ونەركاسىپ فاكۋلتەتىنىڭ وقىتۋشىسى نيجات يسمات بىلاي دەدى: كىشكەنتايىمنان كوپ ۇلت شوعىرلى قونىستانعان مالىدە ەسەيدىم، كورشىلەرىمىزدىڭ اراسىندا حانزۋ جولداستار ۇيعۇر ءتىلىن جاتىق بىلەتىن، ۇيعۇر جولداستار حانزۋ ءتىلىن دە سويلەي بىلەتىن، كوپشىلىك توتەنشە ىنتىماقتى بولاتىن. قازىر ورىستەتىلىپ وتىرعان قوس ءتىل وقىتۋى، ۇلتتىق مەكتەپتەر مەن حانزۋ مەكتەپتەردىڭ بىرىكتىرىلۋى - كوپشىلىكتى تۇرمىس، ۇيرەنۋ، ەڭبەك بارىسىندا بىرگە بولعاندا عانا سۇيىسپەنشىلىكتى ارتتىرىپ، ءوزارا باۋىرمالدىقتى كۇشەيتەتىندىگىن ايگىلەيدى. وسى رەتكى باتىل ءۇن قاتىپ، اشىق پوزيتسيا ءبىلدىرۋ قيمىلى -كوپشىلىكتىڭ ءبىر نيەت، ءبىر تىلەكتە ىنتىماقتاسىپ، وتان تۇتاستىعىن بىرگە قورعاۋ ءۇشىن تاماشا تەكشە بولدى.

كەلۋ قاينارى: ىلە گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ