<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>ۇكىمەتىڭ ۇنەمىلىك ىستەر ءماجىلىسى

اۆتونوميالى وبلىستىق 14 – كەزەكتى حالىق ۇكىمەتى 3 – رەتكى ۇنەمىلىك ىستەر ءماجىلىسىن اشتى

اۆتونوميالى وبلىستىق 14 – كەزەكتى حالىق ۇكىمەتى مامىردىڭ 25 – كۇنى 3 – رەتكى ۇنەمىلىك ىستەر ءماجىلىسىن اشتى. وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى ءماجىلىستى باسقاردى ءارى ءسوز سويلەدى. وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى ليۋ جيانگو، وبلىستىڭ ورىنباسار باستىقتارى مەي يۇي، جاڭ جۇي، جاڭ ميڭحۋا جانە وبلىسقا توتە قاراستى قاتىستى تاراۋلاردىڭ جاۋاپتىلارى ماجىلىسكە قاتىناستى.

ماجىلىستە «اۆتونوميالى وبلىستىق حالىق ۇكىمەتىنىڭ كەلەلى شەشىمدەردى بەلگىلەۋدەن بۇرىن دارەجەلەس حالىق قۇرىلتايى مەن ونىڭ تۇراقتى كوميتەتىنە دوكلاد ەتۋ ءتۇزىمى» قارالدى، وسى ارقىلى ۇكىمەتتىڭ شەشىمدەرىنىڭ جاريالىلىعىن، قاتىناسۋشىلاردىڭ كەڭ كولەمدىلىگىن جانە عىلميلىعىن ۇزدىكسىز جوعارىلاتىپ، حالىق قۇرىلتايى مەن ونىڭ تۇراقتى كوميتەتىنىڭ زاڭدىق باقىلاۋىن سانالى تۇردە قابىلداۋعا بولادى.

    ماجىلىستە «ىلە وبلىسىنا توتە قاراستى ورىنداردىڭ اكىمشىلىك ارىزعا جاۋاپ قايتارۋ قىزمەتىن كۇشەيتۋ جانە جاقسارتۋ جونىندەگى اتقارۋ پىكىرى» جانە «ىلە وبلىسىنا توتە قاراستى اكىمشىلىك ورگاندار مەن حالىق سوتىنىڭ بىرلەسكەن ءماجىلىسى ءتۇزىمى» قارالدى. اكىمشىلىك ورگانداردى قولداۋ، حالىق سوتىنىڭ زاڭ بويىنشا اكىمشىلىك سوت جۇرگىزۋ قىزمەتىنە سايكەسۋ جونىندە ناقتى تالاپتار العا قويىلىپ، اكىمشىلىك ارىزعا جاۋاپ قايتارۋ قىزمەت جاۋاپكەرلىگى جونىندەگى جۇمىس ءبولىسى مەن قىزمەت ءتارتىبى ايقىندالدى. بىرلەسكەن ءماجىلىس ءتۇزىمىن ورناتۋ اكىمشىلىك داۋ – شارلاردىڭ الدىن الىپ جانە ونى شەشىپ، اكىمشىلىك زاڭ اتقارۋ، اكىمشىلىك قايتا قاراۋ جانە اكىمشىلىك سوت جۇرگىزۋ ورەسىن جوعارىلاتىپ، اۆتونوميالى وبلىستىڭ زاڭ بويىنشا اكىمشىلىك جۇرگىزۋ قىزمەتىن ورتاق قورعاپ، زاڭمەن باسقارىلاتىن ۇكىمەت قۇرىلىسىن جەبەۋگە ءتيىمدى.

ماجىلىستە «اۆتونوميالى وبلىستىڭ مەملەكەتتىك كەڭەس 3 – توپتا كۇشىنەن قالدىرعان ورتالىق جەرگىلىكتى ورىننىڭ اتقارۋىن بەلگىلەگەن اكىمشىلىك تەكسەرىپ – بەكىتۋ ىستەرى» قارالدى، مەملەكەتتىك كەڭەستىڭ تالابىن دايەكتى تياناقتاندىرۋ ءۇشىن ادەتتەگى ورتا، باستاۋىش مەكتەپ، بالالار باقشاسى، ورتا دارەجەلى كاسىپتىك مەكتەپتەردىڭ (حالىق باسقارۋىنداعى مەكتەپتەر قامتىلادى) ەرەجەلەرىن تەكسەرىپ – بەكىتۋ سياقتى ورتالىق جەرگىلىكتى ورىننىڭ اتقارۋىنا بەلگىلەگەن 9 ءتۇرلى اكىمشىلىك رۇقسات ەتۋ ءىسىن كۇشىنەن قالدىرۋ ۇيعارىلىپ، قاتىستى تاراۋلاردىڭ دەر كەزىندە جاريالاۋى تالاپ ەتىلدى.

ماجىلىستە «وبلىسقا توتە قاراستى ورىنداردىڭ <13 – بەس جىلدىقتا> 18 ءتۇرلى ءتۇيىندى دامىتۋ جوباسى» قارالدى، بۇل جاڭاشا ونەركاسىپتەندىرۋ، ەلەكتر تورابى قۇرىلىسى، 3 – كاسىپ، سىرتقا باعىتتالعان ەكونوميكا، جاڭاشا قالا – قالاشىقتاندىرۋ سياقتى كاسىپتەرگە سايادى. قۇرماش سىرجان ۇلى بىلاي دەدى: جوبانى ءىس جۇزىندىك جاعدايمەن ۇشتاستىرىپ، عىلمي جاساپ، قاتاڭ اتقارىپ، جوبانىڭ قاتاڭ اتقارىلۋىنا كەپىلدىك ەتۋ كەرەك.

    ماجىلىستە «وبلىسقا توتە قاراستى ورىنداردىڭ جەردى وڭاۋ جوباسى (2020 – 2016)» قارالىپ، جوبانىڭ كولەمى، نىساناسى، قارجى قوسۋ ونىمدىلىگى جانە جوبانى ىسپاتتاۋ سياقتى مازمۇندار ايقىندالدى. قۇرماش سىرجان ۇلى بىلاي دەدى: وبلىسقا توتە قاراستى تاراۋلاردىڭ جوباسىن قاتاڭ تەكسەرىپ – بەكىتىپ، اناعۇرلىم كەمەلدەندىرىپ، جوبا بويىنشا قىزمەتتى قاتاڭ ورىستەتۋ كەرەك.

ماجىلىستە «ىلە وبلىسىنا توتە قاراستى ورىنداردا 15 جىلدىق تەگىن وقىتۋدى جۇزەگە اسىرۋ جونىندەگى اتقارۋ پىكىرى» قارالدى، مۇندا ناقتى مىناداي «ەكى قاداممەن ءجۇرۋ» بەلگىلەندى: بيىل كوكتەمگى وقۋ باستالعاننان باستاپ قالا، اۋىلدارداعى ءۇش جىلعى وقۋ الدى كلاسىن قوس تىلدە تەگىن وقىتۋدى (وبلىسقا توتە قاراستى ءۇش قالانىڭ نەگىزگى قالا رايونىندا بيىل كۇزدەن باستاپ اتقارىلادى) جالپىلاستىرۋ؛ بيىل كۇزگى وقۋ باستالعاندا تولىق ورتا باسقىشىندا تەگىن وقىتۋدى اتقارۋ، وبلىسقا توتە قاراستى ورىندار 15 جىلدىق تەگىن وقىتۋ ساياساتىن جاپپاي تياناقتاندىرۋ. مەملەكەت پەن اۆتونوميالى رايوننىڭ قاتىستى ساياساتتارى بويىنشا، وتباسىندا ەكونوميكالىق قيىنشىلىعى بار وقۋشىلارعا تۇرمىستىق كومەك قاراجات بەرۋ.

ماجىلىستە «اۆتونوميالى وبلىسىمىزدا قازىنالىق باقىلاۋدى تولىق جالپىلاستىرۋ جونىندەگى اتقارۋ پىكىرى» قارالدى. قازىنالىق باقىلاۋدىڭ پارتيا مەن مەملەكەتتىڭ باقىلاۋ جۇيەسىندەگى ماڭىزدى رولىن اناعۇرلىم ويداعىداي ساۋلەلەندىرۋ. «تەرەڭدىككە، ماڭىزدى تۇيىنگە، كەزەڭگە، ونىمدىلىككە يە» قازىنالىق باقىلاۋدى تولىق جالپىلاستىرىپ، اۆتونوميالى وبلىسىمىزدىڭ قوعام ورنىقتىلىعى مەن ەكونوميكالىق دامۋ جالپى جاعدايىنا اناعۇرلىم ويداعىداي قىزمەت وتەۋ كەرەك.

ماجىلىستە تاعى «ەلەكترلەنگەن ىلە قۇرىلىسىن جەدەل ىلگەرىلەتۋ جونىندەگى اتقارۋ پىكىرى»، «ىلە وبلىسىنا توتە قاراستى ورىنداردىڭ حايۋاناتتاردا بولاتىن سالماقتى ىندەتتەن ساقتانۋ جانە ونى تەجەۋ قىزمەتىن باسقارۋ ءادىسى (ۋاقىتشا اتقارىلادى)»، «مەملەكەتتىڭ، اۆتونوميالى رايوننىڭ 2017 – جىلعى ءدارى – دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتۋ جونىندەگى قىزمەت ءماجىلىسىنىڭ قىزمەت جوباسى» سياقتىلار قارالدى.

قۇرماش سىرجان ۇلى مىنانى تالاپ ەتتى: قارجى قوسۋ تەبىنىن ارتتىرىپ، باسشىلىقتى، شارالاردى، تياناقتاندىرۋدى كۇشەيتىپ، مەجەلى نىسانا، مىندەتتەردى ورىنداۋعا شىنايى كەپىلدىك ەتۋ كەرەك. ءتۇيىندى نىساندار جونىندە ماسەلەنى نىشان ەتۋدە تاباندى بولىپ، ءبىر كاسىپورىندا، ءبىر شارا اتقارىپ، نىسان قۇرىلىسى بارىسىندا ساقتالعان ماسەلەلەردى ىرىقتىلىقپەن سايكەستىرىپ شەشىپ، نىسان تەبىنىن جەدەلدەتۋ كەرەك. PPP نىساندارىنىڭ ىلگەرىلەتىلۋ تەبىنىن جەدەلدەتىپ، ناقتى تياناقتاندىرۋ جوباسىن بەلگىلەپ، ۋاقىت كەستەسىن، جاۋاپتى ادامدى ايقىنداپ، جۇمىستى ەرتەرەك باستاپ، ەرتەرەك قۇرىلىس جۇرگىزۋگە كۇش سالۋ كەرەك. وبلىس دارەجەلى ورىنداردىڭ قارجى قۇراۋ قىزمەتىن جەدەل ىلگەرىلەتىپ، نىسان قارجىسىن تەز ارادا تياناقتاندىرىپ، نىساندا جۇمىس باستاپ قۇرىلىس جۇرگىزۋدى جەدەلدەتۋ. حالىققا تيىمدىلىك جاساۋعا قاتىستى 9 ءتۇرلى ينجەنەريانى كۇش سالا ىلگەرىلەتىپ، بىلتىرعى كەدەيلىكتەن ارىلتۋدان قامال الۋ تابىستارىن بەكەمدەۋمەن بىرگە، نىلقى اۋدانىنىڭ كەدەيلىكتەن، كەدەيلىك اتىنان ارىلۋىن جۇزەگە اسىرىپ، 38 كەدەي قىستاقتى، 36 مىڭ كەدەي جان سانىن كەدەيلىكتەن ارىلتۋ كەرەك. «ۇيرەنۋ، بۇرىلىس جاساۋ، جەبەۋ» ارناۋلى قيمىلىن تىڭعىلىقتى ورىستەتىپ، «ۇيرەنۋ، بۇرىلىس جاساۋ، جەبەۋ» ارناۋلى قيمىلىنىڭ رەتتەۋ – وزگەرتۋ شارالارىن ءتۇرلى كاسىپتىك قىزمەتپەن تىعىز ۇشتاستىرىپ، مۇقيات زەرتتەپ، ويداعىداي ورنالاستىرىپ، جەدەل اتقارىپ، ءتۇرلى ماسەلەلەرگە قاتىستى رەتتەۋ – وزگەرتۋ شارالارىنىڭ ناقتى تياناقتانۋىنا شىنايى كەپىلدىك ەتۋ كەرەك. ۇيرەنۋدى، بۇرىلىس جاساۋدى، وزگەرتۋدى ۇشتاستىرا ىلگەرىلەتۋ ارقىلى ۇكىمەت جۇيەسىنىڭ جوعارى ساپالى، جوعارى ءونىمدى قىزمەت اينالىمىنا شىنايى كەپىلدىك ەتۋ كەرەك.

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ